快樂巴利palinanda.cc

增支部 · 七集·跋耆七法品 Vajjisattakavaggo

本經目錄三、跋耆七法品一、沙蘭達達經二、雨行經三、第一七法經四、第二七法經五、第三七法經六、覺支經七、想經八、第一退失經九、第二退失經十、失壞經十一、敗亡經跋耆七法品第三。

已對照

三、跋耆七法品

3. Vajjisattakavaggo
已對照

一、沙蘭達達經

1. Sārandadasuttaṃ
21PTS 4.16已對照

二十一、如是我聞——一時,世尊住在毘舍離沙蘭達達塔廟(Sārandada cetiya)。那時,眾多離車人(Licchavī)來到世尊之處;到了之後,禮敬世尊,坐在一旁。世尊對坐在一旁的那些離車人這樣說——“離車人,我要為你們講說七種不衰退法。你們要諦聽,好好作意,我要說了。”“是的,尊者。”那些離車人應諾世尊。世尊這樣說——

21. Evaṃ me sutaṃ – ekaṃ samayaṃ bhagavā vesāliyaṃ viharati sārandade cetiye. Atha kho sambahulā licchavī yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te licchavī bhagavā etadavoca – ‘‘satta vo, licchavī, aparihāniye [aparihānīye (ka.)] dhamme desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te licchavī bhagavato paccassosuṃ. Bhagavā etadavoca –
緬 2.408已對照

“離車人,什麼是七種不衰退法呢?離車人,只要跋耆人(Vajjī)還時常集會、多集會,離車人,跋耆人便只應期待增長,不會衰退。

‘‘Katame ca, licchavī, satta aparihāniyā dhammā? Yāvakīvañca, licchavī, vajjī abhiṇhaṃ sannipātā bhavissanti sannipātabahulā; vuddhiyeva, licchavī, vajjīnaṃ pāṭikaṅkhā, no parihāni.
已對照

“離車人,只要跋耆人還和合而集會、和合而散會、和合而作跋耆應作之事,離車人,跋耆人便只應期待增長,不會衰退。

‘‘Yāvakīvañca, licchavī, vajjī samaggā sannipatissanti, samaggā vuṭṭhahissanti, samaggā vajjikaraṇīyāni karissanti; vuddhiyeva, licchavī, vajjīnaṃ pāṭikaṅkhā, no parihāni.
已對照

“離車人,只要跋耆人還不制定未制定者,不廢除已制定者,依照已制定的古昔跋耆法而受持奉行,離車人,跋耆人便只應期待增長,不會衰退。

‘‘Yāvakīvañca, licchavī, vajjī apaññattaṃ na paññāpessanti, paññattaṃ na samucchindissanti, yathāpaññatte porāṇe vajjidhamme samādāya vattissanti; vuddhiyeva, licchavī, vajjīnaṃ pāṭikaṅkhā, no parihāni.
已對照

“離車人,只要跋耆人還對跋耆人中那些跋耆耆老加以恭敬、尊重、敬重、供養,並且認為應當聽從他們[的話],離車人,跋耆人便只應期待增長,不會衰退。

‘‘Yāvakīvañca, licchavī, vajjī ye te vajjīnaṃ vajjimahallakā te sakkarissanti garuṃ karissanti mānessanti pūjessanti, tesañca sotabbaṃ maññissanti; vuddhiyeva, licchavī, vajjīnaṃ pāṭikaṅkhā, no parihāni.
已對照

“離車人,只要跋耆人還不對那些良家婦女、良家少女加以強擄、強逼而使[她們]同住,離車人,跋耆人便只應期待增長,不會衰退。

‘‘Yāvakīvañca, licchavī, vajjī yā tā kulitthiyo kulakumāriyo tā na okassa pasayha vāsessanti; vuddhiyeva, licchavī, vajjīnaṃ pāṭikaṅkhā, no parihāni.
PTS 4.17已對照

“離車人,只要跋耆人還對跋耆人中那些內外的跋耆塔廟加以恭敬、尊重、敬重、供養,並且不廢止對它們從前所施、從前所作的如法供祭,離車人,跋耆人便只應期待增長,不會衰退。

‘‘Yāvakīvañca, licchavī, vajjī yāni tāni vajjīnaṃ vajjicetiyāni abbhantarāni ceva bāhirāni ca tāni sakkarissanti garuṃ karissanti mānessanti pūjessanti, tesañca dinnapubbaṃ katapubbaṃ dhammikaṃ baliṃ no parihāpessanti; vuddhiyeva, licchavī, vajjīnaṃ pāṭikaṅkhā, no parihāni.
已對照

“離車人,只要跋耆人對諸阿羅漢還備有妥善安排的如法守護、遮護與保衛,[心想:]‘願未來的阿羅漢們能來到境內,已來的阿羅漢們能在境內安樂而住’——離車人,跋耆人便只應期待增長,不會衰退。

‘‘Yāvakīvañca, licchavī, vajjīnaṃ arahantesu dhammikā rakkhāvaraṇagutti susaṃvihitā bhavissati – ‘kinti anāgatā ca arahanto vijitaṃ āgaccheyyuṃ, āgatā ca arahanto vijite phāsuṃ vihareyyu’nti; vuddhiyeva, licchavī, vajjīnaṃ pāṭikaṅkhā, no parihāni.
已對照

“離車人,只要這七種不衰退法還住立於跋耆人之中,跋耆人還於這七種不衰退法中顯現,離車人,跋耆人便只應期待增長,不會衰退。”第一[經]。

‘‘Yāvakīvañca, licchavī, ime satta aparihāniyā dhammā vajjīsu ṭhassanti [vattissanti (ka.)], imesu ca sattasu aparihāniyesu dhammesu vajjī sandississanti [sandissanti (sī. pī. ka.)]; vuddhiyeva, licchavī, vajjīnaṃ pāṭikaṅkhā, no parihānī’’ti. Paṭhamaṃ.
已對照

二、雨行經

2. Vassakārasuttaṃ
22緬 2.409已對照

二十二、如是我聞——一時,世尊住在王舍城靈鷲山。那時,摩揭陀國王阿闍世·韋提希子(Ajātasattu Vedehiputta)想要出兵征討跋耆人。他這樣說:“我要根絕這些有如此大神力、如此威勢廣大的跋耆人,我要毀滅跋耆人,我要令跋耆人遭受災禍與毀敗。”

22. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Tena kho pana samayena rājā māgadho ajātasattu vedehiputto vajjī abhiyātukāmo hoti. So evamāha – ‘‘ahaṃ hime vajjī evaṃmahiddhike evaṃmahānubhāve ucchecchāmi [ucchejjissāmi (syā.), ucchijjissāmi (ka.)], vajjī vināsessāmi, vajjī anayabyasanaṃ āpādessāmī’’ti [āpādessāmi vajjīti (ka.) dī. ni. 2.131].
PTS 4.18已對照

於是,摩揭陀國王阿闍世·韋提希子對摩揭陀大臣雨行婆羅門(Vassakāra)說:“來,婆羅門,你前往世尊之處;到了之後,以我的名義以頭禮敬世尊雙足,問候[世尊]少病、少惱、起居輕利、有力、安樂而住:‘尊者,摩揭陀國王阿闍世·韋提希子以頭禮敬世尊雙足,問候[世尊]少病、少惱、起居輕利、有力、安樂而住。’並且這樣說:‘尊者,摩揭陀國王阿闍世·韋提希子想要出兵征討跋耆人。他這樣說:“我要根絕這些有如此大神力、如此威勢廣大的跋耆人,我要毀滅跋耆人,我要令跋耆人遭受災禍與毀敗。”’世尊如何為你解答,你要好好領受,回來告訴我。因為諸如來不說虛妄之語。”

Atha kho rājā māgadho ajātasattu vedehiputto vassakāraṃ brāhmaṇaṃ māgadhamahāmattaṃ āmantesi – ‘‘ehi tvaṃ, brāhmaṇa, yena bhagavā tenupasaṅkama; upasaṅkamitvā mama vacanena bhagavato pāde sirasā vandāhi, appābādhaṃ appātaṅkaṃ lahuṭṭhānaṃ balaṃ phāsuvihāraṃ puccha – ‘rājā, bhante, māgadho ajātasattu vedehiputto bhagavato pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchatī’ti. Evañca vadehi – ‘rājā, bhante, māgadho ajātasattu vedehiputto vajjī abhiyātukāmo. So evamāha – ‘ahaṃ hime vajjī evaṃmahiddhike evaṃmahānubhāve ucchecchāmi, vajjī vināsessāmi, vajjī anayabyasanaṃ āpādessāmī’ti. Yathā te bhagavā byākaroti, taṃ sādhukaṃ uggahetvā mama āroceyyāsi. Na hi tathāgatā vitathaṃ bhaṇantī’’ti.
已對照

“是的,大王。”摩揭陀大臣雨行婆羅門應諾摩揭陀國王阿闍世·韋提希子之後,來到世尊之處;到了之後,與世尊互相問候。互相問候、交談了一番愉快而值得憶念的話之後,坐在一旁。坐在一旁的摩揭陀大臣雨行婆羅門對世尊說:“喬達摩尊師,摩揭陀國王阿闍世·韋提希子以頭禮敬喬達摩尊師的雙足,問候[尊師]少病、少惱、起居輕利、有力、安樂而住。喬達摩尊師,摩揭陀國王阿闍世·韋提希子想要出兵征討跋耆人。他這樣說:‘我要根絕這些有如此大神力、如此威勢廣大的跋耆人,我要毀滅跋耆人,我要令跋耆人遭受災禍與毀敗。’”

‘‘Evaṃ, bho’’ti kho vassakāro brāhmaṇo māgadhamahāmatto rañño māgadhassa ajātasattussa vedehiputtassa paṭissutvā yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho vassakāro brāhmaṇo māgadhamahāmatto bhagavantaṃ etadavoca – ‘‘rājā, bho gotama, māgadho ajātasattu vedehiputto bhoto gotamassa pāde sirasā vandati, appābādhaṃ appātaṅkaṃ lahuṭṭhānaṃ balaṃ phāsuvihāraṃ pucchati. Rājā [evañca vadeti rājā (sī. ka.)], bho gotama, māgadho ajātasattu vedehiputto vajjī abhiyātukāmo. So evamāha – ‘ahaṃ hime vajjī evaṃmahiddhike evaṃmahānubhāve ucchecchāmi, vajjī vināsessāmi, vajjī anayabyasanaṃ āpādessāmī’’’ti.
緬 2.410已對照

那時,具壽阿難站在世尊背後為世尊搧風。於是世尊對具壽阿難說:“阿難,你聽說過‘跋耆人時常集會、多集會’嗎?”“尊者,我聽說過——‘跋耆人時常集會、多集會。’”“阿難,只要跋耆人還時常集會、多集會,阿難,跋耆人便只應期待增長,不會衰退。

Tena kho pana samayena āyasmā ānando bhagavato piṭṭhito ṭhito hoti bhagavantaṃ bījayamāno [vījamāno (sī. syā.)]. Atha kho bhagavā āyasmantaṃ ānandaṃ āmantesi – ‘‘kinti te, ānanda, sutaṃ – ‘vajjī abhiṇhaṃ sannipātā sannipātabahulā’’’ti? ‘‘Sutaṃ metaṃ, bhante – ‘vajjī abhiṇhaṃ sannipātā sannipātabahulā’’’ti. ‘‘Yāvakīvañca, ānanda, vajjī abhiṇhaṃ sannipātā bhavissanti sannipātabahulā; vuddhiyeva, ānanda, vajjīnaṃ pāṭikaṅkhā, no parihāni.
PTS 4.19已對照

“阿難,你聽說過‘跋耆人和合而集會、和合而散會、和合而作跋耆應作之事’嗎?”“尊者,我聽說過——‘跋耆人和合而集會、和合而散會、和合而作跋耆應作之事。’”“阿難,只要跋耆人還和合而集會、和合而散會、和合而作跋耆應作之事,阿難,跋耆人便只應期待增長,不會衰退。

‘‘Kinti te, ānanda, sutaṃ – ‘vajjī samaggā sannipatanti, samaggā vuṭṭhahanti, samaggā vajjikaraṇīyāni karontī’’’ti? ‘‘Sutaṃ metaṃ, bhante – ‘vajjī samaggā sannipatanti, samaggā vuṭṭhahanti, samaggā vajjikaraṇīyāni karontī’’’ti. ‘‘Yāvakīvañca, ānanda, vajjī samaggā sannipatissanti, samaggā vuṭṭhahissanti, samaggā vajjikaraṇīyāni karissanti; vuddhiyeva, ānanda, vajjīnaṃ pāṭikaṅkhā, no parihāni.
已對照

“阿難,你聽說過‘跋耆人不制定未制定者,不廢除已制定者,依照已制定的古昔跋耆法而受持奉行’嗎?”“尊者,我聽說過——‘跋耆人不制定未制定者,不廢除已制定者,依照已制定的古昔跋耆法而受持奉行。’”“阿難,只要跋耆人還不制定未制定者,不廢除已制定者,依照已制定的古昔跋耆法而受持奉行,阿難,跋耆人便只應期待增長,不會衰退。

‘‘Kinti te, ānanda, sutaṃ – ‘vajjī apaññattaṃ na paññāpenti, paññattaṃ na samucchindanti, yathāpaññatte porāṇe vajjidhamme samādāya vattantī’’’ti? ‘‘Sutaṃ metaṃ, bhante – ‘vajjī apaññattaṃ na paññāpenti, paññattaṃ na samucchindanti, yathāpaññatte porāṇe vajjidhamme samādāya vattantī’’’ti. ‘‘Yāvakīvañca, ānanda, vajjī apaññattaṃ na paññāpessanti, paññattaṃ na samucchindissanti, yathāpaññatte porāṇe vajjidhamme samādāya vattissanti; vuddhiyeva, ānanda, vajjīnaṃ pāṭikaṅkhā, no parihāni.
已對照

“阿難,你聽說過‘跋耆人對跋耆人中那些跋耆耆老,加以恭敬、尊重、敬重、供養,並且認為應當聽從他們[的話]’嗎?”“尊者,我聽說過——‘跋耆人對跋耆人中那些跋耆耆老,加以恭敬、尊重、敬重、供養,並且認為應當聽從他們[的話]。’”“阿難,只要跋耆人還對跋耆人中那些跋耆耆老加以恭敬、尊重、敬重、供養,並且認為應當聽從他們[的話],阿難,跋耆人便只應期待增長,不會衰退。

‘‘Kinti te, ānanda, sutaṃ – ‘vajjī ye te vajjīnaṃ vajjimahallakā te sakkaronti garuṃ karonti mānenti pūjenti, tesañca sotabbaṃ maññantī’’’ti? ‘‘Sutaṃ metaṃ, bhante – ‘vajjī ye te vajjīnaṃ vajjimahallakā te sakkaronti garuṃ karonti mānenti pūjenti, tesañca sotabbaṃ maññantī’’’ti. ‘‘Yāvakīvañca, ānanda, vajjī ye te vajjīnaṃ vajjimahallakā te sakkarissanti garuṃ karissanti mānessanti pūjessanti, tesañca sotabbaṃ maññissanti; vuddhiyeva, ānanda, vajjīnaṃ pāṭikaṅkhā, no parihāni.
緬 2.411已對照

“阿難,你聽說過‘跋耆人對那些良家婦女、良家少女,不加強擄、強逼而使[她們]同住’嗎?”“尊者,我聽說過——‘跋耆人對那些良家婦女、良家少女,不加強擄、強逼而使[她們]同住。’”“阿難,只要跋耆人還不對那些良家婦女、良家少女加以強擄、強逼而使[她們]同住,阿難,跋耆人便只應期待增長,不會衰退。

‘‘Kinti te, ānanda, sutaṃ – ‘vajjī yā tā kulitthiyo kulakumāriyo tā na okassa pasayha vāsentī’’’ti? ‘‘Sutaṃ metaṃ, bhante – ‘vajjī yā tā kulitthiyo kulakumāriyo tā na okassa pasayha vāsentī’’’ti. ‘‘Yāvakīvañca, ānanda, vajjī yā tā kulitthiyo kulakumāriyo tā na okassa pasayha vāsessanti; vuddhiyeva, ānanda, vajjīnaṃ pāṭikaṅkhā, no parihāni.
PTS 4.20已對照

“阿難,你聽說過‘跋耆人對跋耆人中那些內外的跋耆塔廟,加以恭敬、尊重、敬重、供養,並且不廢止對它們從前所施、從前所作的如法供祭’嗎?”“尊者,我聽說過——‘跋耆人對跋耆人中那些內外的跋耆塔廟,加以恭敬、尊重、敬重、供養,並且不廢止對它們從前所施、從前所作的如法供祭。’”“阿難,只要跋耆人還對跋耆人中那些內外的跋耆塔廟加以恭敬、尊重、敬重、供養,並且不廢止對它們從前所施、從前所作的如法供祭,阿難,跋耆人便只應期待增長,不會衰退。

‘‘Kinti te, ānanda, sutaṃ – ‘vajjī yāni tāni vajjīnaṃ vajjicetiyāni abbhantarāni ceva bāhirāni ca tāni sakkaronti garuṃ karonti mānenti pūjenti, tesañca dinnapubbaṃ katapubbaṃ dhammikaṃ baliṃ no parihāpentī’’’ti? ‘‘Sutaṃ metaṃ, bhante – ‘vajjī yāni tāni vajjīnaṃ vajjicetiyāni abbhantarāni ceva bāhirāni ca tāni sakkaronti garuṃ karonti mānenti pūjenti, tesañca dinnapubbaṃ katapubbaṃ dhammikaṃ baliṃ no parihāpentī’’’ti. ‘‘Yāvakīvañca, ānanda, vajjī yāni tāni vajjīnaṃ vajjicetiyāni abbhantarāni ceva bāhirāni ca tāni sakkarissanti garuṃ karissanti mānessanti pūjessanti, tesañca dinnapubbaṃ katapubbaṃ dhammikaṃ baliṃ no parihāpessanti; vuddhiyeva, ānanda, vajjīnaṃ pāṭikaṅkhā, no parihāni.
已對照

“阿難,你聽說過‘跋耆人對諸阿羅漢備有妥善安排的如法守護、遮護與保衛——“願未來的阿羅漢們能來到境內,已來的阿羅漢們能在境內安樂而住”’嗎?”“尊者,我聽說過——‘跋耆人對諸阿羅漢將會備有妥善安排的如法守護、遮護與保衛——“願未來的阿羅漢們能來到境內,已來的阿羅漢們能在境內安樂而住”。’”“阿難,只要跋耆人對諸阿羅漢還備有妥善安排的如法守護、遮護與保衛,[心想:]‘願未來的阿羅漢們能來到境內,已來的阿羅漢們能在境內安樂而住’——阿難,跋耆人便只應期待增長,不會衰退。”

‘‘Kinti te, ānanda, sutaṃ – ‘vajjīnaṃ arahantesu dhammikā rakkhāvaraṇagutti susaṃvihitā – kinti anāgatā ca arahanto vijitaṃ āgaccheyyuṃ, āgatā ca arahanto vijite phāsuṃ vihareyyu’’’nti? ‘‘Sutaṃ metaṃ, bhante – ‘vajjīnaṃ arahantesu dhammikā rakkhāvaraṇagutti susaṃvihitā bhavissati – kinti anāgatā ca arahanto vijitaṃ āgaccheyyuṃ, āgatā ca arahanto vijite phāsuṃ vihareyyu’’’nti. ‘‘Yāvakīvañca, ānanda, vajjīnaṃ arahantesu dhammikā rakkhāvaraṇagutti susaṃvihitā bhavissati – ‘kinti anāgatā ca arahanto vijitaṃ āgaccheyyuṃ, āgatā ca arahanto vijite phāsuṃ vihareyyu’nti; vuddhiyeva, ānanda, vajjīnaṃ pāṭikaṅkhā, no parihānī’’ti.
已對照

於是,世尊對摩揭陀大臣雨行婆羅門說:“婆羅門,有一次我住在毘舍離的沙蘭達達塔廟。婆羅門,就在那裡,我為跋耆人宣說了這七種不衰退法。婆羅門,只要這七種不衰退法還住立於跋耆人之中,跋耆人還於這七種不衰退法中顯現,婆羅門,跋耆人便只應期待增長,不會衰退。”

Atha kho bhagavā vassakāraṃ brāhmaṇaṃ māgadhamahāmattaṃ āmantesi – ‘‘ekamidāhaṃ, brāhmaṇa, samayaṃ vesāliyaṃ viharāmi sārandade cetiye. Tatrāhaṃ, brāhmaṇa, vajjīnaṃ ime satta aparihāniye dhamme desesiṃ. Yāvakīvañca, brāhmaṇa, ime satta aparihāniyā dhammā vajjīsu ṭhassanti, imesu ca sattasu aparihāniyesu dhammesu vajjī sandississanti; vuddhiyeva, brāhmaṇa, vajjīnaṃ pāṭikaṅkhā, no parihānī’’ti.
PTS 4.21緬 2.412已對照

“喬達摩尊師,跋耆人縱使只具足其中任何一種不衰退法,也只應期待增長,不會衰退,何況具足七種不衰退法呢!喬達摩尊師,摩揭陀國王阿闍世·韋提希子對跋耆人是不可以作戰的,除非以籠絡,除非以離間。喬達摩尊師,那麼我們現在就告辭了,我們事務繁多、要辦的事很多。”“婆羅門,現在正是你認為適時的時候。”於是,摩揭陀大臣雨行婆羅門歡喜、隨喜世尊所說,從座而起,離去了。第二[經]。

‘‘Ekamekenapi [ekamekenapi tena kho (ka.) dī. ni. 2.135] bho, gotama, aparihāniyena dhammena samannāgatānaṃ vajjīnaṃ vuddhiyeva pāṭikaṅkhā, no parihāni; ko pana vādo sattahi aparihāniyehi dhammehi! Akaraṇīyā ca, bho gotama, vajjī raññā māgadhena ajātasattunā vedehiputtena yadidaṃ yuddhassa, aññatra upalāpanāya [upalāpanā (ka. sī. ka.)], aññatra mithubhedā. Handa ca dāni mayaṃ, bho gotama, gacchāma, bahukiccā mayaṃ bahukaraṇīyā’’ti. ‘‘Yassadāni tvaṃ, brāhmaṇa, kālaṃ maññasī’’ti. Atha kho vassakāro brāhmaṇo māgadhamahāmatto bhagavato bhāsitaṃ abhinanditvā anumoditvā uṭṭhāyāsanā pakkāmīti. Dutiyaṃ.
已對照

三、第一七法經

3. Paṭhamasattakasuttaṃ
23已對照

二十三、如是我聞——一時,世尊住在王舍城靈鷲山。在那裡,世尊召喚諸比丘:“諸比丘,我要為你們講說七種不衰退法。你們要諦聽,好好作意,我要說了。”“是的,尊者。”那些比丘應諾世尊。世尊這樣說——

23. Evaṃ me sutaṃ – ekaṃ samayaṃ bhagavā rājagahe viharati gijjhakūṭe pabbate. Tatra kho bhagavā bhikkhū āmantesi – ‘‘satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
已對照

“諸比丘,什麼是七種不衰退法呢?諸比丘,只要比丘們時常集會、多集會,諸比丘,比丘們便只應期待增長,不會衰退。

‘‘Katame ca, bhikkhave, satta aparihāniyā dhammā? Yāvakīvañca, bhikkhave, bhikkhū abhiṇhaṃ sannipātā bhavissanti sannipātabahulā; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們和合而集會、和合而散會、和合而作僧團應作之事,諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū samaggā sannipatissanti, samaggā vuṭṭhahissanti, samaggā saṅghakaraṇīyāni karissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們不制定未制定者,不廢除已制定者,依照已制定的諸學處而受持奉行,諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū apaññattaṃ na paññāpessanti, paññattaṃ na samucchindissanti, yathāpaññattesu sikkhāpadesu samādāya vattissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們對那些長老、閱歷長久(rattaññū)、出家已久、為僧團之父、為僧團導首的比丘們,加以恭敬、尊重、敬重、供養,並且認為應當聽從他們[的話],諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū ye te bhikkhū therā rattaññū cirapabbajitā saṅghapitaro saṅghapariṇāyakā te sakkarissanti garuṃ karissanti mānessanti pūjessanti, tesañca sotabbaṃ maññissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
緬 2.413已對照

“諸比丘,只要比丘們不落入已生起的、導致再有的渴愛的支配,諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū uppannāya taṇhāya ponobhavikāya na vasaṃ gacchissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
PTS 4.22已對照

“諸比丘,只要比丘們對林野住處心存期望,諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū āraññakesu senāsanesu sāpekkhā bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們各自建立起念——‘願未來的善良的同梵行者們能前來,願已來的善良的同梵行者們能安樂而住’——諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū paccattaññeva satiṃ upaṭṭhāpessanti – ‘kinti anāgatā ca pesalā sabrahmacārī āgaccheyyuṃ, āgatā ca pesalā sabrahmacārī phāsuṃ vihareyyu’nti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要這七種不衰退法住立於比丘之中,比丘們於這七種不衰退法中顯現,諸比丘,比丘們便只應期待增長,不會衰退。”第三[經]。

‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Tatiyaṃ.
已對照

四、第二七法經

4. Dutiyasattakasuttaṃ
24已對照

二十四、“諸比丘,我要為你們講說七種不衰退法。你們要諦聽,好好作意……乃至……諸比丘,什麼是七種不衰退法呢?

24. [dī. ni. 2.138] ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā?
已對照

諸比丘,只要比丘們不樂著事務、不喜好事務、不專事於樂著事務,諸比丘,比丘們便只應期待增長,不會衰退。

Yāvakīvañca, bhikkhave, bhikkhū na kammārāmā bhavissanti, na kammaratā, na kammārāmataṃ anuyuttā; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們不樂著閒談……乃至……不樂著睡眠……不樂著聚眾……不懷惡欲、不落入諸惡欲的支配……不結惡友、不為惡伴、不親惡黨……不以少分的殊勝證得而中途止息,諸比丘,比丘們便只應期待增長,不會衰退。

‘‘Yāvakīvañca, bhikkhave, bhikkhū na bhassārāmā bhavissanti…pe… na niddārāmā bhavissanti… na saṅgaṇikārāmā bhavissanti… na pāpicchā bhavissanti na pāpikānaṃ icchānaṃ vasaṃ gatā… na pāpamittā bhavissanti na pāpasahāyā na pāpasampavaṅkā… na oramattakena visesādhigamena antarāvosānaṃ āpajjissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要這七種不衰退法住立於比丘之中,比丘們於這七種不衰退法中顯現,諸比丘,比丘們便只應期待增長,不會衰退。”第四[經]。

‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Catutthaṃ.
已對照

五、第三七法經

5. Tatiyasattakasuttaṃ
25PTS 4.23緬 2.414已對照

二十五、“諸比丘,我要為你們講說七種不衰退法。你們要諦聽,好好作意……乃至……諸比丘,什麼是七種不衰退法呢?諸比丘,只要比丘們有信,諸比丘,比丘們便只應期待增長,不會衰退。

25. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū saddhā bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們有慚……乃至……有愧……多聞……勤發精進……具念……有慧,諸比丘,比丘們便只應期待增長,不會衰退。“諸比丘,只要這七種不衰退法住立於比丘之中,比丘們於這七種不衰退法中顯現,諸比丘,比丘們便只應期待增長,不會衰退。”第五[經]。

‘‘Yāvakīvañca, bhikkhave, bhikkhū hirimanto [hirīmā (sī.), hirimanā (dī. ni. 2.138)] bhavissanti…pe… ottappino [ottāpīno (sī.)] bhavissanti… bahussutā bhavissanti… āraddhavīriyā bhavissanti… satimanto bhavissanti… paññavanto bhavissanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Pañcamaṃ.
已對照

六、覺支經

6. Bojjhaṅgasuttaṃ
26已對照

二十六、“諸比丘,我要為你們講說七種不衰退法。你們要諦聽,好好作意……乃至……諸比丘,什麼是七種不衰退法呢?諸比丘,只要比丘們修習念覺支,諸比丘,比丘們便只應期待增長,不會衰退。

26. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe… katame ca, bhikkhave, satta aparihāniyā dhammā? Yāvakīvañca, bhikkhave, bhikkhū satisambojjhaṅgaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們修習擇法覺支……乃至……修習精進覺支……修習喜覺支……修習輕安覺支……修習定覺支……修習舍覺支,諸比丘,比丘們便只應期待增長,不會衰退。“諸比丘,只要這七種不衰退法住立於比丘之中,比丘們於這七種不衰退法中顯現,諸比丘,比丘們便只應期待增長,不會衰退。”第六[經]。

‘‘Yāvakīvañca, bhikkhave, bhikkhū dhammavicayasambojjhaṅgaṃ bhāvessanti…pe… vīriyasambojjhaṅgaṃ bhāvessanti… pītisambojjhaṅgaṃ bhāvessanti… passaddhisambojjhaṅgaṃ bhāvessanti… samādhisambojjhaṅgaṃ bhāvessanti… upekkhāsambojjhaṅgaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti. Chaṭṭhaṃ.
已對照

七、想經

7. Saññāsuttaṃ
27PTS 4.24緬 2.415已對照

二十七、“諸比丘,我要為你們講說七種不衰退法。你們要諦聽,好好作意……乃至……。諸比丘,什麼是七種不衰退法呢?諸比丘,只要比丘們修習無常想,諸比丘,比丘們便只應期待增長,不會衰退。

27. ‘‘Satta vo, bhikkhave, aparihāniye dhamme desessāmi. Taṃ suṇātha, sādhukaṃ manasi karotha…pe…. Katame ca, bhikkhave, satta aparihāniyā dhammā? Yāvakīvañca, bhikkhave, bhikkhū aniccasaññaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni.
已對照

“諸比丘,只要比丘們修習無我想……乃至……修習不淨想……修習過患想……修習舍斷想……修習離貪想……修習滅想,諸比丘,比丘們便只應期待增長,不會衰退。“諸比丘,只要這七種不衰退法住立於比丘之中,比丘們於這七種不衰退法中顯現,諸比丘,比丘們便只應期待增長,不會衰退。”第七[經]。

‘‘Yāvakīvañca, bhikkhave, bhikkhū anattasaññaṃ bhāvessanti…pe… asubhasaññaṃ bhāvessanti… ādīnavasaññaṃ bhāvessanti… pahānasaññaṃ bhāvessanti… virāgasaññaṃ bhāvessanti… nirodhasaññaṃ bhāvessanti; vuddhiyeva, bhikkhave, bhikkhūnaṃ pāṭikaṅkhā, no parihāni. ‘‘Yāvakīvañca, bhikkhave, ime satta aparihāniyā dhammā bhikkhūsu ṭhassanti, imesu ca sattasu aparihāniyesu dhammesu, bhikkhū sandississanti; vuddhiyeva, bhikkhave, bhikkhūnaṃ pāṭikaṅkhā, no parihānī’’ti [dī. ni. 2.138]. Sattamaṃ.
已對照

八、第一退失經

8. Paṭhamaparihānisuttaṃ
28已對照

二十八、如是我聞——一時,世尊住在舍衛城祇樹林給孤獨園。在那裡,世尊召喚諸比丘:“諸比丘,有這七種法導向有學比丘的退失。哪七種[法]呢?樂著事務、樂著閒談、樂著睡眠、樂著聚眾、於諸根不守護門、於食不知量,然而僧團中有僧團應作之事,於此,有學比丘這樣思察:‘僧團中有閱歷長久、出家已久、擔負重任的長老們,他們會因那[事]而為人所知。’便自己致力於那些[事]。諸比丘,這七種法導向有學比丘的退失。

28. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘sattime, bhikkhave, dhammā sekhassa bhikkhuno parihānāya saṃvattanti. Katame satta? Kammārāmatā, bhassārāmatā, niddārāmatā, saṅgaṇikārāmatā, indriyesu aguttadvāratā, bhojane amattaññutā, santi kho pana saṅghe saṅghakaraṇīyāni; tatra sekho bhikkhu [tatra bhikkhu (sī. syā.)] iti paṭisañcikkhati – ‘santi kho pana saṅghe therā [kho saṃghattherā (ka.)] rattaññū cirapabbajitā bhāravāhino, te [na te (ka.)] tena paññāyissantī’ti attanā tesu yogaṃ [attanā voyogaṃ (sī. syā.)] āpajjati. Ime kho, bhikkhave, satta dhammā sekhassa bhikkhuno parihānāya saṃvattanti.
PTS 4.25已對照

“諸比丘,有這七種法導向有學比丘的不退失。哪七種[法]呢?不樂著事務、不樂著閒談、不樂著睡眠、不樂著聚眾、於諸根守護門、於食知量,然而僧團中有僧團應作之事,於此,有學比丘這樣思察:‘僧團中有閱歷長久、出家已久、擔負重任的長老們,他們會因那[事]而為人所知。’便自己不致力於那些[事]。諸比丘,這七種法導向有學比丘的不退失。”第八[經]。

‘‘Sattime, bhikkhave, dhammā sekhassa bhikkhuno aparihānāya saṃvattanti. Katame satta? Na kammārāmatā, na bhassārāmatā, na niddārāmatā, na saṅgaṇikārāmatā, indriyesu guttadvāratā, bhojane mattaññutā, santi kho pana saṅghe saṅghakaraṇīyāni; tatra sekho bhikkhu iti paṭisañcikkhati – ‘santi kho pana saṅghe therā rattaññū cirapabbajitā bhāravāhino, te tena paññāyissantī’ti attanā na tesu yogaṃ āpajjati. Ime kho, bhikkhave, satta dhammā sekhassa bhikkhuno aparihānāya saṃvattantī’’ti. Aṭṭhamaṃ.
已對照

九、第二退失經

9. Dutiyaparihānisuttaṃ
29緬 2.416已對照

二十九、“諸比丘,有這七種法導向優婆塞的退失。哪七種[法]呢?[他]減少見比丘,放逸於聽聞正法,不於增上戒學習,多不淨信,對長老、新[學]與中[座]諸比丘以詰難之心聽法,尋求缺隙,在此[教法]之外尋求應供者,並且先在那裡作供養。諸比丘,這七種法導向優婆塞的退失。

29. ‘‘Sattime, bhikkhave, dhammā upāsakassa parihānāya saṃvattanti. Katame satta? Bhikkhudassanaṃ hāpeti, saddhammassavanaṃ pamajjati, adhisīle na sikkhati, appasādabahulo hoti, bhikkhūsu theresu ceva navesu ca majjhimesu ca upārambhacitto dhammaṃ suṇāti randhagavesī, ito bahiddhā dakkhiṇeyyaṃ gavesati, tattha ca pubbakāraṃ karoti. Ime kho, bhikkhave, satta dhammā upāsakassa parihānāya saṃvattanti.
已對照

“諸比丘,有這七種法導向優婆塞的不退失。哪七種[法]呢?[他]不減少見比丘,不放逸於聽聞正法,於增上戒學習,多淨信,對長老、新[學]與中[座]諸比丘不以詰難之心聽法,不尋求缺隙,不在此[教法]之外尋求應供者,並且先在此[教法]中作供養。諸比丘,這七種法導向優婆塞的不退失。”世尊說了這[番話]。善逝說了這[番話]之後,導師又接著這樣說:

‘‘Sattime, bhikkhave, dhammā upāsakassa aparihānāya saṃvattanti. Katame satta? Bhikkhudassanaṃ na hāpeti, saddhammassavanaṃ nappamajjati, adhisīle sikkhati, pasādabahulo hoti, bhikkhūsu theresu ceva navesu ca majjhimesu ca anupārambhacitto dhammaṃ suṇāti na randhagavesī, na ito bahiddhā dakkhiṇeyyaṃ gavesati, idha ca pubbakāraṃ karoti. Ime kho, bhikkhave, satta dhammā upāsakassa aparihānāya saṃvattantī’’ti. Idamavoca bhagavā. Idaṃ vatvāna sugato athāparaṃ etadavoca satthā –
PTS 4.26已對照

“若優婆塞減少見自我已修習者,

‘‘Dassanaṃ bhāvitattānaṃ, yo hāpeti upāsako;
已對照

[減少]聽聞諸聖法,不於增上戒學習;

Savanañca ariyadhammānaṃ, adhisīle na sikkhati.
已對照

“他對諸比丘的不淨信,越來越增長;

‘‘Appasādo ca bhikkhūsu, bhiyyo bhiyyo pavaḍḍhati;
已對照

以詰難之心,想要聽正法;

Upārambhakacitto ca, saddhammaṃ sotumicchati.
已對照

“在此[教法]之外,尋求其他應供者;

‘‘Ito ca bahiddhā aññaṃ, dakkhiṇeyyaṃ gavesati;
已對照

凡優婆塞就在那裡先作供養——

Tattheva ca pubbakāraṃ, yo karoti upāsako.
已對照

“這些善說的七種衰退法,

‘‘Ete kho parihāniye, satta dhamme sudesite;
已對照

優婆塞若習行它們,便從正法退失。

Upāsako sevamāno, saddhammā parihāyati.
已對照

“若優婆塞不減少見自我已修習者,

‘‘Dassanaṃ bhāvitattānaṃ, yo na hāpeti upāsako;
已對照

[不減少]聽聞諸聖法,於增上戒學習;

Savanañca ariyadhammānaṃ, adhisīle ca sikkhati.
已對照

“他對諸比丘的淨信,越來越增長;

‘‘Pasādo cassa bhikkhūsu, bhiyyo bhiyyo pavaḍḍhati;
已對照

以無詰難之心,想要聽正法;

Anupārambhacitto ca, saddhammaṃ sotumicchati.
已對照

“不在此[教法]之外,尋求其他應供者;

‘‘Na ito bahiddhā aññaṃ, dakkhiṇeyyaṃ gavesati;
已對照

凡優婆塞就在此[教法]中先作供養——

Idheva ca pubbakāraṃ, yo karoti upāsako.
緬 2.417已對照

“這些善說的七種不衰退法,

‘‘Ete kho aparihāniye, satta dhamme sudesite;
已對照

優婆塞若習行它們,便不從正法退失。”第九[經]。

Upāsako sevamāno, saddhammā na parihāyatī’’ti. navamaṃ;
已對照

十、失壞經

10. Vipattisuttaṃ
30已對照

三十、諸比丘,有這七種優婆塞的失壞……乃至……諸比丘,有這七種優婆塞的具足……乃至……。第十[經]。

30. Sattimā, bhikkhave, upāsakassa vipattiyo…pe… sattimā, bhikkhave, upāsakassa sampadā…pe…. Dasamaṃ.
已對照

十一、敗亡經

11. Parābhavasuttaṃ
31已對照

三十一、“諸比丘,有這七種優婆塞的敗亡……乃至……諸比丘,有這七種優婆塞的興起。哪七種[興起]呢?[他]不減少見比丘,不放逸於聽聞正法,於增上戒學習,多淨信,對長老、新[學]與中[座]諸比丘不以詰難之心聽法,不尋求缺隙,不在此[教法]之外尋求應供者,並且先在此[教法]中作供養。諸比丘,這就是七種優婆塞的興起。

31. ‘‘Sattime, bhikkhave, upāsakassa parābhavā…pe… sattime, bhikkhave, upāsakassa sambhavā. Katame satta? Bhikkhudassanaṃ na hāpeti, saddhammassavanaṃ nappamajjati, adhisīle sikkhati, pasādabahulo hoti, bhikkhūsu theresu ceva navesu ca majjhimesu ca anupārambhacitto dhammaṃ suṇāti na randhagavesī, na ito bahiddhā dakkhiṇeyyaṃ gavesati, idha ca pubbakāraṃ karoti. Ime kho, bhikkhave, satta upāsakassa sambhavāti.
PTS 4.27已對照

“若優婆塞減少見自我已修習者,

‘‘Dassanaṃ bhāvitattānaṃ, yo hāpeti upāsako;
已對照

[減少]聽聞諸聖法,不於增上戒學習;

Savanañca ariyadhammānaṃ, adhisīle na sikkhati.
已對照

“他對諸比丘的不淨信,越來越增長;

‘‘Appasādo ca bhikkhūsu, bhiyyo bhiyyo pavaḍḍhati;
已對照

以詰難之心,想要聽正法;

Upārambhakacitto ca, saddhammaṃ sotumicchati.
已對照

“在此[教法]之外,尋求其他應供者;

‘‘Ito ca bahiddhā aññaṃ, dakkhiṇeyyaṃ gavesati;
已對照

凡優婆塞就在那裡先作供養——

Tattheva ca pubbakāraṃ, yo karoti upāsako.
已對照

“這些善說的七種衰退法,

‘‘Ete kho parihāniye, satta dhamme sudesite;
已對照

優婆塞若習行它們,便從正法退失。

Upāsako sevamāno, saddhammā parihāyati.
已對照

“若優婆塞不減少見自我已修習者,

‘‘Dassanaṃ bhāvitattānaṃ, yo na hāpeti upāsako;
已對照

[不減少]聽聞諸聖法,於增上戒學習;

Savanañca ariyadhammānaṃ, adhisīle ca sikkhati.
已對照

“他對諸比丘的淨信,越來越增長;

‘‘Pasādo cassa bhikkhūsu, bhiyyo bhiyyo pavaḍḍhati;
已對照

以無詰難之心,想要聽正法;

Anupārambhacitto ca, saddhammaṃ sotumicchati.
緬 2.418已對照

“不在此[教法]之外,尋求其他應供者;

‘‘Na ito bahiddhā aññaṃ, dakkhiṇeyyaṃ gavesati;
已對照

凡優婆塞就在此[教法]中先作供養——

Idheva ca pubbakāraṃ, yo karoti upāsako.
已對照

“這些善說的七種不衰退法,

‘‘Ete kho aparihāniye, satta dhamme sudesite;
已對照

優婆塞若習行它們,便不從正法退失。”第十一[經]。

Upāsako sevamāno, saddhammā na parihāyatī’’ti. ekādasamaṃ;
已對照

跋耆七法品第三。

Vajjisattakavaggo [vajjivaggo (syā.)] tatiyo.
已對照

其攝頌——

沙蘭達達、雨行,比丘的三個七法;

覺支、想、兩退失,失壞與敗亡。

Tassuddānaṃ –
Sāranda -vassakāro ca, tisattakāni bhikkhukā;
Bodhisaññā dve ca hāni, vipatti ca parābhavoti.