快樂巴利palinanda.cc

相應部 · 根相應·較軟品 2. Mudutaravaggo

本經目錄二、較軟品一、獲得經二、第一略說經三、第二略說經四、第三略說經五、第一詳說經六、第二詳說經七、第三詳說經八、行道者經九、具足經十、漏盡經較軟品第二。

已對照

二、較軟品

2. Mudutaravaggo
已對照

一、獲得經

1. Paṭilābhasuttaṃ
481已對照

四百八十一、“諸比丘，有這五根。哪五[根]呢？信根……乃至……慧根……乃至……。諸比丘，什麼是信根呢？諸比丘，在此，聖弟子有信，信如來的正覺：‘那位世尊亦即是阿羅漢、正等正覺者、明行具足、善逝、世間解、無上者、調御丈夫、天人導師、佛陀、世尊。’——諸比丘，這稱為信根。

481. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ…pe…. Katamañca, bhikkhave, saddhindriyaṃ? Idha, bhikkhave, ariyasāvako saddho hoti, saddahati tathāgatassa bodhiṃ – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti – idaṃ vuccati, bhikkhave, saddhindriyaṃ.
已對照

“諸比丘，什麼是精進根呢？諸比丘，凡緣於四正勤而獲得的精進——諸比丘，這稱為精進根。

‘‘Katamañca, bhikkhave, vīriyindriyaṃ? Yaṃ kho, bhikkhave, cattāro sammappadhāne ārabbha vīriyaṃ paṭilabhati – idaṃ vuccati, bhikkhave, vīriyindriyaṃ.
PTS 5.200已對照

“諸比丘，什麼是念根呢？諸比丘，凡緣於四念處而獲得的念——諸比丘，這稱為念根。

‘‘Katamañca, bhikkhave, satindriyaṃ? Yaṃ kho, bhikkhave, cattāro satipaṭṭhāne ārabbha satiṃ paṭilabhati – idaṃ vuccati, bhikkhave, satindriyaṃ.
已對照

“諸比丘，什麼是定根呢？諸比丘，在此，聖弟子以舍遣為所緣而得定，得心一境性——諸比丘，這稱為定根。

‘‘Katamañca, bhikkhave, samādhindriyaṃ? Idha, bhikkhave, ariyasāvako vossaggārammaṇaṃ karitvā labhati samādhiṃ, labhati cittassa ekaggataṃ – idaṃ vuccati, bhikkhave, samādhindriyaṃ.
已對照

“諸比丘，什麼是慧根呢？諸比丘，在此，聖弟子是有慧者，具足通達生滅的慧——[那是]聖的、能洞察的、能導向正確盡苦的[慧]——諸比丘，這稱為慧根。諸比丘，這就是五根。”第一[經]。

‘‘Katamañca, bhikkhave, paññindriyaṃ? Idha, bhikkhave, ariyasāvako paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā – idaṃ vuccati, bhikkhave, paññindriyaṃ. Imāni kho, bhikkhave, pañcindriyānī’’ti. Paṭhamaṃ.
已對照

二、第一略說經

2. Paṭhamasaṃkhittasuttaṃ
482緬 3.176已對照

四百八十二、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為阿那含；由比那較軟的[諸根]而成為斯陀含；由比那較軟的[諸根]而成為須陀洹；由比那較軟的[諸根]而成為隨法行者；由比那較軟的[諸根]而成為隨信行者。”第二[經]。

482. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi anāgāmī hoti, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hotī’’ti. Dutiyaṃ.
已對照

三、第二略說經

3. Dutiyasaṃkhittasuttaṃ
483已對照

四百八十三、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為阿那含；由比那較軟的[諸根]而成為斯陀含；由比那較軟的[諸根]而成為須陀洹；由比那較軟的[諸根]而成為隨法行者；由比那較軟的[諸根]而成為隨信行者。諸比丘，如是，由根的差別而有果的差別，由果的差別而有人的差別。”第三[經]。

483. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi anāgāmī hoti, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hoti. Iti kho, bhikkhave, indriyavemattatā phalavemattatā hoti, phalavemattatā puggalavemattatā’’ti. Tatiyaṃ.
已對照

四、第三略說經

4. Tatiyasaṃkhittasuttaṃ
484PTS 5.201已對照

四百八十四、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為阿那含；由比那較軟的[諸根]而成為斯陀含；由比那較軟的[諸根]而成為須陀洹；由比那較軟的[諸根]而成為隨法行者；由比那較軟的[諸根]而成為隨信行者。諸比丘，如是，作圓滿者成就圓滿，作部分者成就部分。諸比丘，然而我說：‘五根不是無果的。’”第四[經]。

484. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi anāgāmī hoti, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hoti. Iti kho, bhikkhave, paripūraṃ paripūrakārī ārādheti, padesaṃ padesakārī ārādheti. ‘Avañjhāni tvevāhaṃ, bhikkhave, pañcindriyānī’ti vadāmī’’ti. Catutthaṃ.
已對照

五、第一詳說經

5. Paṭhamavitthārasuttaṃ
485緬 3.177已對照

四百八十五、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為中般涅槃者；由比那較軟的[諸根]而成為生般涅槃者；由比那較軟的[諸根]而成為無行般涅槃者；由比那較軟的[諸根]而成為有行般涅槃者；由比那較軟的[諸根]而成為上流至色究竟者；由比那較軟的[諸根]而成為斯陀含；由比那較軟的[諸根]而成為須陀洹；由比那較軟的[諸根]而成為隨法行者；由比那較軟的[諸根]而成為隨信行者。”第五[經]。

485. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi antarāparinibbāyī hoti, tato mudutarehi upahaccaparinibbāyī hoti, tato mudutarehi asaṅkhāraparinibbāyī hoti, tato mudutarehi sasaṅkhāraparinibbāyī hoti, tato mudutarehi uddhaṃsoto hoti akaniṭṭhagāmī, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hotī’’ti. Pañcamaṃ.
已對照

六、第二詳說經

6. Dutiyavitthārasuttaṃ
486已對照

四百八十六、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為中般涅槃者；由比那較軟的[諸根]而成為生般涅槃者；由比那較軟的[諸根]而成為無行般涅槃者；由比那較軟的[諸根]而成為有行般涅槃者；由比那較軟的[諸根]而成為上流至色究竟者；由比那較軟的[諸根]而成為斯陀含；由比那較軟的[諸根]而成為須陀洹；由比那較軟的[諸根]而成為隨法行者；由比那較軟的[諸根]而成為隨信行者。諸比丘，如是，由根的差別而有果的差別，由果的差別而有人的差別。”第六[經]。

486. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi antarāparinibbāyī hoti, tato mudutarehi upahaccaparinibbāyī hoti, tato mudutarehi asaṅkhāraparinibbāyī hoti, tato mudutarehi sasaṅkhāraparinibbāyī hoti, tato mudutarehi uddhaṃsoto hoti akaniṭṭhagāmī, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hoti. Iti kho, bhikkhave, indriyavemattatā phalavemattatā hoti, phalavemattatā puggalavemattatā hotī’’ti. Chaṭṭhaṃ.
已對照

七、第三詳說經

7. Tatiyavitthārasuttaṃ
487PTS 5.202緬 3.178已對照

四百八十七、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為中般涅槃者；由比那較軟的[諸根]而成為生般涅槃者；由比那較軟的[諸根]而成為無行般涅槃者；由比那較軟的[諸根]而成為有行般涅槃者；由比那較軟的[諸根]而成為上流至色究竟者；由比那較軟的[諸根]而成為斯陀含；由比那較軟的[諸根]而成為須陀洹；由比那較軟的[諸根]而成為隨法行者；由比那較軟的[諸根]而成為隨信行者。諸比丘，如是，作圓滿者成就圓滿，作部分者成就部分。諸比丘，然而我說：‘五根不是無果的。’”第七[經]。

487. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi antarāparinibbāyī hoti, tato mudutarehi upahaccaparinibbāyī hoti, tato mudutarehi asaṅkhāraparinibbāyī hoti, tato mudutarehi sasaṅkhāraparinibbāyī hoti, tato mudutarehi uddhaṃsoto hoti akaniṭṭhagāmī, tato mudutarehi sakadāgāmī hoti, tato mudutarehi sotāpanno hoti, tato mudutarehi dhammānusārī hoti, tato mudutarehi saddhānusārī hoti. Iti kho, bhikkhave, paripūraṃ paripūrakārī ārādheti, padesaṃ padesakārī ārādheti. ‘Avañjhāni tvevāhaṃ, bhikkhave, pañcindriyānī’ti vadāmī’’ti. Sattamaṃ.
已對照

八、行道者經

8. Paṭipannasuttaṃ
488已對照

四百八十八、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由這五根的完滿、圓滿而成為阿羅漢；由比那較軟的[諸根]而成為為作證阿羅漢果而行道者；由比那較軟的[諸根]而成為阿那含；由比那較軟的[諸根]而成為為作證阿那含果而行道者；由比那較軟的[諸根]而成為斯陀含；由比那較軟的[諸根]而成為為作證斯陀含果而行道者；由比那較軟的[諸根]而成為須陀洹；由比那較軟的[諸根]而成為為作證須陀洹果而行道者。諸比丘，凡對他而言這五根完全地、徹底地沒有的，我說他是‘外人，立於凡夫一邊者’。”第八[經]。

488. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ samattā paripūrattā arahaṃ hoti, tato mudutarehi arahattaphalasacchikiriyāya paṭipanno hoti, tato mudutarehi anāgāmī hoti, tato mudutarehi anāgāmiphalasacchikiriyāya paṭipanno hoti, tato mudutarehi sakadāgāmī hoti, tato mudutarehi sakadāgāmiphalasacchikiriyāya paṭipanno hoti, tato mudutarehi sotāpanno hoti, tato mudutarehi sotāpattiphalasacchikiriyāya paṭipanno hoti. Yassa kho, bhikkhave, imāni pañcindriyāni sabbena sabbaṃ sabbathā sabbaṃ natthi, tamahaṃ ‘bāhiro puthujjanapakkhe ṭhito’ti vadāmī’’ti. Aṭṭhamaṃ.
已對照

九、具足經

9. Sampannasuttaṃ
489已對照

四百八十九、那時，某位比丘來到世尊之處；到了之後，禮敬世尊，坐在一旁。坐在一旁的那位比丘對世尊這樣說——

489. Atha kho aññataro bhikkhu yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho so bhikkhu bhagavantaṃ etadavoca –
PTS 5.203已對照

“尊者，人們說‘諸根具足者、諸根具足者’。尊者，到什麼程度是諸根具足者呢？”“比丘，在此，比丘修習導向寂靜、導向正覺的信根，修習導向寂靜、導向正覺的精進根，修習導向寂靜、導向正覺的念根，修習導向寂靜、導向正覺的定根，修習導向寂靜、導向正覺的慧根。比丘，到這個程度，比丘即是諸根具足者。”第九[經]。

‘‘‘Indriyasampanno, indriyasampanno’ti, bhante, vuccati. Kittāvatā nu kho, bhante, indriyasampanno hotī’’ti? ‘‘Idha, bhikkhu, bhikkhu saddhindriyaṃ bhāveti upasamagāmiṃ sambodhagāmiṃ, vīriyindriyaṃ bhāveti upasamagāmiṃ sambodhagāmiṃ, satindriyaṃ bhāveti upasamagāmiṃ sambodhagāmiṃ, samādhindriyaṃ bhāveti upasamagāmiṃ sambodhagāmiṃ, paññindriyaṃ bhāveti upasamagāmiṃ sambodhagāmiṃ. Ettāvatā kho, bhikkhu, bhikkhu indriyasampanno hotī’’ti. Navamaṃ.
已對照

十、漏盡經

10. Āsavakkhayasuttaṃ
490緬 3.179已對照

四百九十、“諸比丘，有這五根。哪五[根]呢？信根……乃至……慧根——諸比丘，這就是五根。諸比丘，由於已修習、已多作這五根，比丘由於諸漏的滅盡，就在現法中自己以證智證知無漏的心解脫、慧解脫，成就並住。”第十[經]。

490. ‘‘Pañcimāni, bhikkhave, indriyāni. Katamāni pañca? Saddhindriyaṃ…pe… paññindriyaṃ – imāni kho, bhikkhave, pañcindriyāni. Imesaṃ kho, bhikkhave, pañcannaṃ indriyānaṃ bhāvitattā bahulīkatattā bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharatī’’ti. Dasamaṃ.
已對照

較軟品第二。

Mudutaravaggo dutiyo.
已對照

其攝頌——

獲得、三略說[經]，另有三詳說[經]；

行道者以及具足，第十[經]漏盡。

Tassuddānaṃ –
Paṭilābho tayo saṃkhittā, vitthārā apare tayo;
Paṭipanno ca sampanno [paṭipanno cūpasamo (syā. kaṃ. pī. ka.)], dasamaṃ āsavakkhayanti.
← SN48-1 根相應·純粹品SN48-3 根相應·六根品 →