快樂巴利palinanda.cc

相應部 · 譬喻相應 Opammasaṃyuttaṃ

本經目錄九、譬喻相應一、尖頂經二、指甲尖經三、家族經四、鍋經五、矛經六、弓箭手經七、楔經八、木枕經九、象經十、貓經十一、豺經十二、第二豺經《譬喻相應》完畢。

已對照

九、譬喻相應

9. Opammasaṃyuttaṃ
已對照

一、尖頂經

1. Kūṭasuttaṃ
223PTS 2.263緬 1.454已對照

二百二十三、如是我聞——一時,世尊住在舍衛城祇樹林給孤獨園。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說:“諸比丘,猶如尖頂屋的凡任何椽子,全都趨向尖頂、匯聚於尖頂,由於尖頂的根除,全都趨於根除;諸比丘,正是這樣,凡任何不善法,全都以無明為根本、匯聚於無明,由於無明的根除,全都趨於根除。因此,諸比丘,你們應當這樣修學:‘我們將不放逸而住。’諸比丘,正應這樣修學。”第一[經]。

223. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘seyyathāpi, bhikkhave, kūṭāgārassa yā kāci gopānasiyo sabbā tā kūṭaṅgamā kūṭasamosaraṇā kūṭasamugghātā sabbā tā samugghātaṃ gacchanti; evameva kho, bhikkhave, ye keci akusalā dhammā sabbe te avijjāmūlakā avijjāsamosaraṇā avijjāsamugghātā, sabbe te samugghātaṃ gacchanti. Tasmātiha, bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Paṭhamaṃ.
已對照

二、指甲尖經

2. Nakhasikhasuttaṃ
224已對照

二百二十四、住在舍衛城。那時,世尊把少許塵土放到指甲尖上,召喚諸比丘:“諸比丘,你們認為怎樣?哪一個更多呢——我放到指甲尖上的這少許塵土,還是這大地?”“尊者,更多的正是這個,即大地。世尊放到指甲尖上的少許塵土是微少的。比起大地,世尊放到指甲尖上的少許塵土不及於計數,不及於比較,不及於分毫。”“諸比丘,正是這樣,那些再生於人中的眾生是少的;而那些於人以外再生的眾生才是更多的。因此,諸比丘,你們應當這樣修學:‘我們將不放逸而住。’諸比丘,正應這樣修學。”第二[經]。

224. Sāvatthiyaṃ viharati. Atha kho bhagavā parittaṃ nakhasikhāyaṃ paṃsuṃ āropetvā bhikkhū āmantesi – ‘‘taṃ kiṃ maññatha bhikkhave, katamaṃ nu kho bahutaraṃ, yo vāyaṃ [yo cāyaṃ (bahūsu)] mayā paritto nakhasikhāyaṃ paṃsu āropito ayaṃ vā [yā cāyaṃ (syā. ka.)] mahāpathavī’’ti? ‘‘Etadeva, bhante, bahutaraṃ yadidaṃ mahāpathavī. Appamattakoyaṃ bhagavatā paritto nakhasikhāyaṃ paṃsu āropito. Saṅkhampi na upeti upanidhimpi na upeti kalabhāgampi na upeti mahāpathaviṃ upanidhāya bhagavatā paritto nakhasikhāyaṃ paṃsu āropito’’ti. ‘‘Evameva kho, bhikkhave, appakā te sattā ye manussesu paccājāyanti; atha kho eteyeva bahutarā sattā ye aññatra manussehi paccājāyanti. Tasmātiha, bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Dutiyaṃ.
已對照

三、家族經

3. Kulasuttaṃ
225PTS 2.264緬 1.455已對照

二百二十五、住在舍衛城……乃至……“諸比丘,猶如凡任何女多男少的家族,都容易被盜賊、甕盜侵犯;諸比丘,正是這樣,凡任何比丘的慈心解脫未修習、未多作,他便容易被非人侵犯。諸比丘,猶如凡任何女少男多的家族,都難以被盜賊、甕盜侵犯;諸比丘,正是這樣,凡任何比丘的慈心解脫已修習、已多作,他便難以被非人侵犯。因此,諸比丘,你們應當這樣修學:‘我們的慈心解脫將是已修習、已多作、已作車乘、已作基地、已確立、已積習、已善精勤的。’諸比丘,正應這樣修學。”第三[經]。

225. Sāvatthiyaṃ viharati…pe… ‘‘seyyathāpi, bhikkhave, yāni kānici kulāni bahutthikāni appapurisāni tāni suppadhaṃsiyāni honti corehi kumbhatthenakehi; evameva kho, bhikkhave, yassa kassaci bhikkhuno mettācetovimutti abhāvitā abahulīkatā so suppadhaṃsiyo hoti amanussehi. Seyyathāpi, bhikkhave, yāni kānici kulāni appitthikāni bahupurisāni tāni duppadhaṃsiyāni honti corehi kumbhatthenakehi, evameva kho, bhikkhave, yassa kassaci bhikkhuno mettācetovimutti bhāvitā bahulīkatā so duppadhaṃsiyo hoti amanussehi. Tasmātiha, bhikkhave, evaṃ sikkhitabbaṃ – ‘mettā no cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi vo, bhikkhave, sikkhitabba’’nti. Tatiyaṃ.
已對照

四、鍋經

4. Okkhāsuttaṃ
226已對照

二百二十六、住在舍衛城……乃至……“諸比丘,若有人於上午作百鍋的布施,有人於中午作百鍋的布施,有人於傍晚作百鍋的布施;或有人於上午修習慈心,甚至只有擠一次牛乳之頃,或有人於中午修習慈心,甚至只有擠一次牛乳之頃,或有人於傍晚修習慈心,甚至只有擠一次牛乳之頃——這比那果報更大。因此,諸比丘,你們應當這樣修學:‘我們的慈心解脫將是已修習、已多作、已作車乘、已作基地、已確立、已積習、已善精勤的。’諸比丘,正應這樣修學。”第四[經]。

226. Sāvatthiyaṃ viharati…pe… ‘‘yo, bhikkhave, pubbaṇhasamayaṃ okkhāsataṃ dānaṃ dadeyya, yo majjhanhikasamayaṃ okkhāsataṃ dānaṃ dadeyya, yo sāyanhasamayaṃ okkhāsataṃ dānaṃ dadeyya, yo vā pubbaṇhasamayaṃ antamaso gadduhanamattampi mettacittaṃ bhāveyya, yo vā majjhanhikasamayaṃ antamaso gadduhanamattampi mettacittaṃ bhāveyya, yo vā sāyanhasamayaṃ antamaso gadduhanamattampi mettacittaṃ bhāveyya, idaṃ tato mahapphalataraṃ. Tasmātiha, bhikkhave, evaṃ sikkhitabbaṃ – ‘mettā no cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi vo, bhikkhave, sikkhitabba’’nti. Catutthaṃ.
已對照

五、矛經

5. Sattisuttaṃ
227PTS 2.265已對照

二百二十七、住在舍衛城……乃至……“諸比丘,譬如有一支鋒刃銳利的矛(satti tiṇhaphalā)。於是有人前來,[心想]:‘我要用手或用拳把這支鋒刃銳利的矛折彎、敲彎、捲起。’諸比丘,你們認為怎樣,那個人能用手或用拳把那支鋒刃銳利的矛折彎、敲彎、捲起嗎?”“不能,尊者。”“這是什麼緣故呢?”“尊者,因為那支鋒刃銳利的矛不容易用手或用拳折彎、敲彎、捲起;而那個人只會白白分得疲勞與惱害罷了。”

227. Sāvatthiyaṃ viharati…pe… ‘‘seyyathāpi, bhikkhave, satti tiṇhaphalā. Atha puriso āgaccheyya – ‘ahaṃ imaṃ sattiṃ tiṇhaphalaṃ pāṇinā vā muṭṭhinā vā paṭileṇissāmi paṭikoṭṭissāmi paṭivaṭṭessāmī’ti. Taṃ kiṃ maññatha, bhikkhave, bhabbo nu kho so puriso amuṃ sattiṃ tiṇhaphalaṃ pāṇinā vā muṭṭhinā vā paṭileṇetuṃ paṭikoṭṭetuṃ paṭivaṭṭetu’’nti? ‘‘No hetaṃ, bhante’’. ‘‘Taṃ kissa hetu’’? ‘‘Asu hi, bhante, satti tiṇhaphalā na sukarā pāṇinā vā muṭṭhinā vā paṭileṇetuṃ paṭikoṭṭetuṃ paṭivaṭṭetuṃ. Yāvadeva ca pana so puriso kilamathassa vighātassa bhāgī assā’’ti.
緬 1.456已對照

“諸比丘,正是這樣,任何比丘,若他的慈心解脫是已修習、已多作、已作車乘、已作基地、已確立、已積習、已善精勤的,若有非人認為可以擾亂他的心,那麼那非人自己反而只會分得疲勞與惱害。因此,諸比丘,應當這樣修學:‘我們的慈心解脫將是已修習、已多作、已作車乘、已作基地、已確立、已積習、已善精勤的。’諸比丘,你們正應這樣修學。”第五[經]。

‘‘Evameva kho, bhikkhave, yassa kassaci bhikkhuno mettācetovimutti bhāvitā bahulīkatā yānīkatā vatthukatā anuṭṭhitā paricitā susamāraddhā, tassa ce amanusso cittaṃ khipitabbaṃ maññeyya; atha kho sveva amanusso kilamathassa vighātassa bhāgī assa. Tasmātiha, bhikkhave, evaṃ sikkhitabbaṃ – ‘mettā no cetovimutti bhāvitā bhavissati bahulīkatā yānīkatā vatthukatā anuṭṭhitā paricitā susamāraddhā’ti. Evañhi vo, bhikkhave, sikkhitabba’’nti. Pañcamaṃ.
已對照

六、弓箭手經

6. Dhanuggahasuttaṃ
228PTS 2.266已對照

二百二十八、住在舍衛城……乃至……“諸比丘,譬如有四位持強弓的射手(daḷhadhammā dhanuggahā),善受學、手已練熟、已習射,站在四方。於是有人前來,[心想]:‘這四位持強弓的、善受學、手已練熟、已習射的射手向四方射出的箭,我要在它們未落到地上之前接住,拿回來。’諸比丘,你們認為怎樣,[說他是]‘疾速的人,具足最上的速度’,這足以這樣說嗎?”

228. Sāvatthiyaṃ viharati…pe… ‘‘seyyathāpi, bhikkhave, cattāro daḷhadhammā dhanuggahā susikkhitā katahatthā katūpāsanā catuddisā ṭhitā assu. Atha puriso āgaccheyya – ‘ahaṃ imesaṃ catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanānaṃ catuddisā kaṇḍe khitte appatiṭṭhite pathaviyaṃ gahetvā āharissāmī’ti. Taṃ kiṃ maññatha, bhikkhave, ‘javano puriso paramena javena samannāgato’ti alaṃ vacanāyā’’ti?
已對照

“尊者,即使他能把一位持強弓的、善受學、手已練熟、已習射的射手所射出的箭在未落到地上之前接住、拿回來,也足以說[他是]‘疾速的人,具足最上的速度’,更何況是四位持強弓的、善受學、手已練熟、已習射的射手[射出的箭]呢?”

‘‘Ekassa cepi, bhante, daḷhadhammassa dhanuggahassa susikkhitassa katahatthassa katūpāsanassa kaṇḍaṃ khittaṃ appatiṭṭhitaṃ pathaviyaṃ gahetvā āhareyya – ‘javano puriso paramena javena samannāgato’ti alaṃ vacanāya, ko pana vādo catunnaṃ daḷhadhammānaṃ dhanuggahānaṃ susikkhitānaṃ katahatthānaṃ katūpāsanāna’’nti?
已對照

“諸比丘,比起那個人的速度,日月的速度更快。諸比丘,比起那個人的速度、日月的速度,以及那些在日月前面奔馳的天神們的速度,諸壽行(āyusaṅkhārā)消盡得更快。因此,諸比丘,應當這樣修學:‘我們將不放逸而住。’諸比丘,你們正應這樣修學。”第六[經]。

‘‘Yathā ca, bhikkhave, tassa purisassa javo, yathā ca candimasūriyānaṃ javo, tato sīghataro. Yathā ca, bhikkhave, tassa purisassa javo yathā ca candimasūriyānaṃ javo yathā ca yā devatā candimasūriyānaṃ purato dhāvanti tāsaṃ devatānaṃ javo, ( ) [(tato sīghataro. yathā ca bhikkhave tassa purisassa javo, yathā ca candimasuriyānaṃ javo, yathā ca yā devatā candimasuriyānaṃ purato dhāvanti, tāsaṃ devatānaṃ javo,) (sī. syā. kaṃ.)] tato sīghataraṃ āyusaṅkhārā khiyanti. Tasmātiha, bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Chaṭṭhaṃ.
已對照

七、楔經

7. Āṇisuttaṃ
229PTS 2.267緬 1.457已對照

二百二十九、住在舍衛城……乃至……“諸比丘,從前,陀舍羅訶族(dasārahā)有一面名叫阿那迦(ānaka)的鼓。每當阿那迦[鼓]裂開,陀舍羅訶族就在上面另外楔入一根楔子。諸比丘,終於有那樣的時候:阿那迦鼓原本的鼓身木板消失了,只剩下楔子的集合。諸比丘,正是這樣,未來世將會有比丘:對於那些如來所說的、深奧的、義理深奧的、出世間的、與空性相應的經,當它們被誦說時,他們不會願意聽聞,不會傾耳,不會安立心於了知,也不會認為那些法應當學取、應當遍通達。

229. Sāvatthiyaṃ viharati…pe… ‘‘bhūtapubbaṃ, bhikkhave, dasārahānaṃ ānako [āṇako (sī.)] nāma mudiṅgo ahosi. Tassa dasārahā ānake ghaṭite aññaṃ āṇiṃ odahiṃsu. Ahu kho so, bhikkhave, samayo yaṃ ānakassa mudiṅgassa porāṇaṃ pokkharaphalakaṃ antaradhāyi. Āṇisaṅghāṭova avasissi. Evameva kho, bhikkhave, bhavissanti bhikkhū anāgatamaddhānaṃ, ye te suttantā tathāgatabhāsitā gambhīrā gambhīratthā lokuttarā suññatappaṭisaṃyuttā, tesu bhaññamānesu na sussūsissanti na sotaṃ odahissanti na aññā cittaṃ upaṭṭhāpessanti na ca te dhamme uggahetabbaṃ pariyāpuṇitabbaṃ maññissanti’’.
已對照

“而對於那些詩人所作的、詩體的、文字華美的、文句華美的、教外的、弟子所說的經,當它們被誦說時,他們會願意聽聞,會傾耳,會安立心於了知,也會認為那些法應當學取、應當遍通達。諸比丘,這樣,這些如來所說的、深奧的、義理深奧的、出世間的、與空性相應的經就將消失。因此,諸比丘,應當這樣修學:‘對於那些如來所說的、深奧的、義理深奧的、出世間的、與空性相應的經,當它們被誦說時,我們將願意聽聞,將傾耳,將安立心於了知,也將認為那些法應當學取、應當遍通達。’諸比丘,你們正應這樣修學。”第七[經]。

‘‘Ye pana te suttantā kavikatā kāveyyā cittakkharā cittabyañjanā bāhirakā sāvakabhāsitā, tesu bhaññamānesu sussūsissanti, sotaṃ odahissanti, aññā cittaṃ upaṭṭhāpessanti, te ca dhamme uggahetabbaṃ pariyāpuṇitabbaṃ maññissanti. Evametesaṃ, bhikkhave, suttantānaṃ tathāgatabhāsitānaṃ gambhīrānaṃ gambhīratthānaṃ lokuttarānaṃ suññatappaṭisaṃyuttānaṃ antaradhānaṃ bhavissati. Tasmātiha, bhikkhave, evaṃ sikkhitabbaṃ – ‘ye te suttantā tathāgatabhāsitā gambhīrā gambhīratthā lokuttarā suññatappaṭisaṃyuttā, tesu bhaññamānesu sussūsissāma, sotaṃ odahissāma, aññā cittaṃ upaṭṭhāpessāma, te ca dhamme uggahetabbaṃ pariyāpuṇitabbaṃ maññissāmā’ti. Evañhi vo, bhikkhave, sikkhitabba’’nti. Sattamaṃ.
已對照

八、木枕經

8. Kaliṅgarasuttaṃ
230已對照

二百三十、如是我聞——一時,世尊住在毘舍離大林重閣講堂。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說——

230. Evaṃ me sutaṃ – ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Tatra kho bhagavā bhikkhū āmantesi ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
PTS 2.268緬 1.458已對照

“諸比丘,如今諸離車人以木枕為枕(kaliṅgarūpadhānā),於習練(upāsana)不放逸、熱勤而住。摩揭陀國王阿闍世·韋提希子對他們得不到機會(otāra),得不到所緣(ārammaṇa)。諸比丘,未來世諸離車人將會是嬌嫩的,手足柔軟細嫩;他們將在柔軟的、有棉絮枕的床上一直睡到日出。摩揭陀國王阿闍世·韋提希子對他們將得到機會,將得到所緣。

‘‘Kaliṅgarūpadhānā, bhikkhave, etarahi licchavī viharanti appamattā ātāpino upāsanasmiṃ. Tesaṃ rājā māgadho ajātasattu vedehiputto na labhati otāraṃ na labhati ārammaṇaṃ. Bhavissanti, bhikkhave, anāgatamaddhānaṃ licchavī sukhumālā [sukumālā (sī.), sukhumā (ka.)] mudutalunahatthapādā [mudutalāhatthapādā (syā. kaṃ.)] te mudukāsu seyyāsu tūlabimbohanāsu [tūlabimbohanāsu (syā. kaṃ. pī.), tūlabimbohanādīsu (sī.), tūlabibbohanādīsu (ka.)] yāvasūriyuggamanā seyyaṃ kappissanti. Tesaṃ rājā māgadho ajātasattu vedehiputto lacchati otāraṃ lacchati ārammaṇaṃ.
已對照

“諸比丘,如今諸比丘以木枕為枕,於精勤不放逸、熱勤而住。魔波旬對他們得不到機會,得不到所緣。諸比丘,未來世諸比丘將會是纖弱的,手足柔軟細嫩;他們將在柔軟的、有棉絮枕的床上一直睡到日出。魔波旬對他們將得到機會,將得到所緣。因此,諸比丘,應當這樣修學:‘我們將以木枕為枕,於精勤不放逸、熱勤而住。’諸比丘,你們正應這樣修學。”第八[經]。

‘‘Kaliṅgarūpadhānā, bhikkhave, etarahi bhikkhū viharanti appamattā ātāpino padhānasmiṃ. Tesaṃ māro pāpimā na labhati otāraṃ na labhati ārammaṇaṃ. Bhavissanti, bhikkhave, anāgatamaddhānaṃ bhikkhū sukhumā mudutalunahatthapādā. Te mudukāsu seyyāsu tūlabimbohanāsu yāvasūriyuggamanā seyyaṃ kappissanti. Tesaṃ māro pāpimā lacchati otāraṃ lacchati ārammaṇaṃ. Tasmātiha, bhikkhave, evaṃ sikkhitabbaṃ – ‘kaliṅgarūpadhānā viharissāma appamattā ātāpino padhānasmi’nti. Evañhi vo, bhikkhave, sikkhitabba’’nti. Aṭṭhamaṃ.
已對照

九、象經

9. Nāgasuttaṃ
231已對照

二百三十一、如是我聞——一時,世尊住在舍衛城祇樹林給孤獨園。那時,某位新比丘逾時往來俗家。諸比丘對他這樣說:“具壽不要逾時往來俗家。”那位比丘被諸比丘這樣說時,這樣說:“這些長老比丘都認為應當往來俗家,那我又何嘗不[往來]呢?”

231. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññataro navo bhikkhu ativelaṃ kulāni upasaṅkamati. Tamenaṃ bhikkhū evamāhaṃsu – ‘‘māyasmā ativelaṃ kulāni upasaṅkamī’’ti. So bhikkhu bhikkhūhi vuccamāno evamāha – ‘‘ime hi nāma therā bhikkhū kulāni upasaṅkamitabbaṃ maññissanti, kimaṅgaṃ [kimaṅga (sī.)] panāha’’nti?
PTS 2.269已對照

那時,眾多比丘來到世尊那裡;到了之後,禮敬世尊,坐在一旁。坐在一旁的那些比丘對世尊這樣說:“尊者,在這裡,某位新比丘逾時往來俗家。諸比丘對他這樣說:‘具壽不要逾時往來俗家。’那位比丘被諸比丘這樣說時,這樣說:‘這些長老比丘都認為應當往來俗家,那我又何嘗不[往來]呢?’”

Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, aññataro navo bhikkhu ativelaṃ kulāni upasaṅkamati. Tamenaṃ bhikkhū evamāhaṃsu – ‘māyasmā ativelaṃ kulāni upasaṅkamī’ti. So bhikkhu bhikkhūhi vuccamāno evamāha – ‘ime hi nāma therā bhikkhū kulāni upasaṅkamitabbaṃ maññissanti, kimaṅgaṃ panāha’’’nti.
緬 1.459已對照

“諸比丘,從前,在林野之處有一個大湖。諸象依止它而住。它們潛入那湖中,用鼻拔起蓮莖與蓮根,洗得很乾淨,把泥去除後咀嚼,然後吞下。那[食物]對它們有益於容色與氣力,它們也不因此而遭遇死亡或死亡般的苦。諸比丘,而仿效那些大象的年輕的賓迦幼象(bhiṅkacchāpā),潛入那湖中,用鼻拔起蓮莖與蓮根,沒有洗乾淨,帶著泥未咀嚼就吞下。那對它們既無益於容色,也無益於氣力;它們因此而遭遇死亡或死亡般的苦。

‘‘Bhūtapubbaṃ, bhikkhave, araññāyatane mahāsarasī. Taṃ nāgā upanissāya viharanti. Te taṃ sarasiṃ ogāhetvā soṇḍāya bhisamuḷālaṃ abbuhetvā [abbhūhetvā (ka.), abbāhitvā (mahāva. 278)] suvikkhālitaṃ vikkhāletvā akaddamaṃ saṅkhāditvā [saṅkharitvā (pī. ka.)] ajjhoharanti. Tesaṃ taṃ vaṇṇāya ceva hoti balāya ca, na ca tatonidānaṃ maraṇaṃ vā nigacchanti maraṇamattaṃ vā dukkhaṃ. Tesaṃyeva kho pana, bhikkhave, mahānāgānaṃ anusikkhamānā taruṇā bhiṅkacchāpā taṃ sarasiṃ ogāhetvā soṇḍāya bhisamuḷālaṃ abbuhetvā na suvikkhālitaṃ vikkhāletvā sakaddamaṃ asaṅkhāditvā ajjhoharanti. Tesaṃ taṃ neva vaṇṇāya hoti na balāya. Tatonidānaṃ maraṇaṃ vā nigacchanti maraṇamattaṃ vā dukkhaṃ.
PTS 2.270已對照

“諸比丘,正是這樣,在此,長老比丘們於上午著衣持缽與衣,為行乞而入村莊或市鎮。他們在那裡說法。在家人對他們作淨信之相。他們對那利養不貪著、不迷醉、不陷溺,見過患、有出離之慧而受用。那對他們有益於容色與氣力,他們也不因此而遭遇死亡或死亡般的苦。諸比丘,而仿效那些長老比丘的新比丘們,於上午著衣持缽與衣,為行乞而入村莊或市鎮。他們在那裡說法。在家人對他們作淨信之相。他們對那利養貪著、迷醉、陷溺,不見過患、無出離之慧而受用。那對他們既無益於容色,也無益於氣力;他們因此而遭遇死亡或死亡般的苦。因此,諸比丘,應當這樣修學:‘我們將不貪著、不迷醉、不陷溺,見過患、有出離之慧而受用那利養。’諸比丘,你們正應這樣修學。”第九[經]。

‘‘Evameva kho, bhikkhave, idha therā bhikkhū pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisanti. Te tattha dhammaṃ bhāsanti. Tesaṃ gihī pasannākāraṃ karonti. Te taṃ lābhaṃ agadhitā amucchitā anajjhopannā [anajjhāpannā (sabbattha) ma. ni. 1 pāsarāsisuttavaṇṇanā oloketabbā] ādīnavadassāvino nissaraṇapaññā paribhuñjanti. Tesaṃ taṃ vaṇṇāya ceva hoti balāya ca, na ca tatonidānaṃ maraṇaṃ vā nigacchanti maraṇamattaṃ vā dukkhaṃ. Tesaṃyeva kho pana, bhikkhave, therānaṃ bhikkhūnaṃ anusikkhamānā navā bhikkhū pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisanti. Te tattha dhammaṃ bhāsanti. Tesaṃ gihī pasannākāraṃ karonti. Te taṃ lābhaṃ gadhitā mucchitā ajjhopannā anādīnavadassāvino anissaraṇapaññā paribhuñjanti. Tesaṃ taṃ neva vaṇṇāya hoti na balāya, te tatonidānaṃ maraṇaṃ vā nigacchanti maraṇamattaṃ vā dukkhaṃ. Tasmātiha, bhikkhave, evaṃ sikkhitabbaṃ – ‘agadhitā amucchitā anajjhopannā ādīnavadassāvino nissaraṇapaññā taṃ lābhaṃ paribhuñjissāmā’ti. Evañhi vo, bhikkhave, sikkhitabba’’nti. Navamaṃ.
已對照

十、貓經

10. Biḷārasuttaṃ
232緬 1.460已對照

二百三十二、住在舍衛城。那時,某位比丘逾時在俗家中游訪(cārittaṃ āpajjati)。諸比丘對他這樣說:“具壽不要逾時在俗家中游訪。”那位比丘被諸比丘這樣說時,並不停止。那時,眾多比丘來到世尊那裡;到了之後,禮敬世尊,坐在一旁。坐在一旁的那些比丘對世尊這樣說:“尊者,在這裡,某位比丘逾時在俗家中游訪。諸比丘對他這樣說:‘具壽不要逾時在俗家中游訪。’那位比丘被諸比丘這樣說時,並不停止。”

232. Sāvatthiyaṃ viharati. Tena kho pana samayena aññataro bhikkhu ativelaṃ kulesu cārittaṃ āpajjati. Tamenaṃ bhikkhū evamāhaṃsu – ‘‘māyasmā ativelaṃ kulesu cārittaṃ āpajjī’’ti. So bhikkhu bhikkhūhi vuccamāno na viramati. Atha kho sambahulā bhikkhū yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho te bhikkhū bhagavantaṃ etadavocuṃ – ‘‘idha, bhante, aññataro bhikkhu ativelaṃ kulesu cārittaṃ āpajjati. Tamenaṃ bhikkhū evamāhaṃsu – ‘māyasmā ativelaṃ kulesu cārittaṃ āpajjī’ti. So bhikkhu bhikkhūhi vuccamāno na viramatī’’ti.
PTS 2.271已對照

“諸比丘,從前,有一隻貓站在屋隙、汙穢溝、垃圾堆旁,窺伺嫩鼠,[心想]:‘當這隻嫩鼠出來覓食時,我就在那裡抓住它吃掉。’諸比丘,於是那隻嫩鼠出來覓食了。貓抓住它,急忙嚼了嚼便吞下。那隻嫩鼠吃它的腸,也吃它的腸間膜。它因此也遭遇死亡,也[遭受]死亡般的苦。

‘‘Bhūtapubbaṃ, bhikkhave, biḷāro sandhisamalasaṅkaṭīre ṭhito ahosi mudumūsiṃ maggayamāno – ‘yadāyaṃ mudumūsi gocarāya pakkamissati, tattheva naṃ gahetvā khādissāmī’ti. Atha kho so, bhikkhave, mudumūsi gocarāya pakkāmi. Tamenaṃ biḷāro gahetvā sahasā saṅkhāditvā [saṅkharitvā (pī. ka.), maṃsaṃ khāditvā (syā. kaṃ.), asaṃkhāditvā (katthaci)] ajjhohari. Tassa so mudumūsi antampi khādi, antaguṇampi khādi. So tatonidānaṃ maraṇampi nigacchi maraṇamattampi dukkhaṃ.
已對照

“諸比丘,正是這樣,在此,某位比丘於上午著衣持缽與衣,以不守護的身、不守護的語、不守護的心、念不現起、諸根不防護,為行乞而入村莊或市鎮。他在那裡看見女人下衣穿得不整或上衣披得不整。看見下衣穿得不整或上衣披得不整的女人後,貪侵奪他的心。他以被貪侵奪的心,遭遇死亡或死亡般的苦。諸比丘,在聖者之律中,這就是死亡,即捨棄學處而還俗。諸比丘,這就是死亡般的苦,即犯了某種染汙的罪,[是]那樣一種可見其出罪的罪。因此,諸比丘,應當這樣修學:‘我們將以守護的身、守護的語、守護的心、念現起、諸根防護,為行乞而入村莊或市鎮。’諸比丘,你們正應這樣修學。”第十[經]。

‘‘Evameva kho, bhikkhave, idhekacco bhikkhu pubbaṇhasamayaṃ nivāsetvā pattacīvaramādāya gāmaṃ vā nigamaṃ vā piṇḍāya pavisati arakkhiteneva kāyena arakkhitāya vācāya arakkhitena cittena, anupaṭṭhitāya satiyā, asaṃvutehi indriyehi. So tattha passati mātugāmaṃ dunnivatthaṃ vā duppārutaṃ vā. Tassa mātugāmaṃ disvā dunnivatthaṃ vā duppārutaṃ vā rāgo cittaṃ anuddhaṃseti. So rāgānuddhaṃsena cittena maraṇaṃ vā nigacchati maraṇamattaṃ vā dukkhaṃ. Maraṇañhetaṃ, bhikkhave, ariyassa vinaye yo sikkhaṃ paccakkhāya hīnāyāvattati. Maraṇamattañhetaṃ, bhikkhave, dukkhaṃ yadidaṃ aññataraṃ saṃkiliṭṭhaṃ āpattiṃ āpajjati. Yathārūpāya āpattiyā vuṭṭhānaṃ paññāyati. Tasmātiha, bhikkhave, evaṃ sikkhitabbaṃ – ‘rakkhiteneva kāyena rakkhitāya vācāya rakkhitena cittena, upaṭṭhitāya satiyā, saṃvutehi indriyehi gāmaṃ vā nigamaṃ vā piṇḍāya pavisissāmā’ti. Evañhi vo, bhikkhave, sikkhitabba’’nti. Dasamaṃ.
已對照

十一、豺經

11. Siṅgālasuttaṃ
233PTS 2.272緬 1.461已對照

二百三十三、住在舍衛城……乃至……“諸比丘,你們可曾在夜裡黎明時分聽到老豺的嗥叫?”“是的,尊者。”“諸比丘,那隻老豺為名叫疥癬(ukkaṇḍaka)的病所侵襲。它想去哪裡就去哪裡;想站在哪裡就站在哪裡;想坐在哪裡就坐在哪裡;想躺在哪裡就躺在哪裡;涼風也吹拂它。諸比丘,若在此某位自稱釋迦子者能領受哪怕這樣的自體之獲得,那對他也是好的。因此,諸比丘,應當這樣修學:‘我們將不放逸而住。’諸比丘,你們正應這樣修學。”第十一[經]。

233. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Eso kho, bhikkhave, jarasiṅgālo ukkaṇḍakena nāma rogajātena phuṭṭho. So yena yena icchati tena tena gacchati; yattha yattha icchati tattha tattha tiṭṭhati; yattha yattha icchati tattha tattha nisīdati; yattha yattha icchati tattha tattha nipajjati; sītakopi naṃ vāto upavāyati. Sādhu khvassa, bhikkhave, yaṃ idhekacco sakyaputtiyapaṭiñño evarūpampi attabhāvapaṭilābhaṃ paṭisaṃvediyetha. Tasmātiha, bhikkhave, evaṃ sikkhitabbaṃ – ‘appamattā viharissāmā’ti. Evañhi vo, bhikkhave, sikkhitabba’’nti. Ekādasamaṃ.
已對照

十二、第二豺經

12. Dutiyasiṅgālasuttaṃ
234已對照

二百三十四、住在舍衛城……乃至……“諸比丘,你們可曾在夜裡黎明時分聽到老豺的嗥叫?”“是的,尊者。”“諸比丘,在那隻老豺身上或許會有某種知恩、感恩,然而在此某位自稱釋迦子者身上,卻不會有任何知恩、感恩。因此,諸比丘,應當這樣修學:‘我們將成為知恩者、感恩者;對我們所作的哪怕微小[之事],在我們這裡也不會失去。’諸比丘,你們正應這樣修學。”第十二[經]。

234. Sāvatthiyaṃ viharati…pe… ‘‘assuttha no tumhe, bhikkhave, rattiyā paccūsasamayaṃ jarasiṅgālassa vassamānassā’’ti? ‘‘Evaṃ, bhante’’. ‘‘Siyā kho, bhikkhave, tasmiṃ jarasiṅgāle yā kāci kataññutā kataveditā, na tveva idhekacce sakyaputtiyapaṭiññe siyā yā kāci kataññutā kataveditā. Tasmātiha, bhikkhave, evaṃ sikkhitabbaṃ – ‘kataññuno bhavissāma katavedino; na ca no [na ca noti idaṃ sī. pī. potthakesu natthi] amhesu appakampi kataṃ nassissatī’ti [mā nassissatīti (sī. pī.), vinassissatīti (syā. kaṃ.)]. Evañhi vo, bhikkhave, sikkhitabba’’nti. Dvādasamaṃ.
已對照

《譬喻相應》完畢。

Opammasaṃyuttaṃ samattaṃ.
已對照

其攝頌——

尖頂、指甲尖、家族,鍋、矛、弓箭手;

楔、木枕、象,貓、二豺[經]。

Tassuddānaṃ –
Kūṭaṃ nakhasikhaṃ kulaṃ, okkhā satti dhanuggaho;
Āṇi kaliṅgaro nāgo, biḷāro dve siṅgālakāti.