快樂巴利palinanda.cc

中部第11經 · 小師子吼經 Cūḷasīhanādasuttaṃ

本經目錄一、小獅子吼經

已對照

一、小獅子吼經

1. Cūḷasīhanādasuttaṃ
139緬 1.92已對照

一三九、如是我聞——一時,世尊住在舍衛城(Sāvatthī)的祇樹林(Jetavana)給孤獨園(Anāthapiṇḍika)。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說——

139. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
PTS 1.64已對照

“諸比丘,唯在此[教法]中有沙門,此[教法]中有第二沙門,此[教法]中有第三沙門,此[教法]中有第四沙門;其他外道之說(parappavāda)空無其他諸沙門。諸比丘,你們要這樣正確地發出獅子吼。

‘‘Idheva, bhikkhave, samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehīti [samaṇehi aññeti (sī. pī. ka.) ettha aññehīti sakāya paṭiññāya saccābhiññehīti attho veditabbo]. Evametaṃ [evameva (syā. ka.)], bhikkhave, sammā sīhanādaṃ nadatha.
140已對照

一四〇、“諸比丘,而這樣的情形是有的:其他外道遊方者可能這樣說——‘諸位具壽有什麼依託?有什麼力量?使你們諸位具壽這樣說:唯在此[教法]中有沙門,此[教法]中有第二沙門,此[教法]中有第三沙門,此[教法]中有第四沙門;其他外道之說空無其他諸沙門?’諸比丘,對這樣說的其他外道遊方者,應這樣回答——‘賢友,那位知者、見者、阿羅漢、正等正覺者的世尊為我們宣說了四法,我們於自身見到這[四法],才這樣說:唯在此[教法]中有沙門,此[教法]中有第二沙門,此[教法]中有第三沙門,此[教法]中有第四沙門;其他外道之說空無其他諸沙門。哪四[法]呢?賢友,我們對導師有淨信,對法有淨信,於諸戒圓滿受持;而諸同法者——在家者與出家者——[於我們]都可愛、可意。賢友,這就是那位知者、見者、阿羅漢、正等正覺者的世尊為我們宣說的四法,我們於自身見到這[四法],才這樣說:唯在此[教法]中有沙門,此[教法]中有第二沙門,此[教法]中有第三沙門,此[教法]中有第四沙門;其他外道之說空無其他諸沙門。’

140. ‘‘Ṭhānaṃ kho panetaṃ, bhikkhave, vijjati yaṃ aññatitthiyā paribbājakā evaṃ vadeyyuṃ – ‘ko panāyasmantānaṃ assāso, kiṃ balaṃ, yena tumhe āyasmanto evaṃ vadetha – idheva samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehī’ti? Evaṃvādino, bhikkhave, aññatitthiyā paribbājakā evamassu vacanīyā – ‘atthi kho no, āvuso, tena bhagavatā jānatā passatā arahatā sammāsambuddhena cattāro dhammā akkhātā ye mayaṃ attani sampassamānā evaṃ vadema – idheva samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehīti. Katame cattāro? Atthi kho no, āvuso, satthari pasādo, atthi dhamme pasādo, atthi sīlesu paripūrakāritā; sahadhammikā kho pana piyā manāpā – gahaṭṭhā ceva pabbajitā ca. Ime kho no, āvuso, tena bhagavatā jānatā passatā arahatā sammāsambuddhena cattāro dhammā akkhātā ye mayaṃ attani sampassamānā evaṃ vadema – idheva samaṇo, idha dutiyo samaṇo, idha tatiyo samaṇo, idha catuttho samaṇo; suññā parappavādā samaṇebhi aññehī’ti.
141緬 1.93已對照

一四一、“諸比丘,而這樣的情形是有的:其他外道遊方者可能這樣說——‘賢友,我們也對導師有淨信——那就是我們的導師;我們也對法有淨信——那就是我們的法;我們也於諸戒圓滿受持——那就是我們的諸戒;我們的諸同法者——在家者與出家者——也[於我們]可愛、可意。賢友,此中我們[與你們]有什麼差別?有什麼更多的作為?有什麼不同——即你們與我們之間的[不同]?’

141. ‘‘Ṭhānaṃ kho panetaṃ, bhikkhave, vijjati yaṃ aññatitthiyā paribbājakā evaṃ vadeyyuṃ – ‘amhākampi kho, āvuso, atthi satthari pasādo yo amhākaṃ satthā, amhākampi atthi dhamme pasādo yo amhākaṃ dhammo, mayampi sīlesu paripūrakārino yāni amhākaṃ sīlāni, amhākampi sahadhammikā piyā manāpā – gahaṭṭhā ceva pabbajitā ca. Idha no, āvuso, ko viseso ko adhippayāso [adhippāyo (ka. sī. syā. pī.), adhippayogo (ka.)] kiṃ nānākaraṇaṃ yadidaṃ tumhākañceva amhākañcā’ti?
已對照

“諸比丘,對這樣說的其他外道遊方者,應這樣回答——‘賢友,那麼,究竟是一究竟(niṭṭhā),還是多究竟呢?’諸比丘,若正確解答,其他外道遊方者應這樣解答:‘賢友,是一究竟,不是多究竟。’

‘‘Evaṃvādino, bhikkhave, aññatitthiyā paribbājakā evamassu vacanīyā – ‘kiṃ panāvuso, ekā niṭṭhā, udāhu puthu niṭṭhā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘ekāvuso, niṭṭhā, na puthu niṭṭhā’ti.
已對照

“‘賢友,那麼,那究竟是屬於有貪者的,還是屬於離貪者的呢?’諸比丘,若正確解答,其他外道遊方者應這樣解答:‘賢友,那究竟是屬於離貪者的,那究竟不是屬於有貪者的。’

‘‘‘Sā panāvuso, niṭṭhā sarāgassa udāhu vītarāgassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītarāgassāvuso, sā niṭṭhā, na sā niṭṭhā sarāgassā’ti.
已對照

“‘賢友,那麼,那究竟是屬於有瞋者的,還是屬於離瞋者的呢?’諸比丘,若正確解答,其他外道遊方者應這樣解答:‘賢友,那究竟是屬於離瞋者的,那究竟不是屬於有瞋者的。’

‘‘‘Sā panāvuso, niṭṭhā sadosassa udāhu vītadosassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītadosassāvuso, sā niṭṭhā, na sā niṭṭhā sadosassā’ti.
已對照

“‘賢友,那麼,那究竟是屬於有痴者的,還是屬於離痴者的呢?’諸比丘,若正確解答,其他外道遊方者應這樣解答:‘賢友,那究竟是屬於離痴者的,那究竟不是屬於有痴者的。’

‘‘‘Sā panāvuso, niṭṭhā samohassa udāhu vītamohassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītamohassāvuso, sā niṭṭhā, na sā niṭṭhā samohassā’ti.
PTS 1.65已對照

“‘賢友,那麼,那究竟是屬於有愛者的,還是屬於離愛者的呢?’諸比丘,若正確解答,其他外道遊方者應這樣解答:‘賢友,那究竟是屬於離愛者的,那究竟不是屬於有愛者的。’

‘‘‘Sā panāvuso, niṭṭhā sataṇhassa udāhu vītataṇhassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘vītataṇhassāvuso, sā niṭṭhā, na sā niṭṭhā sataṇhassā’ti.
已對照

“‘賢友,那麼,那究竟是屬於有取者的,還是屬於無取者的呢?’諸比丘,若正確解答,其他外道遊方者應這樣解答:‘賢友,那究竟是屬於無取者的,那究竟不是屬於有取者的。’

‘‘‘Sā panāvuso, niṭṭhā saupādānassa udāhu anupādānassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘anupādānassāvuso, sā niṭṭhā, na sā niṭṭhā saupādānassā’ti.
緬 1.94已對照

“‘賢友,那麼,那究竟是屬於有智者的,還是屬於無智者的呢?’諸比丘,若正確解答,其他外道遊方者應這樣解答:‘賢友,那究竟是屬於有智者的,那究竟不是屬於無智者的。’

‘‘‘Sā panāvuso, niṭṭhā viddasuno udāhu aviddasuno’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘viddasuno, āvuso, sā niṭṭhā, na sā niṭṭhā aviddasuno’ti.
已對照

“‘賢友,那麼,那究竟是屬於隨順違逆者的,還是屬於不隨順不違逆者的呢?’諸比丘,若正確解答,其他外道遊方者應這樣解答:‘賢友,那究竟是屬於不隨順不違逆者的,那究竟不是屬於隨順違逆者的。’

‘‘‘Sā panāvuso, niṭṭhā anuruddhappaṭiviruddhassa udāhu ananuruddhaappaṭiviruddhassā’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘ananuruddhaappaṭiviruddhassāvuso, sā niṭṭhā, na sā niṭṭhā anuruddhappaṭiviruddhassā’ti.
已對照

“‘賢友,那麼,那究竟是屬於樂於妄衍、喜於妄衍者的,還是屬於樂於無妄衍、喜於無妄衍者的呢?’諸比丘,若正確解答,其他外道遊方者應這樣解答:‘賢友,那究竟是屬於樂於無妄衍、喜於無妄衍者的,那究竟不是屬於樂於妄衍、喜於妄衍者的。’

‘‘‘Sā panāvuso, niṭṭhā papañcārāmassa papañcaratino udāhu nippapañcārāmassa nippapañcaratino’ti? Sammā byākaramānā, bhikkhave, aññatitthiyā paribbājakā evaṃ byākareyyuṃ – ‘nippapañcārāmassāvuso, sā niṭṭhā nippapañcaratino, na sā niṭṭhā papañcārāmassa papañcaratino’ti.
142已對照

一四二、“諸比丘,有這二見——有見(bhavadiṭṭhi)與無有見(vibhavadiṭṭhi)。諸比丘,凡任何沙門或婆羅門執著有見、趨向有見、耽著有見,他們便與無有見相違逆。諸比丘,凡任何沙門或婆羅門執著無有見、趨向無有見、耽著無有見,他們便與有見相違逆。諸比丘,凡任何沙門或婆羅門不如實了知這二見的集起、滅沒、味著、過患與出離,我說:‘他們是有貪者、有瞋者、有痴者、有愛者、有取者、無智者,他們是隨順違逆者,是樂於妄衍、喜於妄衍者;他們不從生、老、死、愁、悲、苦、憂、惱中解脫;他們不從苦中解脫。’諸比丘,而凡任何沙門或婆羅門如實了知這二見的集起、滅沒、味著、過患與出離,我說:‘他們是離貪者、離瞋者、離痴者、離愛者、無取者、有智者,他們是不隨順不違逆者,是樂於無妄衍、喜於無妄衍者;他們從生、老、死、愁、悲、苦、憂、惱中解脫;他們從苦中解脫。’

142. ‘‘Dvemā, bhikkhave, diṭṭhiyo – bhavadiṭṭhi ca vibhavadiṭṭhi ca. Ye hi keci, bhikkhave, samaṇā vā brāhmaṇā vā bhavadiṭṭhiṃ allīnā bhavadiṭṭhiṃ upagatā bhavadiṭṭhiṃ ajjhositā, vibhavadiṭṭhiyā te paṭiviruddhā. Ye hi keci, bhikkhave, samaṇā vā brāhmaṇā vā vibhavadiṭṭhiṃ allīnā vibhavadiṭṭhiṃ upagatā vibhavadiṭṭhiṃ ajjhositā, bhavadiṭṭhiyā te paṭiviruddhā. Ye hi keci, bhikkhave, samaṇā vā brāhmaṇā vā imāsaṃ dvinnaṃ diṭṭhīnaṃ samudayañca atthaṅgamañca assādañca ādīnavañca nissaraṇañca yathābhūtaṃ nappajānanti, ‘te sarāgā te sadosā te samohā te sataṇhā te saupādānā te aviddasuno te anuruddhappaṭiviruddhā te papañcārāmā papañcaratino; te na parimuccanti jātiyā jarāya maraṇena sokehi paridevehi dukkhehi domanassehi upāyāsehi; na parimuccanti dukkhasmā’ti vadāmi. Ye ca kho keci, bhikkhave, samaṇā vā brāhmaṇā vā imāsaṃ dvinnaṃ diṭṭhīnaṃ samudayañca atthaṅgamañca assādañca ādīnavañca nissaraṇañca yathābhūtaṃ pajānanti, ‘te vītarāgā te vītadosā te vītamohā te vītataṇhā te anupādānā te viddasuno te ananuruddhaappaṭiviruddhā te nippapañcārāmā nippapañcaratino; te parimuccanti jātiyā jarāya maraṇena sokehi paridevehi dukkhehi domanassehi upāyāsehi; parimuccanti dukkhasmā’ti vadāmi.
143PTS 1.66緬 1.95已對照

一四三、“諸比丘,有這四取。哪四種呢?欲取(kāmupādāna)、見取(diṭṭhupādāna)、戒禁取(sīlabbatupādāna)、我論取(attavādupādāna)。諸比丘,有一些沙門婆羅門自稱是遍知一切取者。他們不能正確地施設對一切取的遍知——他們施設對欲取的遍知,不施設對見取的遍知,不施設對戒禁取的遍知,不施設對我論取的遍知。這是什麼緣故呢?因為這些沙門婆羅門尊師不如實了知這三處。所以這些沙門婆羅門尊師自稱是遍知一切取者,[而]他們不能正確地施設對一切取的遍知——他們施設對欲取的遍知,不施設對見取的遍知,不施設對戒禁取的遍知,不施設對我論取的遍知。

143. ‘‘Cattārimāni, bhikkhave, upādānāni. Katamāni cattāri? Kāmupādānaṃ, diṭṭhupādānaṃ, sīlabbatupādānaṃ, attavādupādānaṃ. Santi, bhikkhave, eke samaṇabrāhmaṇā sabbupādānapariññāvādā paṭijānamānā. Te na sammā sabbupādānapariññaṃ paññapenti – kāmupādānassa pariññaṃ paññapenti, na diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti. Taṃ kissa hetu? Imāni hi te bhonto samaṇabrāhmaṇā tīṇi ṭhānāni yathābhūtaṃ nappajānanti. Tasmā te bhonto samaṇabrāhmaṇā sabbupādānapariññāvādā paṭijānamānā; te na sammā sabbupādānapariññaṃ paññapenti – kāmupādānassa pariññaṃ paññapenti, na diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti.
已對照

“諸比丘,有一些沙門婆羅門自稱是遍知一切取者。他們不能正確地施設對一切取的遍知——他們施設對欲取的遍知,施設對見取的遍知,不施設對戒禁取的遍知,不施設對我論取的遍知。這是什麼緣故呢?因為這些沙門婆羅門尊師不如實了知這二處。所以這些沙門婆羅門尊師自稱是遍知一切取者,[而]他們不能正確地施設對一切取的遍知——他們施設對欲取的遍知,施設對見取的遍知,不施設對戒禁取的遍知,不施設對我論取的遍知。

‘‘Santi, bhikkhave, eke samaṇabrāhmaṇā sabbupādānapariññāvādā paṭijānamānā. Te na sammā sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti. Taṃ kissa hetu? Imāni hi te bhonto samaṇabrāhmaṇā dve ṭhānāni yathābhūtaṃ nappajānanti. Tasmā te bhonto samaṇabrāhmaṇā sabbupādānapariññāvādā paṭijānamānā; te na sammā [paṭijānamānā na sammā (?)] sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, na sīlabbatupādānassa pariññaṃ paññapenti, na attavādupādānassa pariññaṃ paññapenti.
已對照

“諸比丘,有一些沙門婆羅門自稱是遍知一切取者。他們不能正確地施設對一切取的遍知——他們施設對欲取的遍知,施設對見取的遍知,施設對戒禁取的遍知,不施設對我論取的遍知。這是什麼緣故呢?因為這些沙門婆羅門尊師不如實了知這一處。所以這些沙門婆羅門尊師自稱是遍知一切取者,[而]他們不能正確地施設對一切取的遍知——他們施設對欲取的遍知,施設對見取的遍知,施設對戒禁取的遍知,不施設對我論取的遍知。

‘‘Santi, bhikkhave, eke samaṇabrāhmaṇā sabbupādānapariññāvādā paṭijānamānā. Te na sammā sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, sīlabbatupādānassa pariññaṃ paññapenti, na attavādupādānassa pariññaṃ paññapenti. Taṃ kissa hetu? Imañhi te bhonto samaṇabrāhmaṇā ekaṃ ṭhānaṃ yathābhūtaṃ nappajānanti. Tasmā te bhonto samaṇabrāhmaṇā sabbupādānapariññāvādā paṭijānamānā; te na sammā [paṭijānamānā na sammā (?)] sabbupādānapariññaṃ paññapenti – kāmupādānassa pariññaṃ paññapenti, diṭṭhupādānassa pariññaṃ paññapenti, sīlabbatupādānassa pariññaṃ paññapenti, na attavādupādānassa pariññaṃ paññapenti.
PTS 1.67緬 1.96已對照

“諸比丘,在這樣的法與律中,凡對導師的淨信,說它不是正確趣向的(sammaggata);凡對法的淨信,說它不是正確趣向的;凡於諸戒的圓滿受持,說它不是正確趣向的;凡於諸同法者的可愛可意,說它不是正確趣向的。這是什麼緣故呢?諸比丘,因為在惡說、惡示、不能出離、不導向寂靜、非正等正覺者所示說的法與律中,事情就是這樣。

‘‘Evarūpe kho, bhikkhave, dhammavinaye yo satthari pasādo so na sammaggato akkhāyati; yo dhamme pasādo so na sammaggato akkhāyati; yā sīlesu paripūrakāritā sā na sammaggatā akkhāyati; yā sahadhammikesu piyamanāpatā sā na sammaggatā akkhāyati. Taṃ kissa hetu? Evañhetaṃ, bhikkhave, hoti yathā taṃ durakkhāte dhammavinaye duppavedite aniyyānike anupasamasaṃvattanike asammāsambuddhappavedite.
144已對照

一四四、“諸比丘,而如來、阿羅漢、正等正覺者自稱是遍知一切取者,[並]正確地施設對一切取的遍知——他施設對欲取的遍知,施設對見取的遍知,施設對戒禁取的遍知,施設對我論取的遍知。諸比丘,在這樣的法與律中,凡對導師的淨信,說它是正確趣向的;凡對法的淨信,說它是正確趣向的;凡於諸戒的圓滿受持,說它是正確趣向的;凡於諸同法者的可愛可意,說它是正確趣向的。這是什麼緣故呢?諸比丘,因為在善說、善示、能出離、導向寂靜、正等正覺者所示說的法與律中,事情就是這樣。

144. ‘‘Tathāgato ca kho, bhikkhave, arahaṃ sammāsambuddho sabbupādānapariññāvādo paṭijānamāno sammā sabbupādānapariññaṃ paññapeti – kāmupādānassa pariññaṃ paññapeti, diṭṭhupādānassa pariññaṃ paññapeti, sīlabbatupādānassa pariññaṃ paññapeti, attavādupādānassa pariññaṃ paññapeti. Evarūpe kho, bhikkhave, dhammavinaye yo satthari pasādo so sammaggato akkhāyati; yo dhamme pasādo so sammaggato akkhāyati; yā sīlesu paripūrakāritā sā sammaggatā akkhāyati; yā sahadhammikesu piyamanāpatā sā sammaggatā akkhāyati. Taṃ kissa hetu? Evañhetaṃ, bhikkhave, hoti yathā taṃ svākkhāte dhammavinaye suppavedite niyyānike upasamasaṃvattanike sammāsambuddhappavedite.
145緬 1.97已對照

一四五、“諸比丘,而這四取,以何為因緣?以何為集起?以何為生?以何為根源?這四取以愛為因緣,以愛為集起,以愛為生,以愛為根源。諸比丘,而這愛,以何為因緣?以何為集起?以何為生?以何為根源?愛以受為因緣,以受為集起,以受為生,以受為根源。諸比丘,而這受,以何為因緣?以何為集起?以何為生?以何為根源?受以觸為因緣,以觸為集起,以觸為生,以觸為根源。諸比丘,而這觸,以何為因緣?以何為集起?以何為生?以何為根源?觸以六處為因緣,以六處為集起,以六處為生,以六處為根源。諸比丘,而這六處,以何為因緣?以何為集起?以何為生?以何為根源?六處以名色為因緣,以名色為集起,以名色為生,以名色為根源。諸比丘,而這名色,以何為因緣?以何為集起?以何為生?以何為根源?名色以識為因緣,以識為集起,以識為生,以識為根源。諸比丘,而這識,以何為因緣?以何為集起?以何為生?以何為根源?識以行為因緣,以行為集起,以行為生,以行為根源。諸比丘,而這些行,以何為因緣?以何為集起?以何為生?以何為根源?行以無明為因緣,以無明為集起,以無明為生,以無明為根源。

145. ‘‘Ime ca, bhikkhave, cattāro upādānā. Kiṃnidānā kiṃsamudayā kiṃjātikā kiṃpabhavā? Ime cattāro upādānā taṇhānidānā taṇhāsamudayā taṇhājātikā taṇhāpabhavā. Taṇhā cāyaṃ, bhikkhave, kiṃnidānā kiṃsamudayā kiṃjātikā kiṃpabhavā? Taṇhā vedanānidānā vedanāsamudayā vedanājātikā vedanāpabhavā. Vedanā cāyaṃ, bhikkhave, kiṃnidānā kiṃsamudayā kiṃjātikā kiṃpabhavā? Vedanā phassanidānā phassasamudayā phassajātikā phassapabhavā. Phasso cāyaṃ, bhikkhave, kiṃnidāno kiṃsamudayo kiṃjātiko kiṃpabhavo? Phasso saḷāyatananidāno saḷāyatanasamudayo saḷāyatanajātiko saḷāyatanapabhavo. Saḷāyatanañcidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ? Saḷāyatanaṃ nāmarūpanidānaṃ nāmarūpasamudayaṃ nāmarūpajātikaṃ nāmarūpapabhavaṃ. Nāmarūpañcidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ? Nāmarūpaṃ viññāṇanidānaṃ viññāṇasamudayaṃ viññāṇajātikaṃ viññāṇapabhavaṃ. Viññāṇañcidaṃ, bhikkhave, kiṃnidānaṃ kiṃsamudayaṃ kiṃjātikaṃ kiṃpabhavaṃ? Viññāṇaṃ saṅkhāranidānaṃ saṅkhārasamudayaṃ saṅkhārajātikaṃ saṅkhārapabhavaṃ. Saṅkhārā cime, bhikkhave, kiṃnidānā kiṃsamudayā kiṃjātikā kiṃpabhavā? Saṅkhārā avijjānidānā avijjāsamudayā avijjājātikā avijjāpabhavā.
已對照

“諸比丘,而當比丘的無明已被斷除、明已生起時,他由於無明的消退、明的生起,便既不執取欲取,也不執取見取,也不執取戒禁取,也不執取我論取。不執取則不戰慄(na paritassati),不戰慄則各自[於自身]般涅槃。他了知:‘生已盡,梵行已立,應作已作,再無後有。’”

‘‘Yato ca kho, bhikkhave, bhikkhuno avijjā pahīnā hoti vijjā uppannā, so avijjāvirāgā vijjuppādā neva kāmupādānaṃ upādiyati, na diṭṭhupādānaṃ upādiyati, na sīlabbatupādānaṃ upādiyati, na attavādupādānaṃ upādiyati. Anupādiyaṃ na paritassati, aparitassaṃ paccattaññeva parinibbāyati. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānātī’’ti.
PTS 1.68已對照

世尊說了這[經]。那些比丘心滿意足,歡喜世尊所說。

Idamavoca bhagavā. Attamanā te bhikkhū bhagavato bhāsitaṃ abhinandunti.
已對照

《小獅子吼經》終,[《獅子吼品》中之]第一[經]。

Cūḷasīhanādasuttaṃ niṭṭhitaṃ paṭhamaṃ.