快樂巴利palinanda.cc

中部第114經 · 應親近不應親近經 Sevitabbāsevitabbasuttaṃ

本經目錄四、應親近不應親近經

109已對照

四、應親近不應親近經

一〇九、如是我聞——一時,世尊住在舍衛城(Sāvatthī)的祇樹林(Jetavana)給孤獨園(Anāthapiṇḍika)。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說——“諸比丘,我要為你們說應親近與不應親近的法門(dhammapariyāya)。你們要諦聽,好好作意,我要說了。”“是的,尊者。”那些比丘應諾世尊。世尊這樣說——

109. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘sevitabbāsevitabbaṃ vo, bhikkhave, dhammapariyāyaṃ desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
PTS 3.46緬 3.94已對照

“諸比丘,我說身行(kāyasamācāra)有兩種:應親近的與不應親近的;而那[兩種]身行彼此[有別]。諸比丘,我說語行(vacīsamācāra)有兩種:應親近的與不應親近的;而那[兩種]語行彼此[有別]。諸比丘,我說意行(manosamācāra)有兩種:應親近的與不應親近的;而那[兩種]意行彼此[有別]。諸比丘,我說心之生起(cittuppāda)有兩種:應親近的與不應親近的;而那[兩種]心之生起彼此[有別]。諸比丘,我說想的獲得(saññāpaṭilābha)有兩種:應親近的與不應親近的;而那[兩種]想的獲得彼此[有別]。諸比丘,我說見的獲得(diṭṭhipaṭilābha)有兩種:應親近的與不應親近的;而那[兩種]見的獲得彼此[有別]。諸比丘,我說自體獲得(attabhāvapaṭilābha)有兩種:應親近的與不應親近的;而那[兩種]自體獲得彼此[有別]。”

‘‘Kāyasamācāraṃpāhaṃ [pahaṃ (sabbattha)], bhikkhave, duvidhena vadāmi – sevitabbampi, asevitabbampi; tañca aññamaññaṃ kāyasamācāraṃ. Vacīsamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ vacīsamācāraṃ. Manosamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ manosamācāraṃ. Cittuppādaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ cittuppādaṃ. Saññāpaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ saññāpaṭilābhaṃ. Diṭṭhipaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ diṭṭhipaṭilābhaṃ. Attabhāvapaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ attabhāvapaṭilābha’’nti.
已對照

這樣說時,具壽舍利弗對世尊這樣說——“尊者,對世尊這簡略而未詳細分別其義的所說,我這樣詳細地了知其義。

Evaṃ vutte āyasmā sāriputto bhagavantaṃ etadavoca – ‘‘imassa kho ahaṃ, bhante, bhagavatā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāmi.
110已對照

一一〇、“‘諸比丘,我說身行有兩種:應親近的與不應親近的;而那[兩種]身行彼此[有別]’——世尊這樣說了,這是就什麼而說的呢?尊者,親近某種身行時,不善法增長、善法衰退——這樣的身行就不應親近。尊者,親近某種身行時,不善法衰退、善法增長——這樣的身行就應親近。

110. ‘‘‘Kāyasamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ kāyasamācāra’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, kāyasamācāraṃ sevato akusalā dhammā abhivaḍḍhanti, kusalā dhammā parihāyanti, evarūpo kāyasamācāro na sevitabbo; yathārūpañca kho, bhante, kāyasamācāraṃ sevato akusalā dhammā parihāyanti, kusalā dhammā abhivaḍḍhanti, evarūpo kāyasamācāro sevitabbo.
111PTS 3.47已對照

一一一、“尊者,親近什麼樣的身行時,不善法增長、善法衰退呢?尊者,在此,有人是殺生者——兇暴、血手,耽於打擊殺害,於諸眾生生命無悲憫;他也是取不與者:凡屬他人之物、[即]他人的財物資具,置於村中或置於林野,他都以盜心取那未與之物;他也是欲邪行者:凡是母護女(māturakkhitā)、父護女、父母護女、兄護女、姊護女、親族護女、氏族護女、法護女、有夫者(sassāmikā)、有罰女(saparidaṇḍā),甚至只以花環相圍者——他於這樣的[女人]行邪行。尊者,親近這樣的身行時,不善法增長、善法衰退。

111. ‘‘Kathaṃrūpaṃ, bhante, kāyasamācāraṃ sevato akusalā dhammā abhivaḍḍhanti, kusalā dhammā parihāyanti? Idha, bhante, ekacco pāṇātipātī hoti luddo lohitapāṇi hatappahate niviṭṭho adayāpanno pāṇabhūtesu; adinnādāyī kho pana hoti, yaṃ taṃ parassa paravittūpakaraṇaṃ gāmagataṃ vā araññagataṃ vā taṃ adinnaṃ theyyasaṅkhātaṃ ādātā hoti; kāmesumicchācārī kho pana hoti, yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāguḷaparikkhittāpi tathārūpāsu cārittaṃ āpajjitā hoti – evarūpaṃ, bhante, kāyasamācāraṃ sevato akusalā dhammā abhivaḍḍhanti, kusalā dhammā parihāyanti.
緬 3.95已對照

“尊者,親近什麼樣的身行時,不善法衰退、善法增長呢?尊者,在此,有人舍斷殺生,遠離殺生,放下棍棒,放下刀劍,有慚愧,具同情心,懷著利益、悲憫一切眾生生命之心而住;他舍斷不與取,遠離不與取:凡屬他人之物、[即]他人的財物資具,置於村中或置於林野,他都不以盜心取那未與之物;他舍斷欲邪行,遠離欲邪行:凡是母護女、父護女、父母護女、兄護女、姊護女、親族護女、氏族護女、法護女、有夫者、有罰女,甚至只以花環相圍者——他於這樣的[女人]不行邪行。尊者,親近這樣的身行時,不善法衰退、善法增長。‘諸比丘,我說身行有兩種:應親近的與不應親近的;而那[兩種]身行彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, kāyasamācāraṃ sevato akusalā dhammā parihāyanti, kusalā dhammā abhivaḍḍhanti? Idha, bhante, ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati; adinnādānaṃ pahāya adinnādānā paṭivirato hoti, yaṃ taṃ parassa paravittūpakaraṇaṃ gāmagataṃ vā araññagataṃ vā taṃ nādinnaṃ theyyasaṅkhātaṃ ādātā hoti; kāmesumicchācāraṃ pahāya kāmesumicchācārā paṭivirato hoti, yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāguḷaparikkhittāpi tathārūpāsu na cārittaṃ āpajjitā hoti – evarūpaṃ, bhante, kāyasamācāraṃ sevato akusalā dhammā parihāyanti, kusalā dhammā abhivaḍḍhanti. ‘Kāyasamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ kāyasamācāra’nti – iti yaṃ taṃ vuttaṃ bhagavatā idametaṃ paṭicca vuttaṃ.
已對照

“‘諸比丘,我說語行有兩種:應親近的與不應親近的;而那[兩種]語行彼此[有別]’——世尊這樣說了,這是就什麼而說的呢?尊者,親近某種語行時,不善法增長、善法衰退——這樣的語行就不應親近。尊者,親近某種語行時,不善法衰退、善法增長——這樣的語行就應親近。

‘‘‘Vacīsamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ vacīsamācāra’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, vacīsamācāraṃ sevato akusalā dhammā abhivaḍḍhanti, kusalā dhammā parihāyanti, evarūpo vacīsamācāro na sevitabbo; yathārūpañca kho, bhante, vacīsamācāraṃ sevato akusalā dhammā parihāyanti, kusalā dhammā abhivaḍḍhanti evarūpo vacīsamācāro sevitabbo.
112PTS 3.48緬 3.96已對照

一一二、“尊者,親近什麼樣的語行時,不善法增長、善法衰退呢?尊者,在此,有人是妄語者:在會堂中、或在眾中、或在親族中間、或在行會(pūga)中間、或在王家中間,被帶去而被問為證——‘喂,人啊,你知道什麼就說什麼’,他不知卻說‘我知’,知卻說‘我不知’,不見卻說‘我見’,見卻說‘我不見’。如是,或為自己、或為他人、或為些許財利之故,他明知而說妄語;他也是離間語者:從這裡聽到便去那裡說以離間這些人,或從那裡聽到便來這裡說以離間那些人。他就這樣是和合者的離間者、分裂者的助長者,樂於分黨,喜於分黨,欣於分黨,是說能成就分黨之語者;他也是粗惡語者:凡是帶刺的、粗糙的、粗惡的、於他人辛辣的、觸犯他人的、近於忿的、不能導致定的語言,他便是說這樣語言者;他也是雜穢語者:是不應時而說者、說不真實者、說無義者、說非法者、說非律者;他是說不值得藏於心中之語者,[所說]不應時、無依據、無分限、不具足義利。尊者,親近這樣的語行時,不善法增長、善法衰退。

112. ‘‘Kathaṃrūpaṃ, bhante, vacīsamācāraṃ sevato akusalā dhammā abhivaḍḍhanti, kusalā dhammā parihāyanti? Idha, bhante, ekacco musāvādī hoti, sabhāgato [sabhaggato (bahūsu)] vā parisāgato [parisaggato (bahūsu)] vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘ehambho purisa, yaṃ jānāsi taṃ vadehī’ti so ajānaṃ vā āha – ‘jānāmī’ti, jānaṃ vā āha – ‘na jānāmī’ti; apassaṃ vā āha – ‘passāmī’ti, passaṃ vā āha – ‘na passāmī’ti – iti [passa ma. ni. 1.440 sāleyyakasutte] attahetu vā parahetu vā āmisakiñcikkhahetu [kiñcakkhahetu (sī.)] vā sampajānamusā bhāsitā hoti; pisuṇavāco kho pana hoti, ito sutvā amutra akkhātā imesaṃ bhedāya, amutra vā sutvā imesaṃ akkhātā amūsaṃ bhedāya – iti samaggānaṃ vā bhettā, bhinnānaṃ vā anuppadātā, vaggārāmo, vaggarato, vagganandī, vaggakaraṇiṃ vācaṃ bhāsitā hoti; pharusavāco kho pana hoti, yā sā vācā kaṇḍakā kakkasā pharusā parakaṭukā parābhisajjanī kodhasāmantā asamādhisaṃvattanikā, tathārūpiṃ vācaṃ bhāsitā hoti; samphappalāpī kho pana hoti akālavādī abhūtavādī anatthavādī adhammavādī avinayavādī, anidhānavatiṃ vācaṃ bhāsitā hoti akālena anapadesaṃ apariyantavatiṃ anatthasaṃhitaṃ – evarūpaṃ, bhante, vacīsamācāraṃ sevato akusalā dhammā abhivaḍḍhanti, kusalā dhammā parihāyanti.
PTS 3.49已對照

“尊者,親近什麼樣的語行時,不善法衰退、善法增長呢?尊者,在此,有人舍斷妄語,遠離妄語:在會堂中、或在眾中、或在親族中間、或在行會中間、或在王家中間,被帶去而被問為證——‘喂,人啊,你知道什麼就說什麼’,他不知便說‘我不知’,知便說‘我知’,不見便說‘我不見’,見便說‘我見’。如是,他不為自己、不為他人、不為些許財利之故而明知說妄語;他舍斷離間語,遠離離間語:從這裡聽到不去那裡說以離間這些人,或從那裡聽到不來這裡說以離間那些人。他就這樣使分裂者和合、使和合者[更]相應,樂於和合,喜於和合,欣於和合,是說能成就和合之語者;他舍斷粗惡語,遠離粗惡語:凡是無瑕、悅耳、可愛、沁入人心、文雅、為眾人所喜、為眾人所意的語言,他便是說這樣語言者;他舍斷雜穢語,遠離雜穢語:是應時而說者、說真實者、說義利者、說法者、說律者;他是說值得藏於心中之語者,[所說]應時、有依據、有分限、具足義利。尊者,親近這樣的語行時,不善法衰退、善法增長。‘諸比丘,我說語行有兩種:應親近的與不應親近的;而那[兩種]語行彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, vacīsamācāraṃ sevato akusalā dhammā parihāyanti, kusalā dhammā abhivaḍḍhanti? Idha, bhante, ekacco musāvādaṃ pahāya musāvādā paṭivirato hoti sabhāgato vā parisāgato vā ñātimajjhagato vā pūgamajjhagato vā rājakulamajjhagato vā abhinīto sakkhipuṭṭho – ‘ehambho purisa, yaṃ jānāsi taṃ vadehī’ti so ajānaṃ vā āha – ‘na jānāmī’ti, jānaṃ vā āha – ‘jānāmī’ti, apassaṃ vā āha – ‘na passāmī’ti, passaṃ vā āha – ‘passāmī’ti – iti attahetu vā parahetu vā āmisakiñcikkhahetu vā na sampajānamusā bhāsitā hoti; pisuṇaṃ vācaṃ pahāya pisuṇāya vācāya paṭivirato hoti, ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya – iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī samaggakaraṇiṃ vācaṃ bhāsitā hoti; pharusaṃ vācaṃ pahāya pharusāya vācāya paṭivirato hoti, yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti; samphappalāpaṃ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā hoti kālena sāpadesaṃ pariyantavatiṃ atthasaṃhitaṃ – evarūpaṃ, bhante, vacīsamācāraṃ sevato akusalā dhammā parihāyanti, kusalā dhammā abhivaḍḍhanti. ‘Vacīsamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ vacīsamācāra’nti – iti yaṃ taṃ vuttaṃ bhagavatā idametaṃ paṭicca vuttaṃ.
緬 3.97已對照

“‘諸比丘,我說意行有兩種:應親近的與不應親近的;而那[兩種]意行彼此[有別]’——世尊這樣說了,這是就什麼而說的呢?尊者,親近某種意行時,不善法增長、善法衰退——這樣的意行就不應親近。尊者,親近某種意行時,不善法衰退、善法增長——這樣的意行就應親近。

‘‘‘Manosamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ manosamācāra’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, manosamācāraṃ sevato akusalā dhammā abhivaḍḍhanti, kusalā dhammā parihāyanti evarūpo manosamācāro na sevitabbo; yathārūpañca kho, bhante, manosamācāraṃ sevato akusalā dhammā parihāyanti, kusalā dhammā abhivaḍḍhanti evarūpo manosamācāro sevitabbo.
113PTS 3.50已對照

一一三、“尊者,親近什麼樣的意行時,不善法增長、善法衰退呢?尊者,在此,有人是貪欲者(abhijjhālu):凡屬他人之物、[即]他人的財物資具,他都貪求它——‘啊,願他人之物成為我的!’他也是心已壞損者(byāpannacitto)、意思惟染汙者——‘願這些眾生被殺、被戮、被斷絕、被毀滅,或者願他們不存在!’尊者,親近這樣的意行時,不善法增長、善法衰退。

113. ‘‘Kathaṃrūpaṃ, bhante, manosamācāraṃ sevato akusalā dhammā abhivaḍḍhanti, kusalā dhammā parihāyanti? Idha, bhante, ekacco abhijjhālu hoti, yaṃ taṃ parassa paravittūpakaraṇaṃ taṃ abhijjhātā hoti – ‘aho vata yaṃ parassa taṃ mamassā’ti; byāpannacitto kho pana hoti paduṭṭhamanasaṅkappo – ‘ime sattā haññantu vā vajjhantu vā ucchijjantu vā vinassantu vā mā vā ahesu’nti – evarūpaṃ, bhante, manosamācāraṃ sevato akusalā dhammā abhivaḍḍhanti, kusalā dhammā parihāyanti.
已對照

“尊者,親近什麼樣的意行時,不善法衰退、善法增長呢?尊者,在此,有人是無貪欲者(anabhijjhālu):凡屬他人之物、[即]他人的財物資具,他都不貪求它——‘啊,願他人之物成為我的!’他也是心無壞損者(abyāpannacitto)、意思惟不染汙者——‘願這些眾生無怨、無惱害、無惱,安樂地護持自身!’尊者,親近這樣的意行時,不善法衰退、善法增長。‘諸比丘,我說意行有兩種:應親近的與不應親近的;而那[兩種]意行彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, manosamācāraṃ sevato akusalā dhammā parihāyanti, kusalā dhammā abhivaḍḍhanti? Idha, bhante, ekacco anabhijjhālu hoti, yaṃ taṃ parassa paravittūpakaraṇaṃ taṃ nābhijjhātā hoti – ‘aho vata yaṃ parassa taṃ mamassā’ti; abyāpannacitto kho pana hoti appaduṭṭhamanasaṅkappo – ‘ime sattā averā abyābajjhā [abyāpajjhā (sī. syā. kaṃ. pī. ka.)] anīghā sukhī attānaṃ pariharantū’ti – evarūpaṃ, bhante, manosamācāraṃ sevato akusalā dhammā parihāyanti, kusalā dhammā abhivaḍḍhanti. ‘Manosamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ manosamācāra’nti – iti yaṃ taṃ vuttaṃ bhagavatā idametaṃ paṭicca vuttaṃ.
114已對照

一一四、“‘諸比丘,我說心之生起有兩種:應親近的與不應親近的;而那[兩種]心之生起彼此[有別]’——世尊這樣說了,這是就什麼而說的呢?尊者,親近某種心之生起時,不善法增長、善法衰退——這樣的心之生起就不應親近。尊者,親近某種心之生起時,不善法衰退、善法增長——這樣的心之生起就應親近。

114. ‘‘‘Cittuppādaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ cittuppāda’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, cittuppādaṃ sevato akusalā dhammā abhivaḍḍhanti, kusalā dhammā parihāyanti evarūpo cittuppādo na sevitabbo; yathārūpañca kho, bhante, cittuppādaṃ sevato akusalā dhammā parihāyanti, kusalā dhammā abhivaḍḍhanti evarūpo cittuppādo sevitabbo.
緬 3.98已對照

“尊者,親近什麼樣的心之生起時,不善法增長、善法衰退呢?尊者,在此,有人是貪欲者,以與貪欲俱行的心而住;他是有瞋恚者,以與瞋恚俱行的心而住;他是有惱害者,以與惱害俱行的心而住。尊者,親近這樣的心之生起時,不善法增長、善法衰退。

‘‘Kathaṃrūpaṃ, bhante, cittuppādaṃ sevato akusalā dhammā abhivaḍḍhanti, kusalā dhammā parihāyanti? Idha, bhante, ekacco abhijjhālu hoti, abhijjhāsahagatena cetasā viharati; byāpādavā hoti, byāpādasahagatena cetasā viharati; vihesavā hoti, vihesāsahagatena cetasā viharati – evarūpaṃ, bhante, cittuppādaṃ sevato akusalā dhammā abhivaḍḍhanti, kusalā dhammā parihāyanti.
PTS 3.51已對照

“尊者,親近什麼樣的心之生起時,不善法衰退、善法增長呢?尊者,在此,有人是無貪欲者,以與無貪欲俱行的心而住;他是無瞋恚者,以與無瞋恚俱行的心而住;他是無惱害者,以與無惱害俱行的心而住。尊者,親近這樣的心之生起時,不善法衰退、善法增長。‘諸比丘,我說心之生起有兩種:應親近的與不應親近的;而那[兩種]心之生起彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, cittuppādaṃ sevato akusalā dhammā parihāyanti, kusalā dhammā abhivaḍḍhanti? Idha, bhante, ekacco anabhijjhālu hoti, anabhijjhāsahagatena cetasā viharati; abyāpādavā hoti, abyāpādasahagatena cetasā viharati; avihesavā hoti, avihesāsahagatena cetasā viharati – evarūpaṃ, bhante, cittuppādaṃ sevato akusalā dhammā parihāyanti, kusalā dhammā abhivaḍḍhanti. ‘Cittuppādaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ cittuppāda’nti – iti yaṃ taṃ vuttaṃ bhagavatā idametaṃ paṭicca vuttaṃ.
115已對照

一一五、“‘諸比丘,我說想的獲得有兩種:應親近的與不應親近的;而那[兩種]想的獲得彼此[有別]’——世尊這樣說了,這是就什麼而說的呢?尊者,親近某種想的獲得時,不善法增長、善法衰退——這樣的想的獲得就不應親近。尊者,親近某種想的獲得時,不善法衰退、善法增長——這樣的想的獲得就應親近。

115. ‘‘‘Saññāpaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ saññāpaṭilābha’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, saññāpaṭilābhaṃ sevato akusalā dhammā abhivaḍḍhanti, kusalā dhammā parihāyanti evarūpo saññāpaṭilābho na sevitabbo; yathārūpañca kho, bhante, saññāpaṭilābhaṃ sevato akusalā dhammā parihāyanti, kusalā dhammā abhivaḍḍhanti evarūpo saññāpaṭilābho sevitabbo.
已對照

“尊者,親近什麼樣的想的獲得時,不善法增長、善法衰退呢?尊者,在此,有人是貪欲者,以與貪欲俱行的想而住;他是有瞋恚者,以與瞋恚俱行的想而住;他是有惱害者,以與惱害俱行的想而住。尊者,親近這樣的想的獲得時,不善法增長、善法衰退。

‘‘Kathaṃrūpaṃ, bhante, saññāpaṭilābhaṃ sevato akusalā dhammā abhivaḍḍhanti, kusalā dhammā parihāyanti? Idha, bhante, ekacco abhijjhālu hoti, abhijjhāsahagatāya saññāya viharati; byāpādavā hoti, byāpādasahagatāya saññāya viharati; vihesavā hoti, vihesāsahagatāya saññāya viharati – evarūpaṃ, bhante, saññāpaṭilābhaṃ sevato akusalā dhammā abhivaḍḍhanti, kusalā dhammā parihāyanti.
緬 3.99已對照

“尊者,親近什麼樣的想的獲得時,不善法衰退、善法增長呢?尊者,在此,有人是無貪欲者,以與無貪欲俱行的想而住;他是無瞋恚者,以與無瞋恚俱行的想而住;他是無惱害者,以與無惱害俱行的想而住。尊者,親近這樣的想的獲得時,不善法衰退、善法增長。‘諸比丘,我說想的獲得有兩種:應親近的與不應親近的;而那[兩種]想的獲得彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, saññāpaṭilābhaṃ sevato akusalā dhammā parihāyanti, kusalā dhammā abhivaḍḍhanti? Idha, bhante, ekacco anabhijjhālu hoti, anabhijjhāsahagatāya saññāya viharati; abyāpādavā hoti, abyāpādasahagatāya saññāya viharati; avihesavā hoti, avihesāsahagatāya saññāya viharati – evarūpaṃ, bhante, saññāpaṭilābhaṃ sevato akusalā dhammā parihāyanti, kusalā dhammā abhivaḍḍhanti. ‘Saññāpaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ saññāpaṭilābha’nti – iti yaṃ taṃ vuttaṃ bhagavatā idametaṃ paṭicca vuttaṃ.
116PTS 3.52已對照

一一六、“‘諸比丘,我說見的獲得有兩種:應親近的與不應親近的;而那[兩種]見的獲得彼此[有別]’——世尊這樣說了,這是就什麼而說的呢?尊者,親近某種見的獲得時,不善法增長、善法衰退——這樣的見的獲得就不應親近。尊者,親近某種見的獲得時,不善法衰退、善法增長——這樣的見的獲得就應親近。

116. ‘‘‘Diṭṭhipaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ diṭṭhipaṭilābha’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, diṭṭhipaṭilābhaṃ sevato akusalā dhammā abhivaḍḍhanti, kusalā dhammā parihāyanti evarūpo diṭṭhipaṭilābho na sevitabbo; yathārūpañca kho, bhante, diṭṭhipaṭilābhaṃ sevato akusalā dhammā parihāyanti, kusalā dhammā abhivaḍḍhanti – evarūpo diṭṭhipaṭilābho sevitabbo.
已對照

“尊者,親近什麼樣的見的獲得時,不善法增長、善法衰退呢?尊者,在此,有人持這樣的見——‘沒有布施,沒有供養(yiṭṭha),沒有祭祀(huta);沒有善作、惡作之業的果與異熟(vipāka);沒有此世,沒有他世;沒有母,沒有父;沒有化生的眾生(opapātika);世間沒有正行的、正行道的沙門、婆羅門,自己以證智證知此世與他世之後加以宣說。’尊者,親近這樣的見的獲得時,不善法增長、善法衰退。

‘‘Kathaṃrūpaṃ, bhante, diṭṭhipaṭilābhaṃ sevato akusalā dhammā abhivaḍḍhanti, kusalā dhammā parihāyanti? Idha, bhante, ekacco evaṃdiṭṭhiko hoti – ‘natthi dinnaṃ, natthi yiṭṭhaṃ, natthi hutaṃ, natthi sukatadukkaṭānaṃ kammānaṃ phalaṃ vipāko, natthi ayaṃ loko, natthi paro loko, natthi mātā, natthi pitā, natthi sattā opapātikā, natthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti – evarūpaṃ, bhante, diṭṭhipaṭilābhaṃ sevato akusalā dhammā abhivaḍḍhanti, kusalā dhammā parihāyanti.
已對照

“尊者,親近什麼樣的見的獲得時,不善法衰退、善法增長呢?尊者,在此,有人持這樣的見——‘有布施,有供養,有祭祀;有善作、惡作之業的果與異熟;有此世,有他世;有母,有父;有化生的眾生;世間有正行的、正行道的沙門、婆羅門,自己以證智證知此世與他世之後加以宣說。’尊者,親近這樣的見的獲得時,不善法衰退、善法增長。‘諸比丘,我說見的獲得有兩種:應親近的與不應親近的;而那[兩種]見的獲得彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, diṭṭhipaṭilābhaṃ sevato akusalā dhammā parihāyanti, kusalā dhammā abhivaḍḍhanti? Idha, bhante, ekacco evaṃdiṭṭhiko hoti – ‘atthi dinnaṃ, atthi yiṭṭhaṃ, atthi hutaṃ, atthi sukatadukkaṭānaṃ kammānaṃ phalaṃ vipāko, atthi ayaṃ loko, atthi paro loko, atthi mātā, atthi pitā, atthi sattā opapātikā, atthi loke samaṇabrāhmaṇā sammaggatā sammāpaṭipannā ye imañca lokaṃ parañca lokaṃ sayaṃ abhiññā sacchikatvā pavedentī’ti – evarūpaṃ, bhante, diṭṭhipaṭilābhaṃ sevato akusalā dhammā parihāyanti, kusalā dhammā abhivaḍḍhanti. ‘Diṭṭhipaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ diṭṭhipaṭilābha’nti – iti yaṃ taṃ vuttaṃ bhagavatā idametaṃ paṭicca vuttaṃ.
117PTS 3.53緬 3.100已對照

一一七、“‘諸比丘,我說自體獲得有兩種:應親近的與不應親近的;而那[兩種]自體獲得彼此[有別]’——世尊這樣說了,這是就什麼而說的呢?尊者,親近某種自體獲得時,不善法增長、善法衰退——這樣的自體獲得就不應親近。尊者,親近某種自體獲得時,不善法衰退、善法增長——這樣的自體獲得就應親近。

117. ‘‘‘Attabhāvapaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ attabhāvapaṭilābha’nti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, attabhāvapaṭilābhaṃ sevato akusalā dhammā abhivaḍḍhanti, kusalā dhammā parihāyanti – evarūpo attabhāvapaṭilābho na sevitabbo; yathārūpañca kho, bhante, attabhāvapaṭilābhaṃ sevato akusalā dhammā parihāyanti, kusalā dhammā abhivaḍḍhanti – evarūpo attabhāvapaṭilābho sevitabbo.
已對照

“尊者,親近什麼樣的自體獲得時,不善法增長、善法衰退呢?尊者,對於生起有損害的自體獲得、以致[諸有]未終盡者,不善法增長、善法衰退;尊者,對於生起無損害的自體獲得、以致[諸有]終盡者,不善法衰退、善法增長。‘諸比丘,我說自體獲得有兩種:應親近的與不應親近的;而那[兩種]自體獲得彼此[有別]’——世尊這樣所說的,就是就這個而說的。

‘‘Kathaṃrūpaṃ, bhante, attabhāvapaṭilābhaṃ sevato akusalā dhammā abhivaḍḍhanti, kusalā dhammā parihāyanti? Sabyābajjhaṃ [sabyāpajjhaṃ (sī. syā. kaṃ. pī. ka.)], bhante, attabhāvapaṭilābhaṃ abhinibbattayato apariniṭṭhitabhāvāya akusalā dhammā abhivaḍḍhanti, kusalā dhammā parihāyanti; abyābajjhaṃ, bhante, attabhāvapaṭilābhaṃ abhinibbattayato pariniṭṭhitabhāvāya akusalā dhammā parihāyanti, kusalā dhammā abhivaḍḍhanti. ‘Attabhāvapaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ attabhāvapaṭilābha’nti – iti yaṃ taṃ vuttaṃ bhagavatā idametaṃ paṭicca vuttaṃ.
已對照

“尊者,對世尊這簡略而未詳細分別其義的所說,我這樣詳細地了知其義。”

‘‘Imassa kho ahaṃ, bhante, bhagavatā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāmī’’ti.
118已對照

一一八、“善哉,善哉,舍利弗!舍利弗,你對我這簡略而未詳細分別其義的所說,善能詳細地了知其義。

118. ‘‘Sādhu sādhu, sāriputta! Sādhu kho tvaṃ, sāriputta, imassa mayā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāsi.
已對照

“‘諸比丘,我說身行有兩種:應親近的與不應親近的;而那[兩種]身行彼此[有別]’——我這樣說了,這是就什麼而說的呢?舍利弗,親近某種身行時,不善法增長、善法衰退——這樣的身行就不應親近。舍利弗,親近某種身行時,不善法衰退、善法增長——這樣的身行就應親近。

‘‘‘Kāyasamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ kāyasamācāra’nti – iti kho panetaṃ vuttaṃ mayā. Kiñcetaṃ paṭicca vuttaṃ? Yathārūpaṃ, sāriputta, kāyasamācāraṃ sevato akusalā dhammā abhivaḍḍhanti, kusalā dhammā parihāyanti evarūpo kāyasamācāro na sevitabbo; yathārūpañca kho, sāriputta, kāyasamācāraṃ sevato akusalā dhammā parihāyanti, kusalā dhammā abhivaḍḍhanti – evarūpo kāyasamācāro sevitabbo.
PTS 3.54緬 3.101已對照

“舍利弗,親近什麼樣的身行時,不善法增長、善法衰退呢?舍利弗,在此,有人是殺生者——兇暴、血手,耽於打擊殺害,於諸眾生生命無悲憫;他也是取不與者:凡屬他人之物、[即]他人的財物資具,置於村中或置於林野,他都以盜心取那未與之物;他也是欲邪行者:凡是母護女、父護女、父母護女、兄護女、姊護女、親族護女、氏族護女、法護女、有夫者、有罰女,甚至只以花環相圍者——他於這樣的[女人]行邪行。舍利弗,親近這樣的身行時,不善法增長、善法衰退。

‘‘Kathaṃrūpaṃ, sāriputta, kāyasamācāraṃ sevato akusalā dhammā abhivaḍḍhanti, kusalā dhammā parihāyanti? Idha, sāriputta, ekacco pāṇātipātī hoti luddo lohitapāṇi hatappahate niviṭṭho adayāpanno pāṇabhūtesu; adinnādāyī kho pana hoti, yaṃ taṃ parassa paravittūpakaraṇaṃ gāmagataṃ vā araññagataṃ vā taṃ adinnaṃ theyyasaṅkhātaṃ ādātā hoti; kāmesumicchācārī kho pana hoti, yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāguḷaparikkhittāpi tathārūpāsu cārittaṃ āpajjitā hoti – evarūpaṃ, sāriputta, kāyasamācāraṃ sevato akusalā dhammā abhivaḍḍhanti, kusalā dhammā parihāyanti.
已對照

“舍利弗,親近什麼樣的身行時,不善法衰退、善法增長呢?舍利弗,在此,有人舍斷殺生,遠離殺生,放下棍棒,放下刀劍,有慚愧,具同情心,懷著利益、悲憫一切眾生生命之心而住;他舍斷不與取,遠離不與取:凡屬他人之物、[即]他人的財物資具,置於村中或置於林野,他都不以盜心取那未與之物;他舍斷欲邪行,遠離欲邪行:凡是母護女、父護女、父母護女、兄護女、姊護女、親族護女、氏族護女、法護女、有夫者、有罰女,甚至只以花環相圍者——他於這樣的[女人]不行邪行。舍利弗,親近這樣的身行時,不善法衰退、善法增長。‘諸比丘,我說身行有兩種:應親近的與不應親近的;而那[兩種]身行彼此[有別]’——我這樣所說的,就是就這個而說的。

‘‘Kathaṃrūpaṃ, sāriputta, kāyasamācāraṃ sevato akusalā dhammā parihāyanti, kusalā dhammā abhivaḍḍhanti? Idha, sāriputta, ekacco pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati; adinnādānaṃ pahāya adinnādānā paṭivirato hoti, yaṃ taṃ parassa paravittūpakaraṇaṃ gāmagataṃ vā araññagataṃ vā taṃ nādinnaṃ theyyasaṅkhātaṃ ādātā hoti; kāmesumicchācāraṃ pahāya kāmesumicchācārā paṭivirato hoti, yā tā māturakkhitā piturakkhitā mātāpiturakkhitā bhāturakkhitā bhaginirakkhitā ñātirakkhitā gottarakkhitā dhammarakkhitā sassāmikā saparidaṇḍā antamaso mālāguḷaparikkhittāpi tathārūpāsu na cārittaṃ āpajjitā hoti – evarūpaṃ, sāriputta, kāyasamācāraṃ sevato akusalā dhammā parihāyanti, kusalā dhammā abhivaḍḍhanti. ‘Kāyasamācāraṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ kāyasamācāra’nti – iti yaṃ taṃ vuttaṃ mayā idametaṃ paṭicca vuttaṃ.
PTS 3.55已對照

“諸比丘,我說語行有兩種……乃至……諸比丘,我說意行有兩種……乃至……諸比丘,我說心之生起有兩種……乃至……諸比丘,我說想的獲得有兩種……乃至……諸比丘,我說見的獲得有兩種……乃至……。

‘‘Vacīsamācāraṃpāhaṃ, bhikkhave, duvidhena vadāmi …pe… manosamācāraṃpāhaṃ, bhikkhave, duvidhena vadāmi…pe… cittuppādaṃpāhaṃ, bhikkhave, duvidhena vadāmi…pe… saññāpaṭilābhaṃpāhaṃ, bhikkhave, duvidhena vadāmi…pe… diṭṭhipaṭilābhaṃpāhaṃ, bhikkhave, duvidhena vadāmi…pe….
緬 3.102已對照

“‘諸比丘,我說自體獲得有兩種:應親近的與不應親近的;而那[兩種]自體獲得彼此[有別]’——我這樣說了,這是就什麼而說的呢?舍利弗,親近某種自體獲得時,不善法增長、善法衰退——這樣的自體獲得就不應親近。舍利弗,親近某種自體獲得時,不善法衰退、善法增長——這樣的自體獲得就應親近。

‘‘‘Attabhāvapaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ attabhāvapaṭilābha’nti – iti kho panetaṃ vuttaṃ mayā. Kiñcetaṃ paṭicca vuttaṃ? Yathārūpaṃ, sāriputta, attabhāvapaṭilābhaṃ sevato akusalā dhammā abhivaḍḍhanti, kusalā dhammā parihāyanti evarūpo attabhāvapaṭilābho na sevitabbo; yathārūpañca kho, sāriputta, attabhāvapaṭilābhaṃ sevato akusalā dhammā parihāyanti, kusalā dhammā abhivaḍḍhanti – evarūpo attabhāvapaṭilābho sevitabbo.
已對照

“舍利弗,親近什麼樣的自體獲得時,不善法增長、善法衰退呢?舍利弗,對於生起有損害的自體獲得、以致[諸有]未終盡者,不善法增長、善法衰退;舍利弗,對於生起無損害的自體獲得、以致[諸有]終盡者,不善法衰退、善法增長。‘諸比丘,我說自體獲得有兩種:應親近的與不應親近的;而那[兩種]自體獲得彼此[有別]’——我這樣所說的,就是就這個而說的。舍利弗,對我這段略說,其義應這樣詳細地理解。

‘‘Kathaṃrūpaṃ, sāriputta, attabhāvapaṭilābhaṃ sevato akusalā dhammā abhivaḍḍhanti, kusalā dhammā parihāyanti? Sabyābajjhaṃ, sāriputta, attabhāvapaṭilābhaṃ abhinibbattayato apariniṭṭhitabhāvāya akusalā dhammā abhivaḍḍhanti, kusalā dhammā parihāyanti; abyābajjhaṃ, sāriputta, attabhāvapaṭilābhaṃ abhinibbattayato pariniṭṭhitabhāvāya akusalā dhammā parihāyanti, kusalā dhammā abhivaḍḍhanti. ‘Attabhāvapaṭilābhaṃpāhaṃ, bhikkhave, duvidhena vadāmi – sevitabbampi, asevitabbampi; tañca aññamaññaṃ attabhāvapaṭilābha’nti – iti yaṃ taṃ vuttaṃ mayā idametaṃ paṭicca vuttaṃ. Imassa kho, sāriputta, mayā saṃkhittena bhāsitassa evaṃ vitthārena attho daṭṭhabbo.
119已對照

一一九、“舍利弗,我說眼所識的色有兩種:應親近的與不應親近的;舍利弗,我說耳所識的聲有兩種:應親近的與不應親近的;舍利弗,我說鼻所識的香有兩種:應親近的與不應親近的;舍利弗,我說舌所識的味有兩種:應親近的與不應親近的;舍利弗,我說身所識的觸有兩種:應親近的與不應親近的;舍利弗,我說意所識的法有兩種:應親近的與不應親近的。”

119. ‘‘Cakkhuviññeyyaṃ rūpaṃpāhaṃ, sāriputta, duvidhena vadāmi – sevitabbampi, asevitabbampi; sotaviññeyyaṃ saddaṃpāhaṃ, sāriputta, duvidhena vadāmi – sevitabbampi asevitabbampi; ghānaviññeyyaṃ gandhaṃpāhaṃ, sāriputta, duvidhena vadāmi – sevitabbampi, asevitabbampi; jivhāviññeyyaṃ rasaṃpāhaṃ, sāriputta, duvidhena vadāmi – sevitabbampi, asevitabbampi; kāyaviññeyyaṃ phoṭṭhabbaṃpāhaṃ, sāriputta, duvidhena vadāmi – sevitabbampi, asevitabbampi; manoviññeyyaṃ dhammaṃpāhaṃ, sāriputta, duvidhena vadāmi – sevitabbampi, asevitabbampī’’ti.
PTS 3.56緬 3.103已對照

這樣說時,具壽舍利弗對世尊這樣說——“尊者,對世尊這簡略而未詳細分別其義的所說,我這樣詳細地了知其義。‘舍利弗,我說眼所識的色有兩種:應親近的與不應親近的’——世尊這樣說了,這是就什麼而說的呢?尊者,親近某種眼所識的色時,不善法增長、善法衰退——這樣的眼所識的色就不應親近。尊者,親近某種眼所識的色時,不善法衰退、善法增長——這樣的眼所識的色就應親近。‘舍利弗,我說眼所識的色有兩種:應親近的與不應親近的’——世尊這樣所說的,就是就這個而說的。

Evaṃ vutte, āyasmā sāriputto bhagavantaṃ etadavoca – ‘‘imassa kho ahaṃ, bhante, bhagavatā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāmi. ‘Cakkhuviññeyyaṃ rūpaṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, cakkhuviññeyyaṃ rūpaṃ sevato akusalā dhammā abhivaḍḍhanti, kusalā dhammā parihāyanti evarūpaṃ cakkhuviññeyyaṃ rūpaṃ na sevitabbaṃ; yathārūpañca kho, bhante, cakkhuviññeyyaṃ rūpaṃ sevato akusalā dhammā parihāyanti, kusalā dhammā abhivaḍḍhanti evarūpaṃ cakkhuviññeyyaṃ rūpaṃ sevitabbaṃ. ‘Cakkhuviññeyyaṃ rūpaṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ bhagavatā idametaṃ paṭicca vuttaṃ.
PTS 3.57已對照

“舍利弗,我說耳所識的聲……乃至……這樣的耳所識的聲就不應親近……這樣的耳所識的聲就應親近……這樣的鼻所識的香就不應親近……這樣的鼻所識的香就應親近……這樣的舌所識的味就不應親近……這樣的舌所識的味就應親近……舍利弗,我說身所識的觸……這樣的身所識的觸就不應親近……這樣的身所識的觸就應親近。

‘‘Sotaviññeyyaṃ saddaṃpāhaṃ, sāriputta…pe… evarūpo sotaviññeyyo saddo na sevitabbo… evarūpo sotaviññeyyo saddo sevitabbo… evarūpo ghānaviññeyyo gandho na sevitabbo… evarūpo ghānaviññeyyo gandho sevitabbo… evarūpo jivhāviññeyyo raso na sevitabbo… evarūpo jivhāviññeyyo raso sevitabbo… kāyaviññeyyaṃ phoṭṭhabbaṃpāhaṃ, sāriputta … evarūpo kāyaviññeyyo phoṭṭhabbo na sevitabbo… evarūpo kāyaviññeyyo phoṭṭhabbo sevitabbo.
PTS 3.58已對照

“‘舍利弗,我說意所識的法有兩種:應親近的與不應親近的’——世尊這樣說了,這是就什麼而說的呢?尊者,親近某種意所識的法時,不善法增長、善法衰退——這樣的意所識的法就不應親近。尊者,親近某種意所識的法時,不善法衰退、善法增長——這樣的意所識的法就應親近。‘舍利弗,我說意所識的法有兩種:應親近的與不應親近的’——世尊這樣所說的,就是就這個而說的。尊者,對世尊這簡略而未詳細分別其義的所說,我這樣詳細地了知其義。”

‘‘‘Manoviññeyyaṃ dhammaṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, manoviññeyyaṃ dhammaṃ sevato akusalā dhammā abhivaḍḍhanti, kusalā dhammā parihāyanti evarūpo manoviññeyyo dhammo na sevitabbo; yathārūpañca kho, bhante, manoviññeyyaṃ dhammaṃ sevato akusalā dhammā parihāyanti, kusalā dhammā abhivaḍḍhanti evarūpo manoviññeyyo dhammo sevitabbo. ‘Manoviññeyyaṃ dhammaṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ bhagavatā idametaṃ paṭicca vuttaṃ. Imassa kho ahaṃ, bhante, bhagavatā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāmī’’ti.
120已對照

一二〇、“善哉,善哉,舍利弗!舍利弗,你對我這簡略而未詳細分別其義的所說,善能詳細地了知其義。‘舍利弗,我說眼所識的色有兩種:應親近的與不應親近的’——我這樣說了,這是就什麼而說的呢?舍利弗,親近某種眼所識的色時,不善法增長、善法衰退——這樣的眼所識的色就不應親近。舍利弗,親近某種眼所識的色時,不善法衰退、善法增長——這樣的眼所識的色就應親近。‘舍利弗,我說眼所識的色有兩種:應親近的與不應親近的’——我這樣所說的,就是就這個而說的。

120. ‘‘Sādhu sādhu, sāriputta! Sādhu kho tvaṃ, sāriputta, imassa mayā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāsi. ‘Cakkhuviññeyyaṃ rūpaṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ mayā. Kiñcetaṃ paṭicca vuttaṃ? Yathārūpaṃ, sāriputta, cakkhuviññeyyaṃ rūpaṃ sevato akusalā dhammā abhivaḍḍhanti, kusalā dhammā parihāyanti evarūpaṃ cakkhuviññeyyaṃ rūpaṃ na sevitabbaṃ; yathārūpañca kho, sāriputta, cakkhuviññeyyaṃ rūpaṃ sevato akusalā dhammā parihāyanti, kusalā dhammā abhivaḍḍhanti evarūpaṃ cakkhuviññeyyaṃ rūpaṃ sevitabbaṃ. ‘Cakkhuviññeyyaṃ rūpaṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ mayā idametaṃ paṭicca vuttaṃ.
緬 3.104已對照

“舍利弗,我說耳所識的聲……乃至……這樣的耳所識的聲就不應親近……這樣的耳所識的聲就應親近……這樣的鼻所識的香就不應親近……這樣的鼻所識的香就應親近……這樣的舌所識的味就不應親近……這樣的舌所識的味就應親近……這樣的身所識的觸就不應親近……這樣的身所識的觸就應親近。

‘‘Sotaviññeyyaṃ saddaṃpāhaṃ, sāriputta…pe… evarūpo sotaviññeyyo saddo na sevitabbo… evarūpo sotaviññeyyo saddo sevitabbo… evarūpo ghānaviññeyyo gandho na sevitabbo… evarūpo ghānaviññeyyo gandho sevitabbo… evarūpo jivhāviññeyyo raso na sevitabbo… evarūpo jivhāviññeyyo raso sevitabbo… evarūpo kāyaviññeyyo phoṭṭhabbo na sevitabbo… evarūpo kāyaviññeyyo phoṭṭhabbo sevitabbo.
已對照

“舍利弗,我說意所識的法……乃至……這樣的意所識的法就不應親近……這樣的意所識的法就應親近。‘舍利弗,我說意所識的法有兩種:應親近的與不應親近的’——我這樣所說的,就是就這個而說的。舍利弗,對我這段略說,其義應這樣詳細地理解。

‘‘Manoviññeyyaṃ dhammaṃpāhaṃ, sāriputta…pe… evarūpo manoviññeyyo dhammo na sevitabbo… evarūpo manoviññeyyo dhammo sevitabbo. ‘Manoviññeyyaṃ dhammaṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ mayā idametaṃ paṭicca vuttaṃ. Imassa kho, sāriputta, mayā saṃkhittena bhāsitassa evaṃ vitthārena attho daṭṭhabbo.
121已對照

一二一、“舍利弗,我說衣有兩種:應親近的與不應親近的……乃至……舍利弗,我說缽食……舍利弗,我說坐臥處……舍利弗,我說村落……舍利弗,我說市鎮……舍利弗,我說城市……舍利弗,我說地方……舍利弗,我說人有兩種:應親近的與不應親近的。”

121. ‘‘Cīvaraṃpāhaṃ, sāriputta, duvidhena vadāmi – sevitabbampi, asevitabbampi…pe… piṇḍapātaṃpāhaṃ, sāriputta… senāsanaṃpāhaṃ, sāriputta… gāmaṃpāhaṃ, sāriputta… nigamaṃpāhaṃ, sāriputta… nagaraṃpāhaṃ, sāriputta… janapadaṃpāhaṃ, sāriputta… puggalaṃpāhaṃ, sāriputta, duvidhena vadāmi – sevitabbampi, asevitabbampī’’ti.
PTS 3.59已對照

這樣說時,具壽舍利弗對世尊這樣說——“尊者,對世尊這簡略而未詳細分別其義的所說,我這樣詳細地了知其義。‘舍利弗,我說衣有兩種:應親近的與不應親近的’——世尊這樣說了,這是就什麼而說的呢?尊者,親近某種衣時,不善法增長、善法衰退——這樣的衣就不應親近。尊者,親近某種衣時,不善法衰退、善法增長——這樣的衣就應親近。‘舍利弗,我說衣有兩種:應親近的與不應親近的’——世尊這樣所說的,就是就這個而說的。

Evaṃ vutte, āyasmā sāriputto bhagavantaṃ etadavoca – ‘‘imassa kho ahaṃ, bhante, bhagavatā saṃkhittena bhāsitassa, vitthārena atthaṃ avibhattassa, evaṃ vitthārena atthaṃ ājānāmi. ‘Cīvaraṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, cīvaraṃ sevato akusalā dhammā abhivaḍḍhanti, kusalā dhammā parihāyanti evarūpaṃ cīvaraṃ na sevitabbaṃ; yathārūpañca kho, bhante, cīvaraṃ sevato akusalā dhammā parihāyanti, kusalā dhammā abhivaḍḍhanti evarūpaṃ cīvaraṃ sevitabbaṃ. ‘Cīvaraṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ bhagavatā idametaṃ paṭicca vuttaṃ.
緬 3.105已對照

“舍利弗,我說缽食……乃至……這樣的缽食就不應親近……這樣的缽食就應親近……舍利弗,我說坐臥處……乃至……這樣的坐臥處就不應親近……這樣的坐臥處就應親近……舍利弗,我說村落……乃至……這樣的村落就不應親近……這樣的村落就應親近……這樣的市鎮就不應親近……這樣的市鎮就應親近……這樣的城市就不應親近……這樣的城市就應親近……這樣的地方就不應親近……這樣的地方就應親近。

‘‘Piṇḍapātaṃpāhaṃ, sāriputta…pe… evarūpo piṇḍapāto na sevitabbo… evarūpo piṇḍapāto sevitabbo… senāsanaṃpāhaṃ, sāriputta…pe… evarūpaṃ senāsanaṃ na sevitabbaṃ… evarūpaṃ senāsanaṃ sevitabbaṃ… gāmaṃpāhaṃ, sāriputta …pe… evarūpo gāmo na sevitabbo… evarūpo gāmo sevitabbo… evarūpo nigamo na sevitabbo… evarūpo nigamo sevitabbo… evarūpaṃ nagaraṃ na sevitabbaṃ… evarūpaṃ nagaraṃ sevitabbaṃ… evarūpo janapado na sevitabbo… evarūpo janapado sevitabbo.
已對照

“‘舍利弗,我說人有兩種:應親近的與不應親近的’——世尊這樣說了,這是就什麼而說的呢?尊者,親近某種人時,不善法增長、善法衰退——這樣的人就不應親近。尊者,親近某種人時,不善法衰退、善法增長——這樣的人就應親近。‘舍利弗,我說人有兩種:應親近的與不應親近的’——世尊這樣所說的,就是就這個而說的。尊者,對世尊這簡略而未詳細分別其義的所說,我這樣詳細地了知其義。”

‘‘‘Puggalaṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ bhagavatā. Kiñcetaṃ paṭicca vuttaṃ? Yathārūpaṃ, bhante, puggalaṃ sevato akusalā dhammā abhivaḍḍhanti, kusalā dhammā parihāyanti evarūpo puggalo na sevitabbo; yathārūpañca kho, bhante, puggalaṃ sevato akusalā dhammā parihāyanti, kusalā dhammā abhivaḍḍhanti evarūpo puggalo sevitabbo. ‘Puggalaṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ bhagavatā idametaṃ paṭicca vuttanti. Imassa kho ahaṃ, bhante, bhagavatā saṃkhittena bhāsitassa, vitthārena atthaṃ avibhattassa evaṃ vitthārena atthaṃ ājānāmī’’ti.
122PTS 3.60已對照

一二二、“善哉,善哉,舍利弗!舍利弗,你對我這簡略而未詳細分別其義的所說,善能詳細地了知其義。‘舍利弗,我說衣有兩種:應親近的與不應親近的’——我這樣說了,這是就什麼而說的呢?舍利弗,親近某種衣時,不善法增長、善法衰退——這樣的衣就不應親近。舍利弗,親近某種衣時,不善法衰退、善法增長——這樣的衣就應親近。‘舍利弗,我說衣有兩種:應親近的與不應親近的’——我這樣所說的,就是就這個而說的。(應當如第一[段]那樣詳說)這樣的缽食……這樣的坐臥處……這樣的村落……這樣的市鎮……這樣的城市……這樣的地方。

122. ‘‘Sādhu sādhu, sāriputta! Sādhu kho tvaṃ, sāriputta, imassa mayā saṃkhittena bhāsitassa, vitthārena atthaṃ avibhattassa evaṃ vitthārena atthaṃ ājānāsi. ‘Cīvaraṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ mayā. Kiñcetaṃ paṭicca vuttaṃ? Yathārūpaṃ, sāriputta, cīvaraṃ sevato akusalā dhammā abhivaḍḍhanti, kusalā dhammā parihāyanti evarūpaṃ cīvaraṃ na sevitabbaṃ; yathārūpañca kho, sāriputta, cīvaraṃ sevato akusalā dhammā parihāyanti, kusalā dhammā abhivaḍḍhanti evarūpaṃ cīvaraṃ sevitabbaṃ. ‘Cīvaraṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ mayā idametaṃ paṭicca vuttaṃ. (Yathā paṭhamaṃ tathā vitthāretabbaṃ) evarūpo piṇḍapāto… evarūpaṃ senāsanaṃ… evarūpo gāmo… evarūpo nigamo… evarūpaṃ nagaraṃ… evarūpo janapado.
緬 3.106已對照

“‘舍利弗,我說人有兩種:應親近的與不應親近的’——我這樣說了,這是就什麼而說的呢?舍利弗,親近某種人時,不善法增長、善法衰退——這樣的人就不應親近。舍利弗,親近某種人時,不善法衰退、善法增長——這樣的人就應親近。‘舍利弗,我說人有兩種:應親近的與不應親近的’——我這樣所說的,就是就這個而說的。舍利弗,對我這段略說,其義應這樣詳細地理解。

‘‘‘Puggalaṃpāhaṃ, sāriputta, duvidhena vadāmi – sevitabbampi, asevitabbampī’ti – iti kho panetaṃ vuttaṃ mayā. Kiñcetaṃ paṭicca vuttaṃ? Yathārūpaṃ, sāriputta, puggalaṃ sevato akusalā dhammā abhivaḍḍhanti, kusalā dhammā parihāyanti evarūpo puggalo na sevitabbo; yathārūpañca kho, sāriputta, puggalaṃ sevato akusalā dhammā parihāyanti, kusalā dhammā abhivaḍḍhanti evarūpo puggalo sevitabbo. ‘Puggalaṃpāhaṃ, sāriputta, duvidhena vadāmi – sevitabbampi, asevitabbampī’ti – iti yaṃ taṃ vuttaṃ mayā idametaṃ paṭicca vuttaṃ. Imassa kho, sāriputta, mayā saṃkhittena bhāsitassa evaṃ vitthārena attho daṭṭhabbo.
123PTS 3.61已對照

一二三、“舍利弗,一切剎帝利若能對我這段略說這樣詳細地了知其義,那對一切剎帝利也將長久帶來利益與安樂。舍利弗,一切婆羅門……乃至……舍利弗,一切吠舍……舍利弗,一切首陀羅若能對我這段略說這樣詳細地了知其義,那對一切首陀羅也將長久帶來利益與安樂。舍利弗,有天、有魔、有梵天的世間,有沙門婆羅門、有天與人的人眾,若能對我這段略說這樣詳細地了知其義,那對有天、有魔、有梵天的世間,有沙門婆羅門、有天與人的人眾,也將長久帶來利益與安樂。”

世尊說了這[番話]。具壽舍利弗滿意、歡喜世尊之所說。

123. ‘‘Sabbepi ce, sāriputta, khattiyā imassa mayā saṃkhittena bhāsitassa evaṃ vitthārena atthaṃ ājāneyyuṃ, sabbesānampissa khattiyānaṃ dīgharattaṃ hitāya sukhāya. Sabbepi ce, sāriputta, brāhmaṇā…pe… sabbepi ce, sāriputta, vessā… sabbepi ce, sāriputta, suddā imassa mayā saṃkhittena bhāsitassa evaṃ vitthārena atthaṃ ājāneyyuṃ, sabbesānampissa suddānaṃ dīgharattaṃ hitāya sukhāya. Sadevakopi ce, sāriputta, loko samārako sabrahmako sassamaṇabrāhmaṇī pajā sadevamanussā imassa mayā saṃkhittena bhāsitassa evaṃ vitthārena atthaṃ ājāneyya, sadevakassapissa lokassa samārakassa sabrahmakassa sassamaṇabrāhmaṇiyā pajāya sadevamanussāya dīgharattaṃ hitāya sukhāyā’’ti.
Idamavoca bhagavā. Attamano āyasmā sāriputto bhagavato bhāsitaṃ abhinandīti.
Sevitabbāsevitabbasuttaṃ niṭṭhitaṃ catutthaṃ.
已對照

《應親近不應親近經》終,[《次第品》中之]第四[經]。