快樂巴利palinanda.cc

相應部 · 入相應 Okkantasaṃyuttaṃ

本經目錄四、入相應一、眼經二、色經三、識經四、觸經五、觸所生經六、色想經七、色思經八、色愛經九、地界經十、蘊經《入相應》完畢。

已對照

四、入相應

4. Okkantasaṃyuttaṃ
已對照

一、眼經

1. Cakkhusuttaṃ
302PTS 3.225緬 2.186已對照

三百零二、因緣在舍衛城。“諸比丘,眼是無常的、變易的、變化的;耳是無常的、變易的、變化的;鼻是無常的、變易的、變化的;舌是無常的、變易的、變化的;身是無常的、變易的、變化的;意是無常的、變易的、變化的。諸比丘,凡這樣信、信解這些法者,這稱為隨信行者,已入正性決定,已入善士地,已超越凡夫地;他不可能造作那種業——造作了那種業便會投生地獄、畜生胎或餓鬼境;而且在未作證須陀洹果之前,他不可能命終。”

302. Sāvatthinidānaṃ. ‘‘Cakkhuṃ, bhikkhave, aniccaṃ vipariṇāmi aññathābhāvi; sotaṃ aniccaṃ vipariṇāmi aññathābhāvi; ghānaṃ aniccaṃ vipariṇāmi aññathābhāvi; jivhā aniccā vipariṇāmī aññathābhāvī [vipariṇāminī aññathābhāvinī (?)]; kāyo anicco vipariṇāmī aññathābhāvī; mano anicco vipariṇāmī aññathābhāvī. Yo, bhikkhave, ime dhamme evaṃ saddahati adhimuccati – ayaṃ vuccati saddhānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca [abhabbova (sī. syā. kaṃ.)] tāva kālaṃ kātuṃ yāva na sotāpattiphalaṃ sacchikaroti’’.
已對照

“諸比丘,凡對他而言這些法這樣以慧適度地堪於諦觀者,這稱為‘隨法行者,已入正性決定,已入善士地,已超越凡夫地;他不可能造作那種業——造作了那種業便會投生地獄、畜生胎或餓鬼境;而且在未作證須陀洹果之前,他不可能命終’。諸比丘,凡這樣了知、這樣見這些法者,這稱為‘須陀洹、不墮惡趣、[趣向]決定、以正覺為歸趣’。”第一[經]。

‘‘Yassa kho, bhikkhave, ime dhammā evaṃ paññāya mattaso nijjhānaṃ khamanti, ayaṃ vuccati – ‘dhammānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’. Yo, bhikkhave, ime dhamme evaṃ pajānāti evaṃ passati, ayaṃ vuccati – ‘sotāpanno avinipātadhammo niyato sambodhiparāyano’’’ti. Paṭhamaṃ.
已對照

二、色經

2. Rūpasuttaṃ
303PTS 3.226緬 2.187已對照

三百零三、因緣在舍衛城。“諸比丘,諸色是無常的、變易的、變化的;諸聲是無常的、變易的、變化的;諸香是無常的、變易的、變化的;諸味是無常的、變易的、變化的;諸觸是無常的、變易的、變化的;諸法是無常的、變易的、變化的。諸比丘,凡這樣信、信解這些法者,這稱為隨信行者,已入正性決定,已入善士地,已超越凡夫地;他不可能造作那種業——造作了那種業便會投生地獄、畜生胎或餓鬼境;而且在未作證須陀洹果之前,他不可能命終。”

303. Sāvatthinidānaṃ. ‘‘Rūpā, bhikkhave, aniccā vipariṇāmino aññathābhāvino; saddā aniccā vipariṇāmino aññathābhāvino; gandhā aniccā vipariṇāmino aññathābhāvino; rasā aniccā vipariṇāmino aññathābhāvino; phoṭṭhabbā aniccā vipariṇāmino aññathābhāvino; dhammā aniccā vipariṇāmino aññathābhāvino. Yo, bhikkhave, ime dhamme evaṃ saddahati adhimuccati, ayaṃ vuccati saddhānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’’.
已對照

“諸比丘,凡對他而言這些法這樣以慧適度地堪於諦觀者,這稱為‘隨法行者,已入正性決定,已入善士地,已超越凡夫地;他不可能造作那種業——造作了那種業便會投生地獄、畜生胎或餓鬼境;而且在未作證須陀洹果之前,他不可能命終’。諸比丘,凡這樣了知、這樣見這些法者,這稱為‘須陀洹、不墮惡趣、[趣向]決定、以正覺為歸趣’。”第二[經]。

‘‘Yassa kho, bhikkhave, ime dhammā evaṃ paññāya mattaso nijjhānaṃ khamanti, ayaṃ vuccati – ‘dhammānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’. Yo, bhikkhave, ime dhamme evaṃ pajānāti evaṃ passati, ayaṃ vuccati – ‘sotāpanno avinipātadhammo niyato sambodhiparāyano’’’ti. Dutiyaṃ.
已對照

三、識經

3. Viññāṇasuttaṃ
304已對照

三百零四、因緣在舍衛城。“諸比丘,眼識是無常的、變易的、變化的;耳識……鼻識……舌識……身識……意識是無常的、變易的、變化的。諸比丘,凡……乃至……以正覺為歸趣。”第三[經]。

304. Sāvatthinidānaṃ. ‘‘Cakkhuviññāṇaṃ, bhikkhave, aniccaṃ vipariṇāmi aññathābhāvi; sotaviññāṇaṃ… ghānaviññāṇaṃ… jivhāviññāṇaṃ… kāyaviññāṇaṃ… manoviññāṇaṃ aniccaṃ vipariṇāmi aññathābhāvi. Yo bhikkhave…pe… sambodhiparāyano’’ti. Tatiyaṃ.
已對照

四、觸經

4. Samphassasuttaṃ
305已對照

三百零五、因緣在舍衛城。“諸比丘,眼觸是無常的、變易的、變化的;耳觸……鼻觸……舌觸……身觸……意觸是無常的、變易的、變化的。諸比丘,凡這樣信、信解這些法者,這稱為‘隨信行者……乃至……以正覺為歸趣’。”第四[經]。

305. Sāvatthinidānaṃ. ‘‘Cakkhusamphasso, bhikkhave, anicco vipariṇāmī aññathābhāvī; sotasamphasso… ghānasamphasso… jivhāsamphasso… kāyasamphasso… manosamphasso anicco vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī…pe… sambodhiparāyano’’’ti. Catutthaṃ.
已對照

五、觸所生經

5. Samphassajāsuttaṃ
306已對照

三百零六、因緣在舍衛城。“諸比丘,眼觸所生的受是無常的、變易的、變化的;耳觸所生的受……乃至……鼻觸所生的受……乃至……舌觸所生的受……乃至……身觸所生的受……乃至……意觸所生的受是無常的、變易的、變化的。諸比丘,凡這樣信、信解這些法者,這稱為‘隨信行者……乃至……以正覺為歸趣’。”第五[經]。

306. Sāvatthinidānaṃ. ‘‘Cakkhusamphassajā, bhikkhave, vedanā aniccā vipariṇāmī aññathābhāvī; sotasamphassajā vedanā…pe… ghānasamphassajā vedanā…pe… jivhāsamphassajā vedanā…pe… kāyasamphassajā vedanā…pe… manosamphassajā vedanā aniccā vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī…pe… sambodhiparāyano’’’ti. Pañcamaṃ.
已對照

六、色想經

6. Rūpasaññāsuttaṃ
307PTS 3.227緬 2.188已對照

三百零七、因緣在舍衛城。“諸比丘,色想是無常的、變易的、變化的;聲想……香想……味想……觸想……法想是無常的、變易的、變化的。諸比丘,凡這樣信、信解這些法者,這稱為‘隨信行者……乃至……以正覺為歸趣’。”第六[經]。

307. Sāvatthinidānaṃ. ‘‘Rūpasaññā, bhikkhave, aniccā vipariṇāmī aññathābhāvī; saddasaññā… gandhasaññā… rasasaññā… phoṭṭhabbasaññā… dhammasaññā aniccā vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī…pe… sambodhiparāyano’’’ti. Chaṭṭhaṃ.
已對照

七、色思經

7. Rūpasañcetanāsuttaṃ
308已對照

三百零八、因緣在舍衛城。“諸比丘,色思是無常的、變易的、變化的;聲思……香思……味思……觸思……法思是無常的、變易的、變化的。諸比丘,凡這樣信、信解這些法者,這稱為‘隨信行者……乃至……以正覺為歸趣’。”第七[經]。

308. Sāvatthinidānaṃ. ‘‘Rūpasañcetanā, bhikkhave, aniccā vipariṇāmī aññathābhāvī; saddasañcetanā… gandhasañcetanā… rasasañcetanā… phoṭṭhabbasañcetanā… dhammasañcetanā aniccā vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī…pe… sambodhiparāyano’’’ti. Sattamaṃ.
已對照

八、色愛經

8. Rūpataṇhāsuttaṃ
309已對照

三百零九、因緣在舍衛城。“諸比丘,色愛是無常的、變易的、變化的;聲愛……香愛……味愛……觸愛……法愛是無常的、變易的、變化的。諸比丘,凡這樣信、信解這些法者,這稱為‘隨信行者……乃至……以正覺為歸趣’。”第八[經]。

309. Sāvatthinidānaṃ. ‘‘Rūpataṇhā, bhikkhave, aniccā vipariṇāmī aññathābhāvī; saddataṇhā… gandhataṇhā… rasataṇhā… phoṭṭhabbataṇhā… dhammataṇhā aniccā vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī…pe… sambodhiparāyano’’’ti. Aṭṭhamaṃ.
已對照

九、地界經

9. Pathavīdhātusuttaṃ
310已對照

三百一十、因緣在舍衛城。“諸比丘,地界是無常的、變易的、變化的;水界……火界……風界……空界……識界是無常的、變易的、變化的。諸比丘,凡這樣信、信解這些法者,這稱為‘隨信行者……乃至……以正覺為歸趣’。”第九[經]。

310. Sāvatthinidānaṃ. ‘‘Pathavīdhātu, bhikkhave, aniccā vipariṇāmī aññathābhāvī; āpodhātu… tejodhātu… vāyodhātu… ākāsadhātu… viññāṇadhātu aniccā vipariṇāmī aññathābhāvī. Yo, bhikkhave, ime dhamme evaṃ saddahati adhimuccati, ayaṃ vuccati ‘saddhānusārī…pe… sambodhiparāyano’’’ti. Navamaṃ.
已對照

十、蘊經

10. Khandhasuttaṃ
311PTS 3.228緬 2.189已對照

三百一十一、因緣在舍衛城。“諸比丘,色是無常的、變易的、變化的;受是無常的、變易的、變化的;想……諸行是無常的、變易的、變化的;識是無常的、變易的、變化的。諸比丘,凡這樣信、信解這些法者,這稱為隨信行者,已入正性決定,已入善士地,已超越凡夫地;他不可能造作那種業——造作了那種業便會投生地獄、畜生胎或餓鬼境;而且在未作證須陀洹果之前,他不可能命終。”

311. Sāvatthinidānaṃ. ‘‘Rūpaṃ, bhikkhave, aniccaṃ vipariṇāmi aññathābhāvi; vedanā aniccā vipariṇāmī aññathābhāvī; saññā… saṅkhārā aniccā vipariṇāmino aññathābhāvino; viññāṇaṃ aniccaṃ vipariṇāmi aññathābhāvi. Yo, bhikkhave, ime dhamme evaṃ saddahati adhimuccati, ayaṃ vuccati saddhānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’’.
已對照

“諸比丘,凡對他而言這些法這樣以慧適度地堪於諦觀者,這稱為‘隨法行者,已入正性決定,已入善士地,已超越凡夫地;他不可能造作那種業——造作了那種業便會投生地獄、畜生胎或餓鬼境;而且在未作證須陀洹果之前,他不可能命終’。諸比丘,凡這樣了知、這樣見這些法者,這稱為‘須陀洹、不墮惡趣、[趣向]決定、以正覺為歸趣’。”第十[經]。

‘‘Yassa kho, bhikkhave, ime dhammā evaṃ paññāya mattaso nijjhānaṃ khamanti, ayaṃ vuccati – ‘dhammānusārī, okkanto sammattaniyāmaṃ, sappurisabhūmiṃ okkanto, vītivatto puthujjanabhūmiṃ; abhabbo taṃ kammaṃ kātuṃ, yaṃ kammaṃ katvā nirayaṃ vā tiracchānayoniṃ vā pettivisayaṃ vā upapajjeyya; abhabbo ca tāva kālaṃ kātuṃ yāva na sotāpattiphalaṃ sacchikaroti’. Yo, bhikkhave, ime dhamme evaṃ pajānāti evaṃ passati, ayaṃ vuccati – ‘sotāpanno avinipātadhammo niyato sambodhiparāyano’’’ti. Dasamaṃ.
已對照

《入相應》完畢。

Okkantasaṃyuttaṃ [okkantikasaṃyuttaṃ (pī. ka.)] samattaṃ.
已對照

其攝頌——

眼、色與識,觸以及受;

想、思、愛,界與蘊——這些是十[經]。

Tassuddānaṃ –
Cakkhu rūpañca viññāṇaṃ, phasso ca vedanāya ca;
Saññā ca cetanā taṇhā, dhātu khandhena te dasāti.