快樂巴利palinanda.cc

中部第8經 · 削減經 Sallekhasuttaṃ

本經目錄八、削減經

已對照

八、削減經

8. Sallekhasuttaṃ
81緬 1.49已對照

八十一、如是我聞——一時,世尊住在舍衛城(Sāvatthī)的祇樹林(Jetavana)給孤獨園(Anāthapiṇḍika 之園)。那時,具壽大純陀(Mahācunda)於傍晚時從靜坐(paṭisallāna)起身,前往世尊之處;到了之後禮敬世尊,坐於一邊。坐於一邊的具壽大純陀對世尊這樣說:“尊者,世間所生起的這些種種見——或與我論相應(attavādapaṭisaṃyutta)、或與世間論相應(lokavādapaṭisaṃyutta)——尊者,比丘只在最初作意,便有這些見的斷除、便有這些見的舍離嗎?”

81. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmā mahācundo sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahācundo bhagavantaṃ etadavoca – ‘‘yā imā, bhante, anekavihitā diṭṭhiyo loke uppajjanti – attavādapaṭisaṃyuttā vā lokavādapaṭisaṃyuttā vā – ādimeva nu kho, bhante, bhikkhuno manasikaroto evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hotī’’ti?
82已對照

八十二、“純陀,世間所生起的這些種種見——或與我論相應、或與世間論相應——凡這些見於何處生起、於何處隨眠(anusenti)、於何處現行(samudācaranti),若[有人]以正慧如實見那[處]為‘這非我所,這非我,這非我之我’,便有這些見的斷除,便有這些見的舍離。

82. ‘‘Yā imā, cunda, anekavihitā diṭṭhiyo loke uppajjanti – attavādapaṭisaṃyuttā vā lokavādapaṭisaṃyuttā vā – yattha cetā diṭṭhiyo uppajjanti yattha ca anusenti yattha ca samudācaranti taṃ ‘netaṃ mama, nesohamasmi, na me so attā’ti – evametaṃ yathābhūtaṃ sammappaññā passato evametāsaṃ diṭṭhīnaṃ pahānaṃ hoti, evametāsaṃ diṭṭhīnaṃ paṭinissaggo hoti.
PTS 1.41已對照

“純陀,而有這樣的可能:此中某位比丘離諸欲、離諸不善法,有尋有伺,有由遠離所生的喜與樂,成就初禪而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸現法樂住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
已對照

“純陀,而有這樣的可能:此中某位比丘由尋與伺的止息,內[心]淨、心一境,無尋無伺,有由定所生的喜與樂,成就第二禪而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸現法樂住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
已對照

“純陀,而有這樣的可能:此中某位比丘由喜之離貪而住於舍,正念正知,以身領受樂——諸聖者稱那[禪]為‘住於舍,具念,樂住’——成就第三禪而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸現法樂住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu pītiyā ca virāgā upekkhako ca vihareyya, sato ca sampajāno sukhañca kāyena paṭisaṃvedeyya, yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
緬 1.50已對照

“純陀,而有這樣的可能:此中某位比丘由樂之斷、由苦之斷,先前諸悅與憂已滅沒,不苦不樂,有舍念清淨,成就第四禪而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸現法樂住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu sukhassa ca pahānā dukkhassa ca pahānā pubbeva somanassadomanassānaṃ atthaṅgamā adukkhamasuṃ upekkhāsatipārisuddhiṃ catutthaṃ jhānaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Diṭṭhadhammasukhavihārā ete ariyassa vinaye vuccanti.
已對照

“純陀,而有這樣的可能:此中某位比丘由於一切方面超越諸色想、由諸有對想之滅沒、由於諸種種想不作意,[知]‘虛空無邊’而成就空無邊處而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸寂靜住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso rūpasaññānaṃ samatikkamā, paṭighasaññānaṃ atthaṅgamā, nānattasaññānaṃ amanasikārā, ‘ananto ākāso’ti ākāsānañcāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
已對照

“純陀,而有這樣的可能:此中某位比丘由於一切方面超越空無邊處,[知]‘識無邊’而成就識無邊處而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸寂靜住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
已對照

“純陀,而有這樣的可能:此中某位比丘由於一切方面超越識無邊處,[知]‘無有一物’而成就無所有處而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸寂靜住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
PTS 1.42已對照

“純陀,而有這樣的可能:此中某位比丘由於一切方面超越無所有處而成就非想非非想處而住。他可能這樣[想]:‘我以削減[煩惱]而住。’然而純陀,在聖者之律中,這些並不稱為諸削減;在聖者之律中,這些稱為諸寂靜住。

‘‘Ṭhānaṃ kho panetaṃ, cunda, vijjati yaṃ idhekacco bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja vihareyya. Tassa evamassa – ‘sallekhena viharāmī’ti. Na kho panete, cunda, ariyassa vinaye sallekhā vuccanti. Santā ete vihārā ariyassa vinaye vuccanti.
83緬 1.51已對照

八十三、“而純陀,此中你們應作削減[煩惱](sallekha)。‘他人將成為害者(vihiṃsaka),而我們於此將成為不害者’——應作削減[煩惱]。‘他人將成為殺生者(pāṇātipātī),而我們於此將成為離殺生者’——應作削減[煩惱]。‘他人將成為取不與者(adinnādāyī),而我們於此將成為離不與取者’——應作削減[煩惱]。‘他人將成為非梵行者(abrahmacārī),而我們於此將成為梵行者(brahmacārī)’——應作削減[煩惱]。‘他人將成為妄語者(musāvādī),而我們於此將成為離妄語者’——應作削減[煩惱]。‘他人將成為離間語者(pisuṇavāca),而我們於此將成為離離間語者’——應作削減[煩惱]。‘他人將成為粗惡語者(pharusavāca),而我們於此將成為離粗惡語者’——應作削減[煩惱]。‘他人將成為雜穢語者(samphappalāpī),而我們於此將成為離雜穢語者’——應作削減[煩惱]。‘他人將成為貪欲者(abhijjhālū),而我們於此將成為無貪欲者’——應作削減[煩惱]。‘他人將成為瞋心者(byāpannacitta),而我們於此將成為無瞋心者’——應作削減[煩惱]。‘他人將成為邪見者(micchādiṭṭhī),而我們於此將成為正見者’——應作削減[煩惱]。‘他人將成為邪思惟者(micchāsaṅkappa),而我們於此將成為正思惟者’——應作削減[煩惱]。‘他人將成為邪語者(micchāvāca),而我們於此將成為正語者’——應作削減[煩惱]。‘他人將成為邪業者(micchākammanta),而我們於此將成為正業者’——應作削減[煩惱]。‘他人將成為邪命者(micchāājīva),而我們於此將成為正命者’——應作削減[煩惱]。‘他人將成為邪精進者(micchāvāyāma),而我們於此將成為正精進者’——應作削減[煩惱]。‘他人將成為邪念者(micchāsati),而我們於此將成為正念者’——應作削減[煩惱]。‘他人將成為邪定者(micchāsamādhi),而我們於此將成為正定者’——應作削減[煩惱]。‘他人將成為邪智者(micchāñāṇī),而我們於此將成為正智者’——應作削減[煩惱]。‘他人將成為邪解脫者(micchāvimuttī),而我們於此將成為正解脫者’——應作削減[煩惱]。

83. ‘‘Idha kho pana vo, cunda, sallekho karaṇīyo. ‘Pare vihiṃsakā bhavissanti, mayamettha avihiṃsakā bhavissāmā’ti sallekho karaṇīyo. ‘Pare pāṇātipātī bhavissanti, mayamettha pāṇātipātā paṭiviratā bhavissāmā’ti sallekho karaṇīyo. ‘Pare adinnādāyī bhavissanti, mayamettha adinnādānā paṭiviratā bhavissāmā’ti sallekho karaṇīyo. ‘Pare abrahmacārī bhavissanti, mayamettha brahmacārī bhavissāmā’ti sallekho karaṇīyo. ‘Pare musāvādī bhavissanti, mayamettha musāvādā paṭiviratā bhavissāmā’ti sallekho karaṇīyo. ‘Pare pisuṇavācā [pisuṇā vācā (sī. pī.)] bhavissanti, mayamettha pisuṇāya vācāya paṭiviratā bhavissāmā’ti sallekho karaṇīyo. ‘Pare pharusavācā [pharusā vācā (sī. pī.)] bhavissanti, mayamettha pharusāya vācāya paṭiviratā bhavissāmā’ti sallekho karaṇīyo. ‘Pare samphappalāpī bhavissanti, mayamettha samphappalāpā paṭiviratā bhavissāmā’ti sallekho karaṇīyo. ‘Pare abhijjhālū bhavissanti, mayamettha anabhijjhālū bhavissāmā’ti sallekho karaṇīyo. ‘Pare byāpannacittā bhavissanti, mayamettha abyāpannacittā bhavissāmā’ti sallekho karaṇīyo. ‘Pare micchādiṭṭhī bhavissanti, mayamettha sammādiṭṭhī bhavissāmā’ti sallekho karaṇīyo. ‘Pare micchāsaṅkappā bhavissanti, mayamettha sammāsaṅkappā bhavissāmā’ti sallekho karaṇīyo. ‘Pare micchāvācā bhavissanti, mayamettha sammāvācā bhavissāmā’ti sallekho karaṇīyo. ‘Pare micchākammantā bhavissanti, mayamettha sammākammantā bhavissāmā’ti sallekho karaṇīyo. ‘Pare micchāājīvā bhavissanti, mayamettha sammāājīvā bhavissāmā’ti sallekho karaṇīyo. ‘Pare micchāvāyāmā bhavissanti, mayamettha sammāvāyāmā bhavissāmā’ti sallekho karaṇīyo. ‘Pare micchāsatī bhavissanti, mayamettha sammāsatī bhavissāmā’ti sallekho karaṇīyo. ‘Pare micchāsamādhi bhavissanti, mayamettha sammāsamādhī bhavissāmā’ti sallekho karaṇīyo. ‘Pare micchāñāṇī bhavissanti, mayamettha sammāñāṇī bhavissāmā’ti sallekho karaṇīyo. ‘Pare micchāvimuttī bhavissanti, mayamettha sammāvimuttī bhavissāmā’ti sallekho karaṇīyo.
PTS 1.43緬 1.52已對照

“‘他人將成為為昏沉睡眠所纏者(thīnamiddhapariyuṭṭhita),而我們於此將成為昏沉睡眠已離者’——應作削減[煩惱]。‘他人將成為掉舉者(uddhata),而我們於此將成為不掉舉者’——應作削減[煩惱]。‘他人將成為有疑惑者(vicikicchī),而我們於此將成為已度疑惑者’——應作削減[煩惱]。‘他人將成為忿者(kodhana),而我們於此將成為不忿者’——應作削減[煩惱]。‘他人將成為怨恨者(upanāhī),而我們於此將成為不怨恨者’——應作削減[煩惱]。‘他人將成為覆蔑者(makkhī),而我們於此將成為不覆蔑者’——應作削減[煩惱]。‘他人將成為攀齊者(paḷāsī),而我們於此將成為不攀齊者’——應作削減[煩惱]。‘他人將成為嫉者(issukī),而我們於此將成為不嫉者’——應作削減[煩惱]。‘他人將成為慳者(maccharī),而我們於此將成為不慳者’——應作削減[煩惱]。‘他人將成為諂者(saṭha),而我們於此將成為不諂者’——應作削減[煩惱]。‘他人將成為誑者(māyāvī),而我們於此將成為不誑者’——應作削減[煩惱]。‘他人將成為頑固者(thaddha),而我們於此將成為不頑固者’——應作削減[煩惱]。‘他人將成為過慢者(atimānī),而我們於此將成為不過慢者’——應作削減[煩惱]。‘他人將成為難受勸者(dubbaca),而我們於此將成為易受勸者(suvaca)’——應作削減[煩惱]。‘他人將成為惡友者(pāpamitta),而我們於此將成為善友者(kalyāṇamitta)’——應作削減[煩惱]。‘他人將成為放逸者(pamatta),而我們於此將成為不放逸者’——應作削減[煩惱]。‘他人將成為無信者(assaddha),而我們於此將成為有信者’——應作削減[煩惱]。‘他人將成為無慚者(ahirika),而我們於此將成為有慚意者(hirimana)’——應作削減[煩惱]。‘他人將成為無愧者(anottāpī),而我們於此將成為有愧者’——應作削減[煩惱]。‘他人將成為少聞者(appassuta),而我們於此將成為多聞者(bahussuta)’——應作削減[煩惱]。‘他人將成為懈怠者(kusīta),而我們於此將成為勤發精進者(āraddhavīriya)’——應作削減[煩惱]。‘他人將成為失念者(muṭṭhassatī),而我們於此將成為念現前者(upaṭṭhitassatī)’——應作削減[煩惱]。‘他人將成為劣慧者(duppañña),而我們於此將成為慧具足者’——應作削減[煩惱]。‘他人將成為執取自見者、堅執者、難捨離者(sandiṭṭhiparāmāsī ādhānaggāhī duppaṭinissaggī),而我們於此將成為不執取自見者、不堅執者、易舍離者’——應作削減[煩惱]。

‘‘‘Pare thīnamiddhapariyuṭṭhitā bhavissanti, mayamettha vigatathīnamiddhā bhavissāmā’ti sallekho karaṇīyo. ‘Pare uddhatā bhavissanti, mayamettha anuddhatā bhavissāmā’ti sallekho karaṇīyo. ‘Pare vicikicchī [vecikicchī (sī. pī. ka.)] bhavissanti, mayamettha tiṇṇavicikicchā bhavissāmā’ti sallekho karaṇīyo. ‘Pare kodhanā bhavissanti, mayamettha akkodhanā bhavissāmā’ti sallekho karaṇīyo. ‘Pare upanāhī bhavissanti, mayamettha anupanāhī bhavissāmā’ti sallekho karaṇīyo. ‘Pare makkhī bhavissanti, mayamettha amakkhī bhavissāmā’ti sallekho karaṇīyo. ‘Pare paḷāsī bhavissanti, mayamettha apaḷāsī bhavissāmā’ti sallekho karaṇīyo. ‘Pare issukī bhavissanti, mayamettha anissukī bhavissāmā’ti sallekho karaṇīyo. ‘Pare maccharī bhavissanti, mayamettha amaccharī bhavissāmā’ti sallekho karaṇīyo. ‘Pare saṭhā bhavissanti, mayamettha asaṭhā bhavissāmā’ti sallekho karaṇīyo. ‘Pare māyāvī bhavissanti, mayamettha amāyāvī bhavissāmā’ti sallekho karaṇīyo. ‘Pare thaddhā bhavissanti, mayamettha atthaddhā bhavissāmā’ti sallekho karaṇīyo. ‘Pare atimānī bhavissanti, mayamettha anatimānī bhavissāmā’ti sallekho karaṇīyo. ‘Pare dubbacā bhavissanti, mayamettha suvacā bhavissāmā’ti sallekho karaṇīyo. ‘Pare pāpamittā bhavissanti, mayamettha kalyāṇamittā bhavissāmā’ti sallekho karaṇīyo. ‘Pare pamattā bhavissanti, mayamettha appamattā bhavissāmā’ti sallekho karaṇīyo. ‘Pare assaddhā bhavissanti, mayamettha saddhā bhavissāmā’ti sallekho karaṇīyo. ‘Pare ahirikā bhavissanti, mayamettha hirimanā bhavissāmā’ti sallekho karaṇīyo. ‘Pare anottāpī [anottappī (ka.)] bhavissanti, mayamettha ottāpī bhavissāmā’ti sallekho karaṇīyo. ‘Pare appassutā bhavissanti, mayamettha bahussutā bhavissāmā’ti sallekho karaṇīyo. ‘Pare kusītā bhavissanti, mayamettha āraddhavīriyā bhavissāmā’ti sallekho karaṇīyo. ‘Pare muṭṭhassatī bhavissanti, mayamettha upaṭṭhitassatī bhavissāmā’ti sallekho karaṇīyo. ‘Pare duppaññā bhavissanti, mayamettha paññāsampannā bhavissāmā’ti sallekho karaṇīyo. ‘Pare sandiṭṭhiparāmāsī ādhānaggāhī duppaṭinissaggī bhavissanti, mayamettha asandiṭṭhiparāmāsī anādhānaggāhī suppaṭinissaggī bhavissāmā’ti sallekho karaṇīyo.
84緬 1.53已對照

八十四、“純陀,我說縱是於諸善法[生起]心念也多所助益,何須說身與語的隨順而行呢!所以純陀,‘他人將成為害者,而我們於此將成為不害者’——應生起[這樣的]心念;‘他人將成為殺生者,而我們於此將成為離殺生者’——應生起[這樣的]心念……‘他人將成為執取自見者、堅執者、難捨離者,而我們於此將成為不執取自見者、不堅執者、易舍離者’——應生起[這樣的]心念。

84. ‘‘Cittuppādampi kho ahaṃ, cunda, kusalesu dhammesu bahukāraṃ [bahūpakāraṃ (ka.)] vadāmi, ko pana vādo kāyena vācāya anuvidhīyanāsu! Tasmātiha, cunda, ‘pare vihiṃsakā bhavissanti, mayamettha avihiṃsakā bhavissāmā’ti cittaṃ uppādetabbaṃ. ‘Pare pāṇātipātī bhavissanti, mayamettha pāṇātipātā paṭiviratā bhavissāmā’ti cittaṃ uppādetabbaṃ…‘pare sandiṭṭhiparāmāsī ādhānaggāhī duppaṭinissaggī bhavissanti, mayamettha asandiṭṭhiparāmāsī anādhānaggāhī suppaṭinissaggī bhavissāmā’ti cittaṃ uppādetabbaṃ.
85PTS 1.44已對照

八十五、“純陀,猶如有一條不平之道,而另有一條平道可以迴避它;又猶如純陀,有一處不平之渡口,而另有一處平的渡口可以迴避它——同樣,純陀,於害的人(purisapuggala),不害(avihiṃsā)是為迴避;於殺生的人,離殺生(pāṇātipātā veramaṇī)是為迴避;於取不與的人,離不與取是為迴避;於非梵行的人,離非梵行是為迴避;於妄語的人,離妄語是為迴避;於離間語的人,離離間語是為迴避;於粗惡語的人,離粗惡語是為迴避;於雜穢語的人,離雜穢語是為迴避;於貪欲的人,無貪欲(anabhijjhā)是為迴避;於瞋心的人,無瞋恚(abyāpāda)是為迴避;於邪見的人,正見是為迴避;於邪思惟的人,正思惟是為迴避;於邪語的人,正語是為迴避;於邪業的人,正業是為迴避;於邪命的人,正命是為迴避;於邪精進的人,正精進是為迴避;於邪念的人,正念是為迴避;於邪定的人,正定是為迴避;於邪智的人,正智是為迴避;於邪解脫的人,正解脫是為迴避。

85. ‘‘Seyyathāpi, cunda, visamo maggo assa, tassa [maggo tassāssa (sī. syā. pī.)] añño samo maggo parikkamanāya; seyyathā vā pana, cunda, visamaṃ titthaṃ assa, tassa aññaṃ samaṃ titthaṃ parikkamanāya; evameva kho, cunda, vihiṃsakassa purisapuggalassa avihiṃsā hoti parikkamanāya, pāṇātipātissa purisapuggalassa pāṇātipātā veramaṇī hoti parikkamanāya, adinnādāyissa purisapuggalassa adinnādānā veramaṇī hoti parikkamanāya, abrahmacārissa purisapuggalassa abrahmacariyā veramaṇī hoti parikkamanāya, musāvādissa purisapuggalassa musāvādā veramaṇī hoti parikkamanāya, pisuṇavācassa purisapuggalassa pisuṇāya vācāya veramaṇī hoti parikkamanāya, pharusavācassa purisapuggalassa pharusāya vācāya veramaṇī hoti parikkamanāya, samphappalāpissa purisapuggalassa samphappalāpā veramaṇī hoti parikkamanāya, abhijjhālussa purisapuggalassa anabhijjhā hoti parikkamanāya, byāpannacittassa purisapuggalassa abyāpādo hoti parikkamanāya, micchādiṭṭhissa purisapuggalassa sammādiṭṭhi hoti parikkamanāya, micchāsaṅkappassa purisapuggalassa sammāsaṅkappo hoti parikkamanāya, micchāvācassa purisapuggalassa sammāvācā hoti parikkamanāya, micchākammantassa purisapuggalassa sammākammanto hoti parikkamanāya, micchāājīvassa purisapuggalassa sammāājīvo hoti parikkamanāya, micchāvāyāmassa purisapuggalassa sammāvāyāmo hoti parikkamanāya, micchāsatissa purisapuggalassa sammāsati hoti parikkamanāya, micchāsamādhissa purisapuggalassa sammāsamādhi hoti parikkamanāya, micchāñāṇissa purisapuggalassa sammāñāṇaṃ hoti parikkamanāya, micchāvimuttissa purisapuggalassa sammāvimutti hoti parikkamanāya.
緬 1.54已對照

“於為昏沉睡眠所纏的人,昏沉睡眠已離之性是為迴避;於掉舉的人,不掉舉是為迴避;於有疑惑的人,已度疑惑之性是為迴避;於忿的人,不忿是為迴避;於怨恨的人,不怨恨是為迴避;於覆蔑的人,不覆蔑是為迴避;於攀齊的人,不攀齊是為迴避;於嫉的人,不嫉之性是為迴避;於慳的人,不慳是為迴避;於諂的人,不諂是為迴避;於誑的人,不誑是為迴避;於頑固的人,不頑固是為迴避;於過慢的人,不過慢是為迴避;於難受勸的人,易受勸之性是為迴避;於惡友的人,善友之性是為迴避;於放逸的人,不放逸是為迴避;於無信的人,信是為迴避;於無慚的人,慚是為迴避;於無愧的人,愧是為迴避;於少聞的人,多聞之性是為迴避;於懈怠的人,發起精進是為迴避;於失唸的人,念現前之性是為迴避;於劣慧的人,慧之成就是為迴避;於執取自見、堅執、難捨離的人,不執取自見、不堅執、易舍離之性是為迴避。

‘‘Thīnamiddhapariyuṭṭhitassa purisapuggalassa vigatathinamiddhatā hoti parikkamanāya, uddhatassa purisapuggalassa anuddhaccaṃ hoti parikkamanāya, vicikicchissa purisapuggalassa tiṇṇavicikicchatā hoti parikkamanāya, kodhanassa purisapuggalassa akkodho hoti parikkamanāya, upanāhissa purisapuggalassa anupanāho hoti parikkamanāya, makkhissa purisapuggalassa amakkho hoti parikkamanāya, paḷāsissa purisapuggalassa apaḷāso hoti parikkamanāya, issukissa purisapuggalassa anissukitā hoti parikkamanāya, maccharissa purisapuggalassa amacchariyaṃ hoti parikkamanāya, saṭhassa purisapuggalassa asāṭheyyaṃ hoti parikkamanāya, māyāvissa purisapuggalassa amāyā [amāyāvitā (ka.)] hoti parikkamanāya, thaddhassa purisapuggalassa atthaddhiyaṃ hoti parikkamanāya, atimānissa purisapuggalassa anatimāno hoti parikkamanāya, dubbacassa purisapuggalassa sovacassatā hoti parikkamanāya, pāpamittassa purisapuggalassa kalyāṇamittatā hoti parikkamanāya, pamattassa purisapuggalassa appamādo hoti parikkamanāya, assaddhassa purisapuggalassa saddhā hoti parikkamanāya, ahirikassa purisapuggalassa hirī hoti parikkamanāya, anottāpissa purisapuggalassa ottappaṃ hoti parikkamanāya, appassutassa purisapuggalassa bāhusaccaṃ hoti parikkamanāya, kusītassa purisapuggalassa vīriyārambho hoti parikkamanāya, muṭṭhassatissa purisapuggalassa upaṭṭhitassatitā hoti parikkamanāya, duppaññassa purisapuggalassa paññāsampadā hoti parikkamanāya, sandiṭṭhiparāmāsi-ādhānaggāhi-duppaṭinissaggissa purisapuggalassa asandiṭṭhiparāmāsianādhānaggāhi-suppaṭinissaggitā hoti parikkamanāya.
86PTS 1.45已對照

八十六、“純陀,猶如凡任何不善法都是趣向下分的,凡任何善法都是趣向上分的——同樣,純陀,於害的人,不害是為上分;於殺生的人,離殺生是為上分……乃至……於執取自見、堅執、難捨離的人,不執取自見、不堅執、易舍離之性是為上分。

86. ‘‘Seyyathāpi, cunda, ye keci akusalā dhammā sabbe te adhobhāgaṅgamanīyā [adhobhāvaṅgamanīyā (sī. syā. pī.)], ye keci kusalā dhammā sabbe te uparibhāgaṅgamanīyā [uparibhāvaṅgamanīyā (sī. syā. pī.)], evameva kho, cunda, vihiṃsakassa purisapuggalassa avihiṃsā hoti uparibhāgāya [uparibhāvāya (sī. syā. ka.)], pāṇātipātissa purisapuggalassa pāṇātipātā veramaṇī hoti uparibhāgāya…pe… sandiṭṭhiparāmāsi-ādhānaggāhi-duppaṭinissaggissa purisapuggalassa asandiṭṭhiparāmāsi-anādhānaggāhi-suppaṭinissaggitā hoti uparibhāgāya.
87緬 1.55已對照

八十七、“純陀,那自己陷於泥中者要把他人從陷於泥中拔出——無此可能。純陀,那自己不陷於泥中者要把他人從陷於泥中拔出——有此可能。純陀,那自己未調伏、未受訓導、未般涅槃者要調伏他人、訓導[他人]、令[他人]般涅槃——無此可能。純陀,那自己已調伏、已受訓導、已般涅槃者要調伏他人、訓導[他人]、令[他人]般涅槃——有此可能。同樣,純陀,於害的人,不害(avihiṃsā)是為般涅槃;於殺生的人,離殺生(pāṇātipātā veramaṇī)是為般涅槃;於取不與的人,離不與取是為般涅槃;於非梵行的人,離非梵行是為般涅槃;於妄語的人,離妄語是為般涅槃;於離間語的人,離離間語是為般涅槃;於粗惡語的人,離粗惡語是為般涅槃;於雜穢語的人,離雜穢語是為般涅槃;於貪欲的人,無貪欲(anabhijjhā)是為般涅槃;於瞋心的人,無瞋恚(abyāpāda)是為般涅槃;於邪見的人,正見是為般涅槃;於邪思惟的人,正思惟是為般涅槃;於邪語的人,正語是為般涅槃;於邪業的人,正業是為般涅槃;於邪命的人,正命是為般涅槃;於邪精進的人,正精進是為般涅槃;於邪念的人,正念是為般涅槃;於邪定的人,正定是為般涅槃;於邪智的人,正智是為般涅槃;於邪解脫的人,正解脫是為般涅槃。

87. ‘‘So vata, cunda, attanā palipapalipanno paraṃ palipapalipannaṃ uddharissatīti netaṃ ṭhānaṃ vijjati. So vata, cunda, attanā apalipapalipanno paraṃ palipapalipannaṃ uddharissatīti ṭhānametaṃ vijjati. So vata, cunda, attanā adanto avinīto aparinibbuto paraṃ damessati vinessati parinibbāpessatīti netaṃ ṭhānaṃ vijjati. So vata, cunda, attanā danto vinīto parinibbuto paraṃ damessati vinessati parinibbāpessatīti ṭhānametaṃ vijjati. Evameva kho, cunda, vihiṃsakassa purisapuggalassa avihiṃsā hoti parinibbānāya, pāṇātipātissa purisapuggalassa pāṇātipātā veramaṇī hoti parinibbānāya. Adinnādāyissa purisapuggalassa adinnādānā veramaṇī hoti parinibbānāya. Abrahmacārissa purisapuggalassa abrahmacariyā veramaṇī hoti parinibbānāya. Musāvādissa purisapuggalassa musāvādā veramaṇī hoti parinibbānāya. Pisuṇavācassa purisapuggalassa pisuṇāya vācāya veramaṇī hoti parinibbānāya. Pharusavācassa purisapuggalassa pharusāya vācāya veramaṇī hoti parinibbānāya. Samphappalāpissa purisapuggalassa samphappalāpā veramaṇī hoti parinibbānāya. Abhijjhālussa purisapuggalassa anabhijjhā hoti parinibbānāya. Byāpannacittassa purisapuggalassa abyāpādo hoti parinibbānāya. Micchādiṭṭhissa purisapuggalassa sammādiṭṭhi hoti parinibbānāya. Micchāsaṅkappassa purisapuggalassa sammāsaṅkappo hoti parinibbānāya. Micchāvācassa purisapuggalassa sammāvācā hoti parinibbānāya. Micchākammantassa purisapuggalassa sammākammanto hoti parinibbānāya. Micchāājīvassa purisapuggalassa sammāājīvo hoti parinibbānāya. Micchāvāyāmassa purisapuggalassa sammāvāyāmo hoti parinibbānāya. Micchāsatissa purisapuggalassa sammāsati hoti parinibbānāya. Micchāsamādhissa purisapuggalassa sammāsamādhi hoti parinibbānāya. Micchāñāṇissa purisapuggalassa sammāñāṇaṃ hoti parinibbānāya. Micchāvimuttissa purisapuggalassa sammāvimutti hoti parinibbānāya.
PTS 1.46緬 1.56已對照

“於為昏沉睡眠所纏的人,昏沉睡眠已離之性是為般涅槃;於掉舉的人,不掉舉是為般涅槃;於有疑惑的人,已度疑惑之性是為般涅槃;於忿的人,不忿是為般涅槃;於怨恨的人,不怨恨是為般涅槃;於覆蔑的人,不覆蔑是為般涅槃;於攀齊的人,不攀齊是為般涅槃;於嫉的人,不嫉之性是為般涅槃;於慳的人,不慳是為般涅槃;於諂的人,不諂是為般涅槃;於誑的人,不誑是為般涅槃;於頑固的人,不頑固是為般涅槃;於過慢的人,不過慢是為般涅槃;於難受勸的人,易受勸之性是為般涅槃;於惡友的人,善友之性是為般涅槃;於放逸的人,不放逸是為般涅槃;於無信的人,信是為般涅槃;於無慚的人,慚是為般涅槃;於無愧的人,愧是為般涅槃;於少聞的人,多聞之性是為般涅槃;於懈怠的人,發起精進是為般涅槃;於失唸的人,念現前之性是為般涅槃;於劣慧的人,慧之成就是為般涅槃;於執取自見、堅執、難捨離的人,不執取自見、不堅執、易舍離之性是為般涅槃。

‘‘Thīnamiddhapariyuṭṭhitassa purisapuggalassa vigatathinamiddhatā hoti parinibbānāya. Uddhatassa purisapuggalassa anuddhaccaṃ hoti parinibbānāya. Vicikicchissa purisapuggalassa tiṇṇavicikicchatā hoti parinibbānāya. Kodhanassa purisapuggalassa akkodho hoti parinibbānāya. Upanāhissa purisapuggalassa anupanāho hoti parinibbānāya. Makkhissa purisapuggalassa amakkho hoti parinibbānāya. Paḷāsissa purisapuggalassa apaḷāso hoti parinibbānāya. Issukissa purisapuggalassa anissukitā hoti parinibbānāya. Maccharissa purisapuggalassa amacchariyaṃ hoti parinibbānāya. Saṭhassa purisapuggalassa asāṭheyyaṃ hoti parinibbānāya. Māyāvissa purisapuggalassa amāyā hoti parinibbānāya. Thaddhassa purisapuggalassa atthaddhiyaṃ hoti parinibbānāya. Atimānissa purisapuggalassa anatimāno hoti parinibbānāya. Dubbacassa purisapuggalassa sovacassatā hoti parinibbānāya. Pāpamittassa purisapuggalassa kalyāṇamittatā hoti parinibbānāya. Pamattassa purisapuggalassa appamādo hoti parinibbānāya. Assaddhassa purisapuggalassa saddhā hoti parinibbānāya. Ahirikassa purisapuggalassa hirī hoti parinibbānāya. Anottāpissa purisapuggalassa ottappaṃ hoti parinibbānāya. Appassutassa purisapuggalassa bāhusaccaṃ hoti parinibbānāya. Kusītassa purisapuggalassa vīriyārambho hoti parinibbānāya. Muṭṭhassatissa purisapuggalassa upaṭṭhitassatitā hoti parinibbānāya. Duppaññassa purisapuggalassa paññāsampadā hoti parinibbānāya. Sandiṭṭhiparāmāsi-ādhānaggāhi-duppaṭinissaggissa purisapuggalassa asandiṭṭhiparāmāsi-anādhānaggāhi-suppaṭinissaggitā hoti parinibbānāya.
88已對照

八十八、“純陀,如是我已開示削減之理趣(sallekhapariyāya),已開示心念生起之理趣,已開示迴避之理趣,已開示上分之理趣,已開示般涅槃之理趣。純陀,凡是求弟子之利益者、悲憫者的導師以悲憫而應為[弟子]所作的,我已為你們作了。‘純陀,這些是樹下,這些是空屋——修禪吧,純陀!莫放逸,莫日後追悔’——這就是我們的教誡。”

88. ‘‘Iti kho, cunda, desito mayā sallekhapariyāyo, desito cittuppādapariyāyo, desito parikkamanapariyāyo, desito uparibhāgapariyāyo, desito parinibbānapariyāyo. Yaṃ kho, cunda, satthārā karaṇīyaṃ sāvakānaṃ hitesinā anukampakena anukampaṃ upādāya, kataṃ vo taṃ mayā. ‘Etāni, cunda, rukkhamūlāni, etāni suññāgārāni, jhāyatha, cunda, mā pamādattha, mā pacchāvippaṭisārino ahuvattha’ – ayaṃ kho amhākaṃ anusāsanī’’ti.
已對照

世尊說了這[經]。具壽大純陀心滿意足,歡喜世尊所說。

Idamavoca bhagavā. Attamano āyasmā mahācundo bhagavato bhāsitaṃ abhinandīti.
已對照

四十四句已說,五連結已開示;

Catuttālīsapadā vuttā, sandhayo pañca desitā;
已對照

名為「削減」的這部經,深如大海。

Sallekho nāma suttanto, gambhīro sāgarūpamoti.
已對照

《削減經》終,[《根本法門品》中之]第八[經]。

Sallekhasuttaṃ niṭṭhitaṃ aṭṭhamaṃ.