快樂巴利palinanda.cc

增支部 · 五集·常住比丘品 Āvāsikavaggo

本經目錄(二十四)四、常住比丘品一、常住比丘經二、可愛經三、光彩經四、多助益經五、憐憫經六、第一應受毀謗者經七、第二應受毀謗者經八、第三應受毀謗者經九、第一慳經十、第二慳經常住比丘品第四。

已對照

(二十四)四、常住比丘品

(24) 4. Āvāsikavaggo
已對照

一、常住比丘經

1. Āvāsikasuttaṃ
231已對照

二百三十一、“諸比丘,具足五種法的常住比丘,是不受欽敬的。具足哪五種[法]呢?不具足威儀,不具足義務;不是多聞者,不是憶持所聞者;不是削減[煩惱]者,不是樂於靜坐者;不言語良善,不善於言辭;是劣慧者、愚鈍者、啞昧者。諸比丘,具足這五種法的常住比丘,是不受欽敬的。

231. ‘‘Pañcahi, bhikkhave, dhammehi samannāgato āvāsiko bhikkhu abhāvanīyo hoti. Katamehi pañcahi? Na ākappasampanno hoti na vattasampanno; na bahussuto hoti na sutadharo; na paṭisallekhitā [sallekhitā (ka. sī.)] hoti na paṭisallānārāmo; na kalyāṇavāco hoti na kalyāṇavākkaraṇo; duppañño hoti jaḷo eḷamūgo. Imehi kho, bhikkhave, pañcahi dhammehi samannāgato āvāsiko bhikkhu abhāvanīyo hoti.
PTS 3.262緬 2.229已對照

“諸比丘,具足五種法的常住比丘,是受欽敬的。具足哪五種[法]呢?具足威儀,具足義務;是多聞者,是憶持所聞者;是削減[煩惱]者,是樂於靜坐者;言語良善,善於言辭;是有慧者、不愚鈍者、不啞昧者。諸比丘,具足這五種法的常住比丘,是受欽敬的。”第一[經]。

‘‘Pañcahi, bhikkhave, dhammehi samannāgato āvāsiko bhikkhu bhāvanīyo hoti. Katamehi pañcahi? Ākappasampanno hoti vattasampanno; bahussuto hoti sutadharo; paṭisallekhitā hoti paṭisallānārāmo; kalyāṇavāco hoti kalyāṇavākkaraṇo; paññavā hoti ajaḷo aneḷamūgo. Imehi kho, bhikkhave, pañcahi dhammehi samannāgato āvāsiko bhikkhu bhāvanīyo hotī’’ti. Paṭhamaṃ.
已對照

二、可愛經

2. Piyasuttaṃ
232已對照

二百三十二、“諸比丘,具足五種法的常住比丘,為諸同梵行者所愛、所可意、所尊重、所欽敬。

232. ‘‘Pañcahi, bhikkhave, dhammehi samannāgato āvāsiko bhikkhu sabrahmacārīnaṃ piyo ca hoti manāpo ca garu ca bhāvanīyo ca.
已對照

“具足哪五種[法]呢?具戒,以波羅提木叉律儀防護而住,具足正行與行處,於微細的罪過也見怖畏,受持學處而學習;是多聞者、憶持所聞者、積集所聞者,凡是那些初善、中善、後善的,顯示具足義理與文句的、完全圓滿、遍淨的梵行的法,他對這樣的諸法多聞、憶持、以語熟習、以意隨觀察、以見善通達;言語良善,善於言辭,具足文雅的言語——清晰流利、無有瑕疵,能令人了知義理;是那屬於增上心的、現法樂住的四禪的隨願而得者、不難而得者、豐足而得者;由於諸漏的滅盡,就在現法中自己以證智證知無漏的心解脫、慧解脫,成就並住。諸比丘,具足這五種法的常住比丘,為諸同梵行者所愛、所可意、所尊重、所欽敬。”第二[經]。

‘‘Katamehi pañcahi? Sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā; kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī; āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Imehi kho, bhikkhave, pañcahi dhammehi samannāgato āvāsiko bhikkhu sabrahmacārīnaṃ piyo ca hoti manāpo ca garu ca bhāvanīyo cā’’ti. Dutiyaṃ.
已對照

三、光彩經

3. Sobhanasuttaṃ
233PTS 3.263已對照

二百三十三、“諸比丘,具足五種法的常住比丘,使住處光輝。具足哪五種[法]呢?具戒……乃至……受持學處而學習;是多聞者……乃至……以見善通達;言語良善,善於言辭,具足文雅的言語——清晰流利、無有瑕疵,能令人了知義理;有能力以法語對前來的人開示、勸導、激勵、令歡喜;是那屬於增上心的、現法樂住的四禪的隨願而得者、不難而得者、豐足而得者。諸比丘,具足這五種法的常住比丘,使住處光輝。”第三[經]。

233. ‘‘Pañcahi, bhikkhave, dhammehi samannāgato āvāsiko bhikkhu āvāsaṃ sobheti. Katamehi pañcahi? Sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; kalyāṇavāco hoti kalyāṇavākkaraṇo poriyā vācāya samannāgato vissaṭṭhāya anelagalāya atthassa viññāpaniyā; paṭibalo hoti upasaṅkamante dhammiyā kathāya sandassetuṃ samādapetuṃ samuttejetuṃ sampahaṃsetuṃ; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī. Imehi kho, bhikkhave, pañcahi dhammehi samannāgato āvāsiko bhikkhu āvāsaṃ sobhetī’’ti. Tatiyaṃ.
已對照

四、多助益經

4. Bahūpakārasuttaṃ
234緬 2.230已對照

二百三十四、“諸比丘,具足五種法的常住比丘,對住處多有助益。具足哪五種[法]呢?具戒……乃至……受持學處而學習;是多聞者……乃至……以見善通達;修復破損之處;又,大比丘僧團——來自諸異國的比丘們——到來時,他前往在家人那裡告知:‘賢友們,大比丘僧團——來自諸異國的比丘們——已經到來,請你們作福,[現在]是作福的時機。’是那屬於增上心的、現法樂住的四禪的隨願而得者、不難而得者、豐足而得者。諸比丘,具足這五種法的常住比丘,對住處多有助益。”第四[經]。

234. ‘‘Pañcahi, bhikkhave, dhammehi samannāgato āvāsiko bhikkhu āvāsassa bahūpakāro hoti. Katamehi pañcahi? Sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; khaṇḍaphullaṃ paṭisaṅkharoti; mahā kho pana bhikkhusaṅgho abhikkanto nānāverajjakā bhikkhū gihīnaṃ upasaṅkamitvā āroceti – ‘mahā kho, āvuso, bhikkhusaṅgho abhikkanto nānāverajjakā bhikkhū, karotha puññāni, samayo puññāni kātu’nti; catunnaṃ jhānānaṃ ābhicetasikānaṃ diṭṭhadhammasukhavihārānaṃ nikāmalābhī hoti akicchalābhī akasiralābhī. Imehi kho, bhikkhave, pañcahi dhammehi samannāgato āvāsiko bhikkhu āvāsassa bahūpakāro hotī’’ti. Catutthaṃ.
已對照

五、憐憫經

5. Anukampasuttaṃ
235PTS 3.264已對照

二百三十五、“諸比丘,具足五種法的常住比丘,憐憫在家人。具足哪五種[法]呢?勸導[他們]受持增上戒;令[他們]安住於見法;前往病人那裡,令生起念——‘諸位具壽,請現起趣嚮應受[恭敬]者的念。’又,大比丘僧團——來自諸異國的比丘們——到來時,他前往在家人那裡告知:‘賢友們,大比丘僧團——來自諸異國的比丘們——已經到來,請你們作福,[現在]是作福的時機。’凡他們給他的飲食,無論粗劣或精妙,他都自己受用,不使信施虛墮。諸比丘,具足這五種法的常住比丘,憐憫在家人。”第五[經]。

235. ‘‘Pañcahi, bhikkhave, dhammehi samannāgato āvāsiko bhikkhu gihīnaṃ [gihiṃ (syā.), gihī (katthaci)] anukampati. Katamehi pañcahi? Adhisīle [adhisīlesu (syā.)] samādapeti; dhammadassane niveseti; gilānake upasaṅkamitvā satiṃ uppādeti – ‘arahaggataṃ āyasmanto satiṃ upaṭṭhāpethā’ti; mahā kho pana bhikkhusaṅgho abhikkanto nānāverajjakā bhikkhū gihīnaṃ upasaṅkamitvā āroceti – ‘mahā kho, āvuso, bhikkhusaṅgho abhikkanto nānāverajjakā bhikkhū, karotha puññāni, samayo puññāni kātu’nti; yaṃ kho panassa bhojanaṃ denti lūkhaṃ vā paṇītaṃ vā taṃ attanā paribhuñjati, saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu gihīnaṃ anukampatī’’ti. Pañcamaṃ.
已對照

六、第一應受毀謗者經

6. Paṭhamaavaṇṇārahasuttaṃ
236緬 2.231已對照

二百三十六、“諸比丘,具足五種法的常住比丘,便如被取來放下[一般],就這樣[墮]在地獄中。具足哪五種[法]呢?不審察、不深究,對應受毀謗者說稱讚;不審察、不深究,對應受稱讚者說毀謗;不審察、不深究,於不應生淨信之處顯示淨信;不審察、不深究,於應生淨信之處顯示無淨信;使信施虛墮。諸比丘,具足這五種法的常住比丘,便如被取來放下[一般],就這樣[墮]在地獄中。

236. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati; ananuvicca apariyogāhetvā vaṇṇārahassa avaṇṇaṃ bhāsati; ananuvicca apariyogāhetvā appasādanīye ṭhāne pasādaṃ upadaṃseti; ananuvicca apariyogāhetvā pasādanīye ṭhāne appasādaṃ upadaṃseti; saddhādeyyaṃ vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
已對照

“諸比丘,具足五種法的常住比丘,便如被取來放下[一般],就這樣[生]在天界中。具足哪五種[法]呢?審察、深究之後,對應受毀謗者說毀謗;審察、深究之後,對應受稱讚者說稱讚;審察、深究之後,於不應生淨信之處顯示無淨信;審察、深究之後,於應生淨信之處顯示淨信;不使信施虛墮。諸比丘,具足這五種法的常住比丘,便如被取來放下[一般],就這樣[生]在天界中。”第六[經]。

‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati; anuvicca pariyogāhetvā vaṇṇārahassa vaṇṇaṃ bhāsati; anuvicca pariyogāhetvā appasādanīye ṭhāne appasādaṃ upadaṃseti; anuvicca pariyogāhetvā pasādanīye ṭhāne pasādaṃ upadaṃseti; saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Chaṭṭhaṃ.
已對照

七、第二應受毀謗者經

7. Dutiyaavaṇṇārahasuttaṃ
237PTS 3.265已對照

二百三十七、“諸比丘,具足五種法的常住比丘,便如被取來放下[一般],就這樣[墮]在地獄中。具足哪五種[法]呢?不審察、不深究,對應受毀謗者說稱讚;不審察、不深究,對應受稱讚者說毀謗;是住處慳者、貪求住處者;是家慳者、貪求家者;使信施虛墮。諸比丘,具足這五種法的常住比丘,便如被取來放下[一般],就這樣[墮]在地獄中。

237. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati; ananuvicca apariyogāhetvā vaṇṇārahassa avaṇṇaṃ bhāsati; āvāsamaccharī hoti āvāsapaligedhī; kulamaccharī hoti kulapaligedhī; saddhādeyyaṃ vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
已對照

“諸比丘,具足五種法的常住比丘,便如被取來放下[一般],就這樣[生]在天界中。具足哪五種[法]呢?審察、深究之後,對應受毀謗者說毀謗;審察、深究之後,對應受稱讚者說稱讚;不是住處慳者、不是貪求住處者;不是家慳者、不是貪求家者;不使信施虛墮。諸比丘,具足這五種法的常住比丘,便如被取來放下[一般],就這樣[生]在天界中。”第七[經]。

‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati; anuvicca pariyogāhetvā vaṇṇārahassa vaṇṇaṃ bhāsati; na āvāsamaccharī hoti na āvāsapaligedhī; na kulamaccharī hoti na kulapaligedhī; saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Sattamaṃ.
已對照

八、第三應受毀謗者經

8. Tatiyaavaṇṇārahasuttaṃ
238緬 2.232已對照

二百三十八、“諸比丘,具足五種法的常住比丘,便如被取來放下[一般],就這樣[墮]在地獄中。具足哪五種[法]呢?不審察、不深究,對應受毀謗者說稱讚;不審察、不深究,對應受稱讚者說毀謗;是住處慳者;是家慳者;是利養慳者。諸比丘,具足這五種法的常住比丘,便如被取來放下[一般],就這樣[墮]在地獄中。

238. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Ananuvicca apariyogāhetvā avaṇṇārahassa vaṇṇaṃ bhāsati; ananuvicca apariyogāhetvā vaṇṇārahassa avaṇṇaṃ bhāsati; āvāsamaccharī hoti; kulamaccharī hoti; lābhamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
PTS 3.266已對照

“諸比丘,具足五種法的常住比丘,便如被取來放下[一般],就這樣[生]在天界中。具足哪五種[法]呢?審察、深究之後,對應受毀謗者說毀謗;審察、深究之後,對應受稱讚者說稱讚;不是住處慳者;不是家慳者;不是利養慳者。諸比丘,具足這五種法的常住比丘,便如被取來放下[一般],就這樣[生]在天界中。”第八[經]。

‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Anuvicca pariyogāhetvā avaṇṇārahassa avaṇṇaṃ bhāsati; anuvicca pariyogāhetvā vaṇṇārahassa vaṇṇaṃ bhāsati; na āvāsamaccharī hoti; na kulamaccharī hoti; na lābhamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Aṭṭhamaṃ.
已對照

九、第一慳經

9. Paṭhamamacchariyasuttaṃ
239已對照

二百三十九、“諸比丘,具足五種法的常住比丘,便如被取來放下[一般],就這樣[墮]在地獄中。具足哪五種[法]呢?是住處慳者;是家慳者;是利養慳者;是稱譽慳者;使信施虛墮。諸比丘,具足這五種法的常住比丘,便如被取來放下[一般],就這樣[墮]在地獄中。

239. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Āvāsamaccharī hoti; kulamaccharī hoti; lābhamaccharī hoti; vaṇṇamaccharī [dhammamaccharī (ka.)] hoti; saddhādeyyaṃ vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
已對照

“諸比丘,具足五種法的常住比丘,便如被取來放下[一般],就這樣[生]在天界中。具足哪五種[法]呢?不是住處慳者;不是家慳者;不是利養慳者;不是稱譽慳者;不使信施虛墮。諸比丘,具足這五種法的常住比丘,便如被取來放下[一般],就這樣[生]在天界中。”第九[經]。

‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Na āvāsamaccharī hoti; na kulamaccharī hoti; na lābhamaccharī hoti; na vaṇṇamaccharī hoti; saddhādeyyaṃ na vinipāteti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Navamaṃ.
已對照

十、第二慳經

10. Dutiyamacchariyasuttaṃ
240已對照

二百四十、“諸比丘,具足五種法的常住比丘,便如被取來放下[一般],就這樣[墮]在地獄中。具足哪五種[法]呢?是住處慳者;是家慳者;是利養慳者;是稱譽慳者;是法慳者。諸比丘,具足這五種法的常住比丘,便如被取來放下[一般],就這樣[墮]在地獄中。

240. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Āvāsamaccharī hoti; kulamaccharī hoti; lābhamaccharī hoti; vaṇṇamaccharī hoti; dhammamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
PTS 3.267緬 2.233已對照

“諸比丘,具足五種法的常住比丘,便如被取來放下[一般],就這樣[生]在天界中。具足哪五種[法]呢?不是住處慳者;不是家慳者;不是利養慳者;不是稱譽慳者;不是法慳者。諸比丘,具足這五種法的常住比丘,便如被取來放下[一般],就這樣[生]在天界中。”第十[經]。

‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Na āvāsamaccharī hoti; na kulamaccharī hoti; na lābhamaccharī hoti; na vaṇṇamaccharī hoti; na dhammamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Dasamaṃ.
已對照

常住比丘品第四。

Āvāsikavaggo catuttho.
已對照

其攝頌——

常住比丘、可愛與光彩,

多助益與憐憫者;

三應受毀謗者,

還有兩慳。

Tassuddānaṃ –
Āvāsiko piyo ca sobhano,
Bahūpakāro anukampako ca;
Tayo avaṇṇārahā ceva,
Macchariyā duvepi cāti [yathābhataṃ cāpi avaṇṇagedhā, catukkamacchera pañcamena cāti (sī. syā.) yathābhataṃ avaṇṇañca, catuko macchariyena cāti (ka.)].