快樂巴利palinanda.cc

增支部 · 四集·福潤品 Puññābhisandavaggo

本經目錄二、第二五十[經](六)一、福潤品一、第一福潤經二、第二福潤經三、第一共住經四、第二共住經五、第一同等生活經六、第二同等生活經七、蘇波婆娑經八、須達多經九、飲食經十、在家相應行經福潤品第一。

已對照

二、第二五十[經]

已對照

(六)一、福潤品

(6) 1. Puññābhisandavaggo
已對照

一、第一福潤經

1. Paṭhamapuññābhisandasuttaṃ
51PTS 2.55緬 1.365已對照

五十一、因緣在舍衛城。“諸比丘,有這四種福潤、善潤、樂之食(puññābhisandā kusalābhisandā sukhassāhārā),是有生天之益的、有安樂果報的、導向天界的,導向可喜、可愛、可意、利益與安樂。哪四種[福潤]呢?諸比丘,比丘受用某人的衣時,成就無量的心定而住,那人的福潤、善潤、樂之食便是無量的,是有生天之益的、有安樂果報的、導向天界的,導向可喜、可愛、可意、利益與安樂。

“諸比丘,比丘受用某人的缽食時,成就無量的心定而住,那人的福潤、善潤、樂之食便是無量的,是有生天之益的、有安樂果報的、導向天界的,導向可喜、可愛、可意、利益與安樂。

“諸比丘,比丘受用某人的坐臥處時,成就無量的心定而住,那人的福潤、善潤、樂之食便是無量的,是有生天之益的、有安樂果報的、導向天界的,導向可喜、可愛、可意、利益與安樂。

“諸比丘,比丘受用某人的病者所需的醫藥資具時,成就無量的心定而住,那人的福潤、善潤、樂之食便是無量的,是有生天之益的、有安樂果報的、導向天界的,導向可喜、可愛、可意、利益與安樂。諸比丘,這四種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。

“諸比丘,具足這四種福潤、善潤的聖弟子,其福德的量不易測取——‘福潤、善潤、樂之食有這麼多,是有生天之益的、有安樂果報的、導向天界的,導向可喜、可愛、可意、利益與安樂’;而只被稱為不可數、不可量的大福聚。

“諸比丘,猶如在大海中,水的量不易測取——‘有這麼多鬥水’,或‘有這麼多百鬥水’,或‘有這麼多千鬥水’,或‘有這麼多十萬鬥水’;而只被稱為不可數、不可量的大水聚。同樣,諸比丘,具足這四種福潤、善潤的聖弟子,其福德的量不易測取——‘福潤、善潤、樂之食有這麼多,是有生天之益的、有安樂果報的、導向天界的,導向可喜、可愛、可意、利益與安樂’;而只被稱為不可數、不可量的大福聚。”

“無量的大海、大水域,

多有可怖,是諸勝寶的居處;

猶如成群人眾所依用的諸河,

眾多、流淌著,趨向大海。

“同樣,對施予食物、飲料、衣服,

施予床、座與敷具的人,

福的諸流趨向[這]智者,

猶如運水的諸河[趨向]大海。”第一[經]。

51. Sāvatthinidānaṃ. Cattārome, bhikkhave, puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti. Katame cattāro? Yassa, bhikkhave, bhikkhu cīvaraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
‘‘Yassa, bhikkhave, bhikkhu piṇḍapātaṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
‘‘Yassa, bhikkhave, bhikkhu senāsanaṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
‘‘Yassa, bhikkhave, bhikkhu gilānappaccayabhesajjaparikkhāraṃ paribhuñjamāno appamāṇaṃ cetosamādhiṃ upasampajja viharati, appamāṇo tassa puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Ime kho, bhikkhave, cattāro puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti.
‘‘Imehi ca pana, bhikkhave, catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gahetuṃ [gaṇetuṃ (ka.)] – ‘ettako puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattatī’ti. Atha kho asaṅkhyeyyo [asaṅkheyyo (sī. syā. kaṃ. pī.)] appameyyo mahāpuññakkhandhotveva saṅkhyaṃ [saṅkhaṃ (sī. syā. kaṃ. pī.)] gacchati.
‘‘Seyyathāpi, bhikkhave, mahāsamudde na sukaraṃ udakassa pamāṇaṃ gahetuṃ – ‘ettakāni udakāḷhakānīti vā, ettakāni udakāḷhakasatānīti vā, ettakāni udakāḷhakasahassānīti vā, ettakāni udakāḷhakasatasahassānīti vā’, atha kho asaṅkhyeyyo appameyyo mahāudakakkhandhotveva saṅkhyaṃ gacchati; evamevaṃ kho, bhikkhave, imehi catūhi puññābhisandehi kusalābhisandehi samannāgatassa ariyasāvakassa na sukaraṃ puññassa pamāṇaṃ gahetuṃ – ‘ettako puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattatī’ti. Atha kho asaṅkhyeyyo appameyyo mahāpuññakkhandhotveva saṅkhyaṃ gacchatī’’ti.
‘‘Mahodadhiṃ aparimitaṃ mahāsaraṃ,
Bahubheravaṃ ratanavarānamālayaṃ [ratanagaṇānamālayaṃ (sī. syā. kaṃ. pī.)];
Najjo yathā naragaṇasaṅghasevitā [macchagaṇasaṃghasevitā (syā. kaṃ.)],
Puthū savantī upayanti sāgaraṃ.
‘‘Evaṃ naraṃ annadapānavatthadaṃ [annapānavatthaṃ (ka.)],
Seyyānisajjattharaṇassa dāyakaṃ;
Puññassa dhārā upayanti paṇḍitaṃ,
Najjo yathā vārivahāva sāgara’’nti. paṭhamaṃ;
已對照

二、第二福潤經

2. Dutiyapuññābhisandasuttaṃ
52緬 1.367已對照

五十二、“諸比丘,有這四種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。哪四種[福潤]呢?諸比丘,在此,聖弟子對佛具足不壞淨信——‘那位世尊亦即是阿羅漢、正等正覺者、明行具足、善逝、世間解、無上者、調御丈夫、天人導師、佛陀、世尊。’諸比丘,這是第一種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。

52. ‘‘Cattārome, bhikkhave, puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattanti. Katame cattāro? Idha, bhikkhave, ariyasāvako buddhe aveccappasādena samannāgato hoti – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ti. Ayaṃ, bhikkhave, paṭhamo puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
已對照

“再者,諸比丘,聖弟子對法具足不壞淨信——‘法是世尊所善說的,是現見的、無時的、來見的、引導的、智者應各自證知的。’諸比丘,這是第二種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。

‘‘Puna caparaṃ, bhikkhave, ariyasāvako dhamme aveccappasādena samannāgato hoti – ‘svākkhāto bhagavatā dhammo sandiṭṭhiko akāliko ehipassiko opaneyyiko paccattaṃ veditabbo viññūhī’ti. Ayaṃ, bhikkhave, dutiyo puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
已對照

“再者,諸比丘,聖弟子對僧具足不壞淨信——‘世尊的弟子僧是善行道者,世尊的弟子僧是正直行道者,世尊的弟子僧是如理行道者,世尊的弟子僧是正當行道者,也就是四雙八輩之人——這就是世尊的弟子僧,應供養、應款待、應奉施、應合掌,是世間無上的福田。’諸比丘,這是第三種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。

‘‘Puna caparaṃ, bhikkhave, ariyasāvako saṅghe aveccappasādena samannāgato hoti – ‘suppaṭipanno bhagavato sāvakasaṅgho, ujuppaṭipanno bhagavato sāvakasaṅgho, ñāyappaṭipanno bhagavato sāvakasaṅgho, sāmīcippaṭipanno bhagavato sāvakasaṅgho, yadidaṃ cattāri purisayugāni aṭṭha purisapuggalā, esa bhagavato sāvakasaṅgho āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassā’ti. Ayaṃ, bhikkhave, tatiyo puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati.
PTS 2.57已對照

“再者,諸比丘,聖弟子具足聖者所愛樂的諸戒——無毀、無穿、無斑、無雜、自在、智者所贊、不被執取、導向定。諸比丘,這是第四種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。諸比丘,這四種福潤、善潤、樂之食,是有生天之益的、有安樂果報的、導向天界的,導向可喜、可愛、可意、利益與安樂。”

‘‘Puna caparaṃ, bhikkhave, ariyasāvako ariyakantehi sīlehi samannāgato hoti akhaṇḍehi acchiddehi asabalehi akammāsehi bhujissehi viññuppasatthehi aparāmaṭṭhehi samādhisaṃvattanikehi. Ayaṃ, bhikkhave, catuttho puññābhisando kusalābhisando sukhassāhāro sovaggiko sukhavipāko saggasaṃvattaniko iṭṭhāya kantāya manāpāya hitāya sukhāya saṃvattati. Ime kho, bhikkhave, cattāro puññābhisandā kusalābhisandā sukhassāhārā sovaggikā sukhavipākā saggasaṃvattanikā iṭṭhāya kantāya manāpāya hitāya sukhāya saṃvattantī’’ti.
緬 1.368已對照

“凡對如來有信,不動搖、善安立,

[a. ni. 5.47] ‘‘Yassa saddhā tathāgate, acalā suppatiṭṭhitā;
已對照

凡有善戒,為聖者所愛樂、所稱讚。

Sīlañca yassa kalyāṇaṃ, ariyakantaṃ pasaṃsitaṃ.
已對照

“凡對僧團有淨信,且見已正直,

‘‘Saṅghe pasādo yassatthi, ujubhūtañca dassanaṃ;
已對照

人們稱他為‘不貧窮者’,他的生命不空過。

Adaliddoti taṃ āhu, amoghaṃ tassa jīvitaṃ.
已對照

“所以,信與戒,淨信與見法;

‘‘Tasmā saddhañca sīlañca, pasādaṃ dhammadassanaṃ;
已對照

賢明者應當致力,憶念諸佛的教法。”第二[經]。

Anuyuñjetha medhāvī, saraṃ buddhāna sāsana’’nti. dutiyaṃ;
已對照

三、第一共住經

3. Paṭhamasaṃvāsasuttaṃ
53已對照

五十三、一時,世尊走在摩偷羅(Madhurā)與毗蘭若(Verañjā)之間的大道上。眾多居士與居士婦也走在摩偷羅與毗蘭若之間的大道上。那時,世尊從道路走下,坐在某棵樹下。居士們與居士婦們看見世尊坐在某棵樹下。看見之後,來到世尊之處;到了之後,禮敬世尊,坐在一旁。世尊對坐在一旁的那些居士與居士婦這樣說——

53. Ekaṃ samayaṃ bhagavā antarā ca madhuraṃ antarā ca verañjaṃ addhānamaggappaṭipanno hoti. Sambahulāpi kho gahapatī ca gahapatāniyo ca antarā ca madhuraṃ antarā ca verañjaṃ addhānamaggappaṭipannā honti. Atha kho bhagavā maggā okkamma aññatarasmiṃ rukkhamūle ( ) [(paññatte āsane) (pī. ka.)] nisīdi. Addasaṃsu kho gahapatī ca gahapatāniyo ca bhagavantaṃ aññatarasmiṃ rukkhamūle nisinnaṃ. Disvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinne kho te gahapatī ca gahapatāniyo ca bhagavā etadavoca –
已對照

“居士們,有這四種共住。哪四種[共住]呢?死屍與死屍共住,死屍與女天共住,天與死屍共住,天與女天共住。

‘‘Cattārome, gahapatayo, saṃvāsā. Katame cattāro? Chavo chavāya saddhiṃ saṃvasati, chavo deviyā saddhiṃ saṃvasati, devo chavāya saddhiṃ saṃvasati, devo deviyā saddhiṃ saṃvasati.
PTS 2.58已對照

“居士們,死屍怎樣與死屍共住呢?居士們,在此,丈夫是殺生者、取不與者、欲邪行者、虛妄語者、住於谷酒、花果酒[等]酒類之放逸者,是破戒者、有惡法者,以被慳垢所纏的心居家,是辱罵、謾罵沙門婆羅門者;他的妻子也是殺生者、取不與者、欲邪行者、虛妄語者、住於谷酒、花果酒[等]酒類之放逸者,是破戒者、有惡法者,以被慳垢所纏的心居家,是辱罵、謾罵沙門婆羅門者。居士們,死屍就是這樣與死屍共住。

‘‘Kathañca, gahapatayo, chavo chavāya saddhiṃ saṃvasati? Idha, gahapatayo, sāmiko hoti pāṇātipātī adinnādāyī kāmesumicchācārī musāvādī surāmerayamajjapamādaṭṭhāyī dussīlo pāpadhammo maccheramalapariyuṭṭhitena cetasā agāraṃ ajjhāvasati akkosakaparibhāsako samaṇabrāhmaṇānaṃ; bhariyāpissa hoti pāṇātipātinī adinnādāyinī kāmesumicchācārinī musāvādinī surāmerayamajjapamādaṭṭhāyinī dussīlā pāpadhammā maccheramalapariyuṭṭhitena cetasā agāraṃ ajjhāvasati akkosikaparibhāsikā samaṇabrāhmaṇānaṃ. Evaṃ kho, gahapatayo, chavo chavāya saddhiṃ saṃvasati.
緬 1.369已對照

“居士們,死屍怎樣與女天共住呢?居士們,在此,丈夫是殺生者、取不與者、欲邪行者、虛妄語者、住於谷酒、花果酒[等]酒類之放逸者,是破戒者、有惡法者,以被慳垢所纏的心居家,是辱罵、謾罵沙門婆羅門者;而他的妻子遠離殺生、遠離不與取、遠離欲邪行、遠離虛妄語、遠離[導致]放逸之因的谷酒、花果酒[等]酒類,是持戒者、有善法者,以離了慳垢的心居家,是不辱罵、不謾罵沙門婆羅門者。居士們,死屍就是這樣與女天共住。

‘‘Kathañca, gahapatayo, chavo deviyā saddhiṃ saṃvasati? Idha, gahapatayo, sāmiko hoti pāṇātipātī adinnādāyī kāmesumicchācārī musāvādī surāmerayamajjapamādaṭṭhāyī dussīlo pāpadhammo maccheramalapariyuṭṭhitena cetasā agāraṃ ajjhāvasati akkosakaparibhāsako samaṇabrāhmaṇānaṃ; bhariyā khvassa hoti pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā surāmerayamajjapamādaṭṭhānā paṭiviratā sīlavatī kalyāṇadhammā vigatamalamaccherena cetasā agāraṃ ajjhāvasati anakkosikaparibhāsikā samaṇabrāhmaṇānaṃ. Evaṃ kho, gahapatayo, chavo deviyā saddhiṃ saṃvasati.
已對照

“居士們,天怎樣與死屍共住呢?居士們,在此,丈夫遠離殺生、遠離不與取、遠離欲邪行、遠離虛妄語、遠離[導致]放逸之因的谷酒、花果酒[等]酒類,是持戒者、有善法者,以離了慳垢的心居家,是不辱罵、不謾罵沙門婆羅門者;而他的妻子是殺生者……乃至……住於谷酒、花果酒[等]酒類之放逸者,是破戒者、有惡法者,以被慳垢所纏的心居家,是辱罵、謾罵沙門婆羅門者。居士們,天就是這樣與死屍共住。

‘‘Kathañca, gahapatayo, devo chavāya saddhiṃ saṃvasati? Idha, gahapatayo, sāmiko hoti pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato surāmerayamajjapamādaṭṭhānā paṭivirato sīlavā kalyāṇadhammo vigatamalamaccherena cetasā agāraṃ ajjhāvasati anakkosakaparibhāsako samaṇabrāhmaṇānaṃ; bhariyā khvassa hoti pāṇātipātinī…pe… surāmerayamajjapamādaṭṭhāyinī dussīlā pāpadhammā maccheramalapariyuṭṭhitena cetasā agāraṃ ajjhāvasati akkosikaparibhāsikā samaṇabrāhmaṇānaṃ. Evaṃ kho, gahapatayo, devo chavāya saddhiṃ saṃvasati.
PTS 2.59已對照

“居士們,天怎樣與女天共住呢?居士們,在此,丈夫遠離殺生……乃至……是持戒者、有善法者,以離了慳垢的心居家,是不辱罵、不謾罵沙門婆羅門者;他的妻子也遠離殺生……乃至……遠離[導致]放逸之因的谷酒、花果酒[等]酒類,是持戒者、有善法者,以離了慳垢的心居家,是不辱罵、不謾罵沙門婆羅門者。居士們,天就是這樣與女天共住。居士們,這就是四種共住。”

‘‘Kathañca, gahapatayo, devo deviyā saddhiṃ saṃvasati? Idha, gahapatayo, sāmiko hoti pāṇātipātā paṭivirato…pe… sīlavā kalyāṇadhammo vigatamalamaccherena cetasā agāraṃ ajjhāvasati anakkosakaparibhāsako samaṇabrāhmaṇānaṃ; bhariyāpissa hoti pāṇātipātā paṭiviratā…pe… surāmerayamajjapamādaṭṭhānā paṭiviratā sīlavatī kalyāṇadhammā vigatamalamaccherena cetasā agāraṃ ajjhāvasati anakkosikaparibhāsikā samaṇabrāhmaṇānaṃ. Evaṃ kho, gahapatayo, devo deviyā saddhiṃ saṃvasati. Ime kho, gahapatayo, cattāro saṃvāsā’’ti.
已對照

“兩人都是破戒者,是慳吝者、謾罵者;

‘‘Ubho ca honti dussīlā, kadariyā paribhāsakā;
已對照

那樣的夫妻,是來共住的死屍。

Te honti jānipatayo, chavā saṃvāsamāgatā.
緬 1.370已對照

“丈夫是破戒者,是慳吝者、謾罵者;

‘‘Sāmiko hoti dussīlo, kadariyo paribhāsako;
已對照

妻子是持戒者,寬仁、離慳吝;

Bhariyā sīlavatī hoti, vadaññū vītamaccharā;
已對照

她是女天,與死屍丈夫共住。

Sāpi devī saṃvasati, chavena patinā saha.
已對照

“丈夫是持戒者,寬仁、離慳吝;

‘‘Sāmiko sīlavā hoti, vadaññū vītamaccharo;
已對照

妻子是破戒者,是慳吝者、謾罵者;

Bhariyā hoti dussīlā, kadariyā paribhāsikā;
已對照

她是死屍,與天丈夫共住。

Sāpi chavā saṃvasati, devena patinā saha.
已對照

“兩人都有信、寬仁,自制、依法而活;

‘‘Ubho saddhā vadaññū ca, saññatā dhammajīvino;
已對照

那樣的夫妻,彼此說可愛的話。

Te honti jānipatayo, aññamaññaṃ piyaṃvadā.
已對照

“他們的利益增多,安樂[之住]生起;

‘‘Atthāsaṃ pacurā honti, phāsukaṃ [phāsattaṃ (sī.), vāsatthaṃ (pī.)] upajāyati;
已對照

兩人戒行同等,怨敵心不歡悅。

Amittā dummanā honti, ubhinnaṃ samasīlinaṃ.
已對照

“在此世行了法之後,兩人戒與禁戒同等;

‘‘Idha dhammaṃ caritvāna, samasīlabbatā ubho;
已對照

他們歡喜於天界,隨欲享樂而喜悅。”第三[經]。

Nandino devalokasmiṃ, modanti kāmakāmino’’ti. tatiyaṃ;
已對照

四、第二共住經

4. Dutiyasaṃvāsasuttaṃ
54已對照

五十四、“諸比丘,有這四種共住。哪四種[共住]呢?死屍與死屍共住,死屍與女天共住,天與死屍共住,天與女天共住。

54. ‘‘Cattārome, bhikkhave, saṃvāsā. Katame cattāro? Chavo chavāya saddhiṃ saṃvasati, chavo deviyā saddhiṃ saṃvasati, devo chavāya saddhiṃ saṃvasati, devo deviyā saddhiṃ saṃvasati.
PTS 2.60緬 1.371已對照

“諸比丘,死屍怎樣與死屍共住呢?諸比丘,在此,丈夫是殺生者、取不與者、欲邪行者、虛妄語者、離間語者、粗惡語者、雜穢語者、貪欲者、心已壞損者、邪見者,是破戒者、有惡法者,以被慳垢所纏的心居家,是辱罵、謾罵沙門婆羅門者;他的妻子也是殺生者、取不與者、欲邪行者、虛妄語者、離間語者、粗惡語者、雜穢語者、貪欲者、心已壞損者、邪見者,是破戒者、有惡法者,以被慳垢所纏的心居家,是辱罵、謾罵沙門婆羅門者。諸比丘,死屍就是這樣與死屍共住。

‘‘Kathañca, bhikkhave, chavo chavāya saddhiṃ saṃvasati. Idha, bhikkhave, sāmiko hoti pāṇātipātī adinnādāyī kāmesumicchācārī musāvādī pisuṇavāco pharusavāco samphappalāpī abhijjhālu byāpannacitto micchādiṭṭhiko dussīlo pāpadhammo maccheramalapariyuṭṭhitena cetasā agāraṃ ajjhāvasati akkosakaparibhāsako samaṇabrāhmaṇānaṃ; bhariyāpissa hoti pāṇātipātinī adinnādāyinī kāmesumicchācārinī musāvādinī pisuṇavācā pharusavācā samphappalāpinī abhijjhālunī byāpannacittā micchādiṭṭhikā dussīlā pāpadhammā maccheramalapariyuṭṭhitena cetasā agāraṃ ajjhāvasati akkosikaparibhāsikā samaṇabrāhmaṇānaṃ. Evaṃ kho, bhikkhave, chavo chavāya saddhiṃ saṃvasati.
已對照

“諸比丘,死屍怎樣與女天共住呢?諸比丘,在此,丈夫是殺生者……乃至……邪見者,是破戒者、有惡法者,以被慳垢所纏的心居家,是辱罵、謾罵沙門婆羅門者;而他的妻子遠離殺生、遠離不與取、遠離欲邪行、遠離虛妄語、遠離離間語、遠離粗惡語、遠離雜穢語,是無貪欲者、心無壞損者、正見者,是持戒者、有善法者,以離了慳垢的心居家,是不辱罵、不謾罵沙門婆羅門者。諸比丘,死屍就是這樣與女天共住。

‘‘Kathañca, bhikkhave, chavo deviyā saddhiṃ saṃvasati? Idha, bhikkhave, sāmiko hoti pāṇātipātī…pe… micchādiṭṭhiko dussīlo pāpadhammo maccheramalapariyuṭṭhitena cetasā agāraṃ ajjhāvasati akkosakaparibhāsako samaṇabrāhmaṇānaṃ; bhariyā khvassa hoti pāṇātipātā paṭiviratā adinnādānā paṭiviratā kāmesumicchācārā paṭiviratā musāvādā paṭiviratā pisuṇāya vācāya paṭiviratā pharusāya vācāya paṭiviratā samphappalāpā paṭiviratā anabhijjhālunī abyāpannacittā sammādiṭṭhikā sīlavatī kalyāṇadhammā vigatamalamaccherena cetasā agāraṃ ajjhāvasati anakkosikaparibhāsikā samaṇabrāhmaṇānaṃ. Evaṃ kho, bhikkhave, chavo deviyā saddhiṃ saṃvasati.
已對照

“諸比丘,天怎樣與死屍共住呢?諸比丘,在此,丈夫遠離殺生、遠離不與取、遠離欲邪行、遠離虛妄語、遠離離間語、遠離粗惡語、遠離雜穢語,是無貪欲者、心無壞損者、正見者,是持戒者、有善法者,以離了慳垢的心居家,是不辱罵、不謾罵沙門婆羅門者;而他的妻子是殺生者……乃至……邪見者,是破戒者、有惡法者,以被慳垢所纏的心居家,是辱罵、謾罵沙門婆羅門者。諸比丘,天就是這樣與死屍共住。

‘‘Kathañca, bhikkhave, devo chavāya saddhiṃ saṃvasati? Idha, bhikkhave, sāmiko hoti pāṇātipātā paṭivirato adinnādānā paṭivirato kāmesumicchācārā paṭivirato musāvādā paṭivirato pisuṇāya vācāya paṭivirato pharusāya vācāya paṭivirato samphappalāpā paṭivirato anabhijjhālu abyāpannacitto sammādiṭṭhiko sīlavā kalyāṇadhammo vigatamalamaccherena cetasā agāraṃ ajjhāvasati anakkosakaparibhāsako samaṇabrāhmaṇānaṃ; bhariyā khvassa hoti pāṇātipātinī…pe… micchādiṭṭhikā dussīlā pāpadhammā maccheramalapariyuṭṭhitena cetasā agāraṃ ajjhāvasati akkosikaparibhāsikā samaṇabrāhmaṇānaṃ. Evaṃ kho, bhikkhave, devo chavāya saddhiṃ saṃvasati.
已對照

“諸比丘,天怎樣與女天共住呢?諸比丘,在此,丈夫遠離殺生……乃至……是正見者,是持戒者、有善法者,以離了慳垢的心居家,是不辱罵、不謾罵沙門婆羅門者;他的妻子也遠離殺生……乃至……是正見者,是持戒者、有善法者,以離了慳垢的心居家,是不辱罵、不謾罵沙門婆羅門者。諸比丘,天就是這樣與女天共住。諸比丘,這就是四種共住。”

‘‘Kathañca, bhikkhave, devo deviyā saddhiṃ saṃvasati? Idha, bhikkhave, sāmiko hoti pāṇātipātā paṭivirato…pe… sammādiṭṭhiko sīlavā kalyāṇadhammo vigatamalamaccherena cetasā agāraṃ ajjhāvasati anakkosakaparibhāsako samaṇabrāhmaṇānaṃ; bhariyāpissa hoti pāṇātipātā paṭiviratā…pe… sammādiṭṭhikā sīlavatī kalyāṇadhammā vigatamalamaccherena cetasā agāraṃ ajjhāvasati anakkosikaparibhāsikā samaṇabrāhmaṇānaṃ. Evaṃ kho, bhikkhave, devo deviyā saddhiṃ saṃvasati. Ime kho, bhikkhave, cattāro saṃvāsā’’ti.
已對照

“兩人都是破戒者,是慳吝者、謾罵者;

‘‘Ubho ca honti dussīlā, kadariyā paribhāsakā;
PTS 2.61已對照

那樣的夫妻,是來共住的死屍。

Te honti jānipatayo, chavā saṃvāsamāgatā.
緬 1.372已對照

“丈夫是破戒者,是慳吝者、謾罵者;

‘‘Sāmiko hoti dussīlo, kadariyo paribhāsako;
已對照

妻子是持戒者,寬仁、離慳吝;

Bhariyā sīlavatī hoti, vadaññū vītamaccharā;
已對照

她是女天,與死屍丈夫共住。

Sāpi devī saṃvasati, chavena patinā saha.
已對照

“丈夫是持戒者,寬仁、離慳吝;

‘‘Sāmiko sīlavā hoti, vadaññū vītamaccharo;
已對照

妻子是破戒者,是慳吝者、謾罵者;

Bhariyā hoti dussīlā, kadariyā paribhāsikā;
已對照

她是死屍,與天丈夫共住。

Sāpi chavā saṃvasati, devena patinā saha.
已對照

“兩人都有信、寬仁,自制、依法而活;

‘‘Ubho saddhā vadaññū ca, saññatā dhammajīvino;
已對照

那樣的夫妻,彼此說可愛的話。

Te honti jānipatayo, aññamaññaṃ piyaṃvadā.
已對照

“他們的利益增多,安樂[之住]生起;

‘‘Atthāsaṃ pacurā honti, phāsukaṃ upajāyati;
已對照

兩人戒行同等,怨敵心不歡悅。

Amittā dummanā honti, ubhinnaṃ samasīlinaṃ.
已對照

“在此世行了法之後,兩人戒與禁戒同等;

‘‘Idha dhammaṃ caritvāna, samasīlabbatā ubho;
已對照

他們歡喜於天界,隨欲享樂而喜悅。”第四[經]。

Nandino devalokasmiṃ, modanti kāmakāmino’’ti. catutthaṃ;
已對照

五、第一同等生活經

5. Paṭhamasamajīvīsuttaṃ
55已對照

五十五、如是我聞——一時,世尊住在跋伽[國]中,鱷魚山貝薩迦羅林的鹿野苑。那時,世尊在上午穿好[下衣],取了缽與衣,來到那拘羅父居士(Nakulapitā gahapati)的住處;到了之後,坐在所敷設的座位上。那時,那拘羅父居士與那拘羅母居士婦(Nakulamātā gahapatānī)來到世尊之處;到了之後,禮敬世尊,坐在一旁。坐在一旁的那拘羅父居士對世尊這樣說——

55. Evaṃ me sutaṃ – ekaṃ samayaṃ bhagavā bhaggesu viharati susumāragire [suṃsumāragire (sī. syā. kaṃ. pī.)] bhesakaḷāvane [bhesakalāvane (sī. pī. ka.)] migadāye. Atha kho bhagavā pubbaṇhasamayaṃ nivāsetvā pattacīvaramādāya yena nakulapituno gahapatissa nivesanaṃ tenupasaṅkami; upasaṅkamitvā paññatte āsane nisīdi. Atha kho nakulapitā ca gahapati nakulamātā ca gahapatānī yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinno kho nakulapitā gahapati bhagavantaṃ etadavoca –
緬 1.373已對照

“尊者,自從那拘羅母居士婦以年少之身被娶給年少的我以來,我不記得曾經連在意中對那拘羅母居士婦越軌過,何況以身!尊者,我們願在現法中彼此相見,也願在來世彼此相見。”那拘羅母居士婦也對世尊這樣說——“尊者,自從我以年少之身被娶給年少的那拘羅父居士以來,我不記得曾經連在意中對那拘羅父居士越軌過,何況以身!尊者,我們願在現法中彼此相見,也願在來世彼此相見。”

‘‘Yato me, bhante, nakulamātā gahapatānī daharasseva daharā ānītā, nābhijānāmi nakulamātaraṃ gahapatāniṃ manasāpi aticaritā, kuto pana kāyena! Iccheyyāma mayaṃ, bhante, diṭṭhe ceva dhamme aññamaññaṃ passituṃ abhisamparāyañca aññamaññaṃ passitu’’nti. Nakulamātāpi kho gahapatānī bhagavantaṃ etadavoca – ‘‘yatohaṃ, bhante, nakulapituno gahapatissa daharasseva daharā ānītā, nābhijānāmi nakulapitaraṃ gahapatiṃ manasāpi aticaritā, kuto pana kāyena! Iccheyyāma mayaṃ, bhante, diṭṭhe ceva dhamme aññamaññaṃ passituṃ abhisamparāyañca aññamaññaṃ passitu’’nti.
PTS 2.62已對照

“居士們,如果夫妻兩人都希望在現法中彼此相見,也希望在來世彼此相見,兩人就應當有同等的信、同等的戒、同等的施捨、同等的慧;他們便在現法中彼此相見,也在來世彼此相見。”

‘‘Ākaṅkheyyuṃ ce, gahapatayo, ubho jānipatayo diṭṭhe ceva dhamme aññamaññaṃ passituṃ abhisamparāyañca aññamaññaṃ passituṃ ubhova [ubho ca (sī. pī.)] assu samasaddhā samasīlā samacāgā samapaññā, te diṭṭhe ceva dhamme aññamaññaṃ passanti abhisamparāyañca aññamaññaṃ passantī’’ti [passissantīti (ka.)].
已對照

“兩人都有信、寬仁,自制、依法而活;

‘‘Ubho saddhā vadaññū ca, saññatā dhammajīvino;
已對照

那樣的夫妻,彼此說可愛的話。

Te honti jānipatayo, aññamaññaṃ piyaṃvadā.
已對照

“他們的利益增多,安樂[之住]生起;

‘‘Atthāsaṃ pacurā honti, phāsukaṃ upajāyati;
已對照

兩人戒行同等,怨敵心不歡悅。

Amittā dummanā honti, ubhinnaṃ samasīlinaṃ.
已對照

“在此世行了法之後,兩人戒與禁戒同等;

‘‘Idha dhammaṃ caritvāna, samasīlabbatā ubho;
已對照

他們歡喜於天界,隨欲享樂而喜悅。”第五[經]。

Nandino devalokasmiṃ, modanti kāmakāmino’’ti. pañcamaṃ;
已對照

六、第二同等生活經

6. Dutiyasamajīvīsuttaṃ
56已對照

五十六、“諸比丘,如果夫妻兩人都希望在現法中彼此相見,也希望在來世彼此相見,兩人就應當有同等的信、同等的戒、同等的施捨、同等的慧;他們便在現法中彼此相見,也在來世彼此相見。”

56. ‘‘Ākaṅkheyyuṃ ce, bhikkhave, ubho jānipatayo diṭṭhe ceva dhamme aññamaññaṃ passituṃ abhisamparāyañca aññamaññaṃ passituṃ ubhova assu samasaddhā samasīlā samacāgā samapaññā, te diṭṭhe ceva dhamme aññamaññaṃ passanti abhisamparāyañca aññamaññaṃ passantī’’ti.
已對照

“兩人都有信、寬仁,自制、依法而活;

‘‘Ubho saddhā vadaññū ca, saññatā dhammajīvino;
已對照

那樣的夫妻,彼此說可愛的話。

Te honti jānipatayo, aññamaññaṃ piyaṃvadā.
已對照

“他們的利益增多,安樂[之住]生起;

‘‘Atthāsaṃ pacurā honti, phāsukaṃ upajāyati;
已對照

兩人戒行同等,怨敵心不歡悅。

Amittā dummanā honti, ubhinnaṃ samasīlinaṃ.
已對照

“在此世行了法之後,兩人戒與禁戒同等;

‘‘Idha dhammaṃ caritvāna, samasīlabbatā ubho;
已對照

他們歡喜於天界,隨欲享樂而喜悅。”第六[經]。

Nandino devalokasmiṃ, modanti kāmakāmino’’ti. chaṭṭhaṃ;
已對照

七、蘇波婆娑經

7. Suppavāsāsuttaṃ
57PTS 2.63緬 1.374已對照

五十七、一時,世尊住在拘利[國],[有]一座名叫波闍尼迦(Pajjanika)的拘利人市鎮。那時,世尊在上午穿好[下衣],取了缽與衣,來到拘利族女蘇波婆娑(Suppavāsā koliyadhītā)的住處;到了之後,坐在所敷設的座位上。於是,拘利族女蘇波婆娑以上妙的嚼食、啖食親手奉侍世尊,使之飽足滿意。當世尊食畢、手已離缽時,拘利族女蘇波婆娑坐在一旁。世尊對坐在一旁的拘利族女蘇波婆娑這樣說——

“蘇波婆娑,施食的聖女弟子給予受者四種事。哪四種[事]呢?給予壽,給予色,給予樂,給予力。而給予了壽,她就成為天上的或人間的壽的分享者。給予了色,她就成為天上的或人間的色的分享者。給予了樂,她就成為天上的或人間的樂的分享者。給予了力,她就成為天上的或人間的力的分享者。蘇波婆娑,施食的聖女弟子給予受者這四種事。”

“凡布施善調製的食物者,

[那食物]潔淨、上妙、具足美味;

那供施施與已正直而行的、

具足諸行的、已達廣大的人,

以福與福相連結,

有大果,為諸世間解者所稱讚。

“憶念這樣的祭祀,

生喜而行於世間的人們,

調伏了連根的慳垢之後,

不受呵責,往生天界之處。”第七[經]。

57. Ekaṃ samayaṃ bhagavā koliyesu viharati pajjanikaṃ [sajjanelaṃ (sī. pī.), pajjanelaṃ (syā. kaṃ.)] nāma koliyānaṃ nigamo. Atha kho bhagavā pubbaṇhasamayaṃ nivāsetvā pattacīvaramādāya yena suppavāsāya koliyadhītuyā nivesanaṃ tenupasaṅkami; upasaṅkamitvā paññatte āsane nisīdi. Atha kho suppavāsā koliyadhītā bhagavantaṃ paṇītena khādanīyena bhojanīyena sahatthā santappesi sampavāresi. Atha kho suppavāsā koliyadhītā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinnaṃ kho suppavāsaṃ koliyadhītaraṃ bhagavā etadavoca –
‘‘Bhojanaṃ, suppavāse, dentī ariyasāvikā paṭiggāhakānaṃ cattāri ṭhānāni deti. Katamāni cattāri? Āyuṃ deti, vaṇṇaṃ deti, sukhaṃ deti, balaṃ deti. Āyuṃ kho pana datvā āyussa bhāginī hoti dibbassa vā mānusassa vā. Vaṇṇaṃ datvā vaṇṇassa bhāginī hoti dibbassa vā mānusassa vā. Sukhaṃ datvā sukhassa bhāginī hoti dibbassa vā mānusassa vā. Balaṃ datvā balassa bhāginī hoti dibbassa vā mānusassa vā. Bhojanaṃ, suppavāse, dentī ariyasāvikā paṭiggāhakānaṃ imāni cattāri ṭhānāni detī’’ti.
‘‘Susaṅkhataṃ bhojanaṃ yā dadāti,
Suciṃ paṇītaṃ [supaṇītaṃ (ka.)] rasasā upetaṃ;
Sā dakkhiṇā ujjugatesu dinnā,
Caraṇūpapannesu mahaggatesu;
Puññena puññaṃ saṃsandamānā,
Mahapphalā lokavidūna vaṇṇitā.
‘‘Etādisaṃ yaññamanussarantā,
Ye vedajātā vicaranti loke;
Vineyya maccheramalaṃ samūlaṃ,
Aninditā saggamupenti ṭhāna’’nti. sattamaṃ;
已對照

八、須達多經

8. Sudattasuttaṃ
58PTS 2.64緬 1.375已對照

五十八、那時,給孤獨居士(Anāthapiṇḍika gahapati)來到世尊之處;到了之後,禮敬世尊,坐在一旁。世尊對坐在一旁的給孤獨居士這樣說——

“居士,施食的聖弟子給予受者四種事。哪四種[事]呢?給予壽,給予色,給予樂,給予力。而給予了壽,他就成為天上的或人間的壽的分享者。給予了色……給予了樂……給予了力,他就成為天上的或人間的力的分享者。居士,施食的聖弟子給予受者這四種事。”

“凡對自制的、依他人所施而食的人,

適時恭敬地布施食物者,

他給予四種事——

壽、色、樂與力。

“那施壽、施色、施樂、施力的人,

無論投生於何處,都是長壽、有名聲的。”第八[經]。

58. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
‘‘Bhojanaṃ, gahapati, dadamāno ariyasāvako paṭiggāhakānaṃ cattāri ṭhānāni deti. Katamāni cattāri? Āyuṃ deti, vaṇṇaṃ deti, sukhaṃ deti, balaṃ deti. Āyuṃ kho pana datvā āyussa bhāgī hoti dibbassa vā mānusassa vā. Vaṇṇaṃ datvā… sukhaṃ datvā… balaṃ datvā balassa bhāgī hoti dibbassa vā mānusassa vā. Bhojanaṃ, gahapati, dadamāno ariyasāvako paṭiggāhakānaṃ imāni cattāri ṭhānāni detī’’ti.
[mahāva. 282] ‘‘Yo saññatānaṃ paradattabhojinaṃ,
Kālena sakkacca dadāti bhojanaṃ;
Cattāri ṭhānāni anuppavecchati,
Āyuñca vaṇṇañca sukhaṃ balañca.
‘‘So āyudāyī vaṇṇadāyī [so āyudāyī baladāyī (sī. pī.), āyudāyī baladāyī (syā. kaṃ.)], sukhaṃ balaṃ dado [sukhaṃ vaṇṇaṃ dado (sī. syā. kaṃ. pī.), sukhabaladado (ka.)] naro;
Dīghāyu yasavā hoti, yattha yatthūpapajjatī’’ti. aṭṭhamaṃ;
已對照

九、飲食經

9. Bhojanasuttaṃ
59已對照

五十九、“諸比丘,施食的施者給予受者四種事。哪四種[事]呢?給予壽,給予色,給予樂,給予力。而給予了壽,他就成為天上的或人間的壽的分享者。給予了色……給予了樂……給予了力,他就成為天上的或人間的力的分享者。諸比丘,施食的施者給予受者這四種事。”

“凡對自制的、依他人所施而食的人,

適時恭敬地布施食物者,

他給予四種事——

壽、色、樂與力。

“那施壽、施色、施樂、施力的人,

無論投生於何處,都是長壽、有名聲的。”第九[經]。

59. ‘‘Bhojanaṃ, bhikkhave, dadamāno dāyako paṭiggāhakānaṃ cattāri ṭhānāni deti. Katamāni cattāri? Āyuṃ deti, vaṇṇaṃ deti, sukhaṃ deti, balaṃ deti. Āyuṃ kho pana datvā āyussa bhāgī hoti dibbassa vā mānusassa vā. Vaṇṇaṃ datvā… sukhaṃ datvā… balaṃ datvā balassa bhāgī hoti dibbassa vā mānusassa vā. Bhojanaṃ, bhikkhave, dadamāno dāyako paṭiggāhakānaṃ imāni cattāri ṭhānāni detī’’ti.
[mahāva. 282] ‘‘Yo saññatānaṃ paradattabhojinaṃ,
Kālena sakkacca dadāti bhojanaṃ;
Cattāri ṭhānāni anuppavecchati,
Āyuñca vaṇṇañca sukhaṃ balañca.
‘‘So āyudāyī vaṇṇadāyī, sukhaṃ balaṃ dado naro;
Dīghāyu yasavā hoti, yattha yatthūpapajjatī’’ti. navamaṃ;
已對照

十、在家相應行經

10. Gihisāmīcisuttaṃ
60PTS 2.65緬 1.376已對照

六十、那時,給孤獨居士來到世尊之處;到了之後,禮敬世尊,坐在一旁。世尊對坐在一旁的給孤獨居士這樣說——

60. Atha kho anāthapiṇḍiko gahapati yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnaṃ kho anāthapiṇḍikaṃ gahapatiṃ bhagavā etadavoca –
已對照

“居士,具足四種法的聖弟子,是行於在家者的相應行道的,[這行道]能獲得名聲、導向天界。具足哪四種[法]呢?居士,在此,聖弟子以衣服侍比丘僧團,以缽食服侍比丘僧團,以坐臥處服侍比丘僧團,以病者所需的醫藥資具服侍比丘僧團。居士,具足這四種法的聖弟子,是行於在家者的相應行道的,[這行道]能獲得名聲、導向天界。”

‘‘Catūhi kho, gahapati, dhammehi samannāgato ariyasāvako gihisāmīcipaṭipadaṃ paṭipanno hoti yasopaṭilābhiniṃ saggasaṃvattanikaṃ. Katamehi catūhi? Idha, gahapati, ariyasāvako bhikkhusaṅghaṃ paccupaṭṭhito hoti cīvarena, bhikkhusaṅghaṃ paccupaṭṭhito hoti piṇḍapātena, bhikkhusaṅghaṃ paccupaṭṭhito hoti senāsanena, bhikkhusaṅghaṃ paccupaṭṭhito hoti gilānappaccayabhesajjaparikkhārena. Imehi kho, gahapati, catūhi dhammehi samannāgato ariyasāvako gihisāmīcipaṭipadaṃ paṭipanno hoti yasopaṭilābhiniṃ saggasaṃvattanika’’nti.
已對照

“諸智者行於在家者的相應行道,

‘‘Gihisāmīcipaṭipadaṃ, paṭipajjanti paṇḍitā;
已對照

以衣侍奉正確行道的諸持戒者;

Sammaggate sīlavante, cīvarena upaṭṭhitā.
已對照

以缽食、臥具與病者所需[之物],

Piṇḍapātasayanena, gilānappaccayena ca;
已對照

他們的福德晝夜恆常增長;

Tesaṃ divā ca ratto ca, sadā puññaṃ pavaḍḍhati;
已對照

作了賢善之業,便前往天界之處。”第十[經]。

Saggañca kamatiṭṭhānaṃ [saggañca sappatiṭṭhānaṃ (ka.)], kammaṃ katvāna bhaddaka’’nti. dasamaṃ;
已對照

福潤品第一。

Puññābhisandavaggo paṭhamo.
已對照

其攝頌——

兩福潤與兩共住,[兩]同等生活者;

蘇波婆娑與須達多,飲食、在家相應行。

Tassuddānaṃ –
Dve puññābhisandā dve ca, saṃvāsā samajīvino;
Suppavāsā sudatto ca, bhojanaṃ gihisāmicīti.