快樂巴利palinanda.cc

長部第20經 · 大集會經 Mahāsamayasuttaṃ

331PTS 2.253緬 2.203已對照

七、大集會經(Mahāsamayasutta) 如是我聞:一時,世尊住在釋迦國的迦毘羅衛大林(Mahāvana)中,與大比丘僧五百位比丘俱,全都是阿羅漢;又有十個世界的天神大多集會而來,為見世尊與比丘僧。那時,四位屬淨居天身的天神這樣想:“這位世尊住在釋迦國的迦毘羅衛大林中,與大比丘僧五百位比丘俱,全都是阿羅漢;又有十個世界的天神大多集會而來,為見世尊與比丘僧。我們何不也到世尊那裡去;到了之後,在世尊面前各說一偈呢?”

331. Evaṃ me sutaṃ – ekaṃ samayaṃ bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi; dasahi ca lokadhātūhi devatā yebhuyyena sannipatitā honti bhagavantaṃ dassanāya bhikkhusaṅghañca. Atha kho catunnaṃ suddhāvāsakāyikānaṃ devatānaṃ [devānaṃ (sī. syā. pī.)] etadahosi – ‘‘ayaṃ kho bhagavā sakkesu viharati kapilavatthusmiṃ mahāvane mahatā bhikkhusaṅghena saddhiṃ pañcamattehi bhikkhusatehi sabbeheva arahantehi; dasahi ca lokadhātūhi devatā yebhuyyena sannipatitā honti bhagavantaṃ dassanāya bhikkhusaṅghañca. Yaṃnūna mayampi yena bhagavā tenupasaṅkameyyāma; upasaṅkamitvā bhagavato santike paccekaṃ gāthaṃ [paccekagāthaṃ (sī. syā. pī.), paccekagāthā (ka. sī.)] bhāseyyāmā’’ti.
332PTS 2.254緬 2.204已對照

那時,那些天神猶如有力之人伸出彎曲的臂、或彎回伸出的臂那樣,從淨居天諸天中隱沒,出現在世尊面前。那時,那些天神禮敬世尊,站在一旁。站在一旁的一位天神在世尊面前說了這偈—— “大林中有大會, 諸天眾已集來; 我們來赴此法會, 為見那不敗的僧團。” 那時,另一位天神在世尊面前說了這偈—— “於彼處諸比丘攝心入定, 使自己的心正直; 猶如御者執持韁繩, 智者們守護諸根。” 那時,另一位天神在世尊面前說了這偈—— “斷了閂木,斷了橫木, 拔起界柱而不動搖; 他們清淨、無垢而行, 是具眼者所善調伏的年少龍象。” 那時,另一位天神在世尊面前說了這偈—— “凡已歸依佛者, 他們不會去惡趣地; 捨棄人身之後, 將使天眾充滿。”

332. Atha kho tā devatā seyyathāpi nāma balavā puriso samiñjitaṃ vā bāhaṃ pasāreyya pasāritaṃ vā bāhaṃ samiñjeyya, evameva suddhāvāsesu devesu antarahitā bhagavato purato pāturahesuṃ. Atha kho tā devatā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho ekā devatā bhagavato santike imaṃ gāthaṃ abhāsi –
‘‘Mahāsamayo pavanasmiṃ, devakāyā samāgatā;
Āgatamha imaṃ dhammasamayaṃ, dakkhitāye aparājitasaṅgha’’nti.
Atha kho aparā devatā bhagavato santike imaṃ gāthaṃ abhāsi –
‘‘Tatra bhikkhavo samādahaṃsu, cittamattano ujukaṃ akaṃsu [ujukamakaṃsu (sī. syā. pī.)];
Sārathīva nettāni gahetvā, indriyāni rakkhanti paṇḍitā’’ti.
Atha kho aparā devatā bhagavato santike imaṃ gāthaṃ abhāsi –
‘‘Chetvā khīlaṃ chetvā palighaṃ, indakhīlaṃ ūhacca [uhacca (ka.)] manejā;
Te caranti suddhā vimalā, cakkhumatā sudantā susunāgā’’ti.
Atha kho aparā devatā bhagavato santike imaṃ gāthaṃ abhāsi –
‘‘Yekeci buddhaṃ saraṇaṃ gatāse, na te gamissanti apāyabhūmiṃ;
Pahāya mānusaṃ dehaṃ, devakāyaṃ paripūressantī’’ti.
Devatāsannipātā
333已對照

諸天的集會 那時,世尊告諸比丘:“諸比丘,十個世界的天神大多集會而來,為見如來與比丘僧。諸比丘,凡過去世曾有的阿羅漢、正等正覺者,那些世尊也以此為最上限度而有天神集會,正如我如今這樣。諸比丘,凡未來世將有的阿羅漢、正等正覺者,那些世尊也將以此為最上限度而有天神集會,正如我如今這樣。諸比丘,我將告知諸天眾的名字;諸比丘,我將宣稱諸天眾的名字;諸比丘,我將教示諸天眾的名字。你們要聽,好好作意,我要說了。”“是的,尊者。”那些比丘應諾世尊。

333. Atha kho bhagavā bhikkhū āmantesi – ‘‘yebhuyyena, bhikkhave, dasasu lokadhātūsu devatā sannipatitā honti [( ) sī. ipotthakesu natthi], tathāgataṃ dassanāya bhikkhusaṅghañca. Yepi te, bhikkhave, ahesuṃ atītamaddhānaṃ arahanto sammāsambuddhā, tesampi bhagavantānaṃ etaṃparamāyeva [etaparamāyeva (sī. syā. pī.)] devatā sannipatitā ahesuṃ seyyathāpi mayhaṃ etarahi. Yepi te, bhikkhave, bhavissanti anāgatamaddhānaṃ arahanto sammāsambuddhā, tesampi bhagavantānaṃ etaṃparamāyeva devatā sannipatitā bhavissanti seyyathāpi mayhaṃ etarahi. Ācikkhissāmi, bhikkhave, devakāyānaṃ nāmāni; kittayissāmi, bhikkhave, devakāyānaṃ nāmāni; desessāmi, bhikkhave, devakāyānaṃ nāmāni. Taṃ suṇātha, sādhukaṃ manasikarotha, bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ.
334PTS 2.256緬 2.205已對照

世尊說了這[話]—— “我將誦出詩偈: 於彼處有依止大地[各處]而住者。 凡[比丘]依止山窟, 精勤而入定, 眾多如蟄伏的獅子, 已勝過身毛豎立[之怖]; 心地潔白、清淨, 澄明而無濁。” [導師]知道有五百餘位[比丘] 在迦毘羅衛的林中, 於是導師告訴 樂於教說的諸弟子: “諸天眾已經來到, 諸比丘,你們要了知它們”; 他們聽了佛陀的教說, 便發起精勤。 他們生起了智—— 見諸非人之[智]; 有的見到一百, 有的[見]一千,又[有的見]七萬, 有的見到十萬 非人; 有的見到無量[非人]—— 一切方位都被遍滿。 具眼者證知這一切、 加以判定之後, 於是導師告訴 樂於教說的諸弟子: “諸天眾已經來到, 諸比丘,你們要了知它們; 我要以言辭 依次為你們宣稱。

334. Bhagavā etadavoca –
‘‘Silokamanukassāmi, yattha bhummā tadassitā;
Ye sitā girigabbharaṃ, pahitattā samāhitā.
‘‘Puthūsīhāva sallīnā, lomahaṃsābhisambhuno;
Odātamanasā suddhā, vippasannamanāvilā’’ [vippasannāmanāvilā (pī. ka.)].
Bhiyyo pañcasate ñatvā, vane kāpilavatthave;
Tato āmantayī satthā, sāvake sāsane rate.
‘‘Devakāyā abhikkantā, te vijānātha bhikkhavo’’;
Te ca ātappamakaruṃ, sutvā buddhassa sāsanaṃ.
Tesaṃ pāturahu ñāṇaṃ, amanussānadassanaṃ;
Appeke satamaddakkhuṃ, sahassaṃ atha sattariṃ.
Sataṃ eke sahassānaṃ, amanussānamaddasuṃ;
Appekenantamaddakkhuṃ, disā sabbā phuṭā ahuṃ.
Tañca sabbaṃ abhiññāya, vavatthitvāna [vavakkhitvāna (sī. syā. pī.), avekkhitvāna (ṭīkā)] cakkhumā;
Tato āmantayī satthā, sāvake sāsane rate.
‘‘Devakāyā abhikkantā, te vijānātha bhikkhavo;
Ye vohaṃ kittayissāmi, girāhi anupubbaso.
335PTS 2.257已對照

“那七千位夜叉, 是地居的、迦毘羅衛的; 有神通、有光輝, 有容色、有名聲, 歡喜地前來, 到比丘眾集會之林。 六千位雪山(Hemavata)夜叉, 容色各異; 有神通、有光輝, 有容色、有名聲, 歡喜地前來, 到比丘眾集會之林。 薩多山(Sātāgira)的三千位夜叉, 容色各異; 有神通、有光輝, 有容色、有名聲, 歡喜地前來, 到比丘眾集會之林。 如是這一萬六千位夜叉, 容色各異; 有神通、有光輝, 有容色、有名聲, 歡喜地前來, 到比丘眾集會之林。 五百位毗舍蜜多(Vessāmitta)夜叉, 容色各異; 有神通、有光輝, 有容色、有名聲, 歡喜地前來, 到比丘眾集會之林。 王舍城的拘鞞羅(Kumbhīra), 住處在毘富羅(Vepulla)[山]; 十萬有餘的夜叉 恭敬侍奉他; 王舍城的拘鞞羅, 他也來到集會之林。

335.‘‘Sattasahassā te yakkhā, bhummā kāpilavatthavā.
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Chasahassā hemavatā, yakkhā nānattavaṇṇino;
Iddhimanto jutīmanto [jutīmanto (sī. pī.)], vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Sātāgirā tisahassā, yakkhā nānattavaṇṇino;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Iccete soḷasasahassā, yakkhā nānattavaṇṇino;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Vessāmittā pañcasatā, yakkhā nānattavaṇṇino;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Kumbhīro rājagahiko, vepullassa nivesanaṃ;
Bhiyyo naṃ satasahassaṃ, yakkhānaṃ payirupāsati;
Kumbhīro rājagahiko, sopāgā samitiṃ vanaṃ.
336PTS 2.258緬 2.206已對照

“東方由持國(Dhataraṭṭha)王統領, 他是諸乾闥婆之主, 是有名聲的大王。 他也有眾多的兒子, 名為因陀羅(Inda)、有大力; 有神通、有光輝, 有容色、有名聲, 歡喜地前來, 到比丘眾集會之林。 南方由增長(Virūḷha)王統領那[方], 他是諸鳩槃荼(kumbhaṇḍa)之主, 是有名聲的大王。 他也有眾多的兒子, 名為因陀羅、有大力; 有神通、有光輝, 有容色、有名聲, 歡喜地前來, 到比丘眾集會之林。 西方由廣目(Virūpakkha)王統領, 他是諸龍(nāga)之主, 是有名聲的大王。 他也有眾多的兒子, 名為因陀羅、有大力; 有神通、有光輝, 有容色、有名聲, 歡喜地前來, 到比丘眾集會之林。 北方由俱毘羅(Kuvera)王統領那[方], 他是諸夜叉之主, 是有名聲的大王。 他也有眾多的兒子, 名為因陀羅、有大力; 有神通、有光輝, 有容色、有名聲, 歡喜地前來, 到比丘眾集會之林。 東方是持國,南方是增長, 西方是廣目,俱毘羅[在]北方。 這四位大王 周遍四方, 光耀地站立 在迦毘羅衛的林中。

336.‘‘Purimañca disaṃ rājā, dhataraṭṭho pasāsati.
Gandhabbānaṃ adhipati, mahārājā yasassiso.
‘‘Puttāpi tassa bahavo, indanāmā mahabbalā;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Dakkhiṇañca disaṃ rājā, virūḷho taṃ pasāsati [tappasāsati (syā.)];
Kumbhaṇḍānaṃ adhipati, mahārājā yasassiso.
‘‘Puttāpi tassa bahavo, indanāmā mahabbalā;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Pacchimañca disaṃ rājā, virūpakkho pasāsati;
Nāgānañca adhipati, mahārājā yasassiso.
‘‘Puttāpi tassa bahavo, indanāmā mahabbalā;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Uttarañca disaṃ rājā, kuvero taṃ pasāsati;
Yakkhānañca adhipati, mahārājā yasassiso.
‘‘Puttāpi tassa bahavo, indanāmā mahabbalā;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Purimaṃ disaṃ dhataraṭṭho, dakkhiṇena virūḷhako;
Pacchimena virūpakkho, kuvero uttaraṃ disaṃ.
‘‘Cattāro te mahārājā, samantā caturo disā;
Daddallamānā [daddaḷhamānā (ka.)] aṭṭhaṃsu, vane kāpilavatthave.
337緬 2.207已對照

“他們那些行幻術的奴僕也來了, 是欺誑的、詭詐的: 幻術者拘提頭(Kuṭeṇḍu)與毗提頭(Viṭeṇḍu), 維圖遮(Viṭucca),還有維圖答(Viṭuṭa)也一同[來了]。 旃檀那(Candana)與迦摩色陀(Kāmaseṭṭha), 緊尼建都(Kinnighaṇḍu)與尼建都(Nighaṇḍu); 波那陀(Panāda)與烏波曼若(Opamañña), 還有天神的御者摩多利(Mātali)。 乾闥婆質多斯那(Cittasena), 那羅(Naḷa)王與迦內色婆(Janesabha); 五髻(Pañcasikha)也來了, 還有鎮頭盧(Timbarū)與蘇利耶瓦遮薩(Sūriyavaccasā)。 這些以及其餘諸王—— 諸乾闥婆連同諸王, 歡喜地前來, 到比丘眾集會之林。

337.‘‘Tesaṃ māyāvino dāsā, āguṃ [āgū (syā.), āgu (sī. pī.) evamuparipi] vañcanikā saṭhā.
Māyā kuṭeṇḍu viṭeṇḍu [veṭeṇḍu (sī. syā. pī.)], viṭucca [viṭū ca (syā.)] viṭuṭo saha.
‘‘Candano kāmaseṭṭho ca, kinnighaṇḍu [kinnughaṇḍu (sī. syā. pī.)] nighaṇḍu ca;
Panādo opamañño ca, devasūto ca mātali.
‘‘Cittaseno ca gandhabbo, naḷorājā janesabho [janosabho (syā.)];
Āgā pañcasikho ceva, timbarū sūriyavaccasā [suriyavaccasā (sī. pī.)].
‘‘Ete caññe ca rājāno, gandhabbā saha rājubhi;
Modamānā abhikkāmuṃ, bhikkhūnaṃ samitiṃ vanaṃ.
338PTS 2.259已對照

“接著那伽薩(Nāgasa)[湖]的諸龍來了, 毘舍離(Vesālī)的[諸龍]連同多車迦(Tacchaka)[諸龍]; 甘婆羅(Kambala)與阿沙多羅(Assatara)來了, 波耶伽(Pāyāga)的[諸龍]連同諸親族。 耶牟那(Yamunā)[河]的諸龍與持國族(Dhataraṭṭha)的諸龍, 這些有名聲的龍來了; 大龍伊羅婆那(Erāvaṇa), 他也來到集會之林。 凡那些迅速擄走諸龍王者—— 是天界的、二生的、有翼的、眼目清淨的; 它們從空中飛抵林中央, “彩色金翅鳥”(citrā supaṇṇā)便是它們的名字。 那時諸龍王得了無畏, 佛陀使它們於金翅鳥得安隱; 它們以柔和的言語互相招呼, 諸龍與諸金翅鳥便歸依了佛陀。

338.‘‘Athāguṃ nāgasā nāgā, vesālā sahatacchakā.
Kambalassatarā āguṃ, pāyāgā saha ñātibhi.
‘‘Yāmunā dhataraṭṭhā ca, āgū nāgā yasassino;
Erāvaṇo mahānāgo, sopāgā samitiṃ vanaṃ.
‘‘Ye nāgarāje sahasā haranti, dibbā dijā pakkhi visuddhacakkhū;
Vehāyasā [vehāsayā (sī. pī.)] te vanamajjhapattā, citrā supaṇṇā iti tesa nāmaṃ.
‘‘Abhayaṃ tadā nāgarājānamāsi, supaṇṇato khemamakāsi buddho;
Saṇhāhi vācāhi upavhayantā, nāgā supaṇṇā saraṇamakaṃsu buddhaṃ.
339已對照

“被金剛手[帝釋]所勝的、 依止大海的諸阿修羅, 是婆娑婆(Vāsava)的這些兄弟, 有神通、有名聲。 極可怖的迦羅建遮(Kālakañca), 以及[持弓的]檀那韋伽薩(Dānaveghasa)諸阿修羅; 毗摩質多羅(Vepacitti)與蘇質提(Sucitti), 波訶羅陀(Pahārāda)連同那牟制(Namuci)。 跋利(Bali)的一百個兒子, 全都名為韋羅遮那(Verocana); 他們武裝了跋利的軍隊, 前往賢善的羅睺(Rāhu)那裡: “尊者,如今正是時候—— [往]比丘眾集會之林。”

339.‘‘Jitā vajirahatthena, samuddaṃ asurāsitā.
Bhātaro vāsavassete, iddhimanto yasassino.
‘‘Kālakañcā mahābhismā [kālakañjā mahābhiṃsā (sī. pī.)], asurā dānaveghasā;
Vepacitti sucitti ca, pahārādo namucī saha.
‘‘Satañca baliputtānaṃ, sabbe verocanāmakā;
Sannayhitvā balisenaṃ [balīsenaṃ (syā.)], rāhubhaddamupāgamuṃ;
Samayodāni bhaddante, bhikkhūnaṃ samitiṃ vanaṃ.
340PTS 2.260緬 2.208已對照

“水[天]與地天、 火[天]、風[天],那時來了; 婆樓那(Varuṇa)諸天、筏羅那(Vāraṇa)諸天, 蘇摩(Soma)連同耶舍(Yasa)。 慈身、悲身的 有名聲的諸天來了; 這十[群]為十種天眾, 全都容色各異; 有神通、有光輝, 有容色、有名聲, 歡喜地前來, 到比丘眾集會之林。 毘瘦紐(Veṇḍu)諸天與薩哈利(Sahali), 阿薩摩(Asama)與兩位孿生[天](yamā); 依止月的諸天, 以月為前導而來。 依止日的諸天, 以日為前導而來; 以諸星宿為前導, 曼陀雲天(Mandavalāhaka)來了。 諸婆藪(Vasu)中最上的婆娑婆—— 帝釋、能奪城者(purindada)——也來了; 這十[群]為十種天眾, 全都容色各異; 有神通、有光輝, 有容色、有名聲, 歡喜地前來, 到比丘眾集會之林。 “接著俱生(Sahabhū)諸天來了, 如燃燒的火焰一般; 阿利吒迦(Ariṭṭhaka)與羅闍(Roja), 色如亞麻花(umāpuppha)者。 婆樓那與共法(Sahadhamma), 不死(Accuta)與無動(Anejaka); 蘇隸耶(Sūleyya)與盧質羅(Rucira)來了, 尋求婆娑婆者(Vāsavanesī)來了; 這十[群]為十種天眾, 全都容色各異; 有神通、有光輝, 有容色、有名聲, 歡喜地前來, 到比丘眾集會之林。 “沙摩那(Samāna)與摩訶沙摩那(Mahāsamana), 摩奴沙(Mānusa)與摩奴蘇多摩(Mānusuttama); 戲忘天(Khiḍḍāpadosika)來了, 意憤天(Manopadosika)也來了。 接著金色(Harī)諸天來了, 以及那些著赤衣者; 波羅迦(Pāraga)與大波羅迦(Mahāpāraga), 有名聲的諸天來了; 這十[群]為十種天眾, 全都容色各異; 有神通、有光輝, 有容色、有名聲, 歡喜地前來, 到比丘眾集會之林。 “蘇迦(Sukka)、卡蘭巴天(Karambha)、阿盧那(Aruṇa), 連同韋格哈那薩(Veghanasa)來了; 以奧達他伽亞(Odātagayha)為上首者, 毗遮迦那(Vicakkhaṇa)諸天來了。 常醉(Sadāmatta)與執瓔珞(Hāragaja), 以及有名聲的雜類(Missaka); 雷鳴的雨天帕俱那(Pajjunna)來了, 他向諸方降雨。 這十[群]為十種天眾, 全都容色各異; 有神通、有光輝, 有容色、有名聲, 歡喜地前來, 到比丘眾集會之林。 “刻彌雅(Khemiya)、兜率、夜摩, 以及有名聲的迦吒迦(Kaṭṭhaka); 蘭比多迦(Lambītaka)、拉摩色陀(Lāmaseṭṭha), 名為焦提(Joti)的諸天與阿薩(Āsava); 化樂天來了, 接著他化自在天也來了。 這十[群]為十種天眾, 全都容色各異; 有神通、有光輝, 有容色、有名聲, 歡喜地前來, 到比丘眾集會之林。 “這六十[群]是諸天眾, 全都容色各異; 各隨其名而來, 還有其餘相似者一同[來]: “‘我們將見到那生已盡的、無荒穢的, 已渡暴流、無諸漏的[僧團]; 我們將見到那渡過暴流的龍象, 如同越出黑暗的月亮。’

340.‘‘Āpo ca devā pathavī, tejo vāyo tadāgamuṃ.
Varuṇā vāraṇā [vāruṇā (syā.)] devā, somo ca yasasā saha.
‘‘Mettā karuṇā kāyikā, āguṃ devā yasassino;
Dasete dasadhā kāyā, sabbe nānattavaṇṇino.
‘‘Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Veṇḍudevā sahali ca [veṇhūca devā sahalīca (sī. pī.)], asamā ca duve yamā;
Candassūpanisā devā, candamāguṃ purakkhatvā.
‘‘Sūriyassūpanisā [suriyassūpanisā (sī. syā. pī.)] devā, sūriyamāguṃ purakkhatvā;
Nakkhattāni purakkhatvā, āguṃ mandavalāhakā.
‘‘Vasūnaṃ vāsavo seṭṭho, sakkopāgā purindado;
Dasete dasadhā kāyā, sabbe nānattavaṇṇino.
‘‘Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Athāguṃ sahabhū devā, jalamaggisikhāriva;
Ariṭṭhakā ca rojā ca, umāpupphanibhāsino.
‘‘Varuṇā sahadhammā ca, accutā ca anejakā;
Sūleyyarucirā āguṃ, āguṃ vāsavanesino;
Dasete dasadhā kāyā, sabbe nānattavaṇṇino.
‘‘Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Samānā mahāsamanā, mānusā mānusuttamā;
Khiḍḍāpadosikā āguṃ, āguṃ manopadosikā.
‘‘Athāguṃ harayo devā, ye ca lohitavāsino;
Pāragā mahāpāragā, āguṃ devā yasassino;
Dasete dasadhā kāyā, sabbe nānattavaṇṇino.
‘‘Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Sukkā karambhā [karumhā (sī. syā. pī.)] aruṇā, āguṃ veghanasā saha;
Odātagayhā pāmokkhā, āguṃ devā vicakkhaṇā.
‘‘Sadāmattā hāragajā, missakā ca yasassino;
Thanayaṃ āga pajjunno, yo disā abhivassati.
‘‘Dasete dasadhā kāyā, sabbe nānattavaṇṇino;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Khemiyā tusitā yāmā, kaṭṭhakā ca yasassino;
Lambītakā lāmaseṭṭhā, jotināmā ca āsavā;
Nimmānaratino āguṃ, athāguṃ paranimmitā.
‘‘Dasete dasadhā kāyā, sabbe nānattavaṇṇino;
Iddhimanto jutimanto, vaṇṇavanto yasassino;
Modamānā abhikkāmuṃ, bhikkhūnaṃ samitiṃ vanaṃ.
‘‘Saṭṭhete devanikāyā, sabbe nānattavaṇṇino;
Nāmanvayena āgacchuṃ [āgañchuṃ (sī. syā. pī.)], ye caññe sadisā saha.
‘‘‘Pavuṭṭhajātimakhilaṃ [pavutthajātiṃ akhilaṃ (sī. pī.)], oghatiṇṇamanāsavaṃ;
Dakkhemoghataraṃ nāgaṃ, candaṃva asitātigaṃ’.
341已對照

“蘇梵(Subrahmā)與最上梵(Paramatta), 連同有神通者[世尊]之諸子; 常童子(Sanaṅkumāra)與帝須(Tissa), 他也來到集會之林。 一千個梵界, 大梵天於其上而立; [於梵界]已生、有光輝, 身形可畏,是有名聲者。 此處有十位自在者來了, 各各得自在; 從他們中間來了 被眷屬圍繞的訶利多(Hārita)。

341.‘‘Subrahmā paramatto ca [paramattho ca (ka.)], puttā iddhimato saha.
Sanaṅkumāro tisso ca, sopāga samitiṃ vanaṃ.
‘‘Sahassaṃ brahmalokānaṃ, mahābrahmābhitiṭṭhati;
Upapanno jutimanto, bhismākāyo yasassiso.
‘‘Dasettha issarā āguṃ, paccekavasavattino;
Tesañca majjhato āga, hārito parivārito.
342PTS 2.262緬 2.210已對照

“當他們全體前來時—— 連同帝釋、連同諸梵天的諸天, 魔軍也逼近了: 看那黑者(kaṇha)的愚昧! “‘來吧,抓住他們,捆住他們, 讓他們被貪所縛; 從四面圍住, 你們誰也不要放走他們中的任何一個。’ 如是,那大軍[之主]黑者 在那裡遣發了軍隊; 以手拍擊地面, 發出可怖的聲響。 猶如雨季的烏雲 雷鳴而帶電光—— 那時他退了回去, 極為忿怒而不能使人自隨。

342.‘‘Te ca sabbe abhikkante, sainde [sinde (syā.)] deve sabrahmake.
Mārasenā abhikkāmi, passa kaṇhassa mandiyaṃ.
‘‘‘Etha gaṇhatha bandhatha, rāgena baddhamatthu vo;
Samantā parivāretha, mā vo muñcittha koci naṃ’.
‘‘Iti tattha mahāseno, kaṇho senaṃ apesayi;
Pāṇinā talamāhacca, saraṃ katvāna bheravaṃ.
‘‘Yathā pāvussako megho, thanayanto savijjuko; +
Tadā so paccudāvatti, saṅkuddho asayaṃvase [asayaṃvasī (sī. pī.)].
343已對照

具眼者證知這一切、 加以判定之後, 於是導師告訴 樂於教說的諸弟子: “魔軍已經逼近, 諸比丘,你們要了知它們”; 他們聽了佛陀的教說, 便發起精勤; [魔軍]從諸離貪者[處]退去, 連他們的一根毫毛也不曾動搖。 “‘他們全都戰勝了戰陣, 超越了怖畏,有名聲; 他們與諸已生者一同歡喜—— 那些弟子在人間廣為人知。’” 《大集會經》第七[經]終。

343. Tañca sabbaṃ abhiññāya, vavatthitvāna cakkhumā.
Tato āmantayī satthā, sāvake sāsane rate.
‘‘Mārasenā abhikkantā, te vijānātha bhikkhavo;
Te ca ātappamakaruṃ, sutvā buddhassa sāsanaṃ;
Vītarāgehi pakkāmuṃ, nesaṃ lomāpi iñjayuṃ.
‘‘‘Sabbe vijitasaṅgāmā, bhayātītā yasassino;
Modanti saha bhūtehi, sāvakā te janesutā’’ti.
Mahāsamayasuttaṃ niṭṭhitaṃ sattamaṃ.