快樂巴利palinanda.cc

中部第84經 · 摩偷羅經 Madhurasuttaṃ

本經目錄四、摩偷羅經

317PTS 2.84緬 2.271已對照

四、摩偷羅經

三一七、如是我聞——一時,具壽大迦旃延(Mahākaccāna)住在摩偷羅(Madhurā)的貢陀林(Gundāvana)。摩偷羅王阿槃提子(rājā Mādhura Avantiputta)聽說:“諸位,據說沙門迦旃延住在摩偷羅的貢陀林。關於那位迦旃延尊師,有這樣的善名聲傳揚:‘[他]賢智、明達、有慧、多聞、善說法、辯才善巧,既年長又是阿羅漢。’能夠見到這樣的阿羅漢,真是很好。”那時,摩偷羅王阿槃提子令人套好一輛輛上好的車乘,登上一輛上好的車乘,乘著一輛輛上好的車乘,以盛大的王家威儀從摩偷羅出發,為了見具壽大迦旃延。乘車走到車所能通行之處後,便下車步行,來到具壽大迦旃延之處;到了之後,與具壽大迦旃延互相問候。互相問候、交談了一番愉快而值得憶念的話之後,坐在一旁。坐在一旁的摩偷羅王阿槃提子對具壽大迦旃延這樣說——“迦旃延尊師,諸婆羅門這樣說:‘唯婆羅門是最勝的種姓,其餘種姓卑劣;唯婆羅門是白淨的種姓,其餘種姓黑暗;唯婆羅門得清淨,非婆羅門則不然;唯婆羅門是梵天的親生子,從[梵天]口所生,梵所生、梵所化、梵的繼承者。’迦旃延尊師於此怎麼說呢?”“大王,這在世間只是一種傳言:‘唯婆羅門是最勝的種姓,其餘種姓卑劣;唯婆羅門是白淨的種姓,其餘種姓黑暗;唯婆羅門得清淨,非婆羅門則不然;唯婆羅門是梵天的親生子,從[梵天]口所生,梵所生、梵所化、梵的繼承者。’大王,由這一理趣也應知道這[一點],即:這在世間只是一種傳言——‘唯婆羅門是最勝的種姓,其餘種姓卑劣……乃至……梵的繼承者。’”

317. Evaṃ me sutaṃ – ekaṃ samayaṃ āyasmā mahākaccāno madhurāyaṃ viharati gundāvane. Assosi kho rājā mādhuro avantiputto – ‘‘samaṇo khalu, bho, kaccāno madhurāyaṃ [mathurāyaṃ (ṭīkā)] viharati gundāvane. Taṃ kho pana bhavantaṃ kaccānaṃ evaṃ kalyāṇo kittisaddo abbhuggato – ‘paṇḍito viyatto medhāvī bahussuto cittakathī kalyāṇapaṭibhāno vuddho ceva arahā ca’. Sādhu kho pana tathārūpānaṃ arahataṃ dassanaṃ hotī’’ti. Atha kho rājā mādhuro avantiputto bhadrāni bhadrāni yānāni yojāpetvā bhadraṃ yānaṃ abhiruhitvā bhadrehi bhadrehi yānehi madhurāya niyyāsi mahaccarājānubhāvena āyasmantaṃ mahākaccānaṃ dassanāya. Yāvatikā yānassa bhūmi yānena gantvā yānā paccorohitvā pattikova yenāyasmā mahākaccāno tenupasaṅkami; upasaṅkamitvā āyasmatā mahākaccānena saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho rājā mādhuro avantiputto āyasmantaṃ mahākaccānaṃ etadavoca – ‘‘brāhmaṇā, bho kaccāna, evamāhaṃsu – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. Idha bhavaṃ kaccāno kimakkhāyī’’ti? ‘‘Ghosoyeva kho eso, mahārāja, lokasmiṃ – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’ti. Tadamināpetaṃ, mahārāja, pariyāyena veditabbaṃ yathā ghosoyeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
318已對照

三一八、“大王,你認為怎樣?若剎帝利在錢財、穀物、銀或金上興盛,[別的]剎帝利也會對他先起、後臥、唯命是從、行為稱心、言語可愛……婆羅門也會對他……吠舍也會對他……首陀羅也會對他先起、後臥、唯命是從、行為稱心、言語可愛嗎?”“迦旃延尊師,若剎帝利在錢財、穀物、銀或金上興盛,[別的]剎帝利也會對他先起、後臥、唯命是從、行為稱心、言語可愛……婆羅門也會對他……吠舍也會對他……首陀羅也會對他先起、後臥、唯命是從、行為稱心、言語可愛。”

318. ‘‘Taṃ kiṃ maññasi, mahārāja, khattiyassa cepi ijjheyya dhanena vā dhaññena vā rajatena vā jātarūpena vā khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… brāhmaṇopissāssa… vessopissāssa… suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Khattiyassa cepi, bho kaccāna, ijjheyya dhanena vā dhaññena vā rajatena vā jātarūpena vā khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… brāhmaṇopissāssa… vessopissāssa… suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
PTS 2.85緬 2.272已對照

“大王,你認為怎樣?若婆羅門在錢財、穀物、銀或金上興盛,[別的]婆羅門也會對他先起、後臥、唯命是從、行為稱心、言語可愛……吠舍也會對他……首陀羅也會對他……剎帝利也會對他先起、後臥、唯命是從、行為稱心、言語可愛嗎?”“迦旃延尊師,若婆羅門在錢財、穀物、銀或金上興盛,[別的]婆羅門也會對他先起、後臥、唯命是從、行為稱心、言語可愛……吠舍也會對他……首陀羅也會對他……剎帝利也會對他先起、後臥、唯命是從、行為稱心、言語可愛。”

‘‘Taṃ kiṃ maññasi, mahārāja, brāhmaṇassa cepi ijjheyya dhanena vā dhaññena vā rajatena vā jātarūpena vā brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… vessopissāssa… suddopissāssa … khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Brāhmaṇassa cepi, bho kaccāna, ijjheyya dhanena vā dhaññena vā rajatena vā jātarūpena vā brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… vessopissāssa… suddopissāssa … khattiyopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
已對照

“大王,你認為怎樣?若吠舍在錢財、穀物、銀或金上興盛,[別的]吠舍也會對他先起、後臥、唯命是從、行為稱心、言語可愛……首陀羅也會對他……剎帝利也會對他……婆羅門也會對他先起、後臥、唯命是從、行為稱心、言語可愛嗎?”“迦旃延尊師,若吠舍在錢財、穀物、銀或金上興盛,[別的]吠舍也會對他先起、後臥、唯命是從、行為稱心、言語可愛……首陀羅也會對他……剎帝利也會對他……婆羅門也會對他先起、後臥、唯命是從、行為稱心、言語可愛。”

‘‘Taṃ kiṃ maññasi, mahārāja, vessassa cepi ijjheyya dhanena vā dhaññena vā rajatena vā jātarūpena vā vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… suddopissāssa… khattiyopissāssa… brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Vessassa cepi, bho kaccāna, ijjheyya dhanena vā dhaññena vā rajatena vā jātarūpena vā vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… suddopissāssa… khattiyopissāssa… brāhmaṇopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
已對照

“大王,你認為怎樣?若首陀羅在錢財、穀物、銀或金上興盛,[別的]首陀羅也會對他先起、後臥、唯命是從、行為稱心、言語可愛……剎帝利也會對他……婆羅門也會對他……吠舍也會對他先起、後臥、唯命是從、行為稱心、言語可愛嗎?”“迦旃延尊師,若首陀羅在錢財、穀物、銀或金上興盛,[別的]首陀羅也會對他先起、後臥、唯命是從、行為稱心、言語可愛……剎帝利也會對他……婆羅門也會對他……吠舍也會對他先起、後臥、唯命是從、行為稱心、言語可愛。”

‘‘Taṃ kiṃ maññasi, mahārāja, suddassa cepi ijjheyya dhanena vā dhaññena vā rajatena vā jātarūpena vā suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādī… khattiyopissāssa… brāhmaṇopissāssa… vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti? ‘‘Suddassa cepi, bho kaccāna, ijjheyya dhanena vā dhaññena vā rajatena vā jātarūpena vā suddopissāssa pubbuṭṭhāyī pacchānipātī kiṃkārapaṭissāvī manāpacārī piyavādīti… khattiyopissāssa… brāhmaṇopissāssa… vessopissāssa pubbuṭṭhāyī pacchānipātī kiṃkārapaṭissāvī manāpacārī piyavādī’’ti.
PTS 2.86已對照

“大王,你認為怎樣?若是這樣,這四種姓是完全平等的,還是不是?或者你於此怎麼看?”“迦旃延尊師,若是這樣,這四種姓確實是完全平等的。我看不出它們在這裡有任何差別。”“大王,由這一理趣也應知道這[一點],即:這在世間只是一種傳言——‘唯婆羅門是最勝的種姓,其餘種姓卑劣……乃至……梵的繼承者。’”

‘‘Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ [nāsaṃ (sī.), nāhaṃ (syā. kaṃ.)] ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
319緬 2.273已對照

三一九、“大王,你認為怎樣?假如在此有一個剎帝利,殺生、不與取、欲邪行、說妄語、說離間語、說粗惡語、說雜穢語、心懷貪欲、心懷瞋恚、持邪見,他身壞命終之後,會投生於苦界、惡趣、墮處、地獄,還是不會?或者你於此怎麼看?”“迦旃延尊師,剎帝利若是殺生、不與取、欲邪行、說妄語、說離間語、說粗惡語、說雜穢語、心懷貪欲、心懷瞋恚、持邪見,也會身壞命終之後,投生於苦界、惡趣、墮處、地獄。我於此是這樣看的,而且我也從諸阿羅漢那裡聽到這[話]。”

319. ‘‘Taṃ kiṃ maññasi, mahārāja, idhassa khattiyo pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi [micchādiṭṭhī (sabbattha)] kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya no vā? Kathaṃ vā te ettha hotī’’ti? ‘‘Khattiyopi hi, bho kaccāna, pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
已對照

“善哉,善哉,大王!大王,你這樣看,這很好;你從諸阿羅漢那裡聽到這[話],這也很好。大王,你認為怎樣?假如在此有一個婆羅門……乃至……假如在此有一個吠舍……乃至……假如在此有一個首陀羅,殺生、不與取……乃至……持邪見,他身壞命終之後,會投生於苦界、惡趣、墮處、地獄,還是不會?或者你於此怎麼看?”“迦旃延尊師,首陀羅若是殺生、不與取……乃至……持邪見,也會身壞命終之後,投生於苦界、惡趣、墮處、地獄。我於此是這樣看的,而且我也從諸阿羅漢那裡聽到這[話]。”

‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, idhassa brāhmaṇo…pe… idhassa vesso…pe… idhassa suddo pāṇātipātī adinnādāyī…pe… micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya no vā? Kathaṃ vā te ettha hotī’’ti? ‘‘Suddopi hi, bho kaccāna, pāṇātipātī adinnādāyī…pe… micchādiṭṭhi kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
PTS 2.87已對照

“善哉,善哉,大王!大王,你這樣看,這很好;你從諸阿羅漢那裡聽到這[話],這也很好。大王,你認為怎樣?若是這樣,這四種姓是完全平等的,還是不是?或者你於此怎麼看?”“迦旃延尊師,若是這樣,這四種姓確實是完全平等的。我看不出它們在這裡有任何差別。”“大王,由這一理趣也應知道這[一點],即:這在世間只是一種傳言——‘唯婆羅門是最勝的種姓,其餘種姓卑劣……乃至……梵的繼承者。’”

‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
320緬 2.274已對照

三二〇、“大王,你認為怎樣?假如在此有一個剎帝利,遠離殺生、遠離不與取、遠離欲邪行、遠離妄語、遠離離間語、遠離粗惡語、遠離雜穢語、不懷貪欲、心無瞋恚、持正見,他身壞命終之後,會投生於善趣、天界,還是不會?或者你於此怎麼看?”“迦旃延尊師,剎帝利若是遠離殺生、遠離不與取、遠離欲邪行、遠離妄語、遠離離間語、遠離粗惡語、遠離雜穢語、不懷貪欲、心無瞋恚、持正見,也會身壞命終之後,投生於善趣、天界。我於此是這樣看的,而且我也從諸阿羅漢那裡聽到這[話]。”

320. ‘‘Taṃ kiṃ maññasi, mahārāja, idhassa khattiyo pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, pisuṇāya vācāya paṭivirato, pharusāya vācāya paṭivirato, samphappalāpā paṭivirato, anabhijjhālu abyāpannacitto sammādiṭṭhi [sammādiṭṭhī (syā. kaṃ. pī. ka.)] kāyassa bhedā paraṃ maraṇā sugatiṃ saggaṃ lokaṃ upapajjeyya no vā? Kathaṃ vā te ettha hotī’’ti? ‘‘Khattiyopi hi, bho kaccāna, pāṇātipātā paṭivirato, adinnādānā paṭivirato, kāmesumicchācārā paṭivirato, musāvādā paṭivirato, pisuṇāya vācāya paṭivirato, pharusāya vācāya paṭivirato, samphappalāpā paṭivirato, anabhijjhālu abyāpannacitto sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
已對照

“善哉,善哉,大王!大王,你這樣看,這很好;你從諸阿羅漢那裡聽到這[話],這也很好。大王,你認為怎樣?假如在此有一個婆羅門,在此有一個吠舍,在此有一個首陀羅,遠離殺生、遠離不與取……乃至……持正見,他身壞命終之後,會投生於善趣、天界,還是不會?或者你於此怎麼看?”“迦旃延尊師,首陀羅若是遠離殺生、遠離不與取……乃至……持正見,也會身壞命終之後,投生於善趣、天界。我於此是這樣看的,而且我也從諸阿羅漢那裡聽到這[話]。”

‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, idhassa brāhmaṇo, idhassa vesso, idhassa suddo pāṇātipātā paṭivirato adinnādānā paṭivirato…pe… sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya no vā? Kathaṃ vā te ettha hotī’’ti? ‘‘Suddopi hi, bho kaccāna, pāṇātipātā paṭivirato, adinnādānā paṭivirato…pe… sammādiṭṭhi kāyassa bhedā paraṃ maraṇā sugatiṃ saggaṃ lokaṃ upapajjeyya. Evaṃ me ettha hoti, evañca pana me etaṃ arahataṃ suta’’nti.
PTS 2.88已對照

“善哉,善哉,大王!大王,你這樣看,這很好;你從諸阿羅漢那裡聽到這[話],這也很好。大王,你認為怎樣?若是這樣,這四種姓是完全平等的,還是不是?或者你於此怎麼看?”“迦旃延尊師,若是這樣,這四種姓確實是完全平等的。我看不出它們在這裡有任何差別。”“大王,由這一理趣也應知道這[一點],即:這在世間只是一種傳言——‘唯婆羅門是最勝的種姓,其餘種姓卑劣……乃至……梵的繼承者。’”

‘‘Sādhu sādhu, mahārāja! Sādhu kho te etaṃ, mahārāja, evaṃ hoti, sādhu ca pana te etaṃ arahataṃ sutaṃ. Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
321緬 2.275已對照

三二一、“大王,你認為怎樣?假如在此有一個剎帝利,破門入室,或行掠奪,或行劫獨戶,或攔路伏擊,或與他人之妻苟合,而你的人們捉住他帶來給你看:‘陛下,這是作惡的盜賊;請對他施你所要的刑罰。’你會對他怎麼做?”“迦旃延尊師,我們會殺他,或罰沒[財物],或流放[他],或隨意處置[他]。這是什麼緣故呢?迦旃延尊師,因為他先前那‘剎帝利’的名稱已從他身上消失了,他只被算作盜賊。”

321. ‘‘Taṃ kiṃ maññasi, mahārāja, idha khattiyo sandhiṃ vā chindeyya, nillopaṃ vā hareyya, ekāgārikaṃ vā kareyya, paripanthe vā tiṭṭheyya, paradāraṃ vā gaccheyya, tañce te purisā gahetvā dasseyyuṃ – ‘ayaṃ te, deva, coro āgucārī. Imassa yaṃ icchasi taṃ daṇḍaṃ paṇehī’ti. Kinti naṃ kareyyāsī’’ti? ‘‘Ghāteyyāma vā, bho kaccāna, jāpeyyāma vā pabbājeyyāma vā yathāpaccayaṃ vā kareyyāma. Taṃ kissa hetu? Yā hissa, bho kaccāna, pubbe ‘khattiyo’ti samaññā sāssa antarahitā; corotveva saṅkhyaṃ [saṅkhaṃ (sī. syā. kaṃ. pī.)] gacchatī’’ti.
已對照

“大王,你認為怎樣?假如在此有一個婆羅門,在此有一個吠舍,在此有一個首陀羅,破門入室,或行掠奪,或行劫獨戶,或攔路伏擊,或與他人之妻苟合,而你的人們捉住他帶來給你看:‘陛下,這是作惡的盜賊;請對他施你所要的刑罰。’你會對他怎麼做?”“迦旃延尊師,我們會殺他,或罰沒[財物],或流放[他],或隨意處置[他]。這是什麼緣故呢?迦旃延尊師,因為他先前那‘首陀羅’的名稱已從他身上消失了,他只被算作盜賊。”

‘‘Taṃ kiṃ maññasi, mahārāja, idha brāhmaṇo, idha vesso, idha suddo sandhiṃ vā chindeyya, nillopaṃ vā hareyya, ekāgārikaṃ vā kareyya, paripanthe vā tiṭṭheyya, paradāraṃ vā gaccheyya, tañce te purisā gahetvā dasseyyuṃ – ‘ayaṃ te, deva, coro āgucārī. Imassa yaṃ icchasi taṃ daṇḍaṃ paṇehī’ti. Kinti naṃ kareyyāsī’’ti? ‘‘Ghāteyyāma vā, bho kaccāna, jāpeyyāma vā pabbājeyyāma vā yathāpaccayaṃ vā kareyyāma. Taṃ kissa hetu? Yā hissa, bho kaccāna, pubbe ‘suddo’ti samaññā sāssa antarahitā; corotveva saṅkhyaṃ gacchatī’’ti.
PTS 2.89已對照

“大王,你認為怎樣?若是這樣,這四種姓是完全平等的,還是不是?或者你於此怎麼看?”“迦旃延尊師,若是這樣,這四種姓確實是完全平等的。我看不出它們在這裡有任何差別。”“大王,由這一理趣也應知道這[一點],即:這在世間只是一種傳言——‘唯婆羅門是最勝的種姓,其餘種姓卑劣……乃至……梵的繼承者。’”

‘‘Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo…pe… brahmadāyādā’’’ti.
322已對照

三二二、“大王,你認為怎樣?假如在此有一個剎帝利,剃除鬚髮,披上袈裟衣,從家出家、成為無家者,是離殺生者、離不與取者、離妄語者,止於[非]夜食者、一食者、梵行者、持戒者、有善法者,你會對他怎麼做?”“迦旃延尊師,我們會禮敬他,或起身迎接他,或以座位邀請他,或邀請他接受衣、缽食、坐臥處、病緣藥資具,或為他安排如法的保護、障護與守衛。這是什麼緣故呢?迦旃延尊師,因為他先前那‘剎帝利’的名稱已從他身上消失了,他只被算作沙門。”

322. ‘‘Taṃ kiṃ maññasi, mahārāja, idha khattiyo kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito assa virato pāṇātipātā, virato adinnādānā, virato musāvādā, rattūparato, ekabhattiko, brahmacārī, sīlavā, kalyāṇadhammo? Kinti naṃ kareyyāsī’’ti? ‘‘Abhivādeyyāma vā [pi (dī. ni. 1.184, 187 sāmaññaphale)], bho kaccāna, paccuṭṭheyyāma vā āsanena vā nimanteyyāma abhinimanteyyāma vā naṃ cīvarapiṇḍapātasenāsanagilānappaccayabhesajjaparikkhārehi dhammikaṃ vā assa rakkhāvaraṇaguttiṃ saṃvidaheyyāma. Taṃ kissa hetu? Yā hissa, bho kaccāna, pubbe ‘khattiyo’ti samaññā sāssa antarahitā; samaṇotveva saṅkhyaṃ gacchatī’’ti.
緬 2.276已對照

“大王,你認為怎樣?假如在此有一個婆羅門,在此有一個吠舍,在此有一個首陀羅,剃除鬚髮,披上袈裟衣,從家出家、成為無家者,是離殺生者、離不與取者、離妄語者,止於[非]夜食者、一食者、梵行者、持戒者、有善法者,你會對他怎麼做?”“迦旃延尊師,我們會禮敬他,或起身迎接他,或以座位邀請他,或邀請他接受衣、缽食、坐臥處、病緣藥資具,或為他安排如法的保護、障護與守衛。這是什麼緣故呢?迦旃延尊師,因為他先前那‘首陀羅’的名稱已從他身上消失了,他只被算作沙門。”

‘‘Taṃ kiṃ maññasi, mahārāja, idha brāhmaṇo, idha vesso, idha suddo kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajito assa virato pāṇātipātā, virato adinnādānā virato musāvādā, rattūparato, ekabhattiko, brahmacārī, sīlavā, kalyāṇadhammo? Kinti naṃ kareyyāsī’’ti? ‘‘Abhivādeyyāma vā, bho kaccāna, paccuṭṭheyyāma vā āsanena vā nimanteyyāma abhinimanteyyāma vā naṃ cīvarapiṇḍapātasenāsanagilānappaccayabhesajjaparikkhārehi dhammikaṃ vā assa rakkhāvaraṇaguttiṃ saṃvidaheyyāma. Taṃ kissa hetu? Yā hissa, bho kaccāna, pubbe ‘suddo’ti samaññā sāssa antarahitā; samaṇotveva saṅkhyaṃ gacchatī’’ti.
已對照

“大王,你認為怎樣?若是這樣,這四種姓是完全平等的,還是不是?或者你於此怎麼看?”“迦旃延尊師,若是這樣,這四種姓確實是完全平等的。我看不出它們在這裡有任何差別。”“大王,由這一理趣也應知道這[一點],即:這在世間只是一種傳言——‘唯婆羅門是最勝的種姓,其餘種姓卑劣;唯婆羅門是白淨的種姓,其餘種姓黑暗;唯婆羅門得清淨,非婆羅門則不然;唯婆羅門是梵天的親生子,從[梵天]口所生,梵所生、梵所化、梵的繼承者。’”

‘‘Taṃ kiṃ maññasi, mahārāja, yadi evaṃ sante, ime cattāro vaṇṇā samasamā honti no vā? Kathaṃ vā te ettha hotī’’ti? ‘‘Addhā kho, bho kaccāna, evaṃ sante, ime cattāro vaṇṇā samasamā honti. Nesaṃ ettha kiñci nānākaraṇaṃ samanupassāmī’’ti. ‘‘Imināpi kho etaṃ, mahārāja, pariyāyena veditabbaṃ yathā ghoso yeveso lokasmiṃ – ‘brāhmaṇova seṭṭho vaṇṇo, hīno añño vaṇṇo; brāhmaṇova sukko vaṇṇo, kaṇho añño vaṇṇo; brāhmaṇāva sujjhanti, no abrāhmaṇā; brāhmaṇāva brahmuno puttā orasā mukhato jātā brahmajā brahmanimmitā brahmadāyādā’’’ti.
323PTS 2.90緬 2.277已對照

三二三、這樣說時,摩偷羅王阿槃提子對具壽大迦旃延這樣說——“奇哉!迦旃延尊師,奇哉!迦旃延尊師。迦旃延尊師,猶如把倒覆的扶起,把遮蔽的揭開,為迷路者指示道路,在黑暗中持來油燈,使有眼者得見諸色。正是如此,迦旃延尊師以種種方式開顯了法。我皈依那位迦旃延尊師、法與比丘僧團。願迦旃延尊師憶持我為優婆塞,從今日起,終生皈依。”“大王,你不要皈依我。你要皈依我所皈依的那位世尊。”“迦旃延尊師,那位世尊、阿羅漢、正等正覺者現在住在哪裡呢?”“大王,那位世尊、阿羅漢、正等正覺者現在已般涅槃了。”“迦旃延尊師,即使我們聽說那位世尊在十由旬[之外],我們也會走十由旬去見那位世尊、阿羅漢、正等正覺者。迦旃延尊師,即使我們聽說那位世尊在二十由旬、三十由旬、四十由旬、五十由旬[之外],我們也會走五十由旬去見那位世尊、阿羅漢、正等正覺者。迦旃延尊師,即使我們聽說那位世尊在一百由旬[之外],我們也會走一百由旬去見那位世尊、阿羅漢、正等正覺者。然而,迦旃延尊師,既然那位世尊已般涅槃,我們也皈依那已般涅槃的世尊、法與比丘僧團。願迦旃延尊師憶持我為優婆塞,從今日起,終生皈依。”

323. Evaṃ vutte, rājā mādhuro avantiputto āyasmantaṃ mahākaccānaṃ etadavoca – ‘‘abhikkantaṃ, bho kaccāna, abhikkantaṃ, bho kaccāna! Seyyathāpi, bho kaccāna, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhotā kaccānena anekapariyāyena dhammo pakāsito. Esāhaṃ bhavantaṃ kaccānaṃ saraṇaṃ gacchāmi dhammañca bhikkhusaṅghañca. Upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gata’’nti. ‘‘Mā kho maṃ tvaṃ, mahārāja, saraṇaṃ agamāsi. Tameva tvaṃ [tametaṃ tvaṃ (syā. kaṃ.), tametaṃ (ka.)] bhagavantaṃ saraṇaṃ gaccha yamahaṃ saraṇaṃ gato’’ti. ‘‘Kahaṃ pana, bho kaccāna, etarahi so bhagavā viharati arahaṃ sammāsambuddho’’ti? ‘‘Parinibbuto kho, mahārāja, etarahi so bhagavā arahaṃ sammāsambuddho’’ti. ‘‘Sacepi mayaṃ, bho kaccāna, suṇeyyāma taṃ bhagavantaṃ dasasu yojanesu, dasapi mayaṃ yojanāni gaccheyyāma taṃ bhagavantaṃ dassanāya arahantaṃ sammāsambuddhaṃ. Sacepi mayaṃ, bho kaccāna, suṇeyyāma taṃ bhagavantaṃ vīsatiyā yojanesu, tiṃsāya yojanesu, cattārīsāya yojanesu, paññāsāya yojanesu, paññāsampi mayaṃ yojanāni gaccheyyāma taṃ bhagavantaṃ dassanāya arahantaṃ sammāsambuddhaṃ. Yojanasate cepi mayaṃ bho kaccāna, suṇeyyāma taṃ bhagavantaṃ, yojanasatampi mayaṃ gaccheyyāma taṃ bhagavantaṃ dassanāya arahantaṃ sammāsambuddhaṃ. Yato ca, bho kaccāna, parinibbuto so bhagavā, parinibbutampi mayaṃ bhagavantaṃ saraṇaṃ gacchāma dhammañca bhikkhusaṅghañca. Upāsakaṃ maṃ bhavaṃ kaccāno dhāretu ajjatagge pāṇupetaṃ saraṇaṃ gata’’nti.
Madhurasuttaṃ niṭṭhitaṃ catutthaṃ.
已對照

《摩偷羅經》終,[《王品》中之]第四[經]。