快樂巴利palinanda.cc

相應部 · 須陀洹相應·有慧品 6. Sappaññavaggo

本經目錄六、有慧品一、有偈經二、度過雨安居經三、達磨提離經四、病經五、須陀洹果經六、斯陀含果經七、阿那含果經八、阿羅漢果經九、慧之獲得經十、慧之增長經十一、慧之廣大經有慧品第六。

已對照

六、有慧品

6. Sappaññavaggo
已對照

一、有偈經

1. Sagāthakasuttaṃ
1047已對照

一千零四十七、“諸比丘,具足四法的聖弟子是須陀洹,不墮惡趣,[趣向]決定,以正覺為歸趣。

1047. ‘‘Catūhi, bhikkhave, dhammehi samannāgato ariyasāvako sotāpanno hoti avinipātadhammo niyato sambodhiparāyaṇo.
PTS 5.405已對照

“具足哪四[法]呢?諸比丘,於此,聖弟子對佛具足不壞淨信——那位世尊亦即是……乃至……天人導師、佛陀、世尊。對法……乃至……對僧……乃至……具足聖者所愛樂的諸戒——無毀……乃至……導向定。諸比丘,具足這四法的聖弟子是須陀洹,不墮惡趣,[趣向]決定,以正覺為歸趣。”世尊說了這[番話]。善逝說了這[番話]之後,導師又接著這樣說:

‘‘Katamehi catūhi? Idha, bhikkhave, ariyasāvako buddhe aveccappasādena samannāgato hoti – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgato hoti akhaṇḍehi…pe… samādhisaṃvattanikehi. Imehi kho, bhikkhave, catūhi dhammehi samannāgato ariyasāvako sotāpanno hoti avinipātadhammo niyato sambodhiparāyaṇo’’ti. Idamavoca bhagavā. Idaṃ vatvāna sugato athāparaṃ etadavoca satthā –
已對照

“凡對如來有信,不動搖、善安立,

‘‘Yassa saddhā tathāgate, acalā suppatiṭṭhitā;
已對照

凡有善戒,為聖者所愛樂、所稱讚。

Sīlañca yassa kalyāṇaṃ, ariyakantaṃ pasaṃsitaṃ.
已對照

“凡對僧團有淨信,且見已正直,

‘‘Saṅghe pasādo yassatthi, ujubhūtañca dassanaṃ;
已對照

人們稱他為‘不貧窮者’,他的生命不空過。

Adaliddoti taṃ āhu, amoghaṃ tassa jīvitaṃ.
已對照

“所以,信與戒,淨信與見法;

‘‘Tasmā saddhañca sīlañca, pasādaṃ dhammadassanaṃ;
已對照

賢明者應當致力,憶念諸佛的教法。”第一[經]。

Anuyuñjetha medhāvī, saraṃ buddhānasāsana’’nti. paṭhamaṃ;
已對照

二、度過雨安居經

2. Vassaṃvutthasuttaṃ
1048緬 3.355已對照

一千零四十八、一時,世尊住在舍衛城祇樹林給孤獨園。那時,某位比丘在舍衛城度過雨安居之後,為了某種事務來到了迦毘羅衛。迦毘羅衛的釋迦人聽說:“據說某位比丘在舍衛城度過雨安居之後,來到了迦毘羅衛。”

1048. Ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro bhikkhu sāvatthiyaṃ vassaṃvuttho kapilavatthuṃ anuppatto hoti kenacideva karaṇīyena. Assosuṃ kho kāpilavatthavā sakyā – ‘‘aññataro kira bhikkhu sāvatthiyaṃ vassaṃvuttho kapilavatthuṃ anuppatto’’ti.
PTS 5.406已對照

於是,迦毘羅衛的釋迦人來到那位比丘之處;到了之後,禮敬那位比丘,坐在一旁。坐在一旁的迦毘羅衛的釋迦人對那位比丘這樣說——“尊者,世尊無病而且有力嗎?”“賢友們,世尊無病而且有力。”“尊者,那麼舍利弗、目犍連無病而且有力嗎?”“賢友們,舍利弗、目犍連也無病而且有力。”“尊者,那麼比丘僧團無病而且有力嗎?”“賢友們,比丘僧團也無病而且有力。”“尊者,那麼在這雨安居期間,你可有什麼是當面從世尊聽聞、當面領受的?”“賢友們,這是我當面從世尊聽聞、當面領受的:‘諸比丘,那些由於諸漏的滅盡,就在現法中自己以證智證知無漏的心解脫、慧解脫,成就並住的比丘是少的;而那些以五下分結的滅盡而為化生者、將在那裡般涅槃、不再從彼世間還來的比丘,正是更多的。’”

Atha kho kāpilavatthavā sakyā yena so bhikkhu tenupasaṅkamiṃsu; upasaṅkamitvā taṃ bhikkhuṃ abhivādetvā ekamantaṃ nisīdiṃsu. Ekamantaṃ nisinnā kho kāpilavatthavā sakyā taṃ bhikkhuṃ etadavocuṃ – ‘‘kacci, bhante, bhagavā arogo ceva balavā cā’’ti? ‘‘Arogo cāvuso, bhagavā balavā cā’’ti. ‘‘Kacci pana, bhante, sāriputtamoggallānā arogā ceva balavanto cā’’ti? ‘‘Sāriputtamoggallānāpi kho, āvuso, arogā ceva balavanto cā’’ti. ‘‘Kacci pana, bhante, bhikkhusaṅgho arogo ca balavā cā’’ti. ‘‘Bhikkhusaṅghopi kho, āvuso, arogo ca balavā cā’’ti. ‘‘Atthi pana te, bhante, kiñci iminā antaravassena bhagavato sammukhā sutaṃ sammukhā paṭiggahita’’nti? ‘‘Sammukhā metaṃ, āvuso, bhagavato sutaṃ sammukhā paṭiggahitaṃ – ‘appakā te, bhikkhave, bhikkhū ye āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharanti. Atha kho eteva bahutarā bhikkhū ye pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā’’’ti.
已對照

“賢友們,我還有另一[事]是當面從世尊聽聞、當面領受的:‘諸比丘,那些以五下分結的滅盡而為化生者、將在那裡般涅槃、不再從彼世間還來的比丘是少的;而那些以三結的滅盡、貪瞋痴的薄弱而為斯陀含、只再來此世間一次便將作苦的邊際的比丘,正是更多的。’”

‘‘Aparampi kho me, āvuso, bhagavato sammukhā sutaṃ sammukhā paṭiggahitaṃ – ‘appakā te, bhikkhave, bhikkhū ye pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā. Atha kho eteva bahutarā bhikkhū ye tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino, sakideva imaṃ lokaṃ āgantvā dukkhassantaṃ karissantī’’’ti.
緬 3.356已對照

“賢友們,我還有另一[事]是當面從世尊聽聞、當面領受的:‘諸比丘,那些以三結的滅盡、貪瞋痴的薄弱而為斯陀含、只再來此世間一次便將作苦的邊際的比丘是少的;而那些以三結的滅盡而為須陀洹、不墮惡趣、[趣向]決定、以正覺為歸趣的比丘,正是更多的。’”第二[經]。

‘‘Aparampi kho me, āvuso, bhagavato sammukhā sutaṃ sammukhā paṭiggahitaṃ – ‘appakā te, bhikkhave, bhikkhū ye tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino, sakideva imaṃ lokaṃ āgantvā dukkhassantaṃ karissanti. Atha kho eteva bahutarā bhikkhū ye tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’’’ti. Dutiyaṃ.
已對照

三、達磨提離經

3. Dhammadinnasuttaṃ
1049PTS 5.407已對照

一千零四十九、一時,世尊住在波羅奈仙人墮處鹿野苑。那時,達磨提離(Dhammadinna)優婆塞與五百優婆塞一起來到世尊之處;到了之後,禮敬世尊,坐在一旁。坐在一旁的達磨提離優婆塞對世尊這樣說——“尊者,願世尊教誡我們;尊者,願世尊教導我們——[以]那能長夜為我們帶來利益與安樂的。”

1049. Ekaṃ samayaṃ bhagavā bārāṇasiyaṃ viharati isipatane migadāye. Atha kho dhammadinno upāsako pañcahi upāsakasatehi saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho dhammadinno upāsako bhagavantaṃ etadavoca – ‘‘ovadatu no, bhante, bhagavā; anusāsatu no, bhante, bhagavā yaṃ amhākaṃ assa dīgharattaṃ hitāya sukhāyā’’ti.
已對照

“達磨提離,因此,你們應當這樣修學:‘凡那些如來所說的、深奧的、義理深奧的、出世間的、與空性相應的經,我們將時時成就並住於它們。’達磨提離,你們應當這樣修學。”“尊者,這[事]並不容易——對住於兒女擁擠之床、享用迦屍旃檀、佩戴花鬘、香、塗香、領受金銀的我們而言,要時時成就並住於那些如來所說的、深奧的、義理深奧的、出世間的、與空性相應的經。尊者,願世尊為住立於五學處的我們說更上之法。”

‘‘Tasmātiha vo, dhammadinnaṃ, evaṃ sikkhitabbaṃ – ‘ye te suttantā tathāgatabhāsitā gambhīrā gambhīratthā lokuttarā suññatapaṭisaṃyuttā te kālena kālaṃ upasampajja viharissāmā’ti. Evañhi vo, dhammadinna, sikkhitabba’’nti. ‘‘Na kho netaṃ, bhante, sukaraṃ amhehi puttasambādhasayanaṃ ajjhāvasantehi kāsikacandanaṃ paccanubhontehi mālāgandhavilepanaṃ dhārayantehi jātarūparajataṃ sādiyantehi – ye te suttantā tathāgatabhāsitā gambhīrā gambhīratthā lokuttarā suññatapaṭisaṃyuttā te kālena kālaṃ upasampajja viharituṃ. Tesaṃ no, bhante, bhagavā amhākaṃ pañcasu sikkhāpadesu ṭhitānaṃ uttaridhammaṃ desetū’’ti.
已對照

“達磨提離,因此,你們應當這樣修學:‘我們將對佛具足不壞淨信——那位世尊亦即是……乃至……天人導師、佛陀、世尊。對法……乃至……對僧……乃至……我們將具足聖者所愛樂的諸戒——無毀……乃至……導向定。’達磨提離,你們應當這樣修學。”

‘‘Tasmātiha vo, dhammadinna, evaṃ sikkhitabbaṃ – ‘buddhe aveccappasādena samannāgatā bhavissāma – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgatā bhavissāma akhaṇḍehi…pe… samādhisaṃvattanikehī’ti. Evañhi vo, dhammadinna, sikkhitabba’’nti.
PTS 5.408緬 3.357已對照

“尊者,世尊所說的這四須陀洹支,那些法在我們[身上]存在,我們也在那些法中顯現。尊者,因為我們對佛具足不壞淨信——那位世尊亦即是……乃至……天人導師、佛陀、世尊。對法……乃至……對僧……乃至……具足聖者所愛樂的諸戒——無毀……乃至……導向定。”“達磨提離,這是你們的所得;達磨提離,這是你們的善得!你們已記說了須陀洹果。”第三[經]。

‘‘Yānimāni, bhante, bhagavatā cattāri sotāpattiyaṅgāni desitāni, saṃvijjante te dhammā amhesu, mayañca tesu dhammesu sandissāma. Mayañhi bhante, buddhe aveccappasādena samannāgatā – itipi so bhagavā…pe… satthā devamanussānaṃ buddho bhagavāti. Dhamme…pe… saṅghe…pe… ariyakantehi sīlehi samannāgatā akhaṇḍehi…pe… samādhisaṃvattanikehī’’ti. ‘‘Lābhā vo, dhammadinna, suladdhaṃ vo, dhammadinna! Sotāpattiphalaṃ tumhehi byākata’’nti. Tatiyaṃ.
已對照

四、病經

4. Gilānasuttaṃ
1050已對照

一千零五十、一時,世尊住在釋迦[國]迦毘羅衛尼拘陀園。那時,眾多比丘正為世尊作衣[,心想]:“世尊衣已作成,三個月過去時將出發遊行。”釋迦人摩訶男聽說:“據說眾多比丘正為世尊作衣[,心想]:‘世尊衣已作成,三個月過去時將出發遊行。’”於是,釋迦人摩訶男來到世尊之處;到了之後,禮敬世尊,坐在一旁。坐在一旁的釋迦人摩訶男對世尊這樣說——“尊者,我聽說了這[事]:‘據說眾多比丘正為世尊作衣[,心想]:世尊衣已作成,三個月過去時將出發遊行。’尊者,這[事]未曾當面從世尊聽聞、當面領受——有慧的優婆塞應[如何]教誡生病、痛苦、重病纏身的有慧的優婆塞。”

1050. Ekaṃ samayaṃ bhagavā sakkesu viharati kapilavatthusmiṃ nigrodhārāme. Tena kho pana samayena sambahulā bhikkhū bhagavato cīvarakammaṃ karonti – ‘‘niṭṭhitacīvaro bhagavā temāsaccayena cārikaṃ pakkamissatī’’ti. Assosi kho mahānāmo sakko – ‘‘sambahulā kira bhikkhū bhagavato cīvarakammaṃ karonti – ‘niṭṭhitacīvaro bhagavā temāsaccayena cārikaṃ pakkamissatī’’’ti. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca – ‘‘sutametaṃ, bhante – ‘sambahulā kira bhikkhū bhagavato cīvarakammaṃ karonti – niṭṭhitacīvaro bhagavā temāsaccayena cārikaṃ pakkamissatī’ti. Na kho netaṃ [na kho te etaṃ (sī. pī.)], bhante, bhagavato sammukhā sutaṃ sammukhā paṭiggahitaṃ sappaññena upāsakena sappañño upāsako ābādhiko dukkhito bāḷhagilāno ovaditabbo’’ti.
已對照

“摩訶男,有慧的優婆塞應以四種能予安慰的法安慰生病、痛苦、重病纏身的有慧的優婆塞:‘請具壽得安慰——具壽有對佛的不壞淨信:那位世尊亦即是……乃至……天人導師、佛陀、世尊。請具壽得安慰——具壽有對法……乃至……對僧……乃至……有聖者所愛樂的諸戒——無毀……乃至……導向定。’”

‘‘Sappaññena mahānāma, upāsakena sappañño upāsako ābādhiko dukkhito bāḷhagilāno catūhi assāsanīyehi dhammehi assāsetabbo – ‘assāsatāyasmā – atthāyasmato buddhe aveccappasādo itipi so bhagavā…pe… satthā devamanussānaṃ buddho bhagavāti. Assāsatāyasmā – atthāyasmato dhamme…pe… saṅghe…pe… ariyakantāni sīlāni akhaṇḍāni…pe… samādhisaṃvattanikānī’’’ti.
PTS 5.409緬 3.358已對照

“摩訶男,有慧的優婆塞以這四種能予安慰的法安慰了生病、痛苦、重病纏身的有慧的優婆塞之後,應這樣對他說:‘具壽對父母有掛念嗎?’若他這樣說:‘我對父母有掛念。’應這樣對他說:‘具壽是必將死者,是有死之法者。如果具壽對父母作掛念,也終將死;如果具壽不對父母作掛念,也終將死。具壽,請把你對父母的那掛念舍斷。’”

‘‘Sappaññena, mahānāma, upāsakena sappañño upāsako ābādhiko dukkhito bāḷhagilāno imehi catūhi assāsanīyehi dhammehi assāsetvā evamassa vacanīyo – ‘atthāyasmato mātāpitūsu apekkhā’ti? So ce evaṃ vadeyya – ‘atthi me mātāpitūsu apekkhā’ti, so evamassa vacanīyo – ‘āyasmā kho māriso maraṇadhammo. Sace pāyasmā mātāpitūsu apekkhaṃ karissati, marissateva; no ce pāyasmā mātāpitūsu apekkhaṃ karissati, marissateva. Sādhāyasmā, yā te mātāpitūsu apekkhā taṃ pajahā’’’ti.
已對照

“若他這樣說:‘我對父母的那掛念已舍斷。’應這樣對他說:‘那麼,具壽對妻兒有掛念嗎?’若他這樣說:‘我對妻兒有掛念。’應這樣對他說:‘具壽是必將死者,是有死之法者。如果具壽對妻兒作掛念,也終將死;如果具壽不對妻兒作掛念,也終將死。具壽,請把你對妻兒的那掛念舍斷。’”

‘‘So ce evaṃ vadeyya – ‘yā me mātāpitūsu apekkhā sā pahīnā’ti, so evamassa vacanīyo – ‘atthi panāyasmato puttadāresu apekkhā’ti? So ce evaṃ vadeyya – ‘atthi me puttadāresu apekkhā’ti, so evamassa vacanīyo – ‘āyasmā kho māriso maraṇadhammo. Sace pāyasmā puttadāresu apekkhaṃ karissati, marissateva; no ce pāyasmā puttadāresu apekkhaṃ karissati, marissateva. Sādhāyasmā, yā te puttadāresu apekkhā taṃ pajahā’’’ti.
已對照

“若他這樣說:‘我對妻兒的那掛念已舍斷。’應這樣對他說:‘那麼,具壽對人間的五欲功德有掛念嗎?’若他這樣說:‘我對人間的五欲功德有掛念。’應這樣對他說:‘賢友,較之人間的諸欲,天上的諸欲更超越、更殊勝。具壽,請使心從人間的諸欲出起,令心勝解於四大王天諸天。’”

‘‘So ce evaṃ vadeyya – ‘yā me puttadāresu apekkhā sā pahīnā’ti, so evamassa vacanīyo – ‘atthi panāyasmato mānusakesu pañcasu kāmaguṇesu apekkhā’ti? So ce evaṃ vadeyya – ‘atthi me mānusakesu pañcasu kāmaguṇesu apekkhā’ti, so evamassa vacanīyo – ‘mānusakehi kho, āvuso, kāmehi dibbā kāmā abhikkantatarā ca paṇītatarā ca. Sādhāyasmā, mānusakehi kāmehi cittaṃ vuṭṭhāpetvā cātumahārājikesu [cātummahārājikesu (sī. syā. kaṃ. pī.)] devesu cittaṃ adhimocehī’’’ti.
PTS 5.410已對照

“若他這樣說:‘我的心已從人間的諸欲出起,心已勝解於四大王天諸天。’應這樣對他說:‘賢友,較之四大王天諸天,三十三天諸天更超越、更殊勝。具壽,請使心從四大王天諸天出起,令心勝解於三十三天諸天。’”

‘‘So ce evaṃ vadeyya – ‘mānusakehi me kāmehi cittaṃ vuṭṭhitaṃ, cātumahārājikesu devesu cittaṃ adhimocita’nti, so evamassa vacanīyo – ‘cātumahārājikehi kho, āvuso, devehi tāvatiṃsā devā abhikkantatarā ca paṇītatarā ca. Sādhāyasmā, cātumahārājikehi devehi cittaṃ vuṭṭhāpetvā tāvatiṃsesu devesu cittaṃ adhimocehī’’’ti.
緬 3.359已對照

“若他這樣說:‘我的心已從四大王天諸天出起,心已勝解於三十三天諸天。’應這樣對他說:‘賢友,較之三十三天諸天,夜摩天諸天……乃至……兜率天諸天……乃至……化樂天諸天……乃至……他化自在天諸天……乃至……賢友,較之他化自在天諸天,梵天界更超越、更殊勝。具壽,請使心從他化自在天諸天出起,令心勝解於梵天界。’若他這樣說:‘我的心已從他化自在天諸天出起,心已勝解於梵天界。’應這樣對他說:‘賢友,梵天界也是無常的、不堅固的、屬於有身的。具壽,請使心從梵天界出起,把心導向有身之滅。’”

‘‘So ce evaṃ vadeyya – ‘cātumahārājikehi me devehi cittaṃ vuṭṭhitaṃ, tāvatiṃsesu devesu cittaṃ adhimocita’nti, so evamassa vacanīyo – ‘tāvatiṃsehi kho, āvuso, devehi yāmā devā…pe… tusitā devā…pe… nimmānaratī devā…pe… paranimmitavasavattī devā…pe… paranimmitavasavattīhi kho, āvuso, devehi brahmaloko abhikkantataro ca paṇītataro ca. Sādhāyasmā, paranimmitavasavattīhi devehi cittaṃ vuṭṭhāpetvā brahmaloke cittaṃ adhimocehī’ti. So ce evaṃ vadeyya – ‘paranimmitavasavattīhi me devehi cittaṃ vuṭṭhitaṃ, brahmaloke cittaṃ adhimocita’nti, so evamassa vacanīyo – ‘brahmalokopi kho, āvuso, anicco addhuvo sakkāyapariyāpanno. Sādhāyasmā, brahmalokā cittaṃ vuṭṭhāpetvā sakkāyanirodhe cittaṃ upasaṃharāhī’’’ti.
已對照

“若他這樣說:‘我的心已從梵天界出起,我把心導向有身之滅。’摩訶男,對心如是解脫的優婆塞與心已從諸漏解脫的比丘,我說沒有任何差別——即:解脫與解脫[之間]。”第四[經]。

‘‘So ce evaṃ vadeyya – ‘brahmalokā me cittaṃ vuṭṭhitaṃ, sakkāyanirodhe cittaṃ upasaṃharāmī’ti; evaṃ vimuttacittassa kho, mahānāma, upāsakassa āsavā [vassasata (sī. syā.)] vimuttacittena bhikkhunā na kiñci nānākaraṇaṃ vadāmi, yadidaṃ – vimuttiyā vimutta’’nti. Catutthaṃ.
已對照

五、須陀洹果經

5. Sotāpattiphalasuttaṃ
1051PTS 5.411已對照

一千零五十一、“諸比丘,這四法若修習、多作,導向須陀洹果的作證。哪四[法]呢?親近善士、聽聞正法、如理作意、法隨法行——諸比丘,這四法若修習、多作,導向須陀洹果的作證。”第五[經]。

1051. ‘‘Cattārome, bhikkhave, dhammā bhāvitā bahulīkatā sotāpattiphalasacchikiriyāya saṃvattanti. Katame cattāro? Sappurisasaṃsevo, saddhammassavanaṃ, yonisomanasikāro, dhammānudhammappaṭipatti – ime kho, bhikkhave, cattāro dhammā bhāvitā bahulīkatā sotāpattiphalasacchikiriyāya saṃvattantī’’ti. Pañcamaṃ.
已對照

六、斯陀含果經

6. Sakadāgāmiphalasuttaṃ
1052已對照

一千零五十二、“諸比丘,這四法若修習、多作,導向斯陀含果的作證。哪四[法]呢?……乃至……導向。”第六[經]。

1052. ‘‘Cattārome, bhikkhave, dhammā bhāvitā bahulīkatā sakadāgāmiphalasacchikiriyāya saṃvattanti. Katame cattāro? …Pe… saṃvattantī’’ti. Chaṭṭhaṃ.
已對照

七、阿那含果經

7. Anāgāmiphalasuttaṃ
1053已對照

一千零五十三、……乃至……導向阿那含果的作證……乃至……”第七[經]。

1053. …Pe… anāgāmiphalasacchikiriyāya…pe… saṃvattantī’’ti. Sattamaṃ.
已對照

八、阿羅漢果經

8. Arahattaphalasuttaṃ
1054已對照

一千零五十四、……乃至……導向阿羅漢果的作證……乃至……”第八[經]。

1054. …Pe… arahattaphalasacchikiriyāya…pe… saṃvattantī’’ti. Aṭṭhamaṃ.
已對照

九、慧之獲得經

9. Paññāpaṭilābhasuttaṃ
1055已對照

一千零五十五、……乃至……導向慧之獲得……乃至……”第九[經]。

1055. …Pe… paññāpaṭilābhāya…pe… saṃvattantī’’ti. Navamaṃ.
已對照

十、慧之增長經

10. Paññāvuddhisuttaṃ
1056緬 3.360已對照

一千零五十六、……乃至……導向慧之增長……乃至……”第十[經]。

1056. …Pe… paññāvuddhiyā …pe… saṃvattantī’’ti. Dasamaṃ.
已對照

十一、慧之廣大經

11. Paññāvepullasuttaṃ
1057已對照

一千零五十七、……乃至……。導向慧之廣大……乃至……”第十一[經]。

1057. …Pe…. Paññāvepullāya…pe… saṃvattantī’’ti. Ekādasamaṃ.
已對照

有慧品第六。

Sappaññavaggo chaṭṭho.
已對照

其攝頌——

有偈、度過雨安居,達磨提離與病;

四果、獲得,增長與廣大。

Tassuddānaṃ –
Sagāthakaṃ vassaṃvutthaṃ, dhammadinnañca gilānaṃ;
Caturo phalā paṭilābho, vuddhi vepullatāya cāti.