快樂巴利palinanda.cc

相應部 · 須陀洹相應·有偈福潤品 5. Sagāthakapuññābhisandavaggo

本經目錄五、有偈福潤品一、第一潤經二、第二潤經三、第三潤經四、第一大財經五、第二大財經六、純粹經七、難提經八、跋提耶經九、摩訶男經十、支經有偈福潤品第五。

已對照

五、有偈福潤品

5. Sagāthakapuññābhisandavaggo
已對照

一、第一潤經

1. Paṭhamaabhisandasuttaṃ
1037PTS 5.400緬 3.349已對照

一千零三十七、“諸比丘,有這四種福潤、善潤、樂之食。哪四種呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊。這是第一種福潤、善潤、樂之食。

“再者,諸比丘,聖弟子對法……乃至……對僧……乃至……。

“再者,諸比丘,聖弟子具足聖者所愛樂的諸戒——無毀……乃至……導向定。這是第四種福潤、善潤、樂之食。諸比丘,這就是四種福潤、善潤、樂之食。

“諸比丘,具足這四種福潤、善潤的聖弟子,其福德的量不易計算——‘福潤、善潤、樂之食有這麼多’;而只被稱為不可數、不可量的大福聚。

“諸比丘,猶如在大海中,水的量不易計算——‘有這麼多鬥水’,或‘有這麼多百鬥水’,或‘有這麼多千鬥水’,或‘有這麼多十萬鬥水’;而只被稱為不可數、不可量的大水聚。正是這樣,諸比丘,具足這四種福潤、善潤的聖弟子,其福德的量不易計算——‘福潤、善潤、樂之食有這麼多’;而只被稱為不可數、不可量的大福聚。”

世尊說了這[番話]。善逝說了這[番話]之後,導師又接著這樣說:

“無量的大海、大水域,

多有可怖,是眾寶群的居處;

猶如成群人眾所依用的諸河,

眾多、流淌著,趨向大海。

“同樣,對施予食物、飲料、衣服,

施予床座與敷具的人,

福的諸流趨向[這]智者,

猶如運水的諸河[趨向]大海。”第一[經]。

1037. ‘‘Cattārome, bhikkhave, puññābhisandā, kusalābhisandā, sukhassāhārā. Katame cattāro? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Ayaṃ paṭhamo puññābhisando, kusalābhisando, sukhassāhāro.
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘Puna caparaṃ, bhikkhave, ariyasāvako ariyakantehi sīlehi samannāgato hoti akhaṇḍehi…pe… samādhisaṃvattanikehi. Ayaṃ catuttho puññābhisando, kusalābhisando, sukhassāhāro. Ime kho, bhikkhave, cattāro puññābhisandā, kusalābhisandā, sukhassāhārā.
‘‘Imehi kho, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchati.
‘‘Seyyathāpi, bhikkhave, mahāsamudde na sukaraṃ udakassa pamāṇaṃ gaṇetuṃ – ‘ettakāni udakāḷhakānī’ti vā ‘ettakāni udakāḷhakasatānī’ti vā ‘ettakāni udakāḷhakasahassānī’ti vā ‘ettakāni udakāḷhakasatasahassānī’ti vāti. Atha kho asaṅkhyeyyo appameyyo mahāudakakkhandho tveva saṅkhyaṃ gacchati. Evameva kho, bhikkhave, imehi catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchatī’’ti.
Idamavoca bhagavā. Idaṃ vatvāna sugato athāparaṃ etadavoca satthā –
‘‘Mahodadhiṃ aparimitaṃ mahāsaraṃ,
Bahubheravaṃ ratanagaṇānamālayaṃ;
Najjo yathā naragaṇasaṅghasevitā,
Puthū savantī upayanti sāgaraṃ.
‘‘Evaṃ naraṃ annapānavatthadadaṃ,
Seyyāni paccattharaṇassa [sajjattharaṇassa (sī. syā. kaṃ. pī.)] dāyakaṃ;
Puññassa dhārā upayanti paṇḍitaṃ,
Najjo yathā vārivahāva sāgara’’nti. paṭhamaṃ;
已對照

二、第二潤經

2. Dutiyaabhisandasuttaṃ
1038PTS 5.401緬 3.350已對照

一千零三十八、“諸比丘,有這四種福潤、善潤、樂之食。哪四種呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊。這是第一種福潤、善潤、樂之食。

“再者,諸比丘,聖弟子對法……乃至……對僧……乃至……。

“再者,諸比丘,聖弟子以垢穢與慳吝已離之心居家,施捨無所保留、手常潔淨、樂於捨棄、堪受人乞求、樂於布施與分享。這是第四種福潤、善潤、樂之食。諸比丘,這就是四種福潤、善潤、樂之食。

“諸比丘,具足這四種福潤、善潤的聖弟子,其福德的量不易計算——‘福潤、善潤、樂之食有這麼多’;而只被稱為不可數、不可量的大福聚。

“諸比丘,猶如諸大河所匯流、會合之處——即恆河、耶牟那、阿夷羅婆提、薩羅由、摩醯——在那裡,水的量不易計算——‘有這麼多鬥水’,或‘有這麼多百鬥水’,或‘有這麼多千鬥水’,或‘有這麼多十萬鬥水’;而只被稱為不可數、不可量的大水聚。正是這樣,諸比丘,具足這四種福潤、善潤的聖弟子,其福德的量不易計算——‘福潤、善潤、樂之食有這麼多’;而只被稱為不可數、不可量的大福聚。”世尊說了這[番話]……乃至……導師[又接著這樣說]:

“無量的大海、大水域,

多有可怖,是眾寶群的居處;

猶如成群人眾所依用的諸河,

眾多、流淌著,趨向大海。

“同樣,對施予食物、飲料、衣服,

施予床座與敷具的人,

福的諸流趨向[這]智者,

猶如運水的諸河[趨向]大海。”第二[經]。

1038. ‘‘Cattārome, bhikkhave, puññābhisandā, kusalābhisandā, sukhassāhārā. Katame cattāro? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Ayaṃ paṭhamo puññābhisando kusalābhisando sukhassāhāro.
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘Puna caparaṃ, bhikkhave, ariyasāvako vigatamalamaccherena cetasā agāraṃ ajjhāvasati muttacāgo payatapāṇi vossaggarato yācayogo dānasaṃvibhāgarato. Ayaṃ catuttho puññābhisando kusalābhisando sukhassāhāro. Ime kho, bhikkhave, cattāro puññābhisandā, kusalābhisandā, sukhassāhārā.
‘‘Imehi kho, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchati.
‘‘Seyyathāpi, bhikkhave, yatthimā mahānadiyo saṃsandanti samenti, seyyathidaṃ – gaṅgā, yamunā, aciravatī, sarabhū, mahī, tattha na sukaraṃ udakassa pamāṇaṃ gaṇetuṃ – ‘ettakāni udakāḷhakānī’ti vā ‘ettakāni udakāḷhakasatānī’ti vā ‘ettakāni udakāḷhakasahassānī’ti vā ‘ettakāni udakāḷhakasatasahassānī’ti vāti. Atha kho asaṅkhyeyyo appameyyo mahāudakakkhandho tveva saṅkhyaṃ gacchati. Evameva kho, bhikkhave, imehi catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchatī’’ti. Idamavoca bhagavā…pe… satthā –
‘‘Mahodadhiṃ aparimitaṃ mahāsaraṃ,
Bahubheravaṃ ratanagaṇānamālayaṃ;
Najjo yathā naragaṇasaṅghasevitā,
Puthū savantī upayanti sāgaraṃ.
‘‘Evaṃ naraṃ annapānavatthadadaṃ,
Seyyāni paccattharaṇassa dāyakaṃ;
Puññassa dhārā upayanti paṇḍitaṃ,
Najjo yathā vārivahāva sāgara’’nti. dutiyaṃ;
已對照

三、第三潤經

3. Tatiyaabhisandasuttaṃ
1039PTS 5.402已對照

一千零三十九、“諸比丘,有這四種福潤、善潤、樂之食。哪四種呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊。這是第一種福潤、善潤、樂之食。

“再者,諸比丘,聖弟子對法……乃至……對僧……乃至……。

“再者,諸比丘,聖弟子有慧,具足通達生滅的慧——[那是]聖的、能洞察的、能導向正確盡苦的[慧]。這是第四種福潤、善潤、樂之食。諸比丘,這就是四種福潤、善潤、樂之食。

“諸比丘,具足這四種福潤、善潤的聖弟子,其福德的量不易計算——‘福潤、善潤、樂之食有這麼多’;而只被稱為不可數、不可量的大福聚。”世尊說了這[番話]……乃至……導師[又接著這樣說]:

“凡希求福德、住立於善者,

為證得不死而修習道;

他是證得法的心材者、樂於滅盡者,

於死王來臨時不顫抖。”第三[經]。

1039. ‘‘Cattārome, bhikkhave, puññābhisandā, kusalābhisandā, sukhassāhārā. Katame cattāro? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Ayaṃ paṭhamo puññābhisando, kusalābhisando, sukhassāhāro.
‘‘Puna caparaṃ, bhikkhave, ariyasāvako dhamme…pe… saṅghe…pe….
‘‘Puna caparaṃ, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Ayaṃ catuttho puññābhisando kusalābhisando sukhassāhāro. Ime kho, bhikkhave, cattāro puññābhisandā kusalābhisandā sukhassāhārā.
‘‘Imehi kho, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gaṇetuṃ – ‘ettako puññābhisando, kusalābhisando, sukhassāhāro’ti. Atha kho asaṅkhyeyyo appameyyo mahāpuññakkhandho tveva saṅkhyaṃ gacchatī’’ti. Idamavoca bhagavā…pe… satthā –
‘‘Yo puññakāmo kusale patiṭṭhito,
Bhāveti maggaṃ amatassa pattiyā;
So dhammasārādhigamo khaye rato,
Na vedhati maccurājāgamanasmi’’nti [maccurājāgamissatīti (sī. pī.), maccujarākampisminti (ka.)]. tatiyaṃ;
已對照

四、第一大財經

4. Paṭhamamahaddhanasuttaṃ
1040緬 3.352已對照

一千零四十、“諸比丘,具足四法的聖弟子被稱為‘富裕、有大財富、大受用者’。

1040. ‘‘Catūhi, bhikkhave, dhammehi samannāgato ariyasāvako ‘aḍḍho mahaddhano mahābhogo’ti [mahābhogo mahāyasoti (syā. pī. ka.)] vuccati.
已對照

“具足哪四[法]呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊;對法……乃至……對僧……乃至……具足聖者所愛樂的諸戒——無毀……乃至……導向定。諸比丘,具足這四法的聖弟子被稱為‘富裕、有大財富、大受用者’。”第四[經]。

‘‘Katamehi catūhi? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti; dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhikkhave, catūhi dhammehi samannāgato ariyasāvako ‘aḍḍho mahaddhano mahābhogo’ti vuccatī’’ti. Catutthaṃ.
已對照

五、第二大財經

5. Dutiyamahaddhanasuttaṃ
1041已對照

一千零四十一、“諸比丘,具足四法的聖弟子被稱為‘富裕、有大財富、大受用、大名聲者’。

1041. ‘‘Catūhi, bhikkhave, dhammehi samannāgato ariyasāvako ‘aḍḍho mahaddhano mahābhogo mahāyaso’ti vuccati.
已對照

“具足哪四[法]呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊。對法……乃至……對僧……乃至……具足聖者所愛樂的諸戒——無毀……乃至……導向定。諸比丘,具足這四法的聖弟子被稱為‘富裕、有大財富、大受用、大名聲者’。”第五[經]。

‘‘Katamehi catūhi? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhikkhave, catūhi dhammehi samannāgato ariyasāvako ‘aḍḍho mahaddhano mahābhogo mahāyaso’ti vuccatī’’ti. Pañcamaṃ.
已對照

六、純粹經

6. Suddhakasuttaṃ
1042PTS 5.403已對照

一千零四十二、“諸比丘,具足四法的聖弟子是須陀洹,不墮惡趣,[趣向]決定,以正覺為歸趣。

1042. ‘‘Catūhi, bhikkhave, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
已對照

“具足哪四[法]呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊。對法……乃至……對僧……乃至……具足聖者所愛樂的諸戒——無毀……乃至……導向定。諸比丘,具足這四法的聖弟子是須陀洹,不墮惡趣,[趣向]決定,以正覺為歸趣。”第六[經]。

‘‘Katamehi catūhi? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi …pe… samādhisaṃvattanikehi. Imehi kho, bhikkhave, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Chaṭṭhaṃ.
已對照

七、難提經

7. Nandiyasuttaṃ
1043緬 3.353已對照

一千零四十三、因緣在迦毘羅衛。世尊對坐在一旁的釋迦人難提這樣說——“難提,具足四法的聖弟子是須陀洹,不墮惡趣,[趣向]決定,以正覺為歸趣。”

1043. Kapilavatthunidānaṃ. Ekamantaṃ nisinnaṃ kho nandiyaṃ sakkaṃ bhagavā etadavoca – ‘‘catūhi kho, nandiya, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’.
已對照

“具足哪四[法]呢?難提,於此,聖弟子對佛具足不壞淨信——那位世尊亦即是……乃至……天人導師、佛陀、世尊。對法……乃至……對僧……乃至……具足聖者所愛樂的諸戒——無毀……乃至……導向定。難提,具足這四法的聖弟子是須陀洹,不墮惡趣,[趣向]決定,以正覺為歸趣。”第七[經]。

‘‘Katamehi catūhi? Idha, nandiya, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, nandiya, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Sattamaṃ.
已對照

八、跋提耶經

8. Bhaddiyasuttaṃ
1044已對照

一千零四十四、因緣在迦毘羅衛。世尊對坐在一旁的釋迦人跋提耶這樣說——“跋提耶,具足四法的聖弟子是須陀洹,不墮惡趣,[趣向]決定,以正覺為歸趣。

1044. Kapilavatthunidānaṃ. Ekamantaṃ nisinnaṃ kho bhaddiyaṃ sakkaṃ bhagavā etadavoca – ‘‘catūhi kho, bhaddiya, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
已對照

“具足哪四[法]呢?跋提耶,於此,聖弟子對佛……乃至……對法……乃至……對僧……乃至……具足聖者所愛樂的諸戒——無毀……乃至……導向定。跋提耶,具足這四法的聖弟子是須陀洹,不墮惡趣,[趣向]決定,以正覺為歸趣。”第八[經]。

‘‘Katamehi catūhi? Idha, bhaddiya, ariyasāvako buddhe…pe… dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhaddiya, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Aṭṭhamaṃ.
已對照

九、摩訶男經

9. Mahānāmasuttaṃ
1045PTS 5.404已對照

一千零四十五、因緣在迦毘羅衛。世尊對坐在一旁的釋迦人摩訶男這樣說——“摩訶男,具足四法的聖弟子是須陀洹……乃至……以正覺為歸趣。”

1045. Kapilavatthunidānaṃ. Ekamantaṃ nisinnaṃ kho mahānāmaṃ sakkaṃ bhagavā etadavoca – ‘‘catūhi kho, mahānāma, dhammehi samannāgato ariyasāvako sotāpanno hoti…pe… sambodhiparāyaṇo’’.
已對照

“具足哪四[法]呢?摩訶男,於此,聖弟子對佛……乃至……對法……乃至……對僧……乃至……具足聖者所愛樂的諸戒——無毀……乃至……導向定。摩訶男,具足這四法的聖弟子是須陀洹,不墮惡趣,[趣向]決定,以正覺為歸趣。”第九[經]。

‘‘Katamehi catūhi? Idha, mahānāma, ariyasāvako buddhe…pe… dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, mahānāma, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Navamaṃ.
已對照

十、支經

10. Aṅgasuttaṃ
1046緬 3.354已對照

一千零四十六、“諸比丘,有這四須陀洹支。哪四[支]呢?親近善士、聽聞正法、如理作意、法隨法行——諸比丘,這就是四須陀洹支。”第十[經]。

1046. ‘‘Cattārimāni, bhikkhave, sotāpattiyaṅgāni. Katamāni cattāri? Sappurisasaṃsevo, saddhammassavanaṃ, yonisomanasikāro, dhammānudhammappaṭipatti – imāni kho, bhikkhave, cattāri sotāpattiyaṅgānī’’ti. Dasamaṃ.
已對照

有偈福潤品第五。

Sagāthakapuññābhisandavaggo pañcamo.
已對照

其攝頌——

潤[經]說了三,大財[經]有二;

純粹、難提、跋提耶,摩訶男與支,這些為十。

Tassuddānaṃ –
Abhisandā tayo vuttā, duve mahaddhanena ca;
Suddhaṃ nandiyaṃ bhaddiyaṃ, mahānāmaṅgena te dasāti.