快樂巴利palinanda.cc

中部第25經 · 餌食經 Nivāpasuttaṃ

本經目錄五、《餌食經》

已對照

五、《餌食經》

5. Nivāpasuttaṃ
261已對照

二六一、如是我聞——一時,世尊住在舍衛城(Sāvatthī)的祇樹林(Jetavana)給孤獨園。那時,世尊喚諸比丘:“諸比丘。”“尊者。”那些比丘應諾世尊。世尊這樣說——

261. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
緬 1.206已對照

“諸比丘,撒餌者(nevāpika)為諸鹿群撒下餌食(nivāpa),並不是[為了]‘願食用我所撒下的這片餌食的諸鹿群長壽、有好容色,久久地長時活下去’。諸比丘,撒餌者為諸鹿群撒下餌食,乃是[為了]‘諸鹿群將闖入我所撒下的這片餌食,迷醉而食諸食物;闖入而迷醉地食著諸食物,便將陷入驕醉;已驕醉,便將陷入放逸;已放逸,便將在這片餌食處任[我]所欲而擺佈’。

‘‘Na, bhikkhave, nevāpiko nivāpaṃ nivapati migajātānaṃ – ‘imaṃ me nivāpaṃ nivuttaṃ migajātā paribhuñjantā dīghāyukā vaṇṇavanto ciraṃ dīghamaddhānaṃ yāpentū’ti. Evañca kho, bhikkhave, nevāpiko nivāpaṃ nivapati migajātānaṃ – ‘imaṃ me nivāpaṃ nivuttaṃ migajātā anupakhajja mucchitā bhojanāni bhuñjissanti, anupakhajja mucchitā bhojanāni bhuñjamānā madaṃ āpajjissanti, mattā samānā pamādaṃ āpajjissanti, pamattā samānā yathākāmakaraṇīyā bhavissanti imasmiṃ nivāpe’ti.
262已對照

二六二、“諸比丘,此中,第一群鹿闖入撒餌者所撒下的那片餌食,迷醉而食諸食物;它們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在撒餌者的那片餌食處任[其]所欲而擺佈。諸比丘,如是,那第一群鹿未能從撒餌者的成就威力(iddhānubhāva)中解脫。

262. ‘‘Tatra, bhikkhave, paṭhamā migajātā amuṃ nivāpaṃ nivuttaṃ nevāpikassa anupakhajja mucchitā bhojanāni bhuñjiṃsu, te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te, bhikkhave, paṭhamā migajātā na parimucciṃsu nevāpikassa iddhānubhāvā.
263PTS 1.152已對照

二六三、“諸比丘,此中,第二群鹿這樣共同思量——‘那第一群鹿闖入撒餌者所撒下的那片餌食,迷醉而食諸食物。它們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在撒餌者的那片餌食處任[其]所欲而擺佈。如是,那第一群鹿未能從撒餌者的成就威力中解脫。我們何不完全離於餌食之食,離於有怖畏的受用,深入諸林野之處而住呢?’它們便完全離於餌食之食,離於有怖畏的受用,深入諸林野之處而住。到了夏季的最後一個月、草與水都斷絕之時,他們的身體達到極度羸瘦。他們身體達到極度羸瘦,力與精進便衰退了。力與精進衰退了,它們便又回到撒餌者所撒下的那同一片餌食。它們在那裡闖入而迷醉地食諸食物。它們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在撒餌者的那片餌食處任[其]所欲而擺佈。諸比丘,如是,那第二群鹿也未能從撒餌者的成就威力中解脫。

263. ‘‘Tatra, bhikkhave, dutiyā migajātā evaṃ samacintesuṃ – ‘ye kho te paṭhamā migajātā amuṃ nivāpaṃ nivuttaṃ nevāpikassa anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Tesaṃ gimhānaṃ pacchime māse, tiṇodakasaṅkhaye, adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne tameva nivāpaṃ nivuttaṃ nevāpikassa paccāgamiṃsu. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te, bhikkhave, dutiyāpi migajātā na parimucciṃsu nevāpikassa iddhānubhāvā.
264PTS 1.153緬 1.207已對照

二六四、“諸比丘,此中,第三群鹿這樣共同思量——‘那第一群鹿闖入撒餌者所撒下的那片餌食……乃至……如是,那第一群鹿未能從撒餌者的成就威力中解脫。而那第二群鹿也曾這樣共同思量——那第一群鹿闖入撒餌者所撒下的那片餌食……乃至……如是,那第一群鹿未能從撒餌者的成就威力中解脫。我們何不完全離於餌食之食,離於有怖畏的受用,深入諸林野之處而住呢?’它們便完全離於餌食之食,離於有怖畏的受用,深入諸林野之處而住。到了夏季的最後一個月、草與水都斷絕之時,他們的身體達到極度羸瘦。他們身體達到極度羸瘦,力與精進便衰退了。力與精進衰退了,它們便又回到撒餌者所撒下的那同一片餌食。它們在那裡闖入而迷醉地食諸食物。它們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在撒餌者的那片餌食處任[其]所欲而擺佈。如是,那第二群鹿也未能從撒餌者的成就威力中解脫。我們何不依靠撒餌者所撒下的那片餌食而安置棲處(āsaya)呢?在那裡安置棲處之後,我們便不闖入、不迷醉地食用撒餌者所撒下的那片餌食;不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在撒餌者的那片餌食處任[其]所欲而擺佈。’它們便依靠撒餌者所撒下的那片餌食而安置了棲處。在那裡安置棲處之後,它們不闖入、不迷醉地食用撒餌者所撒下的那片餌食;它們在那裡不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在撒餌者的那片餌食處任[其]所欲而擺佈。

264. ‘‘Tatra, bhikkhave, tatiyā migajātā evaṃ samacintesuṃ – ‘ye kho te paṭhamā migajātā amuṃ nivāpaṃ nivuttaṃ nevāpikassa…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ – ye kho te paṭhamā migajātā amuṃ nivāpaṃ nivuttaṃ nevāpikassa…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmāti. Te sabbaso nivāpabhojanā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Tesaṃ gimhānaṃ pacchime māse tiṇodakasaṅkhaye adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne tameva nivāpaṃ nivuttaṃ nevāpikassa paccāgamiṃsu. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ nevāpikassa amusmiṃ nivāpe. Evañhi te dutiyāpi migajātā na parimucciṃsu nevāpikassa iddhānubhāvā. Yaṃnūna mayaṃ amuṃ nivāpaṃ nivuttaṃ nevāpikassa upanissāya āsayaṃ kappeyyāma. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te amuṃ nivāpaṃ nivuttaṃ nevāpikassa upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
緬 1.208已對照

“諸比丘,此中,撒餌者與撒餌者之眾心裡這樣想——‘這第三群鹿必定是諂者(saṭha)、詭詐者(ketabī);這第三群鹿必定是有[大]成就者、是異類(parajana);它們竟食用著這所撒下的餌食,而我們連它們的來處與去處都不知道。我們何不用大杖網(daṇḍavākarā)把這所撒下的餌食連同四周的地帶一併圍起來——或許能見到第三群鹿的棲處,[見到]它們所潛入之處呢?’他們便用大杖網把那所撒下的餌食連同四周的地帶一併圍了起來。諸比丘,撒餌者與撒餌者之眾果然見到了第三群鹿的棲處,[見到]了它們所潛入之處。諸比丘,如是,那第三群鹿也未能從撒餌者的成就威力中解脫。

‘‘Tatra, bhikkhave, nevāpikassa ca nevāpikaparisāya ca etadahosi – ‘saṭhāssunāmime tatiyā migajātā ketabino, iddhimantāssunāmime tatiyā migajātā parajanā; imañca nāma nivāpaṃ nivuttaṃ paribhuñjanti, na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīhi daṇḍavākarāhi [daṇḍavāgurāhi (syā.)] samantā sappadesaṃ anuparivāreyyāma – appeva nāma tatiyānaṃ migajātānaṃ āsayaṃ passeyyāma, yattha te gāhaṃ gaccheyyu’nti. Te amuṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāresuṃ. Addasaṃsu kho, bhikkhave, nevāpiko ca nevāpikaparisā ca tatiyānaṃ migajātānaṃ āsayaṃ, yattha te gāhaṃ agamaṃsu. Evañhi te, bhikkhave, tatiyāpi migajātā na parimucciṃsu nevāpikassa iddhānubhāvā.
265PTS 1.154緬 1.209已對照

二六五、“諸比丘,此中,第四群鹿這樣共同思量——‘那第一群鹿……乃至……如是,那第一群鹿未能從撒餌者的成就威力中解脫。而那第二群鹿也曾這樣共同思量:那第一群鹿……乃至……如是,那第一群鹿未能從撒餌者的成就威力中解脫。我們何不完全離於餌食之食,離於有怖畏的受用,深入諸林野之處而住呢?’它們便完全離於餌食之食……乃至……如是,那第二群鹿也未能從撒餌者的成就威力中解脫。而那第三群鹿也曾這樣共同思量:那第一群鹿……乃至……如是,那第一群鹿未能從撒餌者的成就威力中解脫。而那第二群鹿也曾這樣共同思量:那第一群鹿……乃至……如是,那第一群鹿未能從撒餌者的成就威力中解脫。我們何不完全離於餌食之食,離於有怖畏的受用,深入諸林野之處而住呢?它們便完全離於餌食之食……乃至……如是,那第二群鹿也未能從撒餌者的成就威力中解脫。我們何不依靠撒餌者所撒下的那片餌食而安置棲處;在那裡安置棲處之後,便不闖入、不迷醉地食用撒餌者所撒下的那片餌食;不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在撒餌者的那片餌食處任[其]所欲而擺佈呢?’它們便依靠撒餌者所撒下的那片餌食而安置了棲處;在那裡安置棲處之後,它們不闖入、不迷醉地食用撒餌者所撒下的那片餌食;它們在那裡不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在撒餌者的那片餌食處任[其]所欲而擺佈。

265. ‘‘Tatra, bhikkhave, catutthā migajātā evaṃ samacintesuṃ – ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu…pe… evañhi te dutiyāpi migajātā na parimucciṃsu nevāpikassa iddhānubhāvā. Yepi te tatiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yepi te dutiyā migajātā evaṃ samacintesuṃ ‘ye kho te paṭhamā migajātā…pe… evañhi te paṭhamā migajātā na parimucciṃsu nevāpikassa iddhānubhāvā. Yaṃnūna mayaṃ sabbaso nivāpabhojanā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā paṭiviramiṃsu…pe… evañhi te dutiyāpi migajātā na parimucciṃsu nevāpikassa iddhānubhāvā. Yaṃnūna mayaṃ amuṃ nivāpaṃ nivuttaṃ nevāpikassa upanissāya āsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te amuṃ nivāpaṃ nivuttaṃ nevāpikassa upanissāya āsayaṃ kappayiṃsu, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
PTS 1.155緬 1.210已對照

“此中,撒餌者與撒餌者之眾心裡這樣想——‘這第三群鹿必定是諂者、詭詐者;這第三群鹿必定是有[大]成就者、是異類;它們竟食用著這所撒下的餌食。而我們連它們的來處與去處都不知道。我們何不用大杖網把這所撒下的餌食連同四周的地帶一併圍起來,或許能見到第三群鹿的棲處,[見到]它們所潛入之處呢?’他們便用大杖網把那所撒下的餌食連同四周的地帶一併圍了起來。撒餌者與撒餌者之眾果然見到了第三群鹿的棲處,[見到]了它們所潛入之處。如是,那第三群鹿也未能從撒餌者的成就威力中解脫。我們何不在撒餌者與撒餌者之眾所不能去到之處安置棲處;在那裡安置棲處之後,便不闖入、不迷醉地食用撒餌者所撒下的那片餌食;不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在撒餌者的那片餌食處任[其]所欲而擺佈呢?’它們便在撒餌者與撒餌者之眾所不能去到之處安置了棲處。在那裡安置棲處之後,它們不闖入、不迷醉地食用撒餌者所撒下的那片餌食;它們在那裡不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在撒餌者的那片餌食處任[其]所欲而擺佈。

‘‘Tatra nevāpikassa ca nevāpikaparisāya ca etadahosi – ‘saṭhāssunāmime tatiyā migajātā ketabino, iddhimantāssunāmime tatiyā migajātā parajanā, imañca nāma nivāpaṃ nivuttaṃ paribhuñjanti. Na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīti daṇḍavākarāhi samantā sappadesaṃ anuparivāreyyāma, appeva nāma tatiyānaṃ migajātānaṃ āsayaṃ passeyyāma, yattha te gāhaṃ gaccheyyu’nti. Te amuṃ nivāpaṃ nivuttaṃ mahatīti daṇḍavākarāhi samantā sappadesaṃ anuparivāresuṃ. Addasaṃsu kho nevāpiko ca nevāpikaparisā ca tatiyānaṃ migajātānaṃ āsayaṃ, yattha te gāhaṃ agamaṃsu. Evañhi te tatiyāpi migajātā na parimucciṃsu nevāpikassa iddhānubhāvā. Yaṃnūna mayaṃ yattha agati nevāpikassa ca nevāpikaparisāya ca tatrāsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma nevāpikassa amusmiṃ nivāpe’ti. Te yattha agati nevāpikassa ca nevāpikaparisāya ca tatrāsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ nevāpikassa ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ nevāpikassa amusmiṃ nivāpe.
已對照

“諸比丘,此中,撒餌者與撒餌者之眾心裡這樣想——‘這第四群鹿必定是諂者、詭詐者;這第四群鹿必定是有[大]成就者、是異類。它們竟食用著這所撒下的餌食,而我們連它們的來處與去處都不知道。我們何不用大杖網把這所撒下的餌食連同四周的地帶一併圍起來,或許能見到第四群鹿的棲處,[見到]它們所潛入之處呢?’他們便用大杖網把那所撒下的餌食連同四周的地帶一併圍了起來。諸比丘,撒餌者與撒餌者之眾卻始終未能見到第四群鹿的棲處,[未能見到]它們所能潛入之處。諸比丘,此中,撒餌者與撒餌者之眾心裡這樣想——‘我們若去觸擾第四群鹿,它們受觸擾便會觸擾別的[鹿],那些受觸擾的又會觸擾別的[鹿]。這樣,諸鹿群便會把這所撒下的餌食完全捨棄了。我們何不對第四群鹿旁觀[不顧]呢?’諸比丘,撒餌者與撒餌者之眾便對第四群鹿旁觀[不顧]了。諸比丘,如是,那第四群鹿從撒餌者的成就威力中解脫了。

‘‘Tatra, bhikkhave, nevāpikassa ca nevāpikaparisāya ca etadahosi – ‘saṭhāssunāmime catutthā migajātā ketabino, iddhimantāssunāmime catutthā migajātā parajanā. Imañca nāma nivāpaṃ nivuttaṃ paribhuñjanti, na ca nesaṃ jānāma āgatiṃ vā gatiṃ vā. Yaṃnūna mayaṃ imaṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāreyyāma, appeva nāma catutthānaṃ migajātānaṃ āsayaṃ passeyyāma yattha te gāhaṃ gaccheyyu’nti. Te amuṃ nivāpaṃ nivuttaṃ mahatīhi daṇḍavākarāhi samantā sappadesaṃ anuparivāresuṃ. Neva kho, bhikkhave, addasaṃsu nevāpiko ca nevāpikaparisā ca catutthānaṃ migajātānaṃ āsayaṃ, yattha te gāhaṃ gaccheyyuṃ. Tatra, bhikkhave, nevāpikassa ca nevāpikaparisāya ca etadahosi – ‘sace kho mayaṃ catutthe migajāte ghaṭṭessāma, te ghaṭṭitā aññe ghaṭṭissanti te ghaṭṭitā aññe ghaṭṭissanti. Evaṃ imaṃ nivāpaṃ nivuttaṃ sabbaso migajātā parimuñcissanti. Yaṃnūna mayaṃ catutthe migajāte ajjhupekkheyyāmā’ti. Ajjhupekkhiṃsu kho, bhikkhave, nevāpiko ca nevāpikaparisā ca catutthe migajāte. Evañhi te, bhikkhave, catutthā migajātā parimucciṃsu nevāpikassa iddhānubhāvā.
266已對照

二六六、“諸比丘,我作了這個譬喻,是為了使[你們]知曉[其]義。而此中之義是這樣——諸比丘,所謂‘餌食’,這是五欲功德(pañca kāmaguṇā)的增語。諸比丘,所謂‘撒餌者’,這是魔波旬(Māra pāpimā)的增語。諸比丘,所謂‘撒餌者之眾’,這是魔眾(māraparisā)的增語。諸比丘,所謂‘鹿群’,這是諸沙門婆羅門的增語。

266. ‘‘Upamā kho me ayaṃ, bhikkhave, katā atthassa viññāpanāya. Ayaṃ cevettha attho – nivāpoti kho, bhikkhave, pañcannetaṃ kāmaguṇānaṃ adhivacanaṃ. Nevāpikoti kho, bhikkhave, mārassetaṃ pāpimato adhivacanaṃ. Nevāpikaparisāti kho, bhikkhave, māraparisāyetaṃ adhivacanaṃ. Migajātāti kho, bhikkhave, samaṇabrāhmaṇānametaṃ adhivacanaṃ.
267PTS 1.156已對照

二六七、“諸比丘,此中,第一群沙門婆羅門闖入魔所撒下的那片餌食與那些世間食(lokāmisa),迷醉而食諸食物。他們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在魔的那片餌食處與那些世間食處任[其]所欲而擺佈。諸比丘,如是,那第一群沙門婆羅門未能從魔的成就威力中解脫。諸比丘,猶如那第一群鹿,我說這第一群沙門婆羅門也與之相似。

267. ‘‘Tatra, bhikkhave, paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, paṭhamā samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, paṭhamā migajātā tathūpame ahaṃ ime paṭhame samaṇabrāhmaṇe vadāmi.
268緬 1.211已對照

二六八、“諸比丘,此中,第二群沙門婆羅門這樣共同思量——‘那第一群沙門婆羅門闖入魔所撒下的那片餌食與那些世間食,迷醉而食諸食物。他們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在魔的那片餌食處與那些世間食處任[其]所欲而擺佈。如是,那第一群沙門婆羅門未能從魔的成就威力中解脫。我們何不完全離於作為餌食之食的世間食,離於有怖畏的受用,深入諸林野之處而住呢?’他們便完全離於作為餌食之食的世間食,離於有怖畏的受用,深入諸林野之處而住。他們便完全離於作為餌食之食的世間食,離於有怖畏的受用,深入諸林野之處而住。他們在那裡或以菜蔬為食,或以稷米為食,或以野生稻為食,或以皮屑為食,或以水藻為食,或以米糠為食,或以鍋巴為食,或以胡麻渣為食,或以草為食,或以牛糞為食;以林中的根果為食而維生,食自落之果。

268. ‘‘Tatra, bhikkhave, dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu, bhayabhogā paṭiviratā araññāyatanāni ajjhogāhetvā vihareyyāmāti. Te sabbaso nivāpabhojanā lokāmisā paṭiviramiṃsu, bhayabhogā paṭiviratā araññāyatanāni ajjhogāhetvā vihariṃsu. Te tattha sākabhakkhāpi ahesuṃ, sāmākabhakkhāpi ahesuṃ, nīvārabhakkhāpi ahesuṃ, daddulabhakkhāpi ahesuṃ, haṭabhakkhāpi ahesuṃ, kaṇabhakkhāpi ahesuṃ, ācāmabhakkhāpi ahesuṃ, piññākabhakkhāpi ahesuṃ, tiṇabhakkhāpi ahesuṃ, gomayabhakkhāpi ahesuṃ, vanamūlaphalāhārā yāpesuṃ pavattaphalabhojī.
PTS 1.157已對照

“到了夏季的最後一個月、草與水都斷絕之時,他們的身體達到極度羸瘦。他們身體達到極度羸瘦,力與精進便衰退了。力與精進衰退了,心解脫(cetovimutti)便衰退了。心解脫衰退了,他們便又回到魔所撒下的那同一片餌食與那些世間食。他們在那裡闖入而迷醉地食諸食物。他們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在魔的那片餌食處與那些世間食處任[其]所欲而擺佈。諸比丘,如是,那第二群沙門婆羅門也未能從魔的成就威力中解脫。諸比丘,猶如那第二群鹿,我說這第二群沙門婆羅門也與之相似。

‘‘Tesaṃ gimhānaṃ pacchime māse, tiṇodakasaṅkhaye, adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi. Balavīriye parihīne cetovimutti parihāyi. Cetovimuttiyā parihīnāya tameva nivāpaṃ nivuttaṃ mārassa paccāgamiṃsu tāni ca lokāmisāni. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, dutiyāpi samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, dutiyā migajātā tathūpame ahaṃ ime dutiye samaṇabrāhmaṇe vadāmi.
269緬 1.212已對照

二六九、“諸比丘,此中,第三群沙門婆羅門這樣共同思量——‘那第一群沙門婆羅門闖入魔所撒下的那片餌食與那些世間食……乃至……。如是,那第一群沙門婆羅門未能從魔的成就威力中解脫。而那第二群沙門婆羅門也曾這樣共同思量——那第一群沙門婆羅門闖入魔所撒下的那片餌食與那些世間食……乃至……。如是,那第一群沙門婆羅門未能從魔的成就威力中解脫。我們何不完全離於作為餌食之食的世間食,離於有怖畏的受用,深入諸林野之處而住呢?’他們便完全離於作為餌食之食的世間食。離於有怖畏的受用,深入諸林野之處而住。他們在那裡或以菜蔬為食……乃至……食自落之果。到了夏季的最後一個月、草與水都斷絕之時,他們的身體達到極度羸瘦。他們身體達到極度羸瘦,力與精進便衰退了;力與精進衰退了,心解脫便衰退了;心解脫衰退了,他們便又回到魔所撒下的那同一片餌食與那些世間食。他們在那裡闖入而迷醉地食諸食物。他們在那裡闖入而迷醉地食著諸食物,便陷入驕醉;已驕醉,便陷入放逸;已放逸,便在魔的那片餌食處與那些世間食處任[其]所欲而擺佈。如是,那第二群沙門婆羅門也未能從魔的成就威力中解脫。我們何不依靠魔所撒下的那片餌食與那些世間食而安置棲處;在那裡安置棲處之後,便不闖入、不迷醉地食用魔所撒下的那片餌食與那些世間食;不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在魔的那片餌食處與那些世間食處任[其]所欲而擺佈呢?’”

269. ‘‘Tatra, bhikkhave, tatiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa amūni ca lokāmisāni…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu. Bhayabhogā paṭiviratā araññāyatanāni ajjhogāhetvā vihariṃsu. Te tattha sākabhakkhāpi ahesuṃ…pe… pavattaphalabhojī. Tesaṃ gimhānaṃ pacchime māse tiṇodakasaṅkhaye adhimattakasimānaṃ patto kāyo hoti. Tesaṃ adhimattakasimānaṃ pattakāyānaṃ balavīriyaṃ parihāyi, balavīriye parihīne cetovimutti parihāyi, cetovimuttiyā parihīnāya tameva nivāpaṃ nivuttaṃ mārassa paccāgamiṃsu tāni ca lokāmisāni. Te tattha anupakhajja mucchitā bhojanāni bhuñjiṃsu. Te tattha anupakhajja mucchitā bhojanāni bhuñjamānā madaṃ āpajjiṃsu, mattā samānā pamādaṃ āpajjiṃsu, pamattā samānā yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappeyyāma, tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmise’’ti.
PTS 1.158緬 1.213已對照

“他們便依靠魔所撒下的那片餌食與那些世間食而安置了棲處。在那裡安置棲處之後,他們不闖入、不迷醉地食用魔所撒下的那片餌食與那些世間食。他們在那裡不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在魔的那片餌食處與那些世間食處任[其]所欲而擺佈。然而他們卻持有這樣的見——世間是常,或世間是無常;世間有邊,或世間無邊;命即是身,或命異身異;如來死後存在,或如來死後不存在,或如來死後既存在又不存在,或如來死後既非存在又非不存在。諸比丘,如是,那第三群沙門婆羅門也未能從魔的成就威力中解脫。諸比丘,猶如那第三群鹿,我說這第三群沙門婆羅門也與之相似。

‘‘Te amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu. Te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Api ca kho evaṃdiṭṭhikā ahesuṃ – sassato loko itipi, asassato loko itipi; antavā loko itipi, anantavā loko itipi; taṃ jīvaṃ taṃ sarīraṃ itipi, aññaṃ jīvaṃ aññaṃ sarīraṃ itipi; hoti tathāgato paraṃ maraṇā itipi, na hoti tathāgato paraṃ maraṇā itipi, hoti ca na ca hoti tathāgato paraṃ maraṇā itipi, neva hoti na na hoti tathāgato paraṃ maraṇā itipi. Evañhi te, bhikkhave, tatiyāpi samaṇabrāhmaṇā na parimucciṃsu mārassa iddhānubhāvā. Seyyathāpi te, bhikkhave, tatiyā migajātā tathūpame ahaṃ ime tatiye samaṇabrāhmaṇe vadāmi.
270已對照

二七〇、“諸比丘,此中,第四群沙門婆羅門這樣共同思量——‘那第一群沙門婆羅門闖入魔所撒下的那片餌食……乃至……。如是,那第一群沙門婆羅門未能從魔的成就威力中解脫。而那第二群沙門婆羅門也曾這樣共同思量——那第一群沙門婆羅門……乃至……。如是,那第一群沙門婆羅門未能從魔的成就威力中解脫。我們何不完全離於作為餌食之食的世間食,離於有怖畏的受用,深入諸林野之處而住呢?’他們便完全離於作為餌食之食的世間食……乃至……。如是,那第二群沙門婆羅門也未能從魔的成就威力中解脫。而那第三群沙門婆羅門也曾這樣共同思量:那第一群沙門婆羅門……乃至……。如是,那第一群沙門婆羅門未能從魔的成就威力中解脫。而那第二群沙門婆羅門也曾這樣共同思量:那第一群沙門婆羅門……乃至……。如是,那第一群沙門婆羅門未能從魔的成就威力中解脫。我們何不完全離於作為餌食之食的世間食,離於有怖畏的受用,深入諸林野之處而住呢?’他們便完全離於作為餌食之食的世間食……乃至……。如是,那第二群沙門婆羅門也未能從魔的成就威力中解脫。我們何不依靠魔所撒下的那片餌食與那些世間食而安置棲處。在那裡安置棲處之後,便不闖入、不迷醉地食用魔所撒下的那片餌食與那些世間食;不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在魔的那片餌食處與那些世間食處任[其]所欲而擺佈。’”

270. ‘‘Tatra, bhikkhave, catutthā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā amuṃ nivāpaṃ nivuttaṃ mārassa…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ – ‘ye kho te paṭhamā samaṇabrāhmaṇā…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu…pe…. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yepi te tatiyā samaṇabrāhmaṇā evaṃ samacintesuṃ ye kho te paṭhamā samaṇabrāhmaṇā …pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yepi te dutiyā samaṇabrāhmaṇā evaṃ samacintesuṃ ye kho te paṭhamā samaṇabrāhmaṇā…pe…. Evañhi te paṭhamā samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ sabbaso nivāpabhojanā lokāmisā paṭivirameyyāma, bhayabhogā paṭiviratā araññāyatanāni ajjhogāhetvā vihareyyāmā’ti. Te sabbaso nivāpabhojanā lokāmisā paṭiviramiṃsu…pe…. Evañhi te dutiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappeyyāma. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmiseti.
緬 1.214已對照

“他們便依靠魔所撒下的那片餌食與那些世間食而安置了棲處。在那裡安置棲處之後,他們不闖入、不迷醉地食用魔所撒下的那片餌食與那些世間食。他們在那裡不闖入、不迷醉地食著諸食物,便不陷入驕醉。未驕醉,便不陷入放逸。不放逸,便不在魔的那片餌食處與那些世間食處任[其]所欲而擺佈。然而他們卻持有這樣的見——世間是常……乃至……或如來死後既非存在又非不存在。如是,那第三群沙門婆羅門也未能從魔的成就威力中解脫。我們何不在魔與魔眾所不能去到之處安置棲處。在那裡安置棲處之後,便不闖入、不迷醉地食用魔所撒下的那片餌食與那些世間食;不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在魔的那片餌食處與那些世間食處任[其]所欲而擺佈。’”

‘‘Te amuṃ nivāpaṃ nivuttaṃ mārassa amūni ca lokāmisāni upanissāya āsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu. Te tattha ananupakhajja amucchitā bhojanāni bhuñjamānā na madaṃ āpajjiṃsu. Amattā samānā na pamādaṃ āpajjiṃsu. Appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Api ca kho evaṃdiṭṭhikā ahesuṃ sassato loko itipi…pe… neva hoti na na hoti tathāgato paraṃ maraṇā itipi. Evañhi te tatiyāpi samaṇabrāhmaṇā na parimucciṃsu mārassa iddhānubhāvā. Yaṃnūna mayaṃ yattha agati mārassa ca māraparisāya ca tatrāsayaṃ kappeyāma. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjissāma, ananupakhajja amucchitā bhojanāni bhuñjamānā na madaṃ āpajjissāma, amattā samānā na pamādaṃ āpajjissāma, appamattā samānā na yathākāmakaraṇīyā bhavissāma mārassa amusmiṃ nivāpe amusmiñca lokāmiseti.
PTS 1.159已對照

“他們便在魔與魔眾所不能去到之處安置了棲處。在那裡安置棲處之後,他們不闖入、不迷醉地食用魔所撒下的那片餌食與那些世間食;他們在那裡不闖入、不迷醉地食著諸食物,便不陷入驕醉;未驕醉,便不陷入放逸;不放逸,便不在魔的那片餌食處與那些世間食處任[其]所欲而擺佈。諸比丘,如是,那第四群沙門婆羅門從魔的成就威力中解脫了。諸比丘,猶如那第四群鹿,我說這第四群沙門婆羅門也與之相似。

‘‘Te yattha agati mārassa ca māraparisāya ca tatrāsayaṃ kappayiṃsu. Tatrāsayaṃ kappetvā amuṃ nivāpaṃ nivuttaṃ mārassa amūni ca lokāmisāni ananupakhajja amucchitā bhojanāni bhuñjiṃsu, te tattha ananupakhajja amucchitā bhojanāni bhuñjamānā na madaṃ āpajjiṃsu, amattā samānā na pamādaṃ āpajjiṃsu, appamattā samānā na yathākāmakaraṇīyā ahesuṃ mārassa amusmiṃ nivāpe amusmiñca lokāmise. Evañhi te, bhikkhave, catutthā samaṇabrāhmaṇā parimucciṃsu mārassa iddhānubhāvā. Seyyathāpi te, bhikkhave, catutthā migajātā tathūpame ahaṃ ime catutthe samaṇabrāhmaṇe vadāmi.
271已對照

二七一、“諸比丘,什麼是魔與魔眾所不能去到之處呢?諸比丘,於此,比丘已離諸欲,離諸不善法,有尋(vitakka)、有伺(vicāra),離生喜、樂,成就並住於初禪。諸比丘,這稱為比丘已使魔盲目,已使魔眼無跡可尋而摧毀之,已去到波旬所不見之處。

271. ‘‘Kathañca, bhikkhave, agati mārassa ca māraparisāya ca? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Ayaṃ vuccati, bhikkhave, bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato.
已對照

“諸比丘,復次,比丘由尋、伺寂止,內潔淨,心專一性,無尋、無伺,定生喜、樂,成就並住於第二禪。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
緬 1.215已對照

“諸比丘,復次,比丘離喜,住於舍(upekkhā),具念與正知,以身受樂,正如聖者們所說的:‘舍、具念、樂住。’成就並住於第三禪。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti yaṃ taṃ ariyā ācikkhanti ‘upekkhako satimā sukhavihārī’ti tatiyaṃ jhānaṃ upasampajja viharati. Ayaṃ vuccati, bhikkhave…pe… pāpimato.
已對照

“諸比丘,復次,比丘舍斷樂與舍斷苦,先前的喜、憂已經滅沒,不苦不樂,舍念清淨(upekkhāsatipārisuddhi),成就並住於第四禪。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Ayaṃ vuccati, bhikkhave…pe… pāpimato.
已對照

“諸比丘,復次,比丘由於一切方面超越諸色想、由諸有對想之滅沒、由於諸種種想不作意,[知]‘虛空無邊’而成就並住於空無邊處。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu sabbaso rūpasaññānaṃ samatikkamā paṭighasaññānaṃ atthaṅgamā nānattasaññānaṃ amanasikārā ‘ananto ākāso’ti ākāsānañcāyatanaṃ upasampajja viharati. Ayaṃ vuccati, bhikkhave…pe… pāpimato.
已對照

“諸比丘,復次,比丘由於一切方面超越空無邊處,[知]‘識無邊’而成就並住於識無邊處。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu sabbaso ākāsānañcāyatanaṃ samatikkamma ‘anantaṃ viññāṇa’nti viññāṇañcāyatanaṃ upasampajja viharati. Ayaṃ vuccati, bhikkhave…pe… pāpimato.
PTS 1.160已對照

“諸比丘,復次,比丘由於一切方面超越識無邊處,[知]‘無有一物’而成就並住於無所有處。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu sabbaso viññāṇañcāyatanaṃ samatikkamma ‘natthi kiñcī’ti ākiñcaññāyatanaṃ upasampajja viharati. Ayaṃ vuccati, bhikkhave…pe… pāpimato.
已對照

“諸比丘,復次,比丘由於一切方面超越無所有處而成就並住於非想非非想處。諸比丘,這稱為……乃至……波旬[所不見之處]。

‘‘Puna caparaṃ, bhikkhave, bhikkhu sabbaso ākiñcaññāyatanaṃ samatikkamma nevasaññānāsaññāyatanaṃ upasampajja viharati. Ayaṃ vuccati, bhikkhave…pe… pāpimato.
已對照

“諸比丘,復次,比丘由於一切方面超越非想非非想處而成就並住於想受滅(saññāvedayitanirodha)。而他以慧見了[四諦]之後,諸漏便遍盡了。諸比丘,這稱為比丘已使魔盲目,已使魔眼無跡可尋而摧毀之,已去到波旬所不見之處,已渡世間之貪著(visattikā)。”

‘‘Puna caparaṃ, bhikkhave, bhikkhu sabbaso nevasaññānāsaññāyatanaṃ samatikkamma saññāvedayitanirodhaṃ upasampajja viharati. Paññāya cassa disvā āsavā parikkhīṇā honti. Ayaṃ vuccati, bhikkhave, bhikkhu andhamakāsi māraṃ, apadaṃ vadhitvā māracakkhuṃ adassanaṃ gato pāpimato tiṇṇo loke visattika’’nti.
已對照

世尊說了這[經]。那些比丘滿意、歡喜世尊之所說。

Idamavoca bhagavā. Attamanā te bhikkhū bhagavato bhāsitaṃ abhinandunti.
已對照

《餌食經》終,[《譬喻品》中之]第五[經]。

Nivāpasuttaṃ niṭṭhitaṃ pañcamaṃ.