快樂巴利palinanda.cc

增支部 · 六集·清涼品 Sītivaggo

本經目錄九、清涼品一、清涼性經二、障礙經三、奪命經四、樂聞經五、不捨斷經六、已斷經七、不能經八、第一不能處經九、第二不能處經十、第三不能處經十一、第四不能處經清涼品第九。

已對照

九、清涼品

9. Sītivaggo
已對照

一、清涼性經

1. Sītibhāvasuttaṃ
85已對照

八十五、“諸比丘,具足六種法的比丘,不能作證無上的清涼性。具足哪六種[法]呢?諸比丘,在此,比丘在應抑制心之時不抑制心,在應策勵心之時不策勵心,在應令心歡喜之時不令心歡喜,在應旁觀心之時不旁觀心,並且是意向低劣者、喜好有身者。諸比丘,具足這六種法的比丘,不能作證無上的清涼性。

85. ‘‘Chahi, bhikkhave, dhammehi samannāgato bhikkhu abhabbo anuttaraṃ sītibhāvaṃ sacchikātuṃ. Katamehi chahi [visuddhi. 1.64 ādayo vitthāro]? Idha, bhikkhave, bhikkhu yasmiṃ samaye cittaṃ niggahetabbaṃ tasmiṃ samaye cittaṃ na niggaṇhāti, yasmiṃ samaye cittaṃ paggahetabbaṃ tasmiṃ samaye cittaṃ na paggaṇhāti, yasmiṃ samaye cittaṃ sampahaṃsitabbaṃ tasmiṃ samaye cittaṃ na sampahaṃseti, yasmiṃ samaye cittaṃ ajjhupekkhitabbaṃ tasmiṃ samaye cittaṃ na ajjhupekkhati, hīnādhimuttiko ca hoti, sakkāyābhirato ca. Imehi kho, bhikkhave, chahi dhammehi samannāgato bhikkhu abhabbo anuttaraṃ sītibhāvaṃ sacchikātuṃ.
已對照

“諸比丘,具足六種法的比丘,能作證無上的清涼性。具足哪六種[法]呢?諸比丘,在此,比丘在應抑制心之時抑制心,在應策勵心之時策勵心,在應令心歡喜之時令心歡喜,在應旁觀心之時旁觀心,並且是意向殊勝者、喜好涅槃者。諸比丘,具足這六種法的比丘,能作證無上的清涼性。”第一[經]。

‘‘Chahi, bhikkhave, dhammehi samannāgato bhikkhu bhabbo anuttaraṃ sītibhāvaṃ sacchikātuṃ. Katamehi chahi? Idha, bhikkhave, bhikkhu yasmiṃ samaye cittaṃ niggahetabbaṃ tasmiṃ samaye cittaṃ niggaṇhāti, yasmiṃ samaye cittaṃ paggahetabbaṃ tasmiṃ samaye cittaṃ paggaṇhāti, yasmiṃ samaye cittaṃ sampahaṃsitabbaṃ tasmiṃ samaye cittaṃ sampahaṃseti, yasmiṃ samaye cittaṃ ajjhupekkhitabbaṃ tasmiṃ samaye cittaṃ ajjhupekkhati, paṇītādhimuttiko ca hoti, nibbānābhirato ca. Imehi kho, bhikkhave, chahi dhammehi samannāgato bhikkhu bhabbo anuttaraṃ sītibhāvaṃ sacchikātu’’nti. Paṭhamaṃ.
已對照

二、障礙經

2. Āvaraṇasuttaṃ
86PTS 3.436緬 2.380已對照

八十六、“諸比丘,具足六種法者,即使聽正法,也不能入於決定、[即]於諸善法中的正性。具足哪六種[法]呢?具足業障,具足煩惱障,具足異熟障,並且是無信者、無慾者、劣慧者。諸比丘,具足這六種法者,即使聽正法,也不能入於決定、[即]於諸善法中的正性。

86. ‘‘Chahi, bhikkhave, dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ. Katamehi chahi? Kammāvaraṇatāya samannāgato hoti, kilesāvaraṇatāya samannāgato hoti, vipākāvaraṇatāya samannāgato hoti, assaddho ca hoti, acchandiko ca, duppañño ca. Imehi kho, bhikkhave, chahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.
已對照

“諸比丘,具足六種法而聽正法者,能入於決定、[即]於諸善法中的正性。具足哪六種[法]呢?不具足業障,不具足煩惱障,不具足異熟障,並且是有信者、有欲者、有慧者。諸比丘,具足這六種法而聽正法者,能入於決定、[即]於諸善法中的正性。”第二[經]。

‘‘Chahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi chahi? Na kammāvaraṇatāya samannāgato hoti, na kilesāvaraṇatāya samannāgato hoti, na vipākāvaraṇatāya samannāgato hoti, saddho ca hoti, chandiko ca, paññavā ca. Imehi kho, bhikkhave, chahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti. Dutiyaṃ.
已對照

三、奪命經

3. Voropitasuttaṃ
87已對照

八十七、“諸比丘,具足六種法者,即使聽正法,也不能入於決定、[即]於諸善法中的正性。具足哪六種[法]呢?已奪母之命,已奪父之命,已奪阿羅漢之命,已以噁心使如來出血,已分裂僧團,是劣慧者、愚鈍者、聾啞[般]者。諸比丘,具足這六種法者,即使聽正法,也不能入於決定、[即]於諸善法中的正性。

87. ‘‘Chahi, bhikkhave, dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ. Katamehi chahi? Mātā jīvitā voropitā hoti, pitā jīvitā voropito hoti, arahaṃ [arahā (syā. kaṃ.), arahanto (ka.)] jīvitā voropito hoti, tathāgatassa duṭṭhena cittena lohitaṃ uppāditaṃ hoti, saṅgho bhinno hoti, duppañño hoti jaḷo eḷamūgo. Imehi kho, bhikkhave, chahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.
PTS 3.437緬 2.381已對照

“諸比丘,具足六種法而聽正法者,能入於決定、[即]於諸善法中的正性。具足哪六種[法]呢?未奪母之命,未奪父之命,未奪阿羅漢之命,未以噁心使如來出血,未分裂僧團,是有慧者、不愚鈍者、不聾啞[般]者。諸比丘,具足這六種法而聽正法者,能入於決定、[即]於諸善法中的正性。”第三[經]。

‘‘Chahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi chahi? Na mātā jīvitā voropitā hoti, na pitā jīvitā voropito hoti, na arahaṃ jīvitā voropito hoti, na tathāgatassa duṭṭhena cittena lohitaṃ uppāditaṃ hoti, na saṅgho bhinno hoti, paññavā hoti ajaḷo aneḷamūgo. Imehi kho, bhikkhave, chahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti. Tatiyaṃ.
已對照

四、樂聞經

4. Sussūsatisuttaṃ
88已對照

八十八、“諸比丘,具足六種法者,即使聽正法,也不能入於決定、[即]於諸善法中的正性。具足哪六種[法]呢?當如來所宣說的法與律被宣說時,不願意聽聞,不傾耳,不安立心於了知,執取無益的,捨棄有益的,具足不隨順的認可。諸比丘,具足這六種法者,即使聽正法,也不能入於決定、[即]於諸善法中的正性。

88. ‘‘Chahi, bhikkhave, dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ. Katamehi chahi? Tathāgatappavedite dhammavinaye desiyamāne na sussūsati, na sotaṃ odahati, na aññā cittaṃ upaṭṭhāpeti [upaṭṭhapeti (sī. syā. kaṃ. pī.)], anatthaṃ gaṇhāti, atthaṃ riñcati, ananulomikāya khantiyā samannāgato hoti. Imehi kho, bhikkhave, chahi dhammehi samannāgato suṇantopi saddhammaṃ abhabbo niyāmaṃ okkamituṃ kusalesu dhammesu sammattaṃ.
已對照

“諸比丘,具足六種法而聽正法者,能入於決定、[即]於諸善法中的正性。具足哪六種[法]呢?當如來所宣說的法與律被宣說時,願意聽聞,傾耳,安立心於了知,執取有益的,捨棄無益的,具足隨順的認可。諸比丘,具足這六種法而聽正法者,能入於決定、[即]於諸善法中的正性。”第四[經]。

‘‘Chahi, bhikkhave, dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammattaṃ. Katamehi chahi? Tathāgatappavedite dhammavinaye desiyamāne sussūsati, sotaṃ odahati, aññā cittaṃ upaṭṭhāpeti, atthaṃ gaṇhāti, anatthaṃ riñcati, anulomikāya khantiyā samannāgato hoti. Imehi kho, bhikkhave, chahi dhammehi samannāgato suṇanto saddhammaṃ bhabbo niyāmaṃ okkamituṃ kusalesu dhammesu sammatta’’nti. Catutthaṃ.
已對照

五、不捨斷經

5. Appahāyasuttaṃ
89PTS 3.438已對照

八十九、“諸比丘,不捨斷六種法,就不能作證見具足。哪六種[法]呢?有身見、疑、戒禁取、導向苦界的貪、導向苦界的瞋、導向苦界的痴。諸比丘,不捨斷這六種法,就不能作證見具足。

89. ‘‘Cha, bhikkhave, dhamme appahāya abhabbo diṭṭhisampadaṃ sacchikātuṃ. Katame cha? Sakkāyadiṭṭhiṃ, vicikicchaṃ, sīlabbataparāmāsaṃ, apāyagamanīyaṃ rāgaṃ, apāyagamanīyaṃ dosaṃ, apāyagamanīyaṃ mohaṃ. Ime kho, bhikkhave, cha dhamme appahāya abhabbo diṭṭhisampadaṃ sacchikātuṃ.
已對照

“諸比丘,舍斷六種法,就能作證見具足。哪六種[法]呢?有身見、疑、戒禁取、導向苦界的貪、導向苦界的瞋、導向苦界的痴。諸比丘,舍斷這六種法,就能作證見具足。”第五[經]。

‘‘Cha, bhikkhave, dhamme pahāya bhabbo diṭṭhisampadaṃ sacchikātuṃ. Katame cha? Sakkāyadiṭṭhiṃ, vicikicchaṃ, sīlabbataparāmāsaṃ, apāyagamanīyaṃ rāgaṃ, apāyagamanīyaṃ dosaṃ, apāyagamanīyaṃ mohaṃ. Ime kho, bhikkhave, cha dhamme pahāya bhabbo diṭṭhisampadaṃ sacchikātu’’nti. Pañcamaṃ.
已對照

六、已斷經

6. Pahīnasuttaṃ
90緬 2.382已對照

九十、“諸比丘,有這六種法是具足見的人已斷的。哪六種[法]呢?有身見、疑、戒禁取、導向苦界的貪、導向苦界的瞋、導向苦界的痴。諸比丘,這六種法是具足見的人已斷的。”第六[經]。

90. ‘‘Chayime, bhikkhave, dhammā diṭṭhisampannassa puggalassa pahīnā. Katame cha? Sakkāyadiṭṭhi, vicikicchā, sīlabbataparāmāso, apāyagamanīyo rāgo, apāyagamanīyo doso, apāyagamanīyo moho. Ime kho, bhikkhave, cha dhammā diṭṭhisampannassa puggalassa pahīnā’’ti. Chaṭṭhaṃ.
已對照

七、不能經

7. Abhabbasuttaṃ
91已對照

九十一、“諸比丘,具足見的人不能生起六種法。哪六種[法]呢?有身見、疑、戒禁取、導向苦界的貪、導向苦界的瞋、導向苦界的痴。諸比丘,具足見的人不能生起這六種法。”第七[經]。

91. ‘‘Cha, bhikkhave, dhamme abhabbo diṭṭhisampanno puggalo uppādetuṃ. Katame cha? Sakkāyadiṭṭhiṃ, vicikicchaṃ, sīlabbataparāmāsaṃ, apāyagamanīyaṃ rāgaṃ, apāyagamanīyaṃ dosaṃ, apāyagamanīyaṃ mohaṃ. Ime kho, bhikkhave, cha dhamme abhabbo diṭṭhisampanno puggalo uppādetu’’nti. Sattamaṃ.
已對照

八、第一不能處經

8. Paṭhamaabhabbaṭṭhānasuttaṃ
92PTS 3.439已對照

九十二、“諸比丘,有這六種不能處。哪六種[不能處]呢?具足見的人不能對導師不恭敬、不順從而住,具足見的人不能對法不恭敬、不順從而住,具足見的人不能對僧不恭敬、不順從而住,具足見的人不能對學不恭敬、不順從而住,具足見的人不能回到不應趣近的事,具足見的人不能生起第八有。諸比丘,這就是六種不能處。”第八[經]。

92. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo satthari agāravo viharituṃ appatisso, abhabbo diṭṭhisampanno puggalo dhamme agāravo viharituṃ appatisso, abhabbo diṭṭhisampanno puggalo saṅghe agāravo viharituṃ appatisso, abhabbo diṭṭhisampanno puggalo sikkhāya agāravo viharituṃ appatisso, abhabbo diṭṭhisampanno puggalo anāgamanīyaṃ vatthuṃ paccāgantuṃ, abhabbo diṭṭhisampanno puggalo aṭṭhamaṃ bhavaṃ nibbattetuṃ. Imāni kho, bhikkhave, cha abhabbaṭṭhānānī’’ti. Aṭṭhamaṃ.
已對照

九、第二不能處經

9. Dutiyaabhabbaṭṭhānasuttaṃ
93緬 2.383已對照

九十三、“諸比丘,有這六種不能處。哪六種[不能處]呢?具足見的人不能視任何行為常,具足見的人不能視任何行為樂,具足見的人不能視任何法為我,具足見的人不能造無間業,具足見的人不能回到依吉祥[迷信]的清淨,具足見的人不能在此[教法]之外尋求應供者。諸比丘,這就是六種不能處。”第九[經]。

93. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo kañci [kiñci (ka.) vibha. 809; ma. ni. 3.127] saṅkhāraṃ niccato upagantuṃ, abhabbo diṭṭhisampanno puggalo kañci saṅkhāraṃ sukhato upagantuṃ, abhabbo diṭṭhisampanno puggalo kañci dhammaṃ attato upagantuṃ, abhabbo diṭṭhisampanno puggalo ānantariyaṃ kammaṃ [ānantariyakammaṃ (sī.), anantariyakammaṃ (syā. pī.) a. ni. 4.162 passitabbaṃ] kātuṃ, abhabbo diṭṭhisampanno puggalo kotūhalamaṅgalena suddhiṃ paccāgantuṃ, abhabbo diṭṭhisampanno puggalo ito bahiddhā dakkhiṇeyyaṃ gavesituṃ. Imāni kho, bhikkhave, cha abhabbaṭṭhānānī’’ti. Navamaṃ.
已對照

十、第三不能處經

10. Tatiyaabhabbaṭṭhānasuttaṃ
94已對照

九十四、“諸比丘,有這六種不能處。哪六種[不能處]呢?具足見的人不能奪母之命,具足見的人不能奪父之命,具足見的人不能奪阿羅漢之命,具足見的人不能以噁心使如來出血,具足見的人不能分裂僧團,具足見的人不能另立他師。諸比丘,這就是六種不能處。”第十[經]。

94. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo mātaraṃ jīvitā voropetuṃ, abhabbo diṭṭhisampanno puggalo pitaraṃ jīvitā voropetuṃ, abhabbo diṭṭhisampanno puggalo arahantaṃ jīvitā voropetuṃ, abhabbo diṭṭhisampanno puggalo tathāgatassa duṭṭhena cittena lohitaṃ uppādetuṃ, abhabbo diṭṭhisampanno puggalo saṅghaṃ bhindituṃ, abhabbo diṭṭhisampanno puggalo aññaṃ satthāraṃ uddisituṃ. Imāni kho, bhikkhave, cha abhabbaṭṭhānānī’’ti. Dasamaṃ.
已對照

十一、第四不能處經

11. Catutthaabhabbaṭṭhānasuttaṃ
95PTS 3.440已對照

九十五、“諸比丘,有這六種不能處。哪六種[不能處]呢?具足見的人不能回到苦樂是自作的[見],具足見的人不能回到苦樂是他作的[見],具足見的人不能回到苦樂是自作且他作的[見],具足見的人不能回到苦樂是非自作而無因而生的[見],具足見的人不能回到苦樂是非他作而無因而生的[見],具足見的人不能回到苦樂是非自作且非他作而無因而生的[見]。那是什麼原因呢?諸比丘,因為對具足見的人而言,因已被善見,由因所生的諸法也[已被善見]。諸比丘,這就是六種不能處。”第十一[經]。

95. ‘‘Chayimāni, bhikkhave, abhabbaṭṭhānāni. Katamāni cha? Abhabbo diṭṭhisampanno puggalo sayaṃkataṃ sukhadukkhaṃ paccāgantuṃ, abhabbo diṭṭhisampanno puggalo paraṃkataṃ [parakataṃ (sī. syā.)] sukhadukkhaṃ paccāgantuṃ, abhabbo diṭṭhisampanno puggalo sayaṃkatañca paraṃkatañca sukhadukkhaṃ paccāgantuṃ, abhabbo diṭṭhisampanno puggalo asayaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo aparaṃkāraṃ adhiccasamuppannaṃ sukhadukkhaṃ paccāgantuṃ, abhabbo diṭṭhisampanno puggalo asayaṃkārañca aparaṃkārañca adhiccasamuppannaṃ sukhadukkhaṃ paccāgantuṃ. Taṃ kissa hetu? Tathā hissa, bhikkhave, diṭṭhisampannassa puggalassa hetu ca sudiṭṭho hetusamuppannā ca dhammā. Imāni kho, bhikkhave, cha abhabbaṭṭhānānī’’ti. Ekādasamaṃ.
已對照

清涼品第九。

Sītivaggo navamo. [catuttho (syā. ka.)]
已對照

其攝頌——

清涼性、障礙,奪命、樂聞;

不捨斷、已斷、不能,以及那四[不能]處。

Tassuddānaṃ –
Sītibhāvaṃ āvaraṇaṃ, voropitā sussūsati;
Appahāya pahīnābhabbo, taṭṭhānā caturopi cāti.