快樂巴利palinanda.cc

中部第117經 · 大四十經 Mahācattārīsakasuttaṃ

本經目錄七、大四十經

136已對照

七、大四十經

一三六、如是我聞——一時,世尊住在舍衛城(Sāvatthī)的祇樹林(Jetavana)給孤獨園(Anāthapiṇḍika 之園)。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說——“諸比丘,我要為你們說有近依的(saupanisa)、有助伴的(saparikkhāra)聖正定。你們要諦聽,好好作意,我要說了。”“是的,尊者。”那些比丘應諾世尊。世尊這樣說——

136. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘ariyaṃ vo, bhikkhave, sammāsamādhiṃ desessāmi saupanisaṃ saparikkhāraṃ. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
已對照

“諸比丘,什麼是有近依的、有助伴的聖正定?即:正見、正思惟、正語、正業、正命、正精進、正念。諸比丘,凡由這七支而有助伴的心一境性——諸比丘,這稱為聖正定,亦名‘有近依的’,亦名‘有助伴的’。諸比丘,此中,正見是先導。諸比丘,正見如何是先導呢?[他]了知邪見為‘邪見’,了知正見為‘正見’——這是他的正見。

‘‘Katamo ca, bhikkhave, ariyo sammāsamādhi saupaniso saparikkhāro? Seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati; yā kho, bhikkhave, imehi sattahaṅgehi cittassa ekaggatā parikkhatā – ayaṃ vuccati, bhikkhave, ariyo sammāsamādhi saupaniso itipi, saparikkhāro itipi. Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchādiṭṭhiṃ ‘micchādiṭṭhī’ti pajānāti, sammādiṭṭhiṃ ‘sammādiṭṭhī’ti pajānāti – sāssa hoti sammādiṭṭhi.
PTS 3.72已對照

“諸比丘,什麼是邪見呢?‘沒有布施,沒有供養,沒有祭祀;沒有善作、惡作之業的果與異熟;沒有此世,沒有他世;沒有母,沒有父;沒有化生的眾生;世間沒有正行的、正行道的沙門、婆羅門,自己以證智證知此世與他世之後加以宣說。’諸比丘,這是邪見。

‘‘Katamā ca, bhikkhave, micchādiṭṭhi? ‘Natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti – ayaṃ, bhikkhave, micchādiṭṭhi.
緬 3.117已對照

“諸比丘,什麼是正見呢?諸比丘,我說正見也有兩種:諸比丘,有有漏的、屬福分的、以依為異熟的正見;諸比丘,有聖的、無漏的、出世間的、道支的正見。諸比丘,什麼是有漏的、屬福分的、以依為異熟的正見呢?‘有布施,有供養,有祭祀;有善作、惡作之業的果與異熟;有此世,有他世;有母,有父;有化生的眾生;世間有正行的、正行道的沙門、婆羅門,自己以證智證知此世與他世之後加以宣說。’諸比丘,這是有漏的、屬福分的、以依為異熟的正見。

‘‘Katamā ca, bhikkhave, sammādiṭṭhi? Sammādiṭṭhiṃpahaṃ [sammādiṭṭhimahaṃ (ka.) evaṃ sammāsaṅkappaṃpahaṃkyādīsupi], bhikkhave, dvāyaṃ [dvayaṃ (sī. syā. kaṃ. pī.) ṭīkā oloketabbā] vadāmi – atthi, bhikkhave, sammādiṭṭhi sāsavā puññabhāgiyā upadhivepakkā; atthi, bhikkhave, sammādiṭṭhi ariyā anāsavā lokuttarā maggaṅgā. Katamā ca, bhikkhave, sammādiṭṭhi sāsavā puññabhāgiyā upadhivepakkā? ‘Atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti – ayaṃ, bhikkhave, sammādiṭṭhi sāsavā puññabhāgiyā upadhivepakkā.
已對照

“諸比丘,什麼是聖的、無漏的、出世間的、道支的正見呢?諸比丘,凡具聖心、無漏心、具足聖道、修習聖道者的慧、慧根、慧力、擇法覺支、正見、道支——諸比丘,這稱為聖的、無漏的、出世間的、道支的正見。他為舍斷邪見、為具足正見而努力——這是他的正精進。他具念而舍斷邪見,具念而成就並住於正見——這是他的正念。如是,這三法隨馳於正見、隨轉於正見,即:正見、正精進、正念。

‘‘Katamā ca, bhikkhave, sammādiṭṭhi ariyā anāsavā lokuttarā maggaṅgā? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato paññā paññindriyaṃ paññābalaṃ dhammavicayasambojjhaṅgo sammādiṭṭhi maggaṅgaṃ [maggaṅgā (sī. pī.)] – ayaṃ vuccati, bhikkhave, sammādiṭṭhi ariyā anāsavā lokuttarā maggaṅgā. So micchādiṭṭhiyā pahānāya vāyamati, sammādiṭṭhiyā, upasampadāya, svāssa [svāyaṃ (ka.)] hoti sammāvāyāmo. So sato micchādiṭṭhiṃ pajahati, sato sammādiṭṭhiṃ upasampajja viharati, sāssa [sāyaṃ (ka.)] hoti sammāsati. Itiyime [itime (sī.), itissime (syā. kaṃ. pī.)] tayo dhammā sammādiṭṭhiṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
137PTS 3.73已對照

一三七、“諸比丘,此中,正見是先導。諸比丘,正見如何是先導呢?[他]了知邪思惟為‘邪思惟’,了知正思惟為‘正思惟’——這是他的正見。

137. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchāsaṅkappaṃ ‘micchāsaṅkappo’ti pajānāti, sammāsaṅkappaṃ ‘sammāsaṅkappo’ti pajānāti, sāssa hoti sammādiṭṭhi.
已對照

“諸比丘,什麼是邪思惟呢?欲思惟、瞋恚思惟、害思惟——諸比丘,這是邪思惟。

‘‘Katamo ca, bhikkhave, micchāsaṅkappo? Kāmasaṅkappo, byāpādasaṅkappo, vihiṃsāsaṅkappo – ayaṃ, bhikkhave, micchāsaṅkappo.
緬 3.118已對照

“諸比丘,什麼是正思惟呢?諸比丘,我說正思惟也有兩種:諸比丘,有有漏的、屬福分的、以依為異熟的正思惟;諸比丘,有聖的、無漏的、出世間的、道支的正思惟。諸比丘,什麼是有漏的、屬福分的、以依為異熟的正思惟呢?出離思惟、無瞋恚思惟、無害思惟——諸比丘,這是有漏的、屬福分的、以依為異熟的正思惟。

‘‘Katamo ca, bhikkhave, sammāsaṅkappo? Sammāsaṅkappaṃpahaṃ, bhikkhave, dvāyaṃ vadāmi – atthi, bhikkhave, sammāsaṅkappo sāsavo puññabhāgiyo upadhivepakko; atthi, bhikkhave, sammāsaṅkappo ariyo anāsavo lokuttaro maggaṅgo. Katamo ca, bhikkhave, sammāsaṅkappo sāsavo puññabhāgiyo upadhivepakko? Nekkhammasaṅkappo, abyāpādasaṅkappo, avihiṃsāsaṅkappo – ‘ayaṃ, bhikkhave, sammāsaṅkappo sāsavo puññabhāgiyo upadhivepakko’’’.
已對照

“諸比丘,什麼是聖的、無漏的、出世間的、道支的正思惟呢?諸比丘,凡具聖心、無漏心、具足聖道、修習聖道者的思慮、尋、思惟、安止、極安止、心的引發、語行——諸比丘,這稱為聖的、無漏的、出世間的、道支的正思惟。他為舍斷邪思惟、為具足正思惟而努力——這是他的正精進。他具念而舍斷邪思惟,具念而成就並住於正思惟——這是他的正念。如是,這三法隨馳於正思惟、隨轉於正思惟,即:正見、正精進、正念。

‘‘Katamo ca, bhikkhave, sammāsaṅkappo ariyo anāsavo lokuttaro maggaṅgo? Yo kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato takko vitakko saṅkappo appanā byappanā cetaso abhiniropanā vacīsaṅkhāro – ayaṃ, bhikkhave, sammāsaṅkappo ariyo anāsavo lokuttaro maggaṅgo. So micchāsaṅkappassa pahānāya vāyamati, sammāsaṅkappassa upasampadāya, svāssa hoti sammāvāyāmo. So sato micchāsaṅkappaṃ pajahati, sato sammāsaṅkappaṃ upasampajja viharati; sāssa hoti sammāsati. Itiyime tayo dhammā sammāsaṅkappaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
138PTS 3.74緬 3.119已對照

一三八、“諸比丘,此中,正見是先導。諸比丘,正見如何是先導呢?[他]了知邪語為‘邪語’,了知正語為‘正語’——這是他的正見。諸比丘,什麼是邪語呢?妄語、離間語、粗惡語、雜穢語——諸比丘,這是邪語。諸比丘,什麼是正語呢?諸比丘,我說正語也有兩種:諸比丘,有有漏的、屬福分的、以依為異熟的正語;諸比丘,有聖的、無漏的、出世間的、道支的正語。諸比丘,什麼是有漏的、屬福分的、以依為異熟的正語呢?離妄語、離離間語、離粗惡語、離雜穢語——諸比丘,這是有漏的、屬福分的、以依為異熟的正語。諸比丘,什麼是聖的、無漏的、出世間的、道支的正語呢?諸比丘,凡具聖心、無漏心、具足聖道、修習聖道者,對四種語惡行的離、遠離、禁離、戒避——諸比丘,這是聖的、無漏的、出世間的、道支的正語。他為舍斷邪語、為具足正語而努力——這是他的正精進。他具念而舍斷邪語,具念而成就並住於正語——這是他的正念。如是,這三法隨馳於正語、隨轉於正語,即:正見、正精進、正念。

138. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchāvācaṃ ‘micchāvācā’ti pajānāti, sammāvācaṃ ‘sammāvācā’ti pajānāti; sāssa hoti sammādiṭṭhi. Katamā ca, bhikkhave, micchāvācā? Musāvādo, pisuṇā vācā, pharusā vācā, samphappalāpo – ayaṃ, bhikkhave, micchāvācā. Katamā ca, bhikkhave, sammāvācā? Sammāvācaṃpahaṃ, bhikkhave, dvāyaṃ vadāmi – atthi, bhikkhave, sammāvācā sāsavā puññabhāgiyā upadhivepakkā; atthi, bhikkhave, sammāvācā ariyā anāsavā lokuttarā maggaṅgā. Katamā ca, bhikkhave, sammāvācā sāsavā puññabhāgiyā upadhivepakkā? Musāvādā veramaṇī, pisuṇāya vācāya veramaṇī, pharusāya vācāya veramaṇī, samphappalāpā veramaṇī – ayaṃ, bhikkhave, sammāvācā sāsavā puññabhāgiyā upadhivepakkā. Katamā ca, bhikkhave, sammāvācā ariyā anāsavā lokuttarā maggaṅgā? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato catūhi vacīduccaritehi ārati virati paṭivirati veramaṇī – ayaṃ, bhikkhave, sammāvācā ariyā anāsavā lokuttarā maggaṅgā. So micchāvācāya pahānāya vāyamati, sammāvācāya upasampadāya; svāssa hoti sammāvāyāmo. So sato micchāvācaṃ pajahati, sato sammāvācaṃ upasampajja viharati; sāssa hoti sammāsati. Itiyime tayo dhammā sammāvācaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
139PTS 3.75已對照

一三九、“諸比丘,此中,正見是先導。諸比丘,正見如何是先導呢?[他]了知邪業為‘邪業’,了知正業為‘正業’——這是他的正見。諸比丘,什麼是邪業呢?殺生、不與取、欲邪行——諸比丘,這是邪業。諸比丘,什麼是正業呢?諸比丘,我說正業也有兩種:諸比丘,有有漏的、屬福分的、以依為異熟的正業;諸比丘,有聖的、無漏的、出世間的、道支的正業。諸比丘,什麼是有漏的、屬福分的、以依為異熟的正業呢?離殺生、離不與取、離欲邪行——諸比丘,這是有漏的、屬福分的、以依為異熟的正業。諸比丘,什麼是聖的、無漏的、出世間的、道支的正業呢?諸比丘,凡具聖心、無漏心、具足聖道、修習聖道者,對三種身惡行的離、遠離、禁離、戒避——諸比丘,這是聖的、無漏的、出世間的、道支的正業。他為舍斷邪業、為具足正業而努力——這是他的正精進。他具念而舍斷邪業,具念而成就並住於正業——這是他的正念。如是,這三法隨馳於正業、隨轉於正業,即:正見、正精進、正念。

139. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchākammantaṃ ‘micchākammanto’ti pajānāti, sammākammantaṃ ‘sammākammanto’ti pajānāti; sāssa hoti sammādiṭṭhi. Katamo ca, bhikkhave, micchākammanto? Pāṇātipāto, adinnādānaṃ, kāmesumicchācāro – ayaṃ, bhikkhave, micchākammanto. Katamo ca, bhikkhave, sammākammanto? Sammākammantaṃpahaṃ, bhikkhave, dvāyaṃ vadāmi – atthi, bhikkhave, sammākammanto sāsavo puññabhāgiyo upadhivepakko; atthi, bhikkhave, sammākammanto ariyo anāsavo lokuttaro maggaṅgo. Katamo ca, bhikkhave, sammākammanto sāsavo puññabhāgiyo upadhivepakko? Pāṇātipātā veramaṇī, adinnādānā veramaṇī, kāmesumicchācārā veramaṇī – ayaṃ, bhikkhave, sammākammanto sāsavo puññabhāgiyo upadhivepakko. Katamo ca, bhikkhave, sammākammanto ariyo anāsavo lokuttaro maggaṅgo? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato tīhi kāyaduccaritehi ārati virati paṭivirati veramaṇī – ayaṃ, bhikkhave, sammākammanto ariyo anāsavo lokuttaro maggaṅgo. So micchākammantassa pahānāya vāyamati, sammākammantassa upasampadāya; svāssa hoti sammāvāyāmo. So sato micchākammantaṃ pajahati, sato sammākammantaṃ upasampajja viharati; sāssa hoti sammāsati. Itiyime tayo dhammā sammākammantaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
140緬 3.120已對照

一四〇、“諸比丘,此中,正見是先導。諸比丘,正見如何是先導呢?[他]了知邪命為‘邪命’,了知正命為‘正命’——這是他的正見。諸比丘,什麼是邪命呢?詭詐、虛談、現相、激磨、以利求利——諸比丘,這是邪命。諸比丘,什麼是正命呢?諸比丘,我說正命也有兩種:諸比丘,有有漏的、屬福分的、以依為異熟的正命;諸比丘,有聖的、無漏的、出世間的、道支的正命。諸比丘,什麼是有漏的、屬福分的、以依為異熟的正命呢?諸比丘,在此,聖弟子舍斷邪命,以正命營生——諸比丘,這是有漏的、屬福分的、以依為異熟的正命。諸比丘,什麼是聖的、無漏的、出世間的、道支的正命呢?諸比丘,凡具聖心、無漏心、具足聖道、修習聖道者,對邪命的離、遠離、禁離、戒避——諸比丘,這是聖的、無漏的、出世間的、道支的正命。他為舍斷邪命、為具足正命而努力——這是他的正精進。他具念而舍斷邪命,具念而成就並住於正命——這是他的正念。如是,這三法隨馳於正命、隨轉於正命,即:正見、正精進、正念。

140. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Micchāājīvaṃ ‘micchāājīvo’ti pajānāti, sammāājīvaṃ ‘sammāājīvo’ti pajānāti; sāssa hoti sammādiṭṭhi. Katamo ca, bhikkhave, micchāājīvo? Kuhanā, lapanā, nemittikatā, nippesikatā, lābhena lābhaṃ nijigīsanatā [nijigiṃ sanatā (sī. syā. kaṃ. pī.)] – ayaṃ, bhikkhave, micchāājīvo. Katamo ca, bhikkhave, sammāājīvo? Sammāājīvaṃpahaṃ, bhikkhave, dvāyaṃ vadāmi – atthi, bhikkhave, sammāājīvo sāsavo puññabhāgiyo upadhivepakko; atthi, bhikkhave, sammāājīvo ariyo anāsavo lokuttaro maggaṅgo. Katamo ca, bhikkhave, sammāājīvo sāsavo puññabhāgiyo upadhivepakko? Idha, bhikkhave, ariyasāvako micchāājīvaṃ pahāya sammāājīvena jīvikaṃ kappeti – ayaṃ, bhikkhave, sammāājīvo sāsavo puññabhāgiyo upadhivepakko. Katamo ca, bhikkhave, sammāājīvo ariyo anāsavo lokuttaro maggaṅgo? Yā kho, bhikkhave, ariyacittassa anāsavacittassa ariyamaggasamaṅgino ariyamaggaṃ bhāvayato micchāājīvā ārati virati paṭivirati veramaṇī – ayaṃ, bhikkhave, sammāājīvo ariyo anāsavo lokuttaro maggaṅgo. So micchāājīvassa pahānāya vāyamati, sammāājīvassa upasampadāya; svāssa hoti sammāvāyāmo. So sato micchāājīvaṃ pajahati, sato sammāājīvaṃ upasampajja viharati; sāssa hoti sammāsati. Itiyime tayo dhammā sammāājīvaṃ anuparidhāvanti anuparivattanti, seyyathidaṃ – sammādiṭṭhi, sammāvāyāmo, sammāsati.
141PTS 3.76已對照

一四一、“諸比丘,此中,正見是先導。諸比丘,正見如何是先導呢?諸比丘,具正見者,正思惟得以轉起;具正思惟者,正語得以轉起;具正語者,正業得以轉起;具正業者,正命得以轉起;具正命者,正精進得以轉起;具正精進者,正念得以轉起;具正念者,正定得以轉起;具正定者,正智得以轉起;具正智者,正解脫得以轉起。諸比丘,如是,有學具足八支,阿羅漢具足十支。(於此也以正智,種種惡不善法已離去,達到修習的圓滿。)

141. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Sammādiṭṭhissa, bhikkhave, sammāsaṅkappo pahoti, sammāsaṅkappassa sammāvācā pahoti, sammāvācassa sammākammanto pahoti, sammākammantassa sammāājīvo pahoti, sammāājīvassa sammāvāyāmo pahoti, sammāvāyāmassa sammāsati pahoti, sammāsatissa sammāsamādhi pahoti, sammāsamādhissa sammāñāṇaṃ pahoti, sammāñāṇassa sammāvimutti pahoti. Iti kho, bhikkhave, aṭṭhaṅgasamannāgato sekkho [aṭṭhaṅgasamannāgatā sekhā paṭipadā (sī.), aṭṭhaṅgasamannāgato sekho pāṭipado (pī. ka.) ( ) natthi sī. syā. kaṃ. pī. potthakesu], dasaṅgasamannāgato arahā hoti. (Tatrapi sammāñāṇena aneke pāpakā akusalā dhammā vigatā bhāvanāpāripūriṃ gacchanti).
142PTS 3.77緬 3.121已對照

一四二、“諸比丘,此中,正見是先導。諸比丘,正見如何是先導呢?諸比丘,於正見者,邪見被遣除;凡是以邪見為緣而生起的種種惡不善法,那些於他也被遣除;以正見為緣,種種善法達到修習的圓滿。諸比丘,於正思惟者,邪思惟被遣除……乃至……諸比丘,於正語者,邪語被遣除……諸比丘,於正業者,邪業被遣除……諸比丘,於正命者,邪命被遣除……諸比丘,於正精進者,邪精進被遣除……諸比丘,於正念者,邪念被遣除……諸比丘,於正定者,邪定被遣除……諸比丘,於正智者,邪智被遣除……諸比丘,於正解脫者,邪解脫被遣除;凡是以邪解脫為緣而生起的種種惡不善法,那些於他也被遣除;而以正解脫為緣,種種善法達到修習的圓滿。

142. ‘‘Tatra, bhikkhave, sammādiṭṭhi pubbaṅgamā hoti. Kathañca, bhikkhave, sammādiṭṭhi pubbaṅgamā hoti? Sammādiṭṭhissa, bhikkhave, micchādiṭṭhi nijjiṇṇā hoti. Ye ca micchādiṭṭhipaccayā aneke pāpakā akusalā dhammā sambhavanti te cassa nijjiṇṇā honti. Sammādiṭṭhipaccayā aneke kusalā dhammā bhāvanāpāripūriṃ gacchanti. Sammāsaṅkappassa, bhikkhave, micchāsaṅkappo nijjiṇṇo hoti…pe… sammāvācassa, bhikkhave, micchāvācā nijjiṇṇā hoti… sammākammantassa, bhikkhave, micchākammanto nijjiṇṇo hoti… sammāājīvassa, bhikkhave, micchāājīvo nijjiṇṇo hoti… sammāvāyāmassa, bhikkhave, micchāvāyāmo nijjiṇṇo hoti… sammāsatissa, bhikkhave, micchāsati nijjiṇṇā hoti… sammāsamādhissa, bhikkhave, micchāsamādhi nijjiṇṇo hoti… sammāñāṇassa, bhikkhave, micchāñāṇaṃ nijjiṇṇaṃ hoti… sammāvimuttassa, bhikkhave, micchāvimutti nijjiṇṇā hoti. Ye ca micchāvimuttipaccayā aneke pāpakā akusalā dhammā sambhavanti te cassa nijjiṇṇā honti. Sammāvimuttipaccayā ca aneke kusalā dhammā bhāvanāpāripūriṃ gacchanti.
已對照

“諸比丘,如是,二十個善分、二十個不善分——這大四十法門已被轉起,那是沙門、婆羅門、天、魔、梵天或世間任何人都不能逆轉的。

‘‘Iti kho, bhikkhave, vīsati kusalapakkhā, vīsati akusalapakkhā – mahācattārīsako dhammapariyāyo pavattito appaṭivattiyo samaṇena vā brāhmaṇena vā devena vā mārena vā brahmunā vā kenaci vā lokasmiṃ.
143PTS 3.78緬 3.122已對照

一四三、“諸比丘,任何沙門或婆羅門若認為這大四十法門應受呵責、應受駁斥,就在現法中有十種如法的隨論、應受呵責之處臨到他:若尊師呵責正見,那麼那些邪見的沙門婆羅門,就是尊師所應尊敬的、尊師所應稱讚的;若尊師呵責正思惟,那麼那些邪思惟的沙門婆羅門,就是尊師所應尊敬的、尊師所應稱讚的;若尊師呵責正語……乃至……若尊師呵責正業……若尊師呵責正命……若尊師呵責正精進……若尊師呵責正念……若尊師呵責正定……若尊師呵責正智……若尊師呵責正解脫,那麼那些邪解脫的沙門婆羅門,就是尊師所應尊敬的、尊師所應稱讚的。諸比丘,任何沙門或婆羅門若認為這大四十法門應受呵責、應受駁斥,就在現法中有這十種如法的隨論、應受呵責之處臨到他。諸比丘,就連過去那些烏卡拉人(Okkalā)瓦薩與般尼亞(Vassabhaññā)——無因論者(ahetuvāda)、無作論者(akiriyavāda)、虛無論者(natthikavāda)——他們也認為:對這大四十法門,不應呵責、不應駁斥。這是什麼緣故呢?由於怖畏非難、斥責、求過。”

世尊說了這[番話]。那些比丘滿意、歡喜世尊之所說。

143. ‘‘Yo hi koci, bhikkhave, samaṇo vā brāhmaṇo vā imaṃ mahācattārīsakaṃ dhammapariyāyaṃ garahitabbaṃ paṭikkositabbaṃ maññeyya tassa diṭṭheva dhamme dasasahadhammikā vādānuvādā gārayhaṃ ṭhānaṃ āgacchanti – sammādiṭṭhiṃ ce bhavaṃ garahati, ye ca micchādiṭṭhī samaṇabrāhmaṇā te bhoto pujjā, te bhoto pāsaṃsā; sammāsaṅkappaṃ ce bhavaṃ garahati, ye ca micchāsaṅkappā samaṇabrāhmaṇā te bhoto pujjā, te bhoto pāsaṃsā; sammāvācaṃ ce bhavaṃ garahati…pe… sammākammantaṃ ce bhavaṃ garahati… sammāājīvaṃ ce bhavaṃ garahati… sammāvāyāmaṃ ce bhavaṃ garahati… sammāsatiṃ ce bhavaṃ garahati… sammāsamādhiṃ ce bhavaṃ garahati… sammāñāṇaṃ ce bhavaṃ garahati … sammāvimuttiṃ ce bhavaṃ garahati, ye ca micchāvimuttī samaṇabrāhmaṇā te bhoto pujjā, te bhoto pāsaṃsā. Yo koci, bhikkhave, samaṇo vā brāhmaṇo vā imaṃ mahācattārīsakaṃ dhammapariyāyaṃ garahitabbaṃ paṭikkositabbaṃ maññeyya tassa diṭṭheva dhamme ime dasasahadhammikā vādānuvādā gārayhaṃ ṭhānaṃ āgacchanti. Yepi te, bhikkhave, ahesuṃ okkalā vassabhaññā [vayabhiññā (ka.) saṃ. ni. 3.62; a. ni. 4.30 passitabbaṃ] ahetuvādā akiriyavādā natthikavādā tepi mahācattārīsakaṃ dhammapariyāyaṃ na garahitabbaṃ napaṭikkositabbaṃ amaññiṃsu [maññeyyuṃ (ka.)]. Taṃ kissa hetu? Nindābyārosaupārambhabhayā’’ti.
Idamavoca bhagavā. Attamanā te bhikkhū bhagavato bhāsitaṃ abhinandunti.
Mahācattārīsakasuttaṃ niṭṭhitaṃ sattamaṃ.
已對照

《大四十經》終,[《次第品》中之]第七[經]。