快樂巴利palinanda.cc

中部第130經 · 天使經 Devadūtasuttaṃ

本經目錄十、天使經

261已對照

十、天使經

二六一、如是我聞——一時,世尊住在舍衛城(Sāvatthī)的祇樹林(Jetavana)給孤獨園(Anāthapiṇḍika 之園)。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說——

261. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
PTS 3.179緬 3.217已對照

“諸比丘,猶如有兩座有門的房屋,具眼之人站在[兩屋]中間,能看見人們走進房屋、走出房屋、來回往來、到處走動。諸比丘,正是這樣,我以清淨、超人的天眼(dibbacakkhu),看見眾生的死亡與投生:或低賤或高貴,或美麗或醜陋,或善趣或惡趣,了知眾生隨業而去——‘這些眾生確實具足身善行、具足語善行、具足意善行,不誹謗聖者,持正見,受持正見之業;他們身壞命終之後,投生於善趣、天界。而這些眾生具足身善行、具足語善行、具足意善行,不誹謗聖者,持正見,受持正見之業;他們身壞命終之後,投生於人中。這些眾生確實具足身惡行、具足語惡行、具足意惡行,誹謗聖者,持邪見,受持邪見之業;他們身壞命終之後,投生於餓鬼界。而這些眾生具足身惡行、具足語惡行、具足意惡行,誹謗聖者,持邪見,受持邪見之業;他們身壞命終之後,投生於畜生胎。而這些眾生具足身惡行、具足語惡行、具足意惡行,誹謗聖者,持邪見,受持邪見之業;他們身壞命終之後,投生於苦界、惡趣、墮處、地獄。’”

‘‘Seyyathāpi, bhikkhave, dve agārā sadvārā [sandhidvārā (ka.)], tattha cakkhumā puriso majjhe ṭhito passeyya manusse gehaṃ pavisantepi nikkhamantepi anucaṅkamantepi anuvicarantepi; evameva kho ahaṃ, bhikkhave, dibbena cakkhunā visuddhena atikkantamānusakena satte passāmi cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāmi – ‘ime vata bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā; te kāyassa bhedā paraṃ maraṇā sugatiṃ saggaṃ lokaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā; te kāyassa bhedā paraṃ maraṇā manussesu upapannā. Ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā; te kāyassa bhedā paraṃ maraṇā pettivisayaṃ upapannā. Ime vā pana bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā; te kāyassa bhedā paraṃ maraṇā tiracchānayoniṃ upapannā. Ime vā pana bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā; te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā’’’ti.
262已對照

二六二、“諸比丘,獄卒們抓住他的雙臂,帶去見閻摩王(Yama rājā):‘陛下,這個人不敬母、不敬父、不敬沙門、不敬婆羅門、於家中不尊敬長者。請陛下給他處罰吧。’諸比丘,閻摩王就第一位天使(devadūta)盤問他、追問他、詰問他:‘喂,你這人,你沒有看見人間出現的第一位天使嗎?’他這樣說:‘尊者,我沒有看見。’”

262. ‘‘Tamenaṃ, bhikkhave, nirayapālā nānābāhāsu gahetvā yamassa rañño dassenti – ‘ayaṃ, deva, puriso amatteyyo apetteyyo asāmañño abrāhmañño, na kule jeṭṭhāpacāyī. Imassa devo daṇḍaṃ paṇetū’ti. Tamenaṃ, bhikkhave, yamo rājā paṭhamaṃ devadūtaṃ samanuyuñjati samanugāhati samanubhāsati – ‘ambho purisa, na tvaṃ addasa manussesu paṭhamaṃ devadūtaṃ pātubhūta’nti? So evamāha – ‘nāddasaṃ, bhante’ti.
已對照

“諸比丘,閻摩王對他這樣說:‘喂,你這人,你沒有看見人間年幼、諸根遲鈍、仰臥的童子,臥於自己的屎尿中嗎?’他這樣說:‘尊者,我看見了。’”

‘‘Tamenaṃ, bhikkhave, yamo rājā evamāha – ‘ambho purisa, na tvaṃ addasa manussesu daharaṃ kumāraṃ mandaṃ uttānaseyyakaṃ sake muttakarīse palipannaṃ semāna’nti? So evamāha – ‘addasaṃ, bhante’’’ti.
已對照

“諸比丘,閻摩王對他這樣說:‘喂,你這人,你是有識的、高齡的人,難道你沒有這樣想:“我也是生法、未超越生;來吧,我要以身、以語、以意作善”?’他這樣說:‘尊者,我未能[作]。尊者,我放逸了。’”

‘‘Tamenaṃ, bhikkhave, yamo rājā evamāha – ‘ambho purisa, tassa te viññussa sato mahallakassa na etadahosi – ahampi khomhi jātidhammo, jātiṃ anatīto. Handāhaṃ kalyāṇaṃ karomi kāyena vācāya manasā’ti? So evamāha – ‘nāsakkhissaṃ, bhante, pamādassaṃ, bhante’’’ti.
PTS 3.180緬 3.218已對照

“諸比丘,閻摩王對他這樣說:‘喂,你這人,由於放逸,你沒有以身、以語、以意作善。喂,你這人,他們必定會如對待放逸者那樣對待你。而你的這惡業,不是母親所作,不是父親所作,不是兄弟所作,不是姊妹所作,不是朋友同僚所作,不是親族血親所作,不是沙門婆羅門所作,不是諸天所作,正是你作了這惡業,你自己將領受它的異熟。’”

‘‘Tamenaṃ, bhikkhave, yamo rājā evamāha – ‘ambho purisa, pamādavatāya na kalyāṇamakāsi kāyena vācāya manasā. Taggha tvaṃ, ambho purisa, tathā karissanti yathā taṃ pamattaṃ. Taṃ kho pana te etaṃ pāpakammaṃ [pāpaṃ kammaṃ (sī. pī.)] neva mātarā kataṃ na pitarā kataṃ na bhātarā kataṃ na bhaginiyā kataṃ na mittāmaccehi kataṃ na ñātisālohitehi kataṃ na samaṇabrāhmaṇehi kataṃ na devatāhi kataṃ, tayāvetaṃ pāpakammaṃ [pāpaṃ kammaṃ (sī. pī.)] kataṃ, tvaññevetassa vipākaṃ paṭisaṃvedissasī’’’ti.
263已對照

二六三、“諸比丘,閻摩王就第一位天使盤問他、追問他、詰問他之後,又就第二位天使盤問他、追問他、詰問他:‘喂,你這人,你沒有看見人間出現的第二位天使嗎?’他這樣說:‘尊者,我沒有看見。’”

263. ‘‘Tamenaṃ, bhikkhave, yamo rājā paṭhamaṃ devadūtaṃ samanuyuñjitvā samanugāhitvā samanubhāsitvā dutiyaṃ devadūtaṃ samanuyuñjati samanugāhati samanubhāsati – ‘ambho purisa, na tvaṃ addasa manussesu dutiyaṃ devadūtaṃ pātubhūta’nti? So evamāha – ‘nāddasaṃ, bhante’’’ti.
已對照

“諸比丘,閻摩王對他這樣說:‘喂,你這人,你沒有看見人間的女人或男人,[已]衰老,如屋椽般佝僂,身軀彎曲,以杖為依,顫抖而行,病弱,青春已逝,牙齒殘缺,頭髮斑白,[頭髮]脫落,頭頂光禿,皮膚起皺,全身長滿斑點嗎?’他這樣說:‘尊者,我看見了。’”

‘‘Tamenaṃ, bhikkhave, yamo rājā evamāha – ‘ambho purisa, na tvaṃ addasa manussesu itthiṃ vā purisaṃ vā ( ) [(āsītikaṃ vā nāvutikaṃ vā vassasatikaṃ vā jātiyā) (ka. sī. syā. kaṃ. pī.) tikaṅguttarepi] jiṇṇaṃ gopānasivaṅkaṃ bhoggaṃ daṇḍaparāyanaṃ pavedhamānaṃ gacchantaṃ āturaṃ gatayobbanaṃ khaṇḍadantaṃ palitakesaṃ vilūnaṃ khalitasiraṃ [khalitaṃsiro (sī.), khalitaṃsiraṃ (syā. kaṃ. pī.)] valinaṃ tilakāhatagatta’nti? So evamāha – ‘addasaṃ, bhante’’’ti.
已對照

“諸比丘,閻摩王對他這樣說:‘喂,你這人,你是有識的、高齡的人,難道你沒有這樣想:“我也是老法、未超越老;來吧,我要以身、以語、以意作善”?’他這樣說:‘尊者,我未能[作]。尊者,我放逸了。’”

‘‘Tamenaṃ, bhikkhave, yamo rājā evamāha – ‘ambho purisa, tassa te viññussa sato mahallakassa na etadahosi – ahampi khomhi jarādhammo, jaraṃ anatīto. Handāhaṃ kalyāṇaṃ karomi kāyena vācāya manasā’ti? So evamāha – ‘nāsakkhissaṃ, bhante, pamādassaṃ, bhante’’’ti.
緬 3.219已對照

“諸比丘,閻摩王對他這樣說:‘喂,你這人,由於放逸,你沒有以身、以語、以意作善。喂,你這人,他們必定會如對待放逸者那樣對待你。而你的這惡業,不是母親所作,不是父親所作,不是兄弟所作,不是姊妹所作,不是朋友同僚所作,不是親族血親所作,不是沙門婆羅門所作,不是諸天所作,正是你作了這惡業,你自己將領受它的異熟。’”

‘‘Tamenaṃ, bhikkhave, yamo rājā evamāha – ‘ambho purisa, pamādavatāya na kalyāṇamakāsi kāyena vācāya manasā. Taggha tvaṃ, ambho purisa, tathā karissanti yathā taṃ pamattaṃ. Taṃ kho pana te etaṃ pāpakammaṃ neva mātarā kataṃ na pitarā kataṃ na bhātarā kataṃ na bhaginiyā kataṃ na mittāmaccehi kataṃ na ñātisālohitehi kataṃ na samaṇabrāhmaṇehi kataṃ na devatāhi kataṃ, tayāvetaṃ pāpakammaṃ kataṃ, tvaññevetassa vipākaṃ paṭisaṃvedissasī’’’ti.
264PTS 3.181已對照

二六四、“諸比丘,閻摩王就第二位天使盤問他、追問他、詰問他之後,又就第三位天使盤問他、追問他、詰問他:‘喂,你這人,你沒有看見人間出現的第三位天使嗎?’他這樣說:‘尊者,我沒有看見。’”

264. ‘‘Tamenaṃ, bhikkhave, yamo rājā dutiyaṃ devadūtaṃ samanuyuñjitvā samanugāhitvā samanubhāsitvā tatiyaṃ devadūtaṃ samanuyuñjati samanugāhati samanubhāsati – ‘ambho purisa, na tvaṃ addasa manussesu tatiyaṃ devadūtaṃ pātubhūta’nti? So evamāha – ‘nāddasaṃ, bhante’’’ti.
已對照

“諸比丘,閻摩王對他這樣說:‘喂,你這人,你沒有看見人間的女人或男人生病、痛苦、重病纏身,臥於自己的屎尿中,被他人扶起,被他人放下嗎?’他這樣說:‘尊者,我看見了。’”

‘‘Tamenaṃ, bhikkhave, yamo rājā evamāha – ‘ambho purisa, na tvaṃ addasa manussesu itthiṃ vā purisaṃ vā ābādhikaṃ dukkhitaṃ bāḷhagilānaṃ sake muttakarīse palipannaṃ semānaṃ aññehi vuṭṭhāpiyamānaṃ aññehi saṃvesiyamāna’nti? So evamāha – ‘addasaṃ, bhante’’’ti.
已對照

“諸比丘,閻摩王對他這樣說:‘喂,你這人,你是有識的、高齡的人,難道你沒有這樣想:“我也是病法、未超越病;來吧,我要以身、以語、以意作善”?’他這樣說:‘尊者,我未能[作]。尊者,我放逸了。’”

‘‘Tamenaṃ, bhikkhave, yamo rājā evamāha – ‘ambho purisa, tassa te viññussa sato mahallakassa na etadahosi – ahampi khomhi byādhidhammo, byādhiṃ anatīto. Handāhaṃ kalyāṇaṃ karomi kāyena vācāya manasā’ti? So evamāha – ‘nāsakkhissaṃ, bhante, pamādassaṃ, bhante’’’ti.
已對照

“諸比丘,閻摩王對他這樣說:‘喂,你這人,由於放逸,你沒有以身、以語、以意作善。喂,你這人,他們必定會如對待放逸者那樣對待你。而你的這惡業,不是母親所作,不是父親所作,不是兄弟所作,不是姊妹所作,不是朋友同僚所作,不是親族血親所作,不是沙門婆羅門所作,不是諸天所作,正是你作了這惡業,你自己將領受它的異熟。’”

‘‘Tamenaṃ, bhikkhave, yamo rājā evamāha – ‘ambho purisa, pamādavatāya na kalyāṇamakāsi kāyena vācāya manasā. Taggha tvaṃ, ambho purisa, tathā karissanti yathā taṃ pamattaṃ. Taṃ kho pana te etaṃ pāpakammaṃ neva mātarā kataṃ na pitarā kataṃ na bhātarā kataṃ na bhaginiyā kataṃ na mittāmaccehi kataṃ na ñātisālohitehi kataṃ na samaṇabrāhmaṇehi kataṃ na devatāhi kataṃ, tayāvetaṃ pāpakammaṃ kataṃ, tvaññevetassa vipākaṃ paṭisaṃvedissasī’’’ti.
265已對照

二六五、“諸比丘,閻摩王就第三位天使盤問他、追問他、詰問他之後,又就第四位天使盤問他、追問他、詰問他:‘喂,你這人,你沒有看見人間出現的第四位天使嗎?’他這樣說:‘尊者,我沒有看見。’”

265. ‘‘Tamenaṃ, bhikkhave, yamo rājā tatiyaṃ devadūtaṃ samanuyuñjitvā samanugāhitvā samanubhāsitvā catutthaṃ devadūtaṃ samanuyuñjati samanugāhati samanubhāsati – ‘ambho purisa, na tvaṃ addasa manussesu catutthaṃ devadūtaṃ pātubhūta’nti? So evamāha – ‘nāddasaṃ, bhante’’’ti.
緬 3.220已對照

“諸比丘,閻摩王對他這樣說:‘喂,你這人,你沒有看見人間諸王抓住造罪的盜賊,令施以種種刑罰(kammakāraṇā)——也用鞭子打,也用藤條打,也用半截棍杖打;也砍斷[他的]手,也砍斷腳,也砍斷手與腳,也割去耳,也割去鼻,也割去耳與鼻;也施以酸粥鍋刑(bilaṅgathālika),也施以貝禿刑(saṅkhamuṇḍika),也施以羅睺口刑(rāhumukha),也施以火鬘刑(jotimālika),也施以手炬刑(hatthapajjotika),也施以草繩刑(erakavattika),也施以樹皮衣刑(cīrakavāsika),也施以羚羊刑(eṇeyyaka),也施以鉤肉刑(baḷisamaṃsika),也施以迦利沙槃刑(kahāpaṇika),也施以鹼削刑(khārāpatacchika),也施以門閂旋轉刑(palighaparivattika),也施以稻草座刑(palālapīṭhaka);也用滾燙的油澆[他],也令狗噬[他],也把[他]活著釘在樁上,也用刀砍斷[他的]頭嗎?’他這樣說:‘尊者,我看見了。’”

‘‘Tamenaṃ, bhikkhave, yamo rājā evamāha – ‘ambho purisa, na tvaṃ addasa manussesu rājāno coraṃ āgucāriṃ gahetvā vividhā kammakāraṇā kārente – kasāhipi tāḷente vettehipi tāḷente addhadaṇḍakehipi tāḷente hatthampi chindante pādampi chindante hatthapādampi chindante kaṇṇampi chindante nāsampi chindante kaṇṇanāsampi chindante bilaṅgathālikampi karonte saṅkhamuṇḍikampi karonte rāhumukhampi karonte jotimālikampi karonte hatthapajjotikampi karonte erakavattikampi karonte cīrakavāsikampi karonte eṇeyyakampi karonte baḷisamaṃsikampi karonte kahāpaṇikampi karonte khārāpatacchikampi karonte palighaparivattikampi karonte palālapīṭhakampi karonte tattenapi telena osiñcante sunakhehipi khādāpente jīvantampi sūle uttāsente asināpi sīsaṃ chindante’ti? So evamāha – ‘addasaṃ, bhante’’’ti.
PTS 3.182已對照

“諸比丘,閻摩王對他這樣說:‘喂,你這人,你是有識的、高齡的人,難道你沒有這樣想:“諸位,據說凡作諸惡業的人,於現法中就要受這樣種種的刑罰,何況在他世呢!來吧,我要以身、以語、以意作善”?’他這樣說:‘尊者,我未能[作]。尊者,我放逸了。’”

‘‘Tamenaṃ, bhikkhave, yamo rājā evamāha – ‘ambho purisa, tassa te viññussa sato mahallakassa na etadahosi – ye kira, bho, pāpakāni kammāni karonti te diṭṭheva dhamme evarūpā vividhā kammakāraṇā karīyanti, kimaṅgaṃ [kimaṅga (sī. pī.)] pana parattha! Handāhaṃ kalyāṇaṃ karomi kāyena vācāya manasā’ti? So evamāha – ‘nāsakkhissaṃ, bhante, pamādassaṃ, bhante’’’ti.
已對照

“諸比丘,閻摩王對他這樣說:‘喂,你這人,由於放逸,你沒有以身、以語、以意作善。喂,你這人,他們必定會如對待放逸者那樣對待你。而你的這惡業,不是母親所作,不是父親所作,不是兄弟所作,不是姊妹所作,不是朋友同僚所作,不是親族血親所作,不是沙門婆羅門所作,不是諸天所作,正是你作了這惡業,你自己將領受它的異熟。’”

‘‘Tamenaṃ, bhikkhave, yamo rājā evamāha – ‘ambho purisa, pamādavatāya na kalyāṇamakāsi kāyena vācāya manasā. Taggha tvaṃ, ambho purisa, tathā karissanti yathā taṃ pamattaṃ. Taṃ kho pana te etaṃ pāpakammaṃ neva mātarā kataṃ na pitarā kataṃ na bhātarā kataṃ na bhaginiyā kataṃ na mittāmaccehi kataṃ na ñātisālohitehi kataṃ na samaṇabrāhmaṇehi kataṃ na devatāhi kataṃ, tayāvetaṃ pāpakammaṃ kataṃ, tvaññevetassa vipākaṃ paṭisaṃvedissasī’’’ti.
266已對照

二六六、“諸比丘,閻摩王就第四位天使盤問他、追問他、詰問他之後,又就第五位天使盤問他、追問他、詰問他:‘喂,你這人,你沒有看見人間出現的第五位天使嗎?’他這樣說:‘尊者,我沒有看見。’”

266. ‘‘Tamenaṃ, bhikkhave, yamo rājā catutthaṃ devadūtaṃ samanuyuñjitvā samanugāhitvā samanubhāsitvā pañcamaṃ devadūtaṃ samanuyuñjati samanugāhati samanubhāsati – ‘ambho purisa, na tvaṃ addasa manussesu pañcamaṃ devadūtaṃ pātubhūta’nti? So evamāha – ‘nāddasaṃ, bhante’’’ti.
已對照

“諸比丘,閻摩王對他這樣說:‘喂,你這人,你沒有看見人間的女人或男人,死了一天、或死了兩天、或死了三天,[已]膨脹、青瘀、膿爛嗎?’他這樣說:‘尊者,我看見了。’”

‘‘Tamenaṃ, bhikkhave, yamo rājā evamāha – ‘ambho purisa, na tvaṃ addasa manussesu itthiṃ vā purisaṃ vā ekāhamataṃ vā dvīhamataṃ vā tīhamataṃ vā uddhumātakaṃ vinīlakaṃ vipubbakajāta’nti? So evamāha – ‘addasaṃ, bhante’’’ti.
緬 3.221已對照

“諸比丘,閻摩王對他這樣說:‘喂,你這人,你是有識的、高齡的人,難道你沒有這樣想:“我也是死法、未超越死;來吧,我要以身、以語、以意作善”?’他這樣說:‘尊者,我未能[作]。尊者,我放逸了。’”

‘‘Tamenaṃ, bhikkhave, yamo rājā evamāha – ‘ambho purisa, tassa te viññussa sato mahallakassa na etadahosi – ahampi khomhi maraṇadhammo, maraṇaṃ anatīto. Handāhaṃ kalyāṇaṃ karomi kāyena vācāya manasā’ti? So evamāha – ‘nāsakkhissaṃ, bhante, pamādassaṃ, bhante’’’ti.
已對照

“諸比丘,閻摩王對他這樣說:‘喂,你這人,由於放逸,你沒有以身、以語、以意作善。喂,你這人,他們必定會如對待放逸者那樣對待你。而你的這惡業,不是母親所作,不是父親所作,不是兄弟所作,不是姊妹所作,不是朋友同僚所作,不是親族血親所作,不是沙門婆羅門所作,不是諸天所作,正是你作了這惡業,你自己將領受它的異熟。’”

‘‘Tamenaṃ, bhikkhave, yamo rājā evamāha – ‘ambho purisa, pamādavatāya na kalyāṇamakāsi kāyena vācāya manasā. Taggha tvaṃ, ambho purisa, tathā karissanti yathā taṃ pamattaṃ. Taṃ kho pana te etaṃ pāpakammaṃ neva mātarā kataṃ na pitarā kataṃ na bhātarā kataṃ na bhaginiyā kataṃ na mittāmaccehi kataṃ na ñātisālohitehi kataṃ na samaṇabrāhmaṇehi kataṃ na devatāhi kataṃ, tayāvetaṃ pāpakammaṃ kataṃ, tvaññevetassa vipākaṃ paṭisaṃvedissasī’’’ti.
267PTS 3.183已對照

二六七、“諸比丘,閻摩王就第五位天使盤問他、追問他、詰問他之後,便沉默了。諸比丘,獄卒們對他施以名為五種繫縛的刑罰:把燒紅的鐵釘[釘]入手中,把燒紅的鐵釘[釘]入另一隻手中,把燒紅的鐵釘[釘]入腳中,把燒紅的鐵釘[釘]入另一隻腳中,把燒紅的鐵釘[釘]入胸膛中央。他在那裡感受苦的、劇的、粗的、辛辣的諸受;他也不會命終,直到那惡業終盡為止。諸比丘,獄卒們把他放倒,用斧頭削他……乃至……諸比丘,獄卒們把他頭下腳上地抓住,用扁斧削他……乃至……諸比丘,獄卒們把他套在車上,在熾燃、燃燒、赫然發光的地上來回拖拉……乃至……諸比丘,獄卒們使他登上又走下熾燃、燃燒、赫然發光的大炭火山……乃至……諸比丘,獄卒們把他頭下腳上地抓住,投入燒紅的、熾燃、燃燒、赫然發光的銅鑊中。他在那裡如泡沫翻湧般被煮。他在那裡如泡沫翻湧般被煮著,時而向上,時而向下,時而橫去。他在那裡感受苦的、劇的、粗的、辛辣的諸受;他也不會命終,直到那惡業終盡為止。諸比丘,獄卒們把他投入大地獄。諸比丘,而那大地獄——

267. ‘‘Tamenaṃ, bhikkhave, yamo rājā pañcamaṃ devadūtaṃ samanuyuñjitvā samanugāhitvā samanubhāsitvā tuṇhī hoti. Tamenaṃ, bhikkhave, nirayapālā pañcavidhabandhanaṃ nāma kammakāraṇaṃ karonti – tattaṃ ayokhilaṃ hatthe gamenti, tattaṃ ayokhilaṃ dutiye hatthe gamenti, tattaṃ ayokhilaṃ pāde gamenti, tattaṃ ayokhilaṃ dutiye pāde gamenti, tattaṃ ayokhilaṃ majjheurasmiṃ gamenti. So tattha dukkhā tibbā kharā kaṭukā vedanā vedeti, na ca tāva kālaṃ karoti yāva na taṃ pāpakammaṃ byantīhoti. Tamenaṃ, bhikkhave, nirayapālā saṃvesetvā kuṭhārīhi tacchanti…pe… tamenaṃ, bhikkhave, nirayapālā uddhaṃpādaṃ adhosiraṃ gahetvā vāsīhi tacchanti…pe… tamenaṃ, bhikkhave, nirayapālā rathe yojetvā ādittāya pathaviyā sampajjalitāya sajotibhūtāya sārentipi, paccāsārentipi…pe… tamenaṃ, bhikkhave, nirayapālā mahantaṃ aṅgārapabbataṃ ādittaṃ sampajjalitaṃ sajotibhūtaṃ āropentipi oropentipi…pe… tamenaṃ, bhikkhave, nirayapālā uddhaṃpādaṃ adhosiraṃ gahetvā tattāya lohakumbhiyā pakkhipanti ādittāya sampajjalitāya sajotibhūtāya. So tattha pheṇuddehakaṃ paccati. So tattha pheṇuddehakaṃ paccamāno sakimpi uddhaṃ gacchati, sakimpi adho gacchati, sakimpi tiriyaṃ gacchati. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti. Tamenaṃ, bhikkhave, nirayapālā mahāniraye pakkhipanti. So kho pana, bhikkhave, mahānirayo –
緬 3.222已對照

“有四角、四門,按部分劃分、度量;

‘‘Catukkaṇṇo catudvāro, vibhatto bhāgaso mito;
已對照

以鐵牆為界,以鐵覆蓋於上。

Ayopākārapariyanto, ayasā paṭikujjito.
已對照

“它的地是鐵所成,燃燒著,與火焰相合;

‘‘Tassa ayomayā bhūmi, jalitā tejasāyutā;
已對照

周遍一百由旬,恆常遍滿而住。”

Samantā yojanasataṃ, pharitvā tiṭṭhati sabbadā’’.
268PTS 3.184已對照

二六八、“諸比丘,而從那大地獄的東牆升起的火焰,撞擊在西牆上;從西牆升起的火焰,撞擊在東牆上;從北牆升起的火焰,撞擊在南牆上;從南牆升起的火焰,撞擊在北牆上;從下方升起的火焰,撞擊在上方;從上方升起的火焰,撞擊在下方。他在那裡感受苦的、劇的、粗的、辛辣的諸受;他也不會命終,直到那惡業終盡為止。

268. ‘‘Tassa kho pana, bhikkhave, mahānirayassa puratthimāya bhittiyā acci uṭṭhahitvā pacchimāya bhittiyā paṭihaññati, pacchimāya bhittiyā acci uṭṭhahitvā puratthimāya bhittiyā paṭihaññati, uttarāya bhittiyā acci uṭṭhahitvā dakkhiṇāya bhittiyā paṭihaññati, dakkhiṇāya bhittiyā acci uṭṭhahitvā uttarāya bhittiyā paṭihaññati, heṭṭhā acci uṭṭhahitvā upari paṭihaññati, uparito acci uṭṭhahitvā heṭṭhā paṭihaññati. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
已對照

“諸比丘,會有這樣的時候:在某時某際,經過漫長的時期,那大地獄的東門被打開。他在那裡以急速的速度奔跑。當他以急速的速度奔跑時,表皮也被燒,皮也被燒,肉也被燒,筋也被燒,骨頭也冒煙;[腳]抬起時,又恢復如故。諸比丘,而當他已歷經許多[百年、千年]時,那門就關閉了。他在那裡感受苦的、劇的、粗的、辛辣的諸受;他也不會命終,直到那惡業終盡為止。

‘‘Hoti kho so, bhikkhave, samayo yaṃ kadāci karahaci dīghassa addhuno accayena tassa mahānirayassa puratthimaṃ dvāraṃ apāpurīyati [avāpurīyati (sī.)]. So tattha sīghena javena dhāvati. Tassa sīghena javena dhāvato chavimpi ḍayhati, cammampi ḍayhati, maṃsampi ḍayhati, nhārumpi ḍayhati, aṭṭhīnipi sampadhūpāyanti, ubbhataṃ tādisameva hoti. Yato ca kho so, bhikkhave, bahusampatto hoti, atha taṃ dvāraṃ pidhīyati [pithīyati (sī. syā. kaṃ. pī.)]. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
已對照

“諸比丘,會有這樣的時候:在某時某際,經過漫長的時期,那大地獄的西門被打開……乃至……北門被打開……乃至……南門被打開。他在那裡以急速的速度奔跑。當他以急速的速度奔跑時,表皮也被燒,皮也被燒,肉也被燒,筋也被燒,骨頭也冒煙;[腳]抬起時,又恢復如故。諸比丘,而當他已歷經許多[百年、千年]時,那門就關閉了。他在那裡感受苦的、劇的、粗的、辛辣的諸受;他也不會命終,直到那惡業終盡為止。

‘‘Hoti kho so, bhikkhave, samayo yaṃ kadāci karahaci dīghassa addhuno accayena tassa mahānirayassa pacchimaṃ dvāraṃ apāpurīyati…pe… uttaraṃ dvāraṃ apāpurīyati…pe… dakkhiṇaṃ dvāraṃ apāpurīyati. So tattha sīghena javena dhāvati. Tassa sīghena javena dhāvato chavimpi ḍayhati, cammampi ḍayhati, maṃsampi ḍayhati, nhārumpi ḍayhati, aṭṭhīnipi sampadhūpāyanti, ubbhataṃ tādisameva hoti. Yato ca kho so, bhikkhave, bahusampatto hoti, atha taṃ dvāraṃ pidhīyati. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
緬 3.223已對照

“諸比丘,會有這樣的時候:在某時某際,經過漫長的時期,那大地獄的東門被打開。他在那裡以急速的速度奔跑。當他以急速的速度奔跑時,表皮也被燒,皮也被燒,肉也被燒,筋也被燒,骨頭也冒煙;[腳]抬起時,又恢復如故。他從那門出去。

‘‘Hoti kho so, bhikkhave, samayo yaṃ kadāci karahaci dīghassa addhuno accayena tassa mahānirayassa puratthimaṃ dvāraṃ apāpurīyati. So tattha sīghena javena dhāvati. Tassa sīghena javena dhāvato chavimpi ḍayhati, cammampi ḍayhati, maṃsampi ḍayhati, nhārumpi ḍayhati, aṭṭhīnipi sampadhūpāyanti, ubbhataṃ tādisameva hoti. So tena dvārena nikkhamati.
269PTS 3.185已對照

二六九、“諸比丘,而緊接著那大地獄,與之相連的是一個巨大的糞地獄(gūthaniraya)。他落入其中。諸比丘,在那糞地獄中,針口眾生(sūcimukhā pāṇā)割破[他的]表皮,割破錶皮後割破皮,割破皮後割破肉,割破肉後割破筋,割破筋後割破骨,割破骨後啖食骨髓。他在那裡感受苦的、劇的、粗的、辛辣的諸受;他也不會命終,直到那惡業終盡為止。

269. ‘‘Tassa kho pana, bhikkhave, mahānirayassa samanantarā sahitameva mahanto gūthanirayo. So tattha patati. Tasmiṃ kho pana, bhikkhave, gūthaniraye sūcimukhā pāṇā chaviṃ chindanti, chaviṃ chetvā cammaṃ chindanti, cammaṃ chetvā maṃsaṃ chindanti, maṃsaṃ chetvā nhāruṃ chindanti, nhāruṃ chetvā aṭṭhiṃ chindanti, aṭṭhiṃ chetvā aṭṭhimiñjaṃ khādanti. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
已對照

“諸比丘,而緊接著那糞地獄,與之相連的是一個巨大的熱灰地獄(kukkulaniraya)。他落入其中。他在那裡感受苦的、劇的、粗的、辛辣的諸受;他也不會命終,直到那惡業終盡為止。

‘‘Tassa kho pana, bhikkhave, gūthanirayassa samanantarā sahitameva mahanto kukkulanirayo. So tattha patati. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
已對照

“諸比丘,而緊接著那熱灰地獄,與之相連的是一片巨大的木棉林(simbalivana),向上聳起一由旬,有十六指[長]的刺,熾燃、燃燒、赫然發光。[獄卒們]使[他]在那裡登上又走下。他在那裡感受苦的、劇的、粗的、辛辣的諸受;他也不會命終,直到那惡業終盡為止。

‘‘Tassa kho pana, bhikkhave, kukkulanirayassa samanantarā sahitameva mahantaṃ simbalivanaṃ uddhaṃ [uccaṃ (syā. kaṃ.), ubbhato (ka.)] yojanamuggataṃ soḷasaṅgulakaṇṭakaṃ [soḷasaṅgulakaṇḍakaṃ (sī.)] ādittaṃ sampajjalitaṃ sajotibhūtaṃ. Tattha āropentipi oropentipi. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
已對照

“諸比丘,而緊接著那木棉林,與之相連的是一片巨大的劍葉林(asipattavana)。他進入其中。被風吹動而落下的葉子,砍斷[他的]手,砍斷腳,砍斷手與腳,割去耳,割去鼻,割去耳與鼻。他在那裡感受苦的、劇的、粗的、辛辣的諸受;他也不會命終,直到那惡業終盡為止。

‘‘Tassa kho pana, bhikkhave, simbalivanassa samanantarā sahitameva mahantaṃ asipattavanaṃ. So tattha pavisati. Tassa vāteritāni pattāni patitāni hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
緬 3.224已對照

“諸比丘,而緊接著那劍葉林,與之相連的是一條巨大的鹼水河(khārodakā nadī)。他落入其中。他在那裡被順流衝去,被逆流衝去,被順流逆流衝去。他在那裡感受苦的、劇的、粗的、辛辣的諸受;他也不會命終,直到那惡業終盡為止。

‘‘Tassa kho pana, bhikkhave, asipattavanassa samanantarā sahitameva mahatī khārodakā nadī [khārodikā nadī (sī.)]. So tattha patati. So tattha anusotampi vuyhati, paṭisotampi vuyhati, anusotapaṭisotampi vuyhati. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
270PTS 3.186已對照

二七〇、“諸比丘,獄卒們用鉤子把他鉤上來,放在岸上,這樣說:‘喂,你這人,你想要什麼?’他這樣說:‘尊者,我餓了。’諸比丘,獄卒們以燒紅的、熾燃、燃燒、赫然發光的鐵鉗撬開[他的]口,把燒紅的、熾燃、燃燒、赫然發光的鐵丸放入[他的]口中。它燒他的唇,也燒口,也燒喉,也燒胸,帶著腸與腸間膜從下部出去。他在那裡感受苦的、劇的、粗的、辛辣的諸受;他也不會命終,直到那惡業終盡為止。

270. ‘‘Tamenaṃ, bhikkhave, nirayapālā balisena uddharitvā thale patiṭṭhāpetvā evamāhaṃsu – ‘ambho purisa, kiṃ icchasī’ti? So evamāha – ‘jighacchitosmi, bhante’ti. Tamenaṃ, bhikkhave, nirayapālā tattena ayosaṅkunā mukhaṃ vivaritvā ādittena sampajjalitena sajotibhūtena tattaṃ lohaguḷaṃ mukhe pakkhipanti ādittaṃ sampajjalitaṃ sajotibhūtaṃ. So tassa [taṃ tassa (ka.), tassa (sī. pī.)] oṭṭhampi dahati [ḍayhati (sī. syā. kaṃ. pī.)], mukhampi dahati, kaṇṭhampi dahati, urampi [udarampi (sī. syā. kaṃ.)] dahati, antampi antaguṇampi ādāya adhobhāgā nikkhamati. So tattha dukkhā tibbā kharā kaṭukā vedanā vedeti, na ca tāva kālaṅkaroti yāva na taṃ pāpakammaṃ byantīhoti.
已對照

“諸比丘,獄卒們對他這樣說:‘喂,你這人,你想要什麼?’他這樣說:‘尊者,我渴了。’諸比丘,獄卒們以燒紅的、熾燃、燃燒、赫然發光的鐵鉗撬開[他的]口,把滾燙的、熾燃、燃燒、赫然發光的銅液灌入[他的]口中。它燒他的唇,也燒口,也燒喉,也燒胸,帶著腸與腸間膜從下部出去。他在那裡感受苦的、劇的、粗的、辛辣的諸受;他也不會命終,直到那惡業終盡為止。諸比丘,獄卒們又把他投入大地獄。

‘‘Tamenaṃ, bhikkhave, nirayapālā evamāhaṃsu – ‘ambho purisa, kiṃ icchasī’ti? So evamāha – ‘pipāsitosmi, bhante’ti. Tamenaṃ, bhikkhave, nirayapālā tattena ayosaṅkunā mukhaṃ vivaritvā ādittena sampajjalitena sajotibhūtena tattaṃ tambalohaṃ mukhe āsiñcanti ādittaṃ sampajjalitaṃ sajotibhūtaṃ. Taṃ tassa [ettha pana pāṭhabhedo natthi] oṭṭhampi dahati, mukhampi dahati, kaṇṭhampi dahati, urampi dahati, antampi antaguṇampi ādāya adhobhāgā nikkhamati. So tattha dukkhā tibbā kharā kaṭukā vedanā vedeti, na ca tāva kālaṅkaroti, yāva na taṃ pāpakammaṃ byantīhoti. Tamenaṃ, bhikkhave, nirayapālā puna mahāniraye pakkhipanti.
已對照

“諸比丘,從前,閻摩王這樣想:‘諸位,據說凡在世間作諸惡不善業的人,都要受這樣種種的刑罰。啊,但願我能得到人身,如來、阿羅漢、正等正覺者出現於世間,我能親近那位世尊;那位世尊為我說法,我能了知那位世尊的法。’諸比丘,我說這[話],並不是從別的沙門或婆羅門那裡聽來而說的;而是凡我自己所知、自己所見、自己所了達的,我才說那個。”

‘‘Bhūtapubbaṃ, bhikkhave, yamassa rañño etadahosi – ‘ye kira, bho, loke pāpakāni akusalāni kammāni karonti te evarūpā vividhā kammakāraṇā karīyanti. Aho vatāhaṃ manussattaṃ labheyyaṃ. Tathāgato ca loke uppajjeyya arahaṃ sammāsambuddho. Tañcāhaṃ bhagavantaṃ payirupāseyyaṃ. So ca me bhagavā dhammaṃ deseyya. Tassa cāhaṃ bhagavato dhammaṃ ājāneyya’nti. Taṃ kho panāhaṃ, bhikkhave, nāññassa samaṇassa vā brāhmaṇassa vā sutvā vadāmi, api ca yadeva sāmaṃ ñātaṃ sāmaṃ diṭṭhaṃ sāmaṃ viditaṃ tadevāhaṃ vadāmī’’ti.
271PTS 3.187緬 3.225已對照

二七一、世尊說了這[番話]。善逝說了這[番話]之後,導師又接著這樣說:

“凡被諸天使警策,仍放逸的人們,

他們長久憂愁,成為趨向低劣之身的人。

“而凡在此世的寂靜者、善士,被諸天使

警策時,於聖法中任何時候都不放逸。

“見到執取——生與死的根源——中的怖畏,

不執取,於生與死的滅盡中解脫。

“他們已達安穩、安樂,於現法中已寂滅;

超越了一切怨與怖畏,越過了一切苦。”

271. Idamavoca bhagavā. Idaṃ vatvāna [idaṃ vatvā (sī. pī.) evamīdisesu ṭhānesu] sugato athāparaṃ etadavoca satthā –
‘‘Coditā devadūtehi, ye pamajjanti māṇavā;
Te dīgharattaṃ socanti, hīnakāyūpagā narā.
‘‘Ye ca kho devadūtehi, santo sappurisā idha;
Coditā nappamajjanti, ariyadhamme kudācanaṃ.
‘‘Upādāne bhayaṃ disvā, jātimaraṇasambhave;
Anupādā vimuccanti, jātimaraṇasaṅkhaye.
‘‘Te khemappattā sukhino, diṭṭhadhammābhinibbutā;
Sabbaverabhayātītā, sabbadukkhaṃ [sabbadukkhā (ka.)] upaccagu’’nti.
Devadūtasuttaṃ niṭṭhitaṃ dasamaṃ.
Suññatavaggo niṭṭhito tatiyo.
已對照

《天使經》終,[《空品》中之]第十[經]。

《空品》終,第三[品]。

其攝頌——

空有二種,未曾有法、薄拘羅;

阿夷那和提、名為浮彌,阿那律、隨煩惱;

愚人智者與天使——這是十[經]。

Tassuddānaṃ –
Dvidhāva suññatā hoti, abbhutadhammabākulaṃ;
Aciravatabhūmijanāmo, anuruddhupakkilesaṃ;
Bālapaṇḍito devadūtañca te dasāti.
4. Vibhaṅgavaggo