快樂巴利palinanda.cc

增支部 · 五集·迦俱陀品 Kakudhavaggo

本經目錄(十)五、迦俱陀品一、第一具足經二、第二具足經三、記說經四、安樂住經五、不動經六、持所聞經七、談論經八、林野住者經九、獅子經十、迦俱陀長老經迦俱陀品第五。第二五十[經]完畢。

已對照

(十)五、迦俱陀品

(10) 5. Kakudhavaggo
已對照

一、第一具足經

1. Paṭhamasampadāsuttaṃ
91已對照

九十一、“諸比丘,有這五種具足。哪五種[具足]呢?信具足、戒具足、聞具足、施捨具足、慧具足——諸比丘,這就是五種具足。”第一[經]。

91. ‘‘Pañcimā, bhikkhave, sampadā. Katamā pañca? Saddhāsampadā, sīlasampadā, sutasampadā, cāgasampadā, paññāsampadā – imā kho, bhikkhave, pañca sampadā’’ti. Paṭhamaṃ.
已對照

二、第二具足經

2. Dutiyasampadāsuttaṃ
92PTS 3.119已對照

九十二、“諸比丘,有這五種具足。哪五種[具足]呢?戒具足、定具足、慧具足、解脫具足、解脫知見具足——諸比丘,這就是五種具足。”第二[經]。

92. ‘‘Pañcimā, bhikkhave, sampadā. Katamā pañca? Sīlasampadā, samādhisampadā, paññāsampadā, vimuttisampadā, vimuttiñāṇadassanasampadā – imā kho, bhikkhave, pañca sampadā’’ti. Dutiyaṃ.
已對照

三、記說經

3. Byākaraṇasuttaṃ
93已對照

九十三、“諸比丘,有這五種究竟智的記說。哪五種[記說]呢?由於遲鈍、由於愚痴而記說究竟智;惡欲、為欲所制而記說究竟智;由於瘋狂、由於心亂而記說究竟智;由於增上慢而記說究竟智;正確地記說究竟智。諸比丘,這就是五種究竟智的記說。”第三[經]。

93. ‘‘Pañcimāni, bhikkhave, aññābyākaraṇāni. Katamāni pañca? Mandattā momūhattā aññaṃ byākaroti; pāpiccho icchāpakato aññaṃ byākaroti; ummādā cittakkhepā aññaṃ byākaroti; adhimānena aññaṃ byākaroti; sammadeva aññaṃ byākaroti. Imāni kho, bhikkhave, pañca aññābyākaraṇānī’’ti. Tatiyaṃ.
已對照

四、安樂住經

4. Phāsuvihārasuttaṃ
94緬 2.105已對照

九十四、“諸比丘,有這五種安樂住。哪五種[安樂住]呢?諸比丘,在此,比丘已離諸欲,離諸不善法,有尋、有伺,離生喜、樂,成就並住於初禪;尋、伺寂止……乃至……第二禪……第三禪……成就並住於第四禪;由於諸漏的滅盡,就在現法中自己以證智證知無漏的心解脫、慧解脫,成就並住。諸比丘,這就是五種安樂住。”第四[經]。

94. ‘‘Pañcime, bhikkhave, phāsuvihārā. Katame pañca? Idha, bhikkhave, bhikkhu vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati; vitakkavicārānaṃ vūpasamā…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati; āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ime kho, bhikkhave, pañca phāsuvihārā’’ti. Catutthaṃ.
已對照

五、不動經

5. Akuppasuttaṃ
95PTS 3.120已對照

九十五、“諸比丘,具足五種法的比丘,不久就通達不動。具足哪五種[法]呢?諸比丘,在此,比丘是已證得義無礙解者,是已證得法無礙解者,是已證得詞無礙解者,是已證得辯無礙解者,省察如[其所]解脫的心。諸比丘,具足這五種法的比丘,不久就通達不動。”第五[經]。

95. ‘‘Pañcahi, bhikkhave, dhammehi samannāgato bhikkhu nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu atthapaṭisambhidāpatto hoti, dhammapaṭisambhidāpatto hoti, niruttipaṭisambhidāpatto hoti, paṭibhānapaṭisambhidāpatto hoti, yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu nacirasseva akuppaṃ paṭivijjhatī’’ti. Pañcamaṃ.
已對照

六、持所聞經

6. Sutadharasuttaṃ
96已對照

九十六、“諸比丘,具足五種法的比丘,習行入出息念,不久就通達不動。具足哪五種[法]呢?諸比丘,在此,比丘少事、少務、易養、於活命資具善知足;少食、致力於不飽食;少睡、勤修警寤;是多聞者、憶持所聞者、積集所聞者,凡是那些初善、中善、後善的,顯示具足義理與文句、完全圓滿、遍淨的梵行的法,他對這樣的諸法多聞、憶持、以語熟習、以意隨觀察、以見善通達;省察如[其所]解脫的心。諸比丘,具足這五種法的比丘,習行入出息念,不久就通達不動。”第六[經]。

96. ‘‘Pañcahi, bhikkhave, dhammehi samannāgato bhikkhu ānāpānassatiṃ āsevanto nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ āsevanto nacirasseva akuppaṃ paṭivijjhatī’’ti. Chaṭṭhaṃ.
已對照

七、談論經

7. Kathāsuttaṃ
97PTS 3.121緬 2.106已對照

九十七、“諸比丘,具足五種法的比丘,修習入出息念,不久就通達不動。具足哪五種[法]呢?諸比丘,在此,比丘少事、少務、易養、於活命資具善知足;少食、致力於不飽食;少睡、勤修警寤;凡是這能削減[煩惱]、有助於心之無障的談論,即:少欲之論……乃至……解脫知見之論,他對這樣的談論是隨願而得者、不難而得者、豐足而得者;省察如[其所]解脫的心。諸比丘,具足這五種法的比丘,修習入出息念,不久就通達不動。”第七[經]。

97. ‘‘Pañcahi, bhikkhave, dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; yāyaṃ kathā ābhisallekhikā cetovivaraṇasappāyā, seyyathidaṃ – appicchakathā…pe… vimuttiñāṇadassanakathā, evarūpiyā kathāya nikāmalābhī hoti akicchalābhī akasiralābhī; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ bhāvento nacirasseva akuppaṃ paṭivijjhatī’’ti. Sattamaṃ.
已對照

八、林野住者經

8. Āraññakasuttaṃ
98已對照

九十八、“諸比丘,具足五種法的比丘,多作入出息念,不久就通達不動。具足哪五種[法]呢?諸比丘,在此,比丘少事、少務、易養、於活命資具善知足;少食、致力於不飽食;少睡、勤修警寤;是林野住者,[住於]邊遠的坐臥處;省察如[其所]解脫的心。諸比丘,具足這五種法的比丘,多作入出息念,不久就通達不動。”第八[經]。

98. ‘‘Pañcahi, bhikkhave, dhammehi samannāgato bhikkhu ānāpānassatiṃ bahulīkaronto nacirasseva akuppaṃ paṭivijjhati. Katamehi pañcahi? Idha, bhikkhave, bhikkhu appaṭṭho hoti appakicco subharo susantoso jīvitaparikkhāresu; appāhāro hoti anodarikattaṃ anuyutto; appamiddho hoti jāgariyaṃ anuyutto; āraññako hoti pantasenāsano; yathāvimuttaṃ cittaṃ paccavekkhati. Imehi kho, bhikkhave, pañcahi dhammehi samannāgato bhikkhu ānāpānassatiṃ bahulīkaronto nacirasseva akuppaṃ paṭivijjhatī’’ti. Aṭṭhamaṃ.
已對照

九、獅子經

9. Sīhasuttaṃ
99PTS 3.122緬 2.107已對照

九十九、“諸比丘,獸王獅子在傍晚時從巢穴出來;從巢穴出來之後,伸展[身體];伸展之後,環顧周遍四方;環顧周遍四方之後,三度作獅子吼;三度作獅子吼之後,前往覓食。它若對象施以一擊,也是恭敬地施以一擊,不是不恭敬地;若對水牛施以一擊,也是恭敬地施以一擊,不是不恭敬地;若對牛施以一擊,也是恭敬地施以一擊,不是不恭敬地;若對豹施以一擊,也是恭敬地施以一擊,不是不恭敬地;若對諸小生類,甚至對兔與貓施以一擊,也是恭敬地施以一擊,不是不恭敬地。這是什麼緣故呢?[它想:]‘願我的訓練之道不致失壞。’

99. ‘‘Sīho, bhikkhave, migarājā sāyanhasamayaṃ āsayā nikkhamati; āsayā nikkhamitvā vijambhati; vijambhitvā samantā catuddisaṃ [catuddisā (syā. kaṃ. pī. ka.) a. ni. 4.33; saṃ. ni. 3.78 passitabbaṃ] anuviloketi; samantā catuddisaṃ [catuddisā (syā. kaṃ. pī. ka.) a. ni. 4.33; saṃ. ni. 3.78 passitabbaṃ] anuviloketvā tikkhattuṃ sīhanādaṃ nadati; tikkhattuṃ sīhanādaṃ naditvā gocarāya pakkamati. So hatthissa cepi pahāraṃ deti, sakkaccaññeva pahāraṃ deti, no asakkaccaṃ; mahiṃsassa [mahisassa (sī. syā. kaṃ. pī.)] cepi pahāraṃ deti, sakkaccaññeva pahāraṃ deti, no asakkaccaṃ; gavassa cepi pahāraṃ deti, sakkaccaññeva pahāraṃ deti, no asakkaccaṃ; dīpissa cepi pahāraṃ deti, sakkaccaññeva pahāraṃ deti, no asakkaccaṃ; khuddakānañcepi pāṇānaṃ pahāraṃ deti antamaso sasabiḷārānampi [sasabiḷārānaṃ (ka.)], sakkaccaññeva pahāraṃ deti, no asakkaccaṃ. Taṃ kissa hetu? ‘Mā me yoggapatho nassā’ti.
已對照

“諸比丘,‘獅子’,這是如來、阿羅漢、正等正覺者的增語。諸比丘,凡如來在眾中說法,這就是他的獅子吼。諸比丘,如來若為諸比丘說法,如來也是恭敬地說法,不是不恭敬地;諸比丘,若為諸比丘尼說法,如來也是恭敬地說法,不是不恭敬地;諸比丘,若為諸優婆塞說法,如來也是恭敬地說法,不是不恭敬地;諸比丘,若為諸優婆夷說法,如來也是恭敬地說法,不是不恭敬地;諸比丘,如來若為諸凡夫說法,甚至為乞者、捕鳥者[說法],如來也是恭敬地說法,不是不恭敬地。這是什麼緣故呢?諸比丘,如來是以法為重者、尊重法者。”第九[經]。

‘‘Sīhoti kho, bhikkhave, tathāgatassetaṃ adhivacanaṃ arahato sammāsambuddhassa. Yaṃ kho, bhikkhave, tathāgato parisāya dhammaṃ deseti, idamassa hoti sīhanādasmiṃ. Bhikkhūnañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; bhikkhunīnañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; upāsakānañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; upāsikānañcepi, bhikkhave, tathāgato dhammaṃ deseti, sakkaccaññeva tathāgato dhammaṃ deseti, no asakkaccaṃ; puthujjanānañcepi, bhikkhave, tathāgato dhammaṃ deseti antamaso annabhāranesādānampi [annabhāranesādānaṃ (ka.)], sakkaccaññeva tathāgato dhammaṃ deseti, no asakkaccaṃ. Taṃ kissa hetu? Dhammagaru, bhikkhave, tathāgato dhammagāravo’’ti. Navamaṃ.
已對照

十、迦俱陀長老經

10. Kakudhatherasuttaṃ
100已對照

一百、如是我聞——一時,世尊住在憍賞彌瞿師羅園。那時,名叫迦俱陀(Kakudha)的拘利子(koliyaputta),是具壽大目犍連的侍者,不久前命終,投生於某一意所成身。他的自體獲得是這樣的:猶如兩三個摩揭陀的村田[那麼大]。他以那自體的獲得,既不惱害自己,也不惱害他人。

100. Evaṃ me sutaṃ – ekaṃ samayaṃ bhagavā kosambiyaṃ viharati ghositārāme. [cūḷava. 333, 341] Tena kho pana samayena kakudho nāma koliyaputto [koḷīyaputto (sī. syā. ka.)] āyasmato mahāmoggallānassa upaṭṭhāko adhunākālaṅkato aññataraṃ manomayaṃ kāyaṃ upapanno. Tassa evarūpo attabhāvapaṭilābho hoti – seyyathāpi nāma dve vā tīṇi vā māgadhakāni [māgadhikāni (sī. pī. ka.)] gāmakkhettāni. So tena attabhāvapaṭilābhena neva attānaṃ [nevattānaṃ byābādheti (sī.)] no paraṃ byābādheti.
PTS 3.123緬 2.108已對照

那時,迦俱陀天子來到具壽大目犍連之處;到了之後,禮敬具壽大目犍連,站在一旁。站在一旁的迦俱陀天子對具壽大目犍連這樣說——“尊者,提婆達多生起了這樣的欲求:‘我要統領比丘僧團。’尊者,隨著那心念的生起,提婆達多便從那神通退失了。”迦俱陀天子說了這話。說了這話之後,禮敬具壽大目犍連,右繞之後,就在那裡隱沒了。

Atha kho kakudho devaputto yenāyasmā mahāmoggallāno tenupasaṅkami; upasaṅkamitvā āyasmantaṃ mahāmoggallānaṃ abhivādetvā ekamantaṃ aṭṭhāsi. Ekamantaṃ ṭhito kho kakudho devaputto āyasmantaṃ mahāmoggallānaṃ etadavoca – ‘‘devadattassa, bhante, evarūpaṃ icchāgataṃ uppajji – ‘ahaṃ bhikkhusaṅghaṃ pariharissāmī’ti. Sahacittuppādā ca, bhante, devadatto tassā iddhiyā parihīno’’ti. Idamavoca kakudho devaputto. Idaṃ vatvā āyasmantaṃ mahāmoggallānaṃ abhivādetvā padakkhiṇaṃ katvā tatthevantaradhāyi.
已對照

那時,具壽大目犍連來到世尊之處;到了之後,禮敬世尊,坐在一旁。坐在一旁的具壽大目犍連對世尊這樣說——

Atha kho āyasmā mahāmoggallāno yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā mahāmoggallāno bhagavantaṃ etadavoca –
已對照

“尊者,名叫迦俱陀的拘利子,是我的侍者,不久前命終,投生於某一意所成身。他的自體獲得是這樣的:猶如兩三個摩揭陀的村田[那麼大]。他以那自體的獲得,既不惱害自己,也不惱害他人。尊者,那時迦俱陀天子來到我之處;到了之後,禮敬我,站在一旁。尊者,站在一旁的迦俱陀天子對我這樣說——‘尊者,提婆達多生起了這樣的欲求:“我要統領比丘僧團。”尊者,隨著那心念的生起,提婆達多便從那神通退失了。’尊者,迦俱陀天子說了這話。說了這話之後,禮敬我,右繞之後,就在那裡隱沒了。”

‘‘Kakudho nāma, bhante, koliyaputto mamaṃ upaṭṭhāko adhunākālaṅkato aññataraṃ manomayaṃ kāyaṃ upapanno hoti. Tassa evarūpo attabhāvapaṭilābho – seyyathāpi nāma dve vā tīṇi vā māgadhakāni gāmakkhettāni. So tena attabhāvapaṭilābhena neva attānaṃ no paraṃ byābādheti. Atha kho, bhante, kakudho devaputto yenāhaṃ tenupasaṅkami; upasaṅkamitvā maṃ abhivādetvā ekamantaṃ aṭṭhāsi. Ekamantaṃ ṭhito kho, bhante, kakudho devaputto maṃ etadavoca – ‘devadattassa, bhante, evarūpaṃ icchāgataṃ uppajji – ahaṃ bhikkhusaṅghaṃ pariharissāmīti. Sahacittuppādā ca, bhante, devadatto tassā iddhiyā parihīno’ti. Idamavoca, bhante, kakudho devaputto. Idaṃ vatvā maṃ abhivādetvā padakkhiṇaṃ katvā tatthevantaradhāyī’’ti.
已對照

“目犍連,迦俱陀天子是否為你以心遍知其心而知曉:‘凡迦俱陀天子所說的任何[話],那一切都正是那樣,不是別樣’?”“尊者,迦俱陀天子是為我以心遍知其心而知曉的:‘凡迦俱陀天子所說的任何[話],那一切都正是那樣,不是別樣。’”“目犍連,守住這話!(目犍連,守住這話!)如今那愚痴人將由他自己顯露他自己。

‘‘Kiṃ pana te, moggallāna, kakudho devaputto cetasā ceto paricca vidito – ‘yaṃ kiñci kakudho devaputto bhāsati sabbaṃ taṃ tatheva hoti, no aññathā’’’ti? ‘‘Cetasā ceto paricca vidito me, bhante, kakudho devaputto – ‘yaṃ kiñci kakudho devaputto bhāsati sabbaṃ taṃ tatheva hoti, no aññathā’’’ti. ‘‘Rakkhassetaṃ, moggallāna, vācaṃ! (Rakkhassetaṃ, moggallāna, vācaṃ) [( ) sī. syā. kaṃ. pī. potthakesu natthi cūḷava. 333 pana sabbatthapi dissatiyeva]! Idāni so moghapuriso attanāva attānaṃ pātukarissati.
PTS 3.124緬 2.109已對照

“目犍連,世間有這五種導師存在、可得。哪五種[導師]呢?目犍連,在此,某位導師戒不清淨,卻自稱‘我是戒清淨者’——‘我的戒清淨、皎潔、無雜染’。弟子們這樣了知他:‘這位尊貴的導師戒不清淨,卻自稱“我是戒清淨者”——“我的戒清淨、皎潔、無雜染”。而若我們告訴諸在家人,那對他便不可意;凡對他不可意的,我們怎能以那[事]對他說呢?而他以衣、缽食、坐臥處、病者所需的醫藥資具[對我們]表示尊重。凡他將作的,他自己就會因那[業]而顯露。’目犍連,弟子們就這樣在戒方面護著這樣的導師;而這樣的導師也期望從弟子們得到戒方面的護持。

‘‘Pañcime, moggallāna, satthāro santo saṃvijjamānā lokasmiṃ. Katame pañca? Idha, moggallāna, ekacco satthā aparisuddhasīlo samāno ‘parisuddhasīlomhī’ti paṭijānāti ‘parisuddhaṃ me sīlaṃ pariyodātaṃ asaṃkiliṭṭha’nti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhasīlo samāno parisuddhasīlomhī’ti paṭijānāti ‘parisuddhaṃ me sīlaṃ pariyodātaṃ asaṃkiliṭṭha’nti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ [kathaṃ nu taṃ (sī.), kathaṃ nu (syā. kaṃ. pī. ka.), kathaṃ taṃ (katthaci)] mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā sīlato rakkhanti; evarūpo ca pana satthā sāvakehi sīlato rakkhaṃ paccāsīsati [paccāsiṃsati (sī. syā. kaṃ. pī.)].
已對照

“再者,目犍連,在此,某位導師活命不清淨,卻自稱‘我是活命清淨者’——‘我的活命清淨、皎潔、無雜染’。弟子們這樣了知他:‘這位尊貴的導師活命不清淨,卻自稱“我是活命清淨者”——“我的活命清淨、皎潔、無雜染”。而若我們告訴諸在家人,那對他便不可意;凡對他不可意的,我們怎能以那[事]對他說呢?而他以衣、缽食、坐臥處、病者所需的醫藥資具[對我們]表示尊重。凡他將作的,他自己就會因那[業]而顯露。’目犍連,弟子們就這樣在活命方面護著這樣的導師;而這樣的導師也期望從弟子們得到活命方面的護持。

‘‘Puna caparaṃ, moggallāna, idhekacco satthā aparisuddhājīvo samāno ‘parisuddhājīvomhī’ti paṭijānāti ‘parisuddho me ājīvo pariyodāto asaṃkiliṭṭho’ti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhājīvo samāno parisuddhājīvomhī’ti paṭijānāti ‘parisuddho me ājīvo pariyodāto asaṃkiliṭṭho’ti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā ājīvato rakkhanti; evarūpo ca pana satthā sāvakehi ājīvato rakkhaṃ paccāsīsati.
PTS 3.125緬 2.110已對照

“再者,目犍連,在此,某位導師說法不清淨,卻自稱‘我是說法清淨者’——‘我的說法清淨、皎潔、無雜染’。弟子們這樣了知他:‘這位尊貴的導師說法不清淨,卻自稱“我是說法清淨者”——“我的說法清淨、皎潔、無雜染”。而若我們告訴諸在家人,那對他便不可意;凡對他不可意的,我們怎能以那[事]對他說呢?而他以衣、缽食、坐臥處、病者所需的醫藥資具[對我們]表示尊重。凡他將作的,他自己就會因那[業]而顯露。’目犍連,弟子們就這樣在說法方面護著這樣的導師;而這樣的導師也期望從弟子們得到說法方面的護持。

‘‘Puna caparaṃ, moggallāna, idhekacco satthā aparisuddhadhammadesano samāno ‘parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṃkiliṭṭhā’ti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhadhammadesano samāno parisuddhadhammadesanomhī’ti paṭijānāti ‘parisuddhā me dhammadesanā pariyodātā asaṃkiliṭṭhā’ti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā dhammadesanato rakkhanti; evarūpo ca pana satthā sāvakehi dhammadesanato rakkhaṃ paccāsīsati.
已對照

“再者,目犍連,在此,某位導師解答不清淨,卻自稱‘我是解答清淨者’——‘我的解答清淨、皎潔、無雜染’。弟子們這樣了知他:‘這位尊貴的導師解答不清淨,卻自稱“我是解答清淨者”——“我的解答清淨、皎潔、無雜染”。而若我們告訴諸在家人,那對他便不可意;凡對他不可意的,我們怎能以那[事]對他說呢?而他以衣、缽食、坐臥處、病者所需的醫藥資具[對我們]表示尊重。凡他將作的,他自己就會因那[業]而顯露。’目犍連,弟子們就這樣在解答方面護著這樣的導師;而這樣的導師也期望從弟子們得到解答方面的護持。

‘‘Puna caparaṃ, moggallāna, idhekacco satthā aparisuddhaveyyākaraṇo samāno ‘parisuddhaveyyākaraṇomhī’ti paṭijānāti ‘parisuddhaṃ me veyyākaraṇaṃ pariyodātaṃ asaṃkiliṭṭha’nti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhaveyyākaraṇo samāno parisuddhaveyyākaraṇomhī’ti paṭijānāti ‘parisuddhaṃ me veyyākaraṇaṃ pariyodātaṃ asaṃkiliṭṭha’nti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā veyyākaraṇato rakkhanti; evarūpo ca pana satthā sāvakehi veyyākaraṇato rakkhaṃ paccāsīsati.
PTS 3.126已對照

“再者,目犍連,在此,某位導師知見不清淨,卻自稱‘我是知見清淨者’——‘我的知見清淨、皎潔、無雜染’。弟子們這樣了知他:‘這位尊貴的導師知見不清淨,卻自稱“我是知見清淨者”——“我的知見清淨、皎潔、無雜染”。而若我們告訴諸在家人,那對他便不可意;凡對他不可意的,我們怎能以那[事]對他說呢?而他以衣、缽食、坐臥處、病者所需的醫藥資具[對我們]表示尊重。凡他將作的,他自己就會因那[業]而顯露。’目犍連,弟子們就這樣在知見方面護著這樣的導師;而這樣的導師也期望從弟子們得到知見方面的護持。目犍連,這就是世間存在、可得的五種導師。

‘‘Puna caparaṃ, moggallāna, idhekacco satthā aparisuddhañāṇadassano samāno ‘parisuddhañāṇadassanomhī’ti paṭijānāti ‘parisuddhaṃ me ñāṇadassanaṃ pariyodātaṃ asaṃkiliṭṭha’nti. Tamenaṃ sāvakā evaṃ jānanti – ‘ayaṃ kho bhavaṃ satthā aparisuddhañāṇadassano samāno parisuddhañāṇadassanomhī’ti paṭijānāti ‘parisuddhaṃ me ñāṇadassanaṃ pariyodātaṃ asaṃkiliṭṭha’nti. Mayañceva kho pana gihīnaṃ āroceyyāma, nāssassa manāpaṃ. Yaṃ kho panassa amanāpaṃ, kathaṃ naṃ mayaṃ tena samudācareyyāma – ‘sammannati kho pana cīvarapiṇḍapātasenāsanagilānappaccayabhesajjaparikkhārena; yaṃ tumo karissati tumova tena paññāyissatī’ti. Evarūpaṃ kho, moggallāna, satthāraṃ sāvakā ñāṇadassanato rakkhanti; evarūpo ca pana satthā sāvakehi ñāṇadassanato rakkhaṃ paccāsīsati. Ime kho, moggallāna, pañca satthāro santo saṃvijjamānā lokasmiṃ.
緬 2.111已對照

“目犍連,而我戒清淨,自稱‘我是戒清淨者’——‘我的戒清淨、皎潔、無雜染’。弟子們不在戒方面護著我,我也不期望從弟子們得到戒方面的護持。活命清淨,自稱‘我是活命清淨者’——‘我的活命清淨、皎潔、無雜染’。弟子們不在活命方面護著我,我也不期望從弟子們得到活命方面的護持。說法清淨,自稱‘我是說法清淨者’——‘我的說法清淨、皎潔、無雜染’。弟子們不在說法方面護著我,我也不期望從弟子們得到說法方面的護持。解答清淨,自稱‘我是解答清淨者’——‘我的解答清淨、皎潔、無雜染’。弟子們不在解答方面護著我,我也不期望從弟子們得到解答方面的護持。知見清淨,自稱‘我是知見清淨者’——‘我的知見清淨、皎潔、無雜染’。弟子們不在知見方面護著我,我也不期望從弟子們得到知見方面的護持。”第十[經]。

‘‘Ahaṃ kho pana, moggallāna, parisuddhasīlo samāno ‘parisuddhasīlomhī’ti paṭijānāmi ‘parisuddhaṃ me sīlaṃ pariyodātaṃ asaṃkiliṭṭha’nti. Na ca maṃ sāvakā sīlato rakkhanti, na cāhaṃ sāvakehi sīlato rakkhaṃ paccāsīsāmi. Parisuddhājīvo samāno ‘parisuddhājīvomhī’ti paṭijānāmi ‘parisuddho me ājīvo pariyodāto asaṃkiliṭṭho’ti. Na ca maṃ sāvakā ājīvato rakkhanti, na cāhaṃ sāvakehi ājīvato rakkhaṃ paccāsīsāmi. Parisuddhadhammadesano samāno ‘parisuddhadhammadesanomhī’ti paṭijānāmi ‘parisuddhā me dhammadesanā pariyodātā asaṃkiliṭṭhā’ti. Na ca maṃ sāvakā dhammadesanato rakkhanti, na cāhaṃ sāvakehi dhammadesanato rakkhaṃ paccāsīsāmi. Parisuddhaveyyākaraṇo samāno ‘parisuddhaveyyākaraṇomhī’ti paṭijānāmi ‘parisuddhaṃ me veyyākaraṇaṃ pariyodātaṃ asaṃkiliṭṭha’nti. Na ca maṃ sāvakā veyyākaraṇato rakkhanti, na cāhaṃ sāvakehi veyyākaraṇato rakkhaṃ paccāsīsāmi. Parisuddhañāṇadassano samāno ‘parisuddhañāṇadassanomhī’ti paṭijānāmi ‘parisuddhaṃ me ñāṇadassanaṃ pariyodātaṃ asaṃkiliṭṭha’nti. Na ca maṃ sāvakā ñāṇadassanato rakkhanti, na cāhaṃ sāvakehi ñāṇadassanato rakkhaṃ paccāsīsāmī’’ti. Dasamaṃ.
已對照

迦俱陀品第五。

Kakudhavaggo pañcamo.
PTS 3.127已對照

其攝頌——

兩具足、記說,安樂、不動為第五;

所聞、談論、林野住者,獅子與迦俱陀為十。

Tassuddānaṃ –
Dve sampadā byākaraṇaṃ, phāsu akuppapañcamaṃ;
Sutaṃ kathā āraññako, sīho ca kakudho dasāti.
已對照

第二五十[經]完畢。

Dutiyapaṇṇāsakaṃ samattaṃ.
3. Tatiyapaṇṇāsakaṃ