快樂巴利palinanda.cc

中部第63經 · 小鬘童子經 Cūḷamālukyasuttaṃ

本經目錄三、小鬘童子經

122緬 2.90已對照

三、小鬘童子經

一二二、如是我聞——一時，世尊住在舍衛城（Sāvatthī）的祇樹林（Jetavana）給孤獨園（Anāthapiṇḍika 之園）。那時，具壽鬘童子（Mālukyaputta）獨處靜坐時，心中生起了這樣的思慮：“凡這些被世尊所未解答、所擱置、所拒斥的見執（diṭṭhigata）——‘世間是常’，或‘世間是無常’，或‘世間有邊’，或‘世間無邊’，或‘命即是身’，或‘命異身異’，或‘如來死後存在’，或‘如來死後不存在’，或‘如來死後既存在又不存在’，或‘如來死後既非存在又非不存在’——世尊不為我解答這些。世尊不為我解答這些——那[不解答]不合我意，那我不能忍可。我要前往世尊之處，問這件事。若世尊為我解答——‘世間是常’，或‘世間是無常’……乃至……或‘如來死後既非存在又非不存在’——我就在世尊處修梵行；若世尊不為我解答——‘世間是常’，或‘世間是無常’……乃至……或‘如來死後既非存在又非不存在’——我就捨棄學處而還俗。”

122. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Atha kho āyasmato mālukyaputtassa [māluṅkyaputtassa (sī. syā. kaṃ. pī.)] rahogatassa paṭisallīnassa evaṃ cetaso parivitakko udapādi – ‘‘yānimāni diṭṭhigatāni bhagavatā abyākatāni ṭhapitāni paṭikkhittāni – ‘sassato loko’tipi, ‘asassato loko’tipi, ‘antavā loko’tipi, ‘anantavā loko’tipi, ‘taṃ jīvaṃ taṃ sarīra’ntipi, ‘aññaṃ jīvaṃ aññaṃ sarīra’ntipi, ‘hoti tathāgato paraṃ maraṇā’tipi, ‘na hoti tathāgato paraṃ maraṇā’tipi, ‘hoti ca na ca hoti tathāgato paraṃ maraṇā’tipi, ‘neva hoti na na hoti tathāgato paraṃ maraṇā’tipi – tāni me bhagavā na byākaroti. Yāni me bhagavā na byākaroti taṃ me na ruccati, taṃ me nakkhamati. Sohaṃ bhagavantaṃ upasaṅkamitvā etamatthaṃ pucchissāmi. Sace me bhagavā byākarissati – ‘sassato loko’ti vā ‘asassato loko’ti vā…pe… ‘neva hoti na na hoti tathāgato paraṃ maraṇā’ti vā – evāhaṃ bhagavati brahmacariyaṃ carissāmi; no ce me bhagavā byākarissati – ‘sassato loko’ti vā ‘asassato loko’ti vā…pe… ‘neva hoti na na hoti tathāgato paraṃ maraṇā’ti vā – evāhaṃ sikkhaṃ paccakkhāya hīnāyāvattissāmī’’ti.
123PTS 1.427已對照

一二三、於是，具壽鬘童子於傍晚時分從靜坐起身，來到世尊之處；到了之後，禮敬世尊，坐在一旁。坐在一旁的具壽鬘童子對世尊這樣說——

123. Atha kho āyasmā mālukyaputto sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mālukyaputto bhagavantaṃ etadavoca –
124PTS 1.428緬 2.91已對照

一二四、“尊者，在此，我獨處靜坐時，心中生起了這樣的思慮：凡這些被世尊所未解答、所擱置、所拒斥的見執——‘世間是常’，或‘世間是無常’……乃至……或‘如來死後既非存在又非不存在’——世尊不為我解答這些。世尊不為我解答這些——那[不解答]不合我意，那我不能忍可。我要前往世尊之處，問這件事。若世尊為我解答——‘世間是常’，或‘世間是無常’……乃至……或‘如來死後既非存在又非不存在’——我就在世尊處修梵行；若世尊不為我解答——‘世間是常’，或‘世間是無常’……乃至……或‘如來死後既非存在又非不存在’——我就捨棄學處而還俗。若世尊知道‘世間是常’，就請世尊為我解答‘世間是常’；若世尊知道‘世間是無常’，就請世尊為我解答‘世間是無常’。若世尊不知道‘世間是常’或‘世間是無常’，那麼，對不知、不見者而言，這才是正直的，即：‘我不知道，我不見。’若世尊知道‘世間有邊’，就請世尊為我解答‘世間無邊’；若世尊知道‘世間無邊’，就請世尊為我解答‘世間無邊’。若世尊不知道‘世間有邊’或‘世間無邊’，那麼，對不知、不見者而言，這才是正直的，即：‘我不知道，我不見。’若世尊知道‘命即是身’，就請世尊為我解答‘命即是身’；若世尊知道‘命異身異’，就請世尊為我解答‘命異身異’。若世尊不知道‘命即是身’或‘命異身異’，那麼，對不知、不見者而言，這才是正直的，即：‘我不知道，我不見。’若世尊知道‘如來死後存在’，就請世尊為我解答‘如來死後存在’；若世尊知道‘如來死後不存在’，就請世尊為我解答‘如來死後不存在’。若世尊不知道‘如來死後存在’或‘如來死後不存在’，那麼，對不知、不見者而言，這才是正直的，即：‘我不知道，我不見。’若世尊知道‘如來死後既存在又不存在’，就請世尊為我解答‘如來死後既存在又不存在’；若世尊知道‘如來死後既非存在又非不存在’，就請世尊為我解答‘如來死後既非存在又非不存在’。若世尊不知道‘如來死後既存在又不存在’或‘如來死後既非存在又非不存在’，那麼，對不知、不見者而言，這才是正直的，即：‘我不知道，我不見。’”

124. ‘‘Idha mayhaṃ, bhante, rahogatassa paṭisallīnassa evaṃ cetaso parivitakko udapādi – yānimāni diṭṭhigatāni bhagavatā abyākatāni ṭhapitāni paṭikkhittāni – ‘sassato loko’tipi, ‘asassato loko’tipi…pe… ‘neva hoti na na hoti tathāgato paraṃ maraṇā’tipi – tāni me bhagavā na byākaroti. Yāni me bhagavā na byākaroti taṃ me na ruccati, taṃ me nakkhamati. Sohaṃ bhagavantaṃ upasaṅkamitvā etamatthaṃ pucchissāmi. Sace me bhagavā byākarissati – ‘sassato loko’ti vā, ‘asassato loko’ti vā…pe… ‘neva hoti na na hoti tathāgato paraṃ maraṇā’ti vā – evāhaṃ bhagavati, brahmacariyaṃ carissāmi. No ce me bhagavā byākarissati – ‘sassato loko’ti vā, ‘asassato loko’ti vā…pe… ‘neva hoti na na hoti tathāgato paraṃ maraṇā’ti vā – evāhaṃ sikkhaṃ paccakkhāya hīnāyāvattissāmīti. Sace bhagavā jānāti – ‘sassato loko’ti, ‘sassato loko’ti me bhagavā byākarotu; sace bhagavā jānāti – ‘asassato loko’ti, ‘asassato loko’ti me bhagavā byākarotu. No ce bhagavā jānāti – ‘sassato loko’ti vā, ‘asassato loko’ti vā, ajānato kho pana apassato etadeva ujukaṃ hoti yadidaṃ – ‘na jānāmi, na passāmī’ti. Sace bhagavā jānāti – ‘antavā loko’ti, ‘anantavā loko’ti me bhagavā byākarotu; sace bhagavā jānāti – ‘anantavā loko’ti, ‘anantavā loko’ti me bhagavā byākarotu. No ce bhagavā jānāti – ‘antavā loko’ti vā, ‘anantavā loko’ti vā, ajānato kho pana apassato etadeva ujukaṃ hoti yadidaṃ – ‘na jānāmi, na passāmī’ti. Sace bhagavā jānāti – ‘taṃ jīvaṃ taṃ sarīra’nti, ‘taṃ jīvaṃ taṃ sarīra’nti me bhagavā byākarotu; sace bhagavā jānāti – ‘aññaṃ jīvaṃ aññaṃ sarīra’nti, ‘aññaṃ jīvaṃ aññaṃ sarīra’nti me bhagavā byākarotu. No ce bhagavā jānāti – ‘taṃ jīvaṃ taṃ sarīra’nti vā, ‘aññaṃ jīvaṃ aññaṃ sarīra’nti vā, ajānato kho pana apassato etadeva ujukaṃ hoti yadidaṃ – ‘na jānāmi, na passāmī’ti. Sace bhagavā jānāti – ‘hoti tathāgato paraṃ maraṇā’ti, ‘hoti tathāgato paraṃ maraṇā’ti me bhagavā byākarotu; sace bhagavā jānāti – ‘na hoti tathāgato paraṃ maraṇā’ti, ‘na hoti tathāgato paraṃ maraṇā’ti me bhagavā byākarotu. No ce bhagavā jānāti – ‘hoti tathāgato paraṃ maraṇā’ti vā, ‘na hoti tathāgato paraṃ maraṇā’ti vā, ajānato kho pana apassato etadeva ujukaṃ hoti yadidaṃ – ‘na jānāmi na passāmī’ti. Sace bhagavā jānāti – ‘hoti ca na ca hoti tathāgato paraṃ maraṇā’ti, ‘hoti ca na ca hoti tathāgato paraṃ maraṇā’ti me bhagavā byākarotu; sace bhagavā jānāti – ‘neva hoti na na hoti tathāgato paraṃ maraṇā’ti, ‘neva hoti na na hoti tathāgato paraṃ maraṇā’ti me bhagavā byākarotu. No ce bhagavā jānāti – ‘hoti ca na ca hoti tathāgato paraṃ maraṇā’ti vā, ‘neva hoti na na hoti tathāgato paraṃ maraṇā’ti vā, ajānato kho pana apassato etadeva ujukaṃ hoti yadidaṃ – ‘na jānāmi, na passāmī’’’ti.
125緬 2.92已對照

一二五、“鬘童子，我可曾對你這樣說過——‘來吧，鬘童子，你在我處修梵行，我將為你解答：「世間是常」，或「世間是無常」，或「世間有邊」，或「世間無邊」，或「命即是身」，或「命異身異」，或「如來死後存在」，或「如來死後不存在」，或「如來死後既存在又不存在」，或「如來死後既非存在又非不存在」’？”“不曾，尊者。”“或者你曾對我這樣說過——尊者，我要在世尊處修梵行，世尊將為我解答：‘世間是常’，或‘世間是無常’，或‘世間有邊’，或‘世間無邊’，或‘命即是身’，或‘命異身異’，或‘如來死後存在’，或‘如來死後不存在’，或‘如來死後既存在又不存在’，或‘如來死後既非存在又非不存在’？”“不曾，尊者。”“鬘童子，這麼說來，我既不曾對你說：來吧，鬘童子，你在我處修梵行，我將為你解答：‘世間是常’，或‘世間是無常’……乃至……或‘如來死後既非存在又非不存在’；你也不曾對我說：尊者，我要在世尊處修梵行，世尊將為我解答：‘世間是常’，或‘世間是無常’……乃至……或‘如來死後既非存在又非不存在’。既然如此，愚痴人（moghapurisa）啊，你是什麼人，又在拒絕什麼人呢？

125. ‘‘Kiṃ nu [kiṃ nu kho (syā. kaṃ. ka.)] tāhaṃ, mālukyaputta, evaṃ avacaṃ – ‘ehi tvaṃ, mālukyaputta, mayi brahmacariyaṃ cara, ahaṃ te byākarissāmi – ‘sassato loko’ti vā, ‘asassato loko’ti vā, ‘antavā loko’ti vā, ‘anantavā loko’ti vā, ‘taṃ jīvaṃ taṃ sarīra’nti vā, ‘aññaṃ jīvaṃ aññaṃ sarīra’nti vā, ‘hoti tathāgato paraṃ maraṇā’ti vā, ‘na hoti tathāgato paraṃ maraṇā’ti vā, ‘hoti ca na ca hoti tathāgato paraṃ maraṇā’ti vā, ‘neva hoti na na hoti tathāgato paraṃ maraṇā’ti vā’’ti? ‘‘No hetaṃ, bhante’’. ‘‘Tvaṃ vā pana maṃ evaṃ avaca – ahaṃ, bhante, bhagavati brahmacariyaṃ carissāmi, bhagavā me byākarissati – ‘sassato loko’ti vā, ‘asassato loko’ti vā, ‘antavā loko’ti vā, ‘anantavā loko’ti vā, ‘taṃ jīvaṃ taṃ sarīra’nti vā, ‘aññaṃ jīvaṃ aññaṃ sarīra’nti vā, ‘hoti tathāgato paraṃ maraṇā’ti vā, ‘na hoti tathāgato paraṃ maraṇā’ti vā, ‘hoti ca na ca hoti tathāgato paraṃ maraṇā’ti vā, ‘neva hoti na na hoti tathāgato paraṃ maraṇā’ti vā’’ti? ‘‘No hetaṃ, bhante’’. ‘‘Iti kira, mālukyaputta, nevāhaṃ taṃ vadāmi – ehi tvaṃ, mālukyaputta, mayi brahmacariyaṃ cara, ahaṃ te byākarissāmi – ‘sassato loko’ti vā, ‘asassato loko’ti vā…pe… ‘neva hoti na na hoti tathāgato paraṃ maraṇāti vā’ti; napi kira maṃ tvaṃ vadesi – ahaṃ, bhante, bhagavati brahmacariyaṃ carissāmi, bhagavā me byākarissati – ‘sassato loko’ti vā ‘asassato loko’ti vā…pe… ‘neva hoti na na hoti tathāgato paraṃ maraṇā’ti vā’’ti. Evaṃ sante, moghapurisa, ko santo kaṃ paccācikkhasi?
126PTS 1.430緬 2.93已對照

一二六、“鬘童子，凡有人會這樣說：‘只要世尊還不為我解答——「世間是常」，或「世間是無常」……乃至……或「如來死後既非存在又非不存在」——我就不在世尊處修梵行’，鬘童子，那[事]會一直是如來所未解答的，而那人就命終了。鬘童子，猶如有人被一支帶毒的、厚塗[毒藥]（gāḷhapalepana）的箭（salla）射中。他的朋友、同僚、親族血親為他請來醫生、拔箭者（bhisakka sallakatta）。他會這樣說：‘只要我還不知道射中我的那個人——是剎帝利、是婆羅門、是吠舍、還是首陀羅——我就不拔出這支箭。’他會這樣說：‘只要我還不知道射中我的那個人——名字如此、姓氏如此——我就不拔出這支箭。’他會這樣說：‘只要我還不知道射中我的那個人——是高、是矮、還是中等——我就不拔出這支箭。’他會這樣說：‘只要我還不知道射中我的那個人——是黑、是褐、還是金褐色的膚色——我就不拔出這支箭。’他會這樣說：‘只要我還不知道射中我的那個人——[住]在某個村、或某個市鎮、或某個城市——我就不拔出這支箭。’他會這樣說：‘只要我還不知道射中我的那張弓——是長弓（cāpa）還是弩弓（kodaṇḍa）——我就不拔出這支箭。’他會這樣說：‘只要我還不知道射中我的那根弓弦（jiyā）——是阿迦（akka）[樹皮]的、是竹篾（saṇha）的、是筋的、是摩樓婆（maruvā）[麻]的、還是乳葉（khīrapaṇṇin）[藤]的——我就不拔出這支箭。’他會這樣說：‘只要我還不知道射中我的那支箭桿（kaṇḍa）——是野生（gaccha）的、還是栽種（ropima）的——我就不拔出這支箭。’他會這樣說：‘只要我還不知道射中我的那支箭桿——裝在它上面的羽毛是鷲的、是蒼鷺的、是鶚的、是孔雀的、還是松頷鳥（sithilahanu）的——我就不拔出這支箭。’他會這樣說：‘只要我還不知道射中我的那支箭桿——纏繞它的筋是牛的、是水牛的、是黑獅（bherava）的、還是猴（semhāra）的——我就不拔出這支箭。’他會這樣說：‘只要我還不知道射中我的那支箭——是[尋常的]箭（salla）、是剃刀箭（khurappa）、是彎箭（vekaṇḍa）、是鐵箭（nārāca）、是犢牙箭（vacchadanta）、還是夾竹桃葉箭（karavīrapatta）——我就不拔出這支箭。’鬘童子，那[些事]會一直是那人所未知的，而那人就命終了。鬘童子，正是這樣，凡有人會這樣說：‘只要世尊還不為我解答——「世間是常」，或「世間是無常」……乃至……或「如來死後既非存在又非不存在」——我就不在世尊處修梵行’，鬘童子，那[事]會一直是如來所未解答的，而那人就命終了。

126. ‘‘Yo kho, mālukyaputta, evaṃ vadeyya – ‘na tāvāhaṃ bhagavati brahmacariyaṃ carissāmi yāva me bhagavā na byākarissati – ‘‘sassato loko’’ti vā, ‘‘asassato loko’’ti vā…pe… ‘‘neva hoti na na hoti tathāgato paraṃ maraṇā’’ti vāti, abyākatameva taṃ, mālukyaputta, tathāgatena assa, atha so puggalo kālaṃ kareyya. Seyyathāpi, mālukyaputta, puriso sallena viddho assa savisena gāḷhapalepanena. Tassa mittāmaccā ñātisālohitā bhisakkaṃ sallakattaṃ upaṭṭhapeyyuṃ. So evaṃ vadeyya – ‘na tāvāhaṃ imaṃ sallaṃ āharissāmi yāva na taṃ purisaṃ jānāmi yenamhi viddho, khattiyo vā brāhmaṇo vā vesso vā suddo vā’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ purisaṃ jānāmi yenamhi viddho, evaṃnāmo evaṃgotto iti vā’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ purisaṃ jānāmi yenamhi viddho, dīgho vā rasso vā majjhimo vā’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ purisaṃ jānāmi yenamhi viddho, kāḷo vā sāmo vā maṅguracchavī vā’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ purisaṃ jānāmi yenamhi viddho, amukasmiṃ gāme vā nigame vā nagare vā’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ dhanuṃ jānāmi yenamhi viddho, yadi vā cāpo yadi vā kodaṇḍo’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ jiyaṃ jānāmi yāyamhi viddho, yadi vā akkassa yadi vā saṇhassa [saṇṭhassa (sī. syā. kaṃ. pī.)] yadi vā nhārussa yadi vā maruvāya yadi vā khīrapaṇṇino’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ kaṇḍaṃ jānāmi yenamhi viddho, yadi vā gacchaṃ yadi vā ropima’nti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ kaṇḍaṃ jānāmi yenamhi viddho, yassa pattehi vājitaṃ [vākhittaṃ (ka.)] yadi vā gijjhassa yadi vā kaṅkassa yadi vā kulalassa yadi vā morassa yadi vā sithilahanuno’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ kaṇḍaṃ jānāmi yenamhi viddho, yassa nhārunā parikkhittaṃ yadi vā gavassa yadi vā mahiṃsassa yadi vā bheravassa [roruvassa (sī. syā. kaṃ. pī.)] yadi vā semhārassā’ti; so evaṃ vadeyya – ‘na tāvāhaṃ imaṃ sallaṃ āharissāmi yāva na taṃ sallaṃ jānāmi yenamhi viddho, yadi vā sallaṃ yadi vā khurappaṃ yadi vā vekaṇḍaṃ yadi vā nārācaṃ yadi vā vacchadantaṃ yadi vā karavīrapatta’nti – aññātameva taṃ, mālukyaputta, tena purisena assa, atha so puriso kālaṃ kareyya. Evameva kho, mālukyaputta, yo evaṃ vadeyya – ‘na tāvāhaṃ bhagavati brahmacariyaṃ carissāmi yāva me bhagavā na byākarissati – ‘‘sassato loko’’ti vā ‘‘asassato loko’’ti vā…pe… ‘‘neva hoti na na hoti tathāgato paraṃ maraṇā’’ti vāti – abyākatameva taṃ, mālukyaputta, tathāgatena assa, atha so puggalo kālaṅkareyya.
127PTS 1.431緬 2.94已對照

一二七、“鬘童子，有‘世間是常’之見時，便會有梵行之住——不是這樣；鬘童子，有‘世間是無常’之見時，便會有梵行之住——也不是這樣。鬘童子，無論有‘世間是常’之見時，或有‘世間是無常’之見時，都確實有生，有老，有死，有愁、悲、苦、憂、惱——對它們，我施設就在現法中的破滅。鬘童子，有‘世間有邊’之見時，便會有梵行之住——不是這樣；鬘童子，有‘世間無邊’之見時，便會有梵行之住——也不是這樣。鬘童子，無論有‘世間有邊’之見時，或有‘世間無邊’之見時，都確實有生，有老，有死，有愁、悲、苦、憂、惱——對它們，我施設就在現法中的破滅。鬘童子，有‘命即是身’之見時，便會有梵行之住——不是這樣；鬘童子，有‘命異身異’之見時，便會有梵行之住——也不是這樣。鬘童子，無論有‘命即是身’之見時，或有‘命異身異’之見時，都確實有生……乃至……[我]施設[其]破滅。鬘童子，有‘如來死後存在’之見時，便會有梵行之住——不是這樣；鬘童子，有‘如來死後不存在’之見時，便會有梵行之住——也不是這樣。鬘童子，無論有‘如來死後存在’之見時，或有‘如來死後不存在’之見時，都確實有生……乃至……對它們，我施設就在現法中的破滅。鬘童子，有‘如來死後既存在又不存在’之見時，便會有梵行之住——不是這樣；鬘童子，有‘如來死後既非存在又非不存在’之見時，便會有梵行之住——也不是這樣。鬘童子，無論有‘如來死後既存在又不存在’之見時，或有‘如來死後既非存在又非不存在’之見時，都確實有生……乃至……對它們，我施設就在現法中的破滅。

127. ‘‘‘Sassato loko’ti, mālukyaputta, diṭṭhiyā sati brahmacariyavāso abhavissāti, evaṃ ‘no asassato loko’ti, mālukyaputta, diṭṭhiyā sati brahmacariyavāso abhavissāti, evampi ‘no sassato loko’ti vā, mālukyaputta, diṭṭhiyā sati, ‘asassato loko’ti vā diṭṭhiyā sati attheva jāti, atthi jarā, atthi maraṇaṃ, santi sokaparidevadukkhadomanassupāyāsā; yesāhaṃ diṭṭheva dhamme nighātaṃ paññapemi. ‘Antavā loko’ti, mālukyaputta, diṭṭhiyā sati brahmacariyavāso abhavissāti, evaṃ ‘no anantavā loko’ti, mālukyaputta, diṭṭhiyā sati brahmacariyavāso abhavissāti, evampi ‘no antavā loko’ti vā, mālukyaputta, diṭṭhiyā sati, ‘anantavā loko’ti vā diṭṭhiyā sati attheva jāti, atthi jarā, atthi maraṇaṃ, santi sokaparidevadukkhadomanassupāyāsā; yesāhaṃ diṭṭheva dhamme nighātaṃ paññapemi. ‘Taṃ jīvaṃ taṃ sarīra’nti, mālukyaputta, diṭṭhiyā sati brahmacariyavāso abhavissāti, evaṃ ‘no aññaṃ jīvaṃ aññaṃ sarīra’nti, mālukyaputta, diṭṭhiyā sati brahmacariyavāso abhavissāti, evampi ‘no taṃ jīvaṃ taṃ sarīra’nti vā, mālukyaputta, diṭṭhiyā sati, ‘aññaṃ jīvaṃ aññaṃ sarīra’nti vā diṭṭhiyā sati attheva jāti…pe… nighātaṃ paññapemi. ‘Hoti tathāgato paraṃ maraṇā’ti, mālukyaputta, diṭṭhiyā sati brahmacariyavāso abhavissāti, evaṃ ‘no na hoti tathāgato paraṃ maraṇā’ti, mālukyaputta, diṭṭhiyā sati brahmacariyavāso abhavissāti, evampi ‘no hoti tathāgato paraṃ maraṇā’ti vā, mālukyaputta, diṭṭhiyā sati, ‘na hoti tathāgato paraṃ maraṇā’ti vā diṭṭhiyā sati attheva jāti…pe… yesāhaṃ diṭṭheva dhamme nighātaṃ paññapemi. ‘Hoti ca na ca hoti tathāgato paraṃ maraṇā’ti, mālukyaputta, diṭṭhiyā sati brahmacariyavāso abhavissāti, evaṃ ‘no neva hoti na na hoti tathāgato paraṃ maraṇā’ti, mālukyaputta, diṭṭhiyā sati brahmacariyavāso abhavissāti, evampi ‘no hoti ca na ca hoti tathāgato paraṃ maraṇā’ti, mālukyaputta, diṭṭhiyā sati, ‘neva hoti na na hoti tathāgato paraṃ maraṇā’ti vā diṭṭhiyā sati attheva jāti…pe… yesāhaṃ diṭṭheva dhamme nighātaṃ paññapemi.
128PTS 1.432緬 2.95已對照

一二八、“因此，鬘童子，你們要把我所未解答的作為未解答的來憶持，把我所解答的作為已解答的來憶持。鬘童子，什麼是我所未解答的呢？鬘童子，‘世間是常’——是我所未解答的；‘世間是無常’——是我所未解答的；‘世間有邊’——是我所未解答的；‘世間無邊’——是我所未解答的；‘命即是身’——是我所未解答的；‘命異身異’——是我所未解答的；‘如來死後存在’——是我所未解答的；‘如來死後不存在’——是我所未解答的；‘如來死後既存在又不存在’——是我所未解答的；‘如來死後既非存在又非不存在’——是我所未解答的。鬘童子，我為什麼未解答這個呢？鬘童子，因為這不具有義利，非梵行之初，不導向厭離、離貪、滅、寂靜、證智、正覺、涅槃；所以我未解答它。鬘童子，什麼是我所解答的呢？鬘童子，‘此是苦’——是我所解答的；‘此是苦集’——是我所解答的；‘此是苦滅’——是我所解答的；‘此是導至苦滅之道’——是我所解答的。鬘童子，我為什麼解答這個呢？鬘童子，因為這具有義利，這是梵行之初，這導向厭離、離貪、滅、寂靜、證智、正覺、涅槃；所以我解答了它。因此，鬘童子，你們要把我所未解答的作為未解答的來憶持，把我所解答的作為已解答的來憶持。”

世尊說了這[番話]。具壽鬘童子滿意、歡喜世尊之所說。

128. ‘‘Tasmātiha, mālukyaputta, abyākatañca me abyākatato dhāretha; byākatañca me byākatato dhāretha. Kiñca, mālukyaputta, mayā abyākataṃ? ‘Sassato loko’ti mālukyaputta, mayā abyākataṃ; ‘asassato loko’ti – mayā abyākataṃ; ‘antavā loko’ti – mayā abyākataṃ; ‘anantavā loko’ti – mayā abyākataṃ; ‘taṃ jīvaṃ taṃ sarīra’nti – mayā abyākataṃ; ‘aññaṃ jīvaṃ aññaṃ sarīra’nti – mayā abyākataṃ; ‘hoti tathāgato paraṃ maraṇā’ti – mayā abyākataṃ; ‘na hoti tathāgato paraṃ maraṇā’ti – mayā abyākataṃ; ‘hoti ca na ca hoti tathāgato paraṃ maraṇā’ti – mayā abyākataṃ; ‘neva hoti na na hoti tathāgato paraṃ maraṇā’ti – mayā abyākataṃ. Kasmā cetaṃ, mālukyaputta, mayā abyākataṃ? Na hetaṃ, mālukyaputta, atthasaṃhitaṃ na ādibrahmacariyakaṃ na [netaṃ (sī.)] nibbidāya na virāgāya na nirodhāya na upasamāya na abhiññāya na sambodhāya na nibbānāya saṃvattati. Tasmā taṃ mayā abyākataṃ. Kiñca, mālukyaputta, mayā byākataṃ? ‘Idaṃ dukkha’nti, mālukyaputta, mayā byākataṃ; ‘ayaṃ dukkhasamudayo’ti – mayā byākataṃ; ‘ayaṃ dukkhanirodho’ti – mayā byākataṃ; ‘ayaṃ dukkhanirodhagāminī paṭipadā’ti – mayā byākataṃ. Kasmā cetaṃ, mālukyaputta, mayā byākataṃ? Etañhi, mālukyaputta, atthasaṃhitaṃ etaṃ ādibrahmacariyakaṃ nibbidāya virāgāya nirodhāya upasamāya abhiññāya sambodhāya nibbānāya saṃvattati. Tasmā taṃ mayā byākataṃ. Tasmātiha, mālukyaputta, abyākatañca me abyākatato dhāretha; byākatañca me byākatato dhārethā’’ti.
Idamavoca bhagavā. Attamano āyasmā mālukyaputto bhagavato bhāsitaṃ abhinandīti.
Cūḷamālukyasuttaṃ niṭṭhitaṃ tatiyaṃ.
已對照

《小鬘童子經》終，[《比丘品》中之]第三[經]。

← MN62 大羅睺羅教誡經MN64 大鬘童子經 →