快樂巴利palinanda.cc

增支部 · 六集·阿羅漢果品 Arahattavaggo

本經目錄八、阿羅漢果品一、苦經二、阿羅漢果經三、上人法經四、樂與喜悅經五、證得經六、偉大經七、第一地獄經八、第二地獄經九、最上法經十、夜晝經阿羅漢果品第八。

已對照

八、阿羅漢果品

8. Arahattavaggo
已對照

一、苦經

1. Dukkhasuttaṃ
75已對照

七十五、“諸比丘,具足六種法的比丘,就在現法中苦住——有惱害、有惱、有熱惱;且身壞命終之後,惡趣可預期。具足哪六種[法]呢?以欲尋、瞋恚尋、害尋、欲想、瞋恚想、害想——諸比丘,具足這六種法的比丘,就在現法中苦住——有惱害、有惱、有熱惱;且身壞命終之後,惡趣可預期。

75. ‘‘Chahi, bhikkhave, dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ, kāyassa bhedā paraṃ maraṇā duggati pāṭikaṅkhā. Katamehi chahi? Kāmavitakkena, byāpādavitakkena, vihiṃsāvitakkena, kāmasaññāya, byāpādasaññāya, vihiṃsāsaññāya – imehi, kho, bhikkhave, chahi dhammehi samannāgato bhikkhu diṭṭheva dhamme dukkhaṃ viharati savighātaṃ saupāyāsaṃ sapariḷāhaṃ, kāyassa bhedā paraṃ maraṇā duggati pāṭikaṅkhā.
緬 2.375已對照

“諸比丘,具足六種法的比丘,就在現法中樂住——無惱害、無惱、無熱惱;且身壞命終之後,善趣可預期。具足哪六種[法]呢?以出離尋、無瞋恚尋、無害尋、出離想、無瞋恚想、無害想——諸比丘,具足這六種法的比丘,就在現法中樂住——無惱害、無惱、無熱惱;且身壞命終之後,善趣可預期。”第一[經]。

‘‘Chahi, bhikkhave, dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ, kāyassa bhedā paraṃ maraṇā sugati pāṭikaṅkhā. Katamehi chahi? Nekkhammavitakkena, abyāpādavitakkena, avihiṃsāvitakkena, nekkhammasaññāya, abyāpādasaññāya, avihiṃsāsaññāya – imehi, kho, bhikkhave, chahi dhammehi samannāgato bhikkhu diṭṭheva dhamme sukhaṃ viharati avighātaṃ anupāyāsaṃ apariḷāhaṃ, kāyassa bhedā paraṃ maraṇā sugati pāṭikaṅkhā’’ti. Paṭhamaṃ.
已對照

二、阿羅漢果經

2. Arahattasuttaṃ
76PTS 3.430已對照

七十六、“諸比丘,不捨斷六種法,就不能作證阿羅漢[果]。哪六種[法]呢?慢、卑慢、過慢、增上慢、頑固、自卑。諸比丘,不捨斷這六種法,就不能作證阿羅漢[果]。

76. ‘‘Cha, bhikkhave, dhamme appahāya abhabbo arahattaṃ sacchikātuṃ. Katame cha? Mānaṃ, omānaṃ, atimānaṃ, adhimānaṃ, thambhaṃ, atinipātaṃ. Ime kho, bhikkhave, cha dhamme appahāya abhabbo arahattaṃ sacchikātuṃ.
已對照

“諸比丘,舍斷六種法,就能作證阿羅漢[果]。哪六種[法]呢?慢、卑慢、過慢、增上慢、頑固、自卑。諸比丘,舍斷這六種法,就能作證阿羅漢[果]。”第二[經]。

‘‘Cha, bhikkhave, dhamme pahāya bhabbo arahattaṃ sacchikātuṃ. Katame cha? Mānaṃ, omānaṃ, atimānaṃ, adhimānaṃ, thambhaṃ, atinipātaṃ. Ime kho, bhikkhave, cha dhamme pahāya bhabbo arahattaṃ sacchikātu’’nti. Dutiyaṃ.
已對照

三、上人法經

3. Uttarimanussadhammasuttaṃ
77已對照

七十七、“諸比丘,不捨斷六種法,就不能作證上人法、足以為聖的殊勝智見。哪六種[法]呢?失念、不正知、於諸根不守護門、於食不知量、詭詐、虛談。諸比丘,不捨斷這六種法,就不能作證上人法、足以為聖的殊勝智見。

77. ‘‘Cha, bhikkhave, dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme appahāya abhabbo uttarimanussadhammaṃ alamariyañāṇadassanavisesaṃ sacchikātuṃ.
已對照

“諸比丘,舍斷六種法,就能作證上人法、足以為聖的殊勝智見。哪六種[法]呢?失念、不正知、於諸根不守護門、於食不知量、詭詐、虛談。諸比丘,舍斷這六種法,就能作證上人法、足以為聖的殊勝智見。”第三[經]。

‘‘Cha, bhikkhave, dhamme pahāya bhabbo uttarimanussadhammaṃ alamariyañāṇadassanavisesaṃ sacchikātuṃ. Katame cha? Muṭṭhassaccaṃ, asampajaññaṃ, indriyesu aguttadvārataṃ, bhojane amattaññutaṃ, kuhanaṃ, lapanaṃ. Ime kho, bhikkhave, cha dhamme pahāya bhabbo uttarimanussadhammaṃ alamariyañāṇadassanavisesaṃ sacchikātu’’nti. Tatiyaṃ.
已對照

四、樂與喜悅經

4. Sukhasomanassasuttaṃ
78PTS 3.431緬 2.376已對照

七十八、“諸比丘,具足六種法的比丘,就在現法中多有樂與喜悅而住,並且,為了諸漏的滅盡,他的根源已圓滿。具足哪六種[法]呢?諸比丘,在此,比丘樂於法、樂於修習、樂於舍斷、樂於遠離、樂於無惱害、樂於無妄衍。諸比丘,具足這六種法的比丘,就在現法中多有樂與喜悅而住,並且,為了諸漏的滅盡,他的根源已圓滿。”第四[經]。

78. ‘‘Chahi, bhikkhave, dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāya. Katamehi chahi? Idha, bhikkhave, bhikkhu dhammārāmo hoti, bhāvanārāmo hoti, pahānārāmo hoti, pavivekārāmo hoti, abyāpajjhārāmo hoti, nippapañcārāmo hoti. Imehi kho, bhikkhave, chahi dhammehi samannāgato bhikkhu diṭṭheva dhamme sukhasomanassabahulo viharati, yoni cassa āraddhā hoti āsavānaṃ khayāyā’’ti. Catutthaṃ.
已對照

五、證得經

5. Adhigamasuttaṃ
79已對照

七十九、“諸比丘,具足六種法的比丘,不能證得未證得的善法,也不能使已證得的善法增長。具足哪六種[法]呢?諸比丘,在此,比丘不是增益善巧者,不是損減善巧者,不是方便善巧者,不為證得未證得的諸善法而生起欲,不守護已證得的諸善法,不以恆常而作來成辦。諸比丘,具足這六種法的比丘,不能證得未證得的善法,也不能使已證得的善法增長。

79. ‘‘Chahi, bhikkhave, dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ [phātikattuṃ (sī.), phātikātuṃ (syā. kaṃ. pī.)]. Katamehi chahi? Idha, bhikkhave, bhikkhu na āyakusalo ca hoti, na apāyakusalo ca hoti, na upāyakusalo ca hoti, anadhigatānaṃ kusalānaṃ dhammānaṃ adhigamāya na chandaṃ janeti, adhigate kusale dhamme na ārakkhati [sārakkhati (sī. syā. kaṃ. pī)], sātaccakiriyāya na sampādeti. Imehi kho, bhikkhave, chahi dhammehi samannāgato bhikkhu abhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ.
PTS 3.432已對照

“諸比丘,具足六種法的比丘,能證得未證得的善法,也能使已證得的善法增長。具足哪六種[法]呢?諸比丘,在此,比丘是增益善巧者,是損減善巧者,是方便善巧者,為證得未證得的諸善法而生起欲,守護已證得的諸善法,以恆常而作來成辦。諸比丘,具足這六種法的比丘,能證得未證得的善法,也能使已證得的善法增長。”第五[經]。

‘‘Chahi, bhikkhave, dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātuṃ. Katamehi chahi? Idha, bhikkhave, bhikkhu āyakusalo ca hoti, apāyakusalo ca hoti, upāyakusalo ca hoti, anadhigatānaṃ kusalānaṃ dhammānaṃ adhigamāya chandaṃ janeti, adhigate kusale dhamme ārakkhati, sātaccakiriyāya sampādeti. Imehi kho, bhikkhave, chahi dhammehi samannāgato bhikkhu bhabbo anadhigataṃ vā kusalaṃ dhammaṃ adhigantuṃ, adhigataṃ vā kusalaṃ dhammaṃ phātiṃ kātu’’nti. Pañcamaṃ.
已對照

六、偉大經

6. Mahantattasuttaṃ
80已對照

八十、“諸比丘,具足六種法的比丘,不久就於諸法達到偉大、廣大。具足哪六種[法]呢?諸比丘,在此,比丘多[智的]光明、多致力、多欣悅、多不知足,於諸善法不放下[重]擔,並且更向上推進。諸比丘,具足這六種法的比丘,不久就於諸法達到偉大、廣大。”第六[經]。

80. ‘‘Chahi, bhikkhave, dhammehi samannāgato bhikkhu nacirasseva mahantattaṃ [mahattaṃ (syā. kaṃ.)] vepullattaṃ pāpuṇāti dhammesu. Katamehi chahi? Idha, bhikkhave, bhikkhu ālokabahulo ca hoti yogabahulo ca vedabahulo ca asantuṭṭhibahulo ca anikkhittadhuro ca kusalesu dhammesu uttari ca patāreti [pakaroti (ka.)]. Imehi kho, bhikkhave, chahi dhammehi samannāgato bhikkhu nacirasseva mahantattaṃ vepullattaṃ pāpuṇāti dhammesū’’ti. Chaṭṭhaṃ.
已對照

七、第一地獄經

7. Paṭhamanirayasuttaṃ
81緬 2.377已對照

八十一、“諸比丘,具足六種法者,便如被取來放下[一般],就這樣[墮]在地獄中。具足哪六種[法]呢?是殺生者,是取不與者,是欲邪行者,是虛妄語者,並且是惡欲者、邪見者。諸比丘,具足這六種法者,便如被取來放下[一般],就這樣[墮]在地獄中。

81. ‘‘Chahi, bhikkhave, dhammehi samannāgato yathābhataṃ nikkhitto evaṃ niraye. Katamehi chahi? Pāṇātipātī hoti, adinnādāyī hoti, kāmesumicchācārī hoti, musāvādī hoti, pāpiccho ca, micchādiṭṭhi ca. Imehi kho, bhikkhave, chahi dhammehi samannāgato yathābhataṃ nikkhitto evaṃ niraye.
已對照

“諸比丘,具足六種法者,便如被取來放下[一般],就這樣[生]在天界中。具足哪六種[法]呢?遠離殺生,遠離不與取,遠離欲邪行,遠離虛妄語,並且是少欲者、正見者。諸比丘,具足這六種法者,便如被取來放下[一般],就這樣[生]在天界中。”第七[經]。

‘‘Chahi, bhikkhave, dhammehi samannāgato yathābhataṃ nikkhitto evaṃ sagge. Katamehi chahi? Pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, appiccho ca, sammādiṭṭhi ca. Imehi kho, bhikkhave, chahi dhammehi samannāgato yathābhataṃ nikkhitto evaṃ sagge’’ti. Sattamaṃ.
已對照

八、第二地獄經

8. Dutiyanirayasuttaṃ
82PTS 3.433已對照

八十二、“諸比丘,具足六種法者,便如被取來放下[一般],就這樣[墮]在地獄中。具足哪六種[法]呢?是殺生者,是取不與者,是欲邪行者,是虛妄語者,並且是貪婪者、放肆者。諸比丘,具足這六種法者,便如被取來放下[一般],就這樣[墮]在地獄中。

82. ‘‘Chahi, bhikkhave, dhammehi samannāgato yathābhataṃ nikkhitto evaṃ niraye. Katamehi chahi [musāvādī hoti, pisuṇavācā hoti, pharusavāco hoti, samphappalāpī hoti, (sī. syā. pī.) evaṃ sukkapakkhepi]? Pāṇātipātī hoti, adinnādāyī hoti, kāmesumicchācārī hoti, musāvādī hoti [musāvādī hoti, pisuṇavācā hoti, pharusavāco hoti, samphappalāpī hoti, (sī. syā. pī.) evaṃ sukkapakkhepi], luddho ca, pagabbho ca. Imehi kho, bhikkhave, chahi dhammehi samannāgato yathābhataṃ nikkhitto evaṃ niraye.
已對照

“諸比丘,具足六種法者,便如被取來放下[一般],就這樣[生]在天界中。具足哪六種[法]呢?遠離殺生,遠離不與取,遠離欲邪行,遠離虛妄語,並且是不貪婪者、不放肆者。諸比丘,具足這六種法者,便如被取來放下[一般],就這樣[生]在天界中。”第八[經]。

‘‘Chahi, bhikkhave, dhammehi samannāgato yathābhataṃ nikkhitto evaṃ sagge. Katamehi chahi? Pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, aluddho ca, appagabbho ca. Imehi kho bhikkhave chahi dhammehi samannāgato yathābhataṃ nikkhitto evaṃ sagge’’ti. Aṭṭhamaṃ.
已對照

九、最上法經

9. Aggadhammasuttaṃ
83緬 2.378已對照

八十三、“諸比丘,具足六種法的比丘,不能作證最上之法——阿羅漢[果]。具足哪六種[法]呢?諸比丘,在此,比丘是無信者,是無慚者,是無愧者,是懈怠者,是劣慧者,於身與命有所顧戀。諸比丘,具足這六種法的比丘,不能作證最上之法——阿羅漢[果]。

83. ‘‘Chahi, bhikkhave, dhammehi samannāgato bhikkhu abhabbo aggaṃ dhammaṃ arahattaṃ sacchikātuṃ. Katamehi chahi? Idha, bhikkhave, bhikkhu assaddho hoti, ahiriko hoti, anottappī hoti, kusīto hoti, duppañño hoti, kāye ca jīvite ca sāpekkho hoti. Imehi kho, bhikkhave, chahi dhammehi samannāgato bhikkhu abhabbo aggaṃ dhammaṃ arahattaṃ sacchikātuṃ.
PTS 3.434已對照

“諸比丘,具足六種法的比丘,能作證最上之法——阿羅漢[果]。具足哪六種[法]呢?諸比丘,在此,比丘是有信者,是有慚者,是有愧者,是發起精進者,是有慧者,於身與命無所顧戀。諸比丘,具足這六種法的比丘,能作證最上之法——阿羅漢[果]。”第九[經]。

‘‘Chahi, bhikkhave, dhammehi samannāgato bhikkhu bhabbo aggaṃ dhammaṃ arahattaṃ sacchikātuṃ. Katamehi chahi? Idha, bhikkhave, bhikkhu saddho hoti, hirimā hoti, ottappī hoti, āraddhavīriyo hoti, paññavā hoti, kāye ca jīvite ca anapekkho hoti. Imehi kho, bhikkhave, chahi dhammehi samannāgato bhikkhu bhabbo aggaṃ dhammaṃ arahattaṃ sacchikātu’’nti. Navamaṃ.
已對照

十、夜晝經

10. Rattidivasasuttaṃ
84已對照

八十四、“諸比丘,對於具足六種法的比丘,無論夜或晝到來,於諸善法唯可期衰損,而非增長。具足哪六種[法]呢?諸比丘,在此,比丘是大欲者、有惱害者,對隨得的衣、缽食、坐臥處、病緣藥資具不知足,是無信者,是破戒者,是懈怠者,是失念者,是劣慧者。諸比丘,對於具足這六種法的比丘,無論夜或晝到來,於諸善法唯可期衰損,而非增長。

84. ‘‘Chahi, bhikkhave, dhammehi samannāgatassa bhikkhuno yā ratti vā divaso vā āgacchati hāniyeva pāṭikaṅkhā kusalesu dhammesu, no vuddhi. Katamehi chahi? Idha, bhikkhave, bhikkhu mahiccho hoti, vighātavā, asantuṭṭho, itarītaracīvarapiṇḍapātasenāsanagilānappaccayabhesajjaparikkhārena, assaddho hoti, dussīlo hoti, kusīto hoti, muṭṭhassati hoti, duppañño hoti. Imehi kho, bhikkhave, chahi dhammehi samannāgatassa bhikkhuno yā ratti vā divaso vā āgacchati hāniyeva pāṭikaṅkhā kusalesu dhammesu, no vuddhi.
已對照

“諸比丘,對於具足六種法的比丘,無論夜或晝到來,於諸善法唯可期增長,而非退減。具足哪六種[法]呢?諸比丘,在此,比丘不是大欲者、是無惱害者,對隨得的衣、缽食、坐臥處、病緣藥資具知足,是有信者,是具戒者,是發起精進者,是具念者,是有慧者。諸比丘,對於具足這六種法的比丘,無論夜或晝到來,於諸善法唯可期增長,而非退減。”第十[經]。

‘‘Chahi, bhikkhave, dhammehi samannāgatassa bhikkhuno yā ratti vā divaso vā āgacchati vuddhiyeva pāṭikaṅkhā kusalesu dhammesu, no parihāni. Katamehi chahi? Idha, bhikkhave, bhikkhu na mahiccho hoti, avighātavā, santuṭṭho, itarītaracīvarapiṇḍapātasenāsanagilānappaccayabhesajjaparikkhārena, saddho hoti, sīlavā hoti, āraddhavīriyo hoti, satimā hoti, paññavā hoti. Imehi kho, bhikkhave, chahi dhammehi samannāgatassa bhikkhuno yā ratti vā divaso vā āgacchati vuddhiyeva pāṭikaṅkhā, kusalesu dhammesu no parihānī’’ti. Dasamaṃ.
已對照

阿羅漢果品第八。

Arahattavaggo aṭṭhamo. [tatiyo (syā. ka.)]
PTS 3.435緬 2.379已對照

其攝頌——

苦、阿羅漢[果]、上[人法],樂[與喜悅],連同證得;

偉大、兩地獄,最上法與夜[晝]。

Tassuddānaṃ –
Dukkhaṃ arahattaṃ uttari ca, sukhaṃ adhigamena ca;
Mahantattaṃ dvayaṃ niraye [mahattadvayaniraye (syā.)], aggadhammañca rattiyoti.