快樂巴利palinanda.cc

中部第88經 · 外衣經 Bāhitikasuttaṃ

本經目錄八、外衣經

358PTS 2.113緬 2.315已對照

八、外衣經

三五八、如是我聞——一時,世尊住在舍衛城(Sāvatthī)的祇樹林(Jetavana)給孤獨園(Anāthapiṇḍika 之園)。那時,具壽阿難在上午穿好[下衣],取了缽與衣,進入舍衛城乞食。在舍衛城乞食之後,飯後從乞食處回來,前往東園(Pubbārāma)鹿子母講堂(Migāramātupāsāda)作晝住。那時,憍薩羅王波斯匿(Pasenadi)乘著名叫一白蓮(Ekapuṇḍarīka)的象,在日中時分從舍衛城出發。憍薩羅王波斯匿遠遠看見具壽阿難走來;看見之後,便召喚尸利跋陀(Sirivaḍḍha)大臣——“朋友尸利跋陀,那是具壽阿難嗎?”“是的,大王,那是具壽阿難。”於是,憍薩羅王波斯匿召喚某人——“喂,人啊,你來,到具壽阿難之處去;到了之後,以我的名義以頭禮敬具壽阿難雙足,[說]:‘尊者,憍薩羅王波斯匿以頭禮敬具壽阿難雙足。’並且這樣說:‘尊者,若具壽阿難沒有什麼急迫的應作之事,請具壽阿難出於憐憫,稍候片刻。’”“是的,陛下。”那人應諾了憍薩羅王波斯匿,便來到具壽阿難之處;到了之後,禮敬具壽阿難,站在一旁。站在一旁的那人對具壽阿難這樣說——“尊者,憍薩羅王波斯匿以頭禮敬具壽阿難雙足;並且這樣說:‘尊者,若具壽阿難沒有什麼急迫的應作之事,請具壽阿難出於憐憫,稍候片刻。’”具壽阿難以默然表示接受。於是,憍薩羅王波斯匿乘象走到象所能通行之處後,便下象步行,來到具壽阿難之處;到了之後,禮敬具壽阿難,站在一旁。站在一旁的憍薩羅王波斯匿對具壽阿難這樣說——“尊者,若具壽阿難沒有什麼急迫的應作之事,尊者,善哉!請具壽阿難出於憐憫,前往阿夷羅婆提(Aciravatī)河岸。”具壽阿難以默然表示接受。

358. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā ānando pubbaṇhasamayaṃ nivāsetvā pattacīvaramādāya sāvatthiyaṃ piṇḍāya pāvisi. Sāvatthiyaṃ piṇḍāya caritvā pacchābhattaṃ piṇḍapātapaṭikkanto yena pubbārāmo migāramātupāsādo tenupasaṅkami divāvihārāya. Tena kho pana samayena rājā pasenadi kosalo ekapuṇḍarīkaṃ nāgaṃ abhiruhitvā sāvatthiyā niyyāti divā divassa. Addasā kho rājā pasenadi kosalo āyasmantaṃ ānandaṃ dūratova āgacchantaṃ. Disvāna sirivaḍḍhaṃ mahāmattaṃ āmantesi – ‘‘āyasmā no eso, samma sirivaḍḍha, ānando’’ti. ‘‘Evaṃ, mahārāja, āyasmā eso ānando’’ti. Atha kho rājā pasenadi kosalo aññataraṃ purisaṃ āmantesi – ‘‘ehi tvaṃ, ambho purisa, yenāyasmā ānando tenupasaṅkama; upasaṅkamitvā mama vacanena āyasmato ānandassa pāde sirasā vandāhi – ‘rājā, bhante, pasenadi kosalo āyasmato ānandassa pāde sirasā vandatī’ti. Evañca vadehi – ‘sace kira, bhante, āyasmato ānandassa na kiñci accāyikaṃ karaṇīyaṃ, āgametu kira, bhante, āyasmā ānando muhuttaṃ anukampaṃ upādāyā’’’ti. ‘‘Evaṃ, devā’’ti kho so puriso rañño pasenadissa kosalassa paṭissutvā yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhito kho so puriso āyasmantaṃ ānandaṃ etadavoca – ‘‘rājā, bhante, pasenadi kosalo āyasmato ānandassa pāde sirasā vandati; evañca vadeti – ‘sace kira, bhante, āyasmato ānandassa na kiñci accāyikaṃ karaṇīyaṃ, āgametu kira, bhante, āyasmā ānando muhuttaṃ anukampaṃ upādāyā’’’ti. Adhivāsesi kho āyasmā ānando tuṇhībhāvena. Atha kho rājā pasenadi kosalo yāvatikā nāgassa bhūmi nāgena gantvā nāgā paccorohitvā pattikova yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhito kho rājā pasenadi kosalo āyasmantaṃ ānandaṃ etadavoca – ‘‘sace, bhante, āyasmato ānandassa na kiñci accāyikaṃ karaṇīyaṃ, sādhu, bhante, āyasmā ānando yena aciravatiyā nadiyā tīraṃ tenupasaṅkamatu anukampaṃ upādāyā’’ti. Adhivāsesi kho āyasmā ānando tuṇhībhāvena.
359緬 2.316已對照

三五九、於是,具壽阿難前往阿夷羅婆提河岸;到了之後,在某棵樹下,坐在所敷設的座位上。於是,憍薩羅王波斯匿乘象走到象所能通行之處後,便下象步行,來到具壽阿難之處;到了之後,禮敬具壽阿難,站在一旁。站在一旁的憍薩羅王波斯匿對具壽阿難這樣說——“尊者,請具壽阿難坐在這裡的象背毯上。”“夠了,大王。你坐吧,我已坐在自己的座位上了。”憍薩羅王波斯匿便坐在所敷設的座位上。坐下之後,憍薩羅王波斯匿對具壽阿難這樣說——“阿難尊者,那位世尊會行那種為沙門、婆羅門所訶責的身行嗎?”“大王,那位世尊不會行那種為有識的沙門、婆羅門所訶責的身行。”

359. Atha kho āyasmā ānando yena aciravatiyā nadiyā tīraṃ tenupasaṅkami; upasaṅkamitvā aññatarasmiṃ rukkhamūle paññatte āsane nisīdi. Atha kho rājā pasenadi kosalo yāvatikā nāgassa bhūmi nāgena gantvā nāgā paccorohitvā pattikova yenāyasmā ānando tenupasaṅkami; upasaṅkamitvā āyasmantaṃ ānandaṃ abhivādetvā ekamantaṃ aṭṭhāsi. Ekamantaṃ ṭhito kho rājā pasenadi kosalo āyasmantaṃ ānandaṃ etadavoca – ‘‘idha, bhante, āyasmā ānando hatthatthare nisīdatū’’ti. ‘‘Alaṃ, mahārāja. Nisīda tvaṃ; nisinno ahaṃ sake āsane’’ti. Nisīdi kho rājā pasenadi kosalo paññatte āsane. Nisajja kho rājā pasenadi kosalo āyasmantaṃ ānandaṃ etadavoca – ‘‘kiṃ nu kho, bhante ānanda, so bhagavā tathārūpaṃ kāyasamācāraṃ samācareyya, yvāssa kāyasamācāro opārambho samaṇehi brāhmaṇehī’’ti [brāhmaṇehi viññūhīti (sabbattha) aṭṭhakathā ṭīkā oloketabbā]? ‘‘Na kho, mahārāja, so bhagavā tathārūpaṃ kāyasamācāraṃ samācareyya, yvāssa kāyasamācāro opārambho samaṇehi brāhmaṇehi viññūhī’’ti.
PTS 2.114已對照

“那麼,阿難尊者,那位世尊會行那種語行……乃至……會行那種為沙門、婆羅門所訶責的意行嗎?”“大王,那位世尊不會行那種為有識的沙門、婆羅門所訶責的意行。”

‘‘Kiṃ pana, bhante ānanda, so bhagavā tathārūpaṃ vacīsamācāraṃ…pe… manosamācāraṃ samācareyya, yvāssa manosamācāro opārambho samaṇehi brāhmaṇehī’’ti [brāhmaṇehi viññūhīti (sabbattha) aṭṭhakathā ṭīkā oloketabbā]? ‘‘Na kho, mahārāja, so bhagavā tathārūpaṃ manosamācāraṃ samācareyya, yvāssa manosamācāro opārambho samaṇehi brāhmaṇehi viññūhī’’ti.
已對照

“稀有啊,尊者!未曾有啊,尊者!尊者,凡我們未能以問題使之圓滿的,尊者,那已被具壽阿難以問題的解答使之圓滿了。尊者,凡那些愚人、不明達者,不審察、不深究,就說他人的稱讚或毀謗,我們不把那當作堅實而接受;而尊者,凡那些賢智、明達、有慧者,審察、深究之後,才說他人的稱讚或毀謗,我們把那當作堅實而接受。”

‘‘Acchariyaṃ, bhante, abbhutaṃ, bhante! Yañhi mayaṃ, bhante, nāsakkhimhā pañhena paripūretuṃ taṃ, bhante, āyasmatā ānandena pañhassa veyyākaraṇena paripūritaṃ. Ye te, bhante, bālā abyattā ananuvicca apariyogāhetvā paresaṃ vaṇṇaṃ vā avaṇṇaṃ vā bhāsanti, na mayaṃ taṃ sārato paccāgacchāma; ye pana [ye ca kho (sī. syā. kaṃ. pī.)] te, bhante, paṇḍitā viyattā [byattā (sī. syā. kaṃ. pī.)] medhāvino anuvicca pariyogāhetvā paresaṃ vaṇṇaṃ vā avaṇṇaṃ vā bhāsanti, mayaṃ taṃ sārato paccāgacchāma’’.
360已對照

三六〇、“那麼,阿難尊者,什麼樣的身行是為有識的沙門、婆羅門所訶責的?”“大王,凡是不善的身行。”

360. ‘‘Katamo pana, bhante ānanda, kāyasamācāro opārambho samaṇehi brāhmaṇehi viññūhī’’ti? ‘‘Yo kho, mahārāja, kāyasamācāro akusalo’’.
已對照

“那麼,尊者,什麼樣的身行是不善的?”“大王,凡是有罪的身行。”

‘‘Katamo pana, bhante, kāyasamācāro akusalo’’? ‘‘Yo kho, mahārāja, kāyasamācāro sāvajjo’’.
已對照

“那麼,尊者,什麼樣的身行是有罪的?”“大王,凡是有損害的身行。”

‘‘Katamo pana, bhante, kāyasamācāro sāvajjo’’? ‘‘Yo kho, mahārāja, kāyasamācāro sabyābajjho’’ [sabyāpajjho (sī. syā. kaṃ. pī.), sabyāpajjo (ka.)].
緬 2.317已對照

“那麼,尊者,什麼樣的身行是有損害的?”“大王,凡是有苦異熟的身行。”

‘‘Katamo pana, bhante, kāyasamācāro sabyābajjho’’? ‘‘Yo kho, mahārāja, kāyasamācāro dukkhavipāko’’.
已對照

“那麼,尊者,什麼樣的身行是有苦異熟的?”“大王,凡是轉為自害,也轉為害他,也轉為兩者之害的身行,由於那[身行],不善法增長、善法衰退;大王,這樣的身行是為有識的沙門、婆羅門所訶責的。”

‘‘Katamo pana, bhante, kāyasamācāro dukkhavipāko’’? ‘‘Yo kho, mahārāja, kāyasamācāro attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati tassa akusalā dhammā abhivaḍḍhanti, kusalā dhammā parihāyanti; evarūpo kho, mahārāja, kāyasamācāro opārambho samaṇehi brāhmaṇehi viññūhī’’ti.
已對照

“那麼,阿難尊者,什麼樣的語行……乃至……意行是為有識的沙門、婆羅門所訶責的?”“大王,凡是不善的意行。”

‘‘Katamo pana, bhante ānanda, vacīsamācāro…pe… manosamācāro opārambho samaṇehi brāhmaṇehi viññūhī’’ti? ‘‘Yo kho, mahārāja, manosamācāro akusalo’’.
PTS 2.115已對照

“那麼,尊者,什麼樣的意行是不善的?”“大王,凡是有罪的意行。”

‘‘Katamo pana, bhante, manosamācāro akusalo’’? ‘‘Yo kho, mahārāja, manosamācāro sāvajjo’’.
已對照

“那麼,尊者,什麼樣的意行是有罪的?”“大王,凡是有損害的意行。”

‘‘Katamo pana, bhante, manosamācāro sāvajjo’’? ‘‘Yo kho, mahārāja, manosamācāro sabyābajjho’’.
已對照

“那麼,尊者,什麼樣的意行是有損害的?”“大王,凡是有苦異熟的意行。”

‘‘Katamo pana, bhante, manosamācāro sabyābajjho’’? ‘‘Yo kho, mahārāja, manosamācāro dukkhavipāko’’.
已對照

“那麼,尊者,什麼樣的意行是有苦異熟的?”“大王,凡是轉為自害,也轉為害他,也轉為兩者之害的意行,由於那[意行],不善法增長、善法衰退;大王,這樣的意行是為有識的沙門、婆羅門所訶責的。”

‘‘Katamo pana, bhante, manosamācāro dukkhavipāko’’? ‘‘Yo kho, mahārāja, manosamācāro attabyābādhāyapi saṃvattati, parabyābādhāyapi saṃvattati, ubhayabyābādhāyapi saṃvattati tassa akusalā dhammā abhivaḍḍhanti, kusalā dhammā parihāyanti; evarūpo kho, mahārāja, manosamācāro opārambho samaṇehi brāhmaṇehi viññūhī’’ti.
已對照

“阿難尊者,那位世尊稱讚一切不善法的舍斷嗎?”“大王,如來已斷一切不善法,具足善法。”

‘‘Kiṃ nu kho, bhante ānanda, so bhagavā sabbesaṃyeva akusalānaṃ dhammānaṃ pahānaṃ vaṇṇetī’’ti? ‘‘Sabbākusaladhammapahīno kho, mahārāja, tathāgato kusaladhammasamannāgato’’ti.
361已對照

三六一、“那麼,阿難尊者,什麼樣的身行是不為有識的沙門、婆羅門所訶責的?”“大王,凡是善的身行。”

361. ‘‘Katamo pana, bhante ānanda, kāyasamācāro anopārambho samaṇehi brāhmaṇehi viññūhī’’ti? ‘‘Yo kho, mahārāja, kāyasamācāro kusalo’’.
緬 2.318已對照

“那麼,尊者,什麼樣的身行是善的?”“大王,凡是無罪的身行。”

‘‘Katamo pana, bhante, kāyasamācāro kusalo’’? ‘‘Yo kho, mahārāja, kāyasamācāro anavajjo’’.
已對照

“那麼,尊者,什麼樣的身行是無罪的?”“大王,凡是無損害的身行。”

‘‘Katamo pana, bhante, kāyasamācāro anavajjo’’? ‘‘Yo kho, mahārāja, kāyasamācāro abyābajjho’’.
已對照

“那麼,尊者,什麼樣的身行是無損害的?”“大王,凡是有樂異熟的身行。”

‘‘Katamo pana, bhante, kāyasamācāro abyābajjho’’? ‘‘Yo kho, mahārāja, kāyasamācāro sukhavipāko’’.
已對照

“那麼,尊者,什麼樣的身行是有樂異熟的?”

‘‘Katamo pana, bhante, kāyasamācāro sukhavipāko’’?
已對照

“大王,凡是既不轉為自害,也不轉為害他,也不轉為兩者之害的身行,由於那[身行],不善法衰退、善法增長;大王,這樣的身行是不為有識的沙門、婆羅門所訶責的。”

‘‘Yo kho, mahārāja, kāyasamācāro nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati tassa akusalā dhammā parihāyanti, kusalā dhammā abhivaḍḍhanti; evarūpo kho, mahārāja, kāyasamācāro anopārambho samaṇehi brāhmaṇehi viññūhī’’ti.
已對照

“那麼,阿難尊者,什麼樣的語行……乃至……意行是不為有識的沙門、婆羅門所訶責的?”“大王,凡是善的意行。”

‘‘Katamo pana, bhante ānanda, vacīsamācāro…pe… manosamācāro anopārambho samaṇehi brāhmaṇehi viññūhī’’ti? ‘‘Yo kho, mahārāja, manosamācāro kusalo’’.
PTS 2.116已對照

“那麼,尊者,什麼樣的意行是善的?”“大王,凡是無罪的意行。”

‘‘Katamo pana, bhante, manosamācāro kusalo’’? ‘‘Yo kho, mahārāja, manosamācāro anavajjo’’.
已對照

“那麼,尊者,什麼樣的意行是無罪的?”“大王,凡是無損害的意行。”

‘‘Katamo pana, bhante, manosamācāro anavajjo’’? ‘‘Yo kho, mahārāja, manosamācāro abyābajjho’’.
已對照

“那麼,尊者,什麼樣的意行是無損害的?”“大王,凡是有樂異熟的意行。”

‘‘Katamo pana, bhante, manosamācāro abyābajjho’’? ‘‘Yo kho, mahārāja, manosamācāro sukhavipāko’’.
已對照

“那麼,尊者,什麼樣的意行是有樂異熟的?”“大王,凡是既不轉為自害,也不轉為害他,也不轉為兩者之害的意行。由於那[意行],不善法衰退、善法增長。大王,這樣的意行是不為有識的沙門、婆羅門所訶責的。”

‘‘Katamo pana, bhante, manosamācāro sukhavipāko’’? ‘‘Yo kho, mahārāja, manosamācāro nevattabyābādhāyapi saṃvattati, na parabyābādhāyapi saṃvattati, na ubhayabyābādhāyapi saṃvattati. Tassa akusalā dhammā parihāyanti, kusalā dhammā abhivaḍḍhanti. Evarūpo kho, mahārāja, manosamācāro anopārambho samaṇehi brāhmaṇehi viññūhī’’ti.
已對照

“那麼,阿難尊者,那位世尊稱讚一切善法的具足嗎?”“大王,如來已斷一切不善法,具足善法。”

‘‘Kiṃ pana, bhante ānanda, so bhagavā sabbesaṃyeva kusalānaṃ dhammānaṃ upasampadaṃ vaṇṇetī’’ti? ‘‘Sabbākusaladhammapahīno kho, mahārāja, tathāgato kusaladhammasamannāgato’’ti.
362緬 2.319已對照

三六二、“稀有啊,尊者!未曾有啊,尊者!尊者,具壽阿難所說的這[話],是何等善說!尊者,我們對具壽阿難的這番善說滿意、歡悅。尊者,我們對具壽阿難的善說是如此滿意、歡悅。尊者,若象寶對具壽阿難是許可的,我們也會把象寶給具壽阿難。尊者,若馬寶對具壽阿難是許可的,我們也會把馬寶給具壽阿難。尊者,若上好的村莊對具壽阿難是許可的,我們也會把上好的村莊給具壽阿難。然而,尊者,我們也知道這一點:‘這對具壽阿難是不許可的。’尊者,我這塊巴希提布(bāhitikā),是摩揭陀國王阿闍世·韋提希子(Ajātasattu Vedehiputta)裝在布筒裡送來的,長足十六[肘],寬足八[肘]。尊者,請具壽阿難出於憐憫而接受它。”“夠了,大王,我的三衣已經齊全。”

362. ‘‘Acchariyaṃ, bhante, abbhutaṃ, bhante! Yāva subhāsitaṃ cidaṃ [subhāsitamidaṃ (sī.)], bhante, āyasmatā ānandena. Iminā ca mayaṃ, bhante, āyasmato ānandassa subhāsitena attamanābhiraddhā. Evaṃ attamanābhiraddhā ca mayaṃ, bhante, āyasmato ānandassa subhāsitena. Sace, bhante, āyasmato ānandassa hatthiratanaṃ kappeyya, hatthiratanampi mayaṃ āyasmato ānandassa dadeyyāma. Sace, bhante, āyasmato ānandassa assaratanaṃ kappeyya, assaratanampi mayaṃ āyasmato ānandassa dadeyyāma. Sace, bhante, āyasmato ānandassa gāmavaraṃ kappeyya, gāmavarampi mayaṃ āyasmato ānandassa dadeyyāma. Api ca, bhante, mayampetaṃ [mayameva taṃ (sī.), mayampanetaṃ (syā. kaṃ.)] jānāma – ‘netaṃ āyasmato ānandassa kappatī’ti. Ayaṃ me, bhante, bāhitikā raññā māgadhena ajātasattunā vedehiputtena vatthanāḷiyā [chattanāḷiyā (syā. kaṃ. pī.)] pakkhipitvā pahitā soḷasasamā āyāmena, aṭṭhasamā vitthārena. Taṃ, bhante, āyasmā ānando paṭiggaṇhātu anukampaṃ upādāyā’’ti. ‘‘Alaṃ, mahārāja, paripuṇṇaṃ me ticīvara’’nti.
PTS 2.117已對照

“尊者,這阿夷羅婆提河,具壽阿難與我們都已見過。當上方山中下了大雨時,這阿夷羅婆提河便漫溢兩岸而流去;尊者,正是這樣,具壽阿難將以這巴希提布為自己作三衣。而具壽阿難舊的三衣,[他]將與諸同梵行者分享。我想,我們這供施就會這樣漫溢而去。尊者,請具壽阿難接受這巴希提布。”具壽阿難便接受了巴希提布。

‘‘Ayaṃ, bhante, aciravatī nadī diṭṭhā āyasmatā ceva ānandena amhehi ca. Yadā uparipabbate mahāmegho abhippavuṭṭho hoti, athāyaṃ aciravatī nadī ubhato kūlāni saṃvissandantī gacchati; evameva kho, bhante, āyasmā ānando imāya bāhitikāya attano ticīvaraṃ karissati. Yaṃ panāyasmato ānandassa purāṇaṃ ticīvaraṃ taṃ sabrahmacārīhi saṃvibhajissati. Evāyaṃ amhākaṃ dakkhiṇā saṃvissandantī maññe gamissati. Paṭiggaṇhātu, bhante, āyasmā ānando bāhitika’’nti. Paṭiggahesi kho āyasmā ānando bāhitikaṃ.
已對照

於是,憍薩羅王波斯匿對具壽阿難這樣說——“阿難尊者,現在我們要告辭了,我們事務繁忙,有許多應做的事。”“大王,你如今認為是時候,[便請自便]。”於是,憍薩羅王波斯匿歡喜、隨喜具壽阿難之所說,從座而起,禮敬具壽阿難,右繞之後離去。

Atha kho rājā pasenadi kosalo āyasmantaṃ ānandaṃ etadavoca – ‘‘handa ca dāni mayaṃ, bhante ānanda, gacchāma; bahukiccā mayaṃ bahukaraṇīyā’’ti. ‘‘Yassadāni tvaṃ, mahārāja, kālaṃ maññasī’’ti. Atha kho rājā pasenadi kosalo āyasmato ānandassa bhāsitaṃ abhinanditvā anumoditvā uṭṭhāyāsanā āyasmantaṃ ānandaṃ abhivādetvā padakkhiṇaṃ katvā pakkāmi.
363緬 2.320已對照

三六三、於是,憍薩羅王波斯匿離去不久,具壽阿難來到世尊之處;到了之後,禮敬世尊,坐在一旁。坐在一旁的具壽阿難,把與憍薩羅王波斯匿之間所有的交談,全部稟告了世尊。又把那巴希提布獻給了世尊。於是,世尊召喚諸比丘——“諸比丘,[這是]憍薩羅王波斯匿的所得;諸比丘,[這是]憍薩羅王波斯匿的善所得——憍薩羅王波斯匿能得見阿難,能得親近[他]。”

世尊說了這[番話]。那些比丘滿意、歡喜世尊之所說。

363. Atha kho āyasmā ānando acirapakkantassa rañño pasenadissa kosalassa yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando yāvatako ahosi raññā pasenadinā kosalena saddhiṃ kathāsallāpo taṃ sabbaṃ bhagavato ārocesi. Tañca bāhitikaṃ bhagavato pādāsi. Atha kho bhagavā bhikkhū āmantesi – ‘‘lābhā, bhikkhave, rañño pasenadissa kosalassa, suladdhalābhā, bhikkhave, rañño pasenadissa kosalassa; yaṃ rājā pasenadi kosalo labhati ānandaṃ dassanāya, labhati payirupāsanāyā’’ti.
Idamavoca bhagavā. Attamanā te bhikkhū bhagavato bhāsitaṃ abhinandunti.
Bāhitikasuttaṃ niṭṭhitaṃ aṭṭhamaṃ.
已對照

《外衣經》終,[《王品》中之]第八[經]。