快樂巴利palinanda.cc

增支部 · 四集·善士品 Sappurisavaggo

本經目錄五、第五五十[經](二十一)一、善士品一、學處經二、無信者經三、七業經四、十業經五、八支經六、十道經七、第一惡法經八、第二惡法經九、第三惡法經十、第四惡法經善士品第一。

已對照

五、第五五十[經]

已對照

(二十一)一、善士品

(21) 1. Sappurisavaggo
已對照

一、學處經

1. Sikkhāpadasuttaṃ
201PTS 2.217緬 1.539已對照

二百零一、“諸比丘,我要為你們說非善士與比非善士更非善士者;說善士與比善士更善士者。你們要諦聽,好好作意,我要說了。”“是的,尊者。”那些比丘應諾世尊。世尊這樣說——

201. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca –
已對照

“諸比丘,什麼是非善士呢?諸比丘,在此,有人是殺生者,是取不與者,是欲邪行者,是虛妄語者,是住於谷酒、花果酒[等]酒類之放逸者。諸比丘,這稱為非善士。

‘‘Katamo ca, bhikkhave, asappuriso? Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti. Ayaṃ vuccati, bhikkhave, asappuriso.
已對照

“諸比丘,什麼是比非善士更非善士者呢?諸比丘,在此,有人自己是殺生者,又勸導他人殺生;自己是取不與者,又勸導他人不與取;自己是欲邪行者,又勸導他人行欲邪行;自己是虛妄語者,又勸導他人說虛妄語;自己是住於谷酒、花果酒[等]酒類之放逸者,又勸導他人[飲用][導致]放逸之因的谷酒、花果酒[等]酒類。諸比丘,這稱為比非善士更非善士者。

‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti; attanā ca adinnādāyī hoti, parañca adinnādāne samādapeti; attanā ca kāmesumicchācārī hoti, parañca kāmesumicchācāre samādapeti; attanā ca musāvādī hoti, parañca musāvāde samādapeti; attanā ca surāmerayamajjapamādaṭṭhāyī hoti, parañca surāmerayamajjapamādaṭṭhāne samādapeti. Ayaṃ vuccati, bhikkhave, asappurisena asappurisataro.
已對照

“諸比丘,什麼是善士呢?諸比丘,在此,有人遠離殺生,遠離不與取,遠離欲邪行,遠離虛妄語,遠離[導致]放逸之因的谷酒、花果酒[等]酒類。諸比丘,這稱為善士。

‘‘Katamo ca, bhikkhave, sappuriso? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti. Ayaṃ vuccati, bhikkhave, sappuriso.
緬 1.540已對照

“諸比丘,什麼是比善士更善士者呢?諸比丘,在此,有人自己遠離殺生,又勸導他人遠離殺生;自己遠離不與取,又勸導他人遠離不與取;自己遠離欲邪行,又勸導他人遠離欲邪行;自己遠離虛妄語,又勸導他人遠離虛妄語;自己遠離[導致]放逸之因的谷酒、花果酒[等]酒類,又勸導他人遠離[導致]放逸之因的谷酒、花果酒[等]酒類。諸比丘,這稱為比善士更善士者。”第一[經]。

‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti; attanā ca adinnādānā paṭivirato hoti, parañca adinnādānā veramaṇiyā samādapeti; attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti; attanā ca musāvādā paṭivirato hoti, parañca musāvādā veramaṇiyā samādapeti; attanā ca surāmerayamajjapamādaṭṭhānā paṭivirato hoti, parañca surāmerayamajjapamādaṭṭhānā veramaṇiyā samādapeti. Ayaṃ vuccati, bhikkhave, sappurisena sappurisataro’’ti [pu. pa. 135]. Paṭhamaṃ.
已對照

二、無信者經

2. Assaddhasuttaṃ
202PTS 2.218已對照

二百零二、“諸比丘,我要為你們說非善士與比非善士更非善士者;說善士與比善士更善士者。你們要諦聽……乃至……。

202. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
已對照

“諸比丘,什麼是非善士呢?諸比丘,在此,有人是無信者,是無慚者,是無愧者,是少聞者,是懈怠者,是失念者,是劣慧者。諸比丘,這稱為非善士。

‘‘Katamo ca, bhikkhave, asappuriso? Idha, bhikkhave, ekacco assaddho hoti, ahiriko hoti, anottappī hoti, appassuto hoti, kusīto hoti, muṭṭhassati hoti, duppañño hoti. Ayaṃ vuccati, bhikkhave, asappuriso.
已對照

“諸比丘,什麼是比非善士更非善士者呢?諸比丘,在此,有人自己是無信者,又勸導他人無信;自己是無慚者,又勸導他人無慚;自己是無愧者,又勸導他人無愧;自己是少聞者,又勸導他人少聞;自己是懈怠者,又勸導他人懈怠;自己是失念者,又勸導他人失念;自己是劣慧者,又勸導他人劣慧。諸比丘,這稱為比非善士更非善士者。

‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca assaddho hoti, parañca assaddhiye [asaddhāya (ka.)] samādapeti; attanā ca ahiriko hoti, parañca ahirikatāya samādapeti; attanā ca anottappī hoti, parañca anottappe samādapeti; attanā ca appassuto hoti, parañca appassute samādapeti; attanā ca kusīto hoti, parañca kosajje samādapeti; attanā ca muṭṭhassati hoti, parañca muṭṭhassacce [muṭṭhasacce (sī. syā. kaṃ. pī.)] samādapeti; attanā ca duppañño hoti, parañca duppaññatāya samādapeti. Ayaṃ vuccati, bhikkhave, asappurisena asappurisataro.
已對照

“諸比丘,什麼是善士呢?諸比丘,在此,有人是有信者,是有慚者,是有愧者,是多聞者,是發起精進者,是具念者,是有慧者。諸比丘,這稱為善士。

‘‘Katamo ca, bhikkhave, sappuriso? Idha, bhikkhave, ekacco saddho hoti, hirimā hoti, ottappī hoti, bahussuto hoti, āraddhavīriyo hoti, satimā hoti, paññavā hoti. Ayaṃ vuccati, bhikkhave, sappuriso.
緬 1.541已對照

“諸比丘,什麼是比善士更善士者呢?諸比丘,在此,有人自己是信具足者,又勸導他人信具足;自己是有慚者,又勸導他人有慚;自己是有愧者,又勸導他人有愧;自己是多聞者,又勸導他人多聞;自己是發起精進者,又勸導他人發起精進;自己是念已現起者,又勸導他人現起念;自己是慧具足者,又勸導他人慧具足。諸比丘,這稱為比善士更善士者。”第二[經]。

‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca saddhāsampanno hoti, parañca saddhāsampadāya samādapeti; attanā ca hirimā hoti, parañca hirimatāya [hirisampadāya (ka.)] samādapeti; attanā ca ottappī hoti, parañca ottappe samādapeti; attanā ca bahussuto hoti, parañca bāhusacce samādapeti; attanā ca āraddhavīriyo hoti, parañca vīriyārambhe samādapeti; attanā ca upaṭṭhitassati hoti, parañca satiupaṭṭhāne [satipaṭṭhāne (sī. syā. kaṃ. pī.)] samādapeti; attanā ca paññāsampanno hoti, parañca paññāsampadāya samādapeti. Ayaṃ vuccati, bhikkhave, sappurisena sappurisataro’’ti. Dutiyaṃ.
已對照

三、七業經

3. Sattakammasuttaṃ
203PTS 2.219已對照

二百零三、“諸比丘,我要為你們說非善士與比非善士更非善士者;說善士與比善士更善士者。你們要諦聽……乃至……。

203. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
已對照

“諸比丘,什麼是非善士呢?諸比丘,在此,有人是殺生者,是取不與者,是欲邪行者,是虛妄語者,是離間語者,是粗惡語者,是雜穢語者。諸比丘,這稱為非善士。

‘‘Katamo ca, bhikkhave, asappuriso? Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti. Ayaṃ vuccati, bhikkhave, asappuriso.
已對照

“諸比丘,什麼是比非善士更非善士者呢?諸比丘,在此,有人自己是殺生者,又勸導他人殺生;自己是取不與者,又勸導他人不與取;自己是欲邪行者,又勸導他人行欲邪行;自己是虛妄語者,又勸導他人說虛妄語;自己是離間語者,又勸導他人說離間語;自己是粗惡語者,又勸導他人說粗惡語;自己是雜穢語者,又勸導他人說雜穢語。諸比丘,這稱為比非善士更非善士者。

‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti; attanā ca adinnādāyī hoti, parañca adinnādāne samādapeti; attanā ca kāmesumicchācārī hoti, parañca kāmesumicchācāre samādapeti; attanā ca musāvādī hoti, parañca musāvāde samādapeti; attanā ca pisuṇavāco hoti, parañca pisuṇāya vācāya samādapeti; attanā ca pharusavāco hoti, parañca pharusāya vācāya samādapeti; attanā ca samphappalāpī hoti, parañca samphappalāpe samādapeti. Ayaṃ vuccati, bhikkhave, asappurisena asappurisataro.
已對照

“諸比丘,什麼是善士呢?諸比丘,在此,有人遠離殺生,遠離不與取,遠離欲邪行,遠離虛妄語,遠離離間語,遠離粗惡語,遠離雜穢語。諸比丘,這稱為善士。

‘‘Katamo ca, bhikkhave, sappuriso? Idha, bhikkhave, ekacco pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, pisuṇāya vācāya paṭivirato hoti, pharusāya vācāya paṭivirato, hoti, samphappalāpā paṭivirato hoti. Ayaṃ vuccati, bhikkhave, sappuriso.
緬 1.542已對照

“諸比丘,什麼是比善士更善士者呢?諸比丘,在此,有人自己遠離殺生,又勸導他人遠離殺生;自己遠離不與取,又勸導他人遠離不與取;自己遠離欲邪行,又勸導他人遠離欲邪行;自己遠離虛妄語,又勸導他人遠離虛妄語;自己遠離離間語,又勸導他人遠離離間語;自己遠離粗惡語,又勸導他人遠離粗惡語;自己遠離雜穢語,又勸導他人遠離雜穢語。諸比丘,這稱為比善士更善士者。”第三[經]。

‘‘Katamo ca, bhikkhave, sappurisena sappurisataro? Idha bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti; attanā ca adinnādānā paṭivirato hoti, parañca adinnādānā veramaṇiyā samādapeti; attanā ca kāmesumicchācārā paṭivirato hoti, parañca kāmesumicchācārā veramaṇiyā samādapeti; attanā ca musāvādā paṭivirato hoti, parañca musāvādā veramaṇiyā samādapeti; attanā ca pisuṇāya vācāya paṭivirato hoti, parañca pisuṇāya vācāya veramaṇiyā samādapeti; attanā ca pharusāya vācāya paṭivirato hoti, parañca pharusāya vācāya veramaṇiyā samādapeti; attanā ca samphappalāpā paṭivirato hoti, parañca samphappalāpā veramaṇiyā samādapeti. Ayaṃ vuccati, bhikkhave, sappurisena sappurisataro’’ti. Tatiyaṃ.
已對照

四、十業經

4. Dasakammasuttaṃ
204PTS 2.220已對照

二百零四、“諸比丘,我要為你們說非善士與比非善士更非善士者;說善士與比善士更善士者。你們要諦聽……乃至……。

204. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
已對照

“諸比丘,什麼是非善士呢?諸比丘,在此,有人是殺生者,是取不與者,是欲邪行者,是虛妄語者,是離間語者,是粗惡語者,是雜穢語者,是貪欲者,是心已壞損者,是邪見者。諸比丘,這稱為非善士。

‘‘Katamo ca, bhikkhave, asappuriso? Idha, bhikkhave, ekacco pāṇātipātī hoti, adinnādāyī hoti, kāmesumicchācārī hoti, musāvādī hoti, pisuṇavāco hoti, pharusavāco hoti, samphappalāpī hoti, abhijjhālu hoti, byāpannacitto hoti, micchādiṭṭhiko hoti. Ayaṃ vuccati, bhikkhave, asappuriso.
已對照

“諸比丘,什麼是比非善士更非善士者呢?諸比丘,在此,有人自己是殺生者,又勸導他人殺生……乃至……自己是貪欲者,又勸導他人貪欲;自己是心已壞損者,又勸導他人瞋恚;自己是邪見者,又勸導他人持邪見。諸比丘,這稱為比非善士更非善士者。

‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca abhijjhālu hoti, parañca abhijjhāya samādapeti; attanā ca byāpannacitto hoti, parañca byāpāde samādapeti, attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, asappurisena asappurisataro.
已對照

“諸比丘,什麼是善士呢?諸比丘,在此,有人遠離殺生……乃至……是無貪欲者,是心無壞損者,是正見者。諸比丘,這稱為善士。

‘‘Katamo ca, bhikkhave, sappuriso? Idha, bhikkhave, ekacco pāṇātipātā paṭivirato hoti…pe… anabhijjhālu hoti, abyāpannacitto hoti, sammādiṭṭhiko hoti. Ayaṃ vuccati, bhikkhave, sappuriso.
緬 1.543已對照

“諸比丘,什麼是比善士更善士者呢?諸比丘,在此,有人自己遠離殺生,又勸導他人遠離殺生……乃至……自己是無貪欲者,又勸導他人無貪欲;自己是心無壞損者,又勸導他人無瞋恚;自己是正見者,又勸導他人持正見。諸比丘,這稱為比善士更善士者。”第四[經]。

‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca anabhijjhālu hoti, parañca anabhijjhāya samādapeti; attanā ca abyāpannacitto hoti, parañca abyāpāde samādapeti; attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, sappurisena sappurisataro’’ti. Catutthaṃ.
已對照

五、八支經

5. Aṭṭhaṅgikasuttaṃ
205已對照

二百零五、“諸比丘,我要為你們說非善士與比非善士更非善士者;說善士與比善士更善士者。你們要諦聽……乃至……。

205. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
PTS 2.221已對照

“諸比丘,什麼是非善士呢?諸比丘,在此,有人是邪見者,是邪思惟者,是邪語者,是邪業者,是邪命者,是邪精進者,是邪念者,是邪定者。諸比丘,這稱為非善士。

‘‘Katamo ca, bhikkhave, asappuriso? Idha, bhikkhave, ekacco micchādiṭṭhiko hoti, micchāsaṅkappo hoti, micchāvāco hoti, micchākammanto hoti, micchāājīvo hoti, micchāvāyāmo hoti, micchāsati hoti, micchāsamādhi hoti. Ayaṃ vuccati, bhikkhave, asappuriso.
已對照

“諸比丘,什麼是比非善士更非善士者呢?諸比丘,在此,有人自己是邪見者,又勸導他人持邪見;自己是邪思惟者,又勸導他人邪思惟;自己是邪語者,又勸導他人邪語;自己是邪業者,又勸導他人邪業;自己是邪命者,又勸導他人邪命;自己是邪精進者,又勸導他人邪精進;自己是邪念者,又勸導他人邪念;自己是邪定者,又勸導他人邪定。諸比丘,這稱為比非善士更非善士者。

‘‘Katamo ca, bhikkhave, asappurisena asappurisataro? Idha bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti; attanā ca micchāsaṅkappo hoti, parañca micchāsaṅkappe samādapeti; attanā ca micchāvāco hoti, parañca micchāvācāya samādapeti; attanā ca micchākammanto hoti, parañca micchākammante samādapeti; attanā ca micchāājīvo hoti, parañca micchāājīve samādapeti; attanā ca micchāvāyāmo hoti, parañca micchāvāyāme samādapeti; attanā ca micchāsati hoti, parañca micchāsatiyā samādapeti; attanā ca micchāsamādhi hoti, parañca micchāsamādhimhi samādapeti. Ayaṃ vuccati, bhikkhave, asappurisena asappurisataro.
已對照

“諸比丘,什麼是善士呢?諸比丘,在此,有人是正見者,是正思惟者,是正語者,是正業者,是正命者,是正精進者,是正念者,是正定者。諸比丘,這稱為善士。

‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti, sammāsaṅkappo hoti, sammāvāco hoti, sammākammanto hoti, sammāājīvo hoti, sammāvāyāmo hoti, sammāsati hoti, sammāsamādhi hoti. Ayaṃ vuccati, bhikkhave, sappuriso.
緬 1.544已對照

“諸比丘,什麼是比善士更善士者呢?諸比丘,在此,有人自己是正見者,又勸導他人持正見;自己是正思惟者,又勸導他人正思惟;自己是正語者,又勸導他人正語;自己是正業者,又勸導他人正業;自己是正命者,又勸導他人正命;自己是正精進者,又勸導他人正精進;自己是正念者,又勸導他人正念;自己是正定者,又勸導他人正定。諸比丘,這稱為比善士更善士者。”第五[經]。

‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti; attanā ca sammāsaṅkappo hoti, parañca sammāsaṅkappe samādapeti; attanā ca sammāvāco hoti, parañca sammāvācāya samādapeti; attanā ca sammākammanto hoti, parañca sammākammante samādapeti; attanā ca sammāājīvo hoti, parañca sammāājīve samādapeti; attanā ca sammāvāyāmo hoti, parañca sammāvāyāme samādapeti; attanā ca sammāsati hoti, parañca sammāsatiyā samādapeti; attanā ca sammāsamādhi hoti, parañca sammāsamādhimhi samādapeti. Ayaṃ vuccati, bhikkhave, sappurisena sappurisataro’’ti. Pañcamaṃ.
已對照

六、十道經

6. Dasamaggasuttaṃ
206已對照

二百零六、“諸比丘,我要為你們說非善士與比非善士更非善士者;說善士與比善士更善士者。你們要諦聽……乃至……。

206. ‘‘Asappurisañca vo, bhikkhave, desessāmi, asappurisena asappurisatarañca; sappurisañca, sappurisena sappurisatarañca. Taṃ suṇātha…pe….
PTS 2.222已對照

“諸比丘,什麼是非善士呢?諸比丘,在此,有人是邪見者……乃至……是邪智者,是邪解脫者。諸比丘,這稱為非善士。

‘‘Katamo ca, bhikkhave, asappuriso? Idha, bhikkhave, ekacco micchādiṭṭhiko hoti …pe… micchāñāṇī hoti, micchāvimutti hoti. Ayaṃ vuccati, bhikkhave, asappuriso.
已對照

“諸比丘,什麼是比非善士更非善士者呢?諸比丘,在此,有人自己是邪見者,又勸導他人持邪見……乃至……自己是邪智者,又勸導他人邪智;自己是邪解脫者,又勸導他人邪解脫。諸比丘,這稱為比非善士更非善士者。

‘‘Katamo ca, bhikkhave, asappurisena asappurisataro? Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti…pe… attanā ca micchāñāṇī hoti, parañca micchāñāṇe samādapeti; attanā ca micchāvimutti hoti, parañca micchāvimuttiyā samādapeti. Ayaṃ vuccati, bhikkhave, asappurisena asappurisataro.
已對照

“諸比丘,什麼是善士呢?諸比丘,在此,有人是正見者……乃至……是正智者,是正解脫者。諸比丘,這稱為善士。

‘‘Katamo ca, bhikkhave, sappuriso? Idha, bhikkhave, ekacco sammādiṭṭhiko hoti…pe… sammāñāṇī hoti, sammāvimutti hoti. Ayaṃ vuccati, bhikkhave, sappuriso.
已對照

“諸比丘,什麼是比善士更善士者呢?諸比丘,在此,有人自己是正見者,又勸導他人持正見……乃至……自己是正智者,又勸導他人正智;自己是正解脫者,又勸導他人正解脫。諸比丘,這稱為比善士更善士者。”第六[經]。

‘‘Katamo ca, bhikkhave, sappurisena sappurisataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti…pe… attanā ca sammāñāṇī hoti, parañca sammāñāṇe samādapeti; attanā ca sammāvimutti hoti, parañca sammāvimuttiyā samādapeti. Ayaṃ vuccati, bhikkhave, sappurisena sappurisataro’’ti. Chaṭṭhaṃ.
已對照

七、第一惡法經

7. Paṭhamapāpadhammasuttaṃ
207緬 1.545已對照

二百零七、“諸比丘,我要為你們說惡者與比惡者更惡者;說善者與比善者更善者。你們要諦聽……乃至……。

207. ‘‘Pāpañca vo, bhikkhave, desessāmi, pāpena pāpatarañca; kalyāṇañca, kalyāṇena kalyāṇatarañca. Taṃ suṇātha…pe….
已對照

“諸比丘,什麼是惡者呢?諸比丘,在此,有人是殺生者……乃至……是邪見者。諸比丘,這稱為惡者。

‘‘Katamo ca, bhikkhave, pāpo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpo.
已對照

“諸比丘,什麼是比惡者更惡者呢?諸比丘,在此,有人自己是殺生者,又勸導他人殺生……乃至……自己是邪見者,又勸導他人持邪見。諸比丘,這稱為比惡者更惡者。

‘‘Katamo ca, bhikkhave, pāpena pāpataro? Idha, bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpena pāpataro.
PTS 2.223已對照

“諸比丘,什麼是善者呢?諸比丘,在此,有人遠離殺生……乃至……是正見者。諸比丘,這稱為善者。

‘‘Katamo ca, bhikkhave, kalyāṇo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇo.
已對照

“諸比丘,什麼是比善者更善者呢?諸比丘,在此,有人自己遠離殺生,又勸導他人遠離殺生……乃至……自己是正見者,又勸導他人持正見。諸比丘,這稱為比善者更善者。”第七[經]。

‘‘Katamo ca, bhikkhave, kalyāṇena kalyāṇataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇena kalyāṇataro’’ti. Sattamaṃ.
已對照

八、第二惡法經

8. Dutiyapāpadhammasuttaṃ
208已對照

二百零八、“諸比丘,我要為你們說惡者與比惡者更惡者;說善者與比善者更善者。你們要諦聽,好好作意,我要說了。”是的……乃至……這樣說——

208. ‘‘Pāpañca vo, bhikkhave, desessāmi, pāpena pāpatarañca; kalyāṇañca, kalyāṇena kalyāṇatarañca. Taṃ suṇātha, sādhukaṃ manasikarotha; bhāsissāmī’’ti. Evaṃ…pe… etadavoca –
已對照

“諸比丘,什麼是惡者呢?諸比丘,在此,有人是邪見者……乃至……是邪智者,是邪解脫者。諸比丘,這稱為惡者。

‘‘Katamo ca, bhikkhave, pāpo? Idha, bhikkhave, ekacco micchādiṭṭhiko hoti…pe… micchāñāṇī hoti, micchāvimutti hoti. Ayaṃ vuccati, bhikkhave, pāpo.
已對照

“諸比丘,什麼是比惡者更惡者呢?諸比丘,在此,有人自己是邪見者,又勸導他人持邪見……乃至……自己是邪智者,又勸導他人邪智;自己是邪解脫者,又勸導他人邪解脫。諸比丘,這稱為比惡者更惡者。

‘‘Katamo ca, bhikkhave, pāpena pāpataro? Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti…pe… attanā ca micchāñāṇī hoti, parañca micchāñāṇe samādapeti; attanā ca micchāvimutti hoti, parañca micchāvimuttiyā samādapeti. Ayaṃ vuccati, bhikkhave, pāpena pāpataro.
緬 1.546已對照

“諸比丘,什麼是善者呢?諸比丘,在此,有人是正見者……乃至……是正智者,是正解脫者。諸比丘,這稱為善者。

‘‘Katamo ca, bhikkhave, kalyāṇo? Idha, bhikkhave, ekacco sammādiṭṭhiko hoti …pe… sammāñāṇī hoti, sammāvimutti hoti. Ayaṃ vuccati, bhikkhave, kalyāṇo.
已對照

“諸比丘,什麼是比善者更善者呢?諸比丘,在此,有人自己是正見者,又勸導他人持正見……乃至……自己是正智者,又勸導他人正智;自己是正解脫者,又勸導他人正解脫。諸比丘,這稱為比善者更善者。”第八[經]。

‘‘Katamo ca, bhikkhave, kalyāṇena kalyāṇataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti…pe… attanā ca sammāñāṇī hoti, parañca sammāñāṇe samādapeti; attanā ca sammāvimutti hoti, parañca sammāvimuttiyā samādapeti. Ayaṃ vuccati, bhikkhave, kalyāṇena kalyāṇataro’’ti. Aṭṭhamaṃ.
已對照

九、第三惡法經

9. Tatiyapāpadhammasuttaṃ
209PTS 2.224已對照

二百零九、“諸比丘,我要為你們說有惡法者與比有惡法者更有惡法者;說有善法者與比有善法者更有善法者。你們要諦聽……乃至……。

209. ‘‘Pāpadhammañca vo, bhikkhave, desessāmi, pāpadhammena pāpadhammatarañca; kalyāṇadhammañca, kalyāṇadhammena kalyāṇadhammatarañca. Taṃ suṇātha…pe….
已對照

“諸比丘,什麼是有惡法者呢?諸比丘,在此,有人是殺生者……乃至……是邪見者。諸比丘,這稱為有惡法者。

‘‘Katamo ca, bhikkhave, pāpadhammo? Idha, bhikkhave, ekacco pāṇātipātī hoti…pe… micchādiṭṭhiko hoti. Ayaṃ vuccati, bhikkhave, pāpadhammo.
已對照

“諸比丘,什麼是比有惡法者更有惡法者呢?諸比丘,在此,有人自己是殺生者,又勸導他人殺生……乃至……自己是邪見者,又勸導他人持邪見。諸比丘,這稱為比有惡法者更有惡法者。

‘‘Katamo ca, bhikkhave, pāpadhammena pāpadhammataro? Idha bhikkhave, ekacco attanā ca pāṇātipātī hoti, parañca pāṇātipāte samādapeti…pe… attanā ca micchādiṭṭhiko hoti, parañca micchādiṭṭhiyā samādapeti. Ayaṃ vuccati, bhikkhave, pāpadhammena pāpadhammataro.
已對照

“諸比丘,什麼是有善法者呢?諸比丘,在此,有人遠離殺生……乃至……是正見者。諸比丘,這稱為有善法者。

‘‘Katamo ca, bhikkhave, kalyāṇadhammo? Idha, bhikkhave, ekacco pāṇātipātā paṭivirato hoti…pe… sammādiṭṭhiko hoti. Ayaṃ vuccati, bhikkhave, kalyāṇadhammo.
已對照

“諸比丘,什麼是比有善法者更有善法者呢?諸比丘,在此,有人自己遠離殺生,又勸導他人遠離殺生……乃至……自己是正見者,又勸導他人持正見。諸比丘,這稱為比有善法者更有善法者。”第九[經]。

‘‘Katamo ca, bhikkhave, kalyāṇadhammena kalyāṇadhammataro? Idha, bhikkhave, ekacco attanā ca pāṇātipātā paṭivirato hoti, parañca pāṇātipātā veramaṇiyā samādapeti…pe… attanā ca sammādiṭṭhiko hoti, parañca sammādiṭṭhiyā samādapeti. Ayaṃ vuccati, bhikkhave, kalyāṇadhammena kalyāṇadhammataro’’ti. Navamaṃ.
已對照

十、第四惡法經

10. Catutthapāpadhammasuttaṃ
210已對照

二百一十、“諸比丘,我要為你們說有惡法者與比有惡法者更有惡法者;說有善法者與比有善法者更有善法者。你們要諦聽……乃至……。

210. ‘‘Pāpadhammañca vo, bhikkhave, desessāmi, pāpadhammena pāpadhammatarañca; kalyāṇadhammañca, kalyāṇadhammena kalyāṇadhammatarañca. Taṃ suṇātha…pe….
緬 1.547已對照

“諸比丘,什麼是有惡法者呢?諸比丘,在此,有人是邪見者……乃至……是邪智者,是邪解脫者。諸比丘,這稱為有惡法者。

‘‘Katamo ca, bhikkhave, pāpadhammo? Idha, bhikkhave, ekacco micchādiṭṭhiko hoti…pe… micchāñāṇī hoti, micchāvimutti hoti. Ayaṃ vuccati, bhikkhave, pāpadhammo.
PTS 2.225已對照

“諸比丘,什麼是比有惡法者更有惡法者呢?諸比丘,在此,有人自己是邪見者,又勸導他人持邪見……乃至……自己是邪智者,又勸導他人邪智;自己是邪解脫者,又勸導他人邪解脫。諸比丘,這稱為比有惡法者更有惡法者。

‘‘Katamo ca, bhikkhave, pāpadhammena pāpadhammataro? Idha, bhikkhave, ekacco attanā ca micchādiṭṭhiko hoti, parañca micchādiṭṭhiyā samādapeti…pe… attanā ca micchāñāṇī hoti, parañca micchāñāṇe samādapeti; attanā ca micchāvimutti hoti, parañca micchāvimuttiyā samādapeti. Ayaṃ vuccati, bhikkhave, pāpadhammena pāpadhammataro.
已對照

“諸比丘,什麼是有善法者呢?諸比丘,在此,有人是正見者……乃至……是正智者,是正解脫者。諸比丘,這稱為有善法者。

‘‘Katamo ca, bhikkhave, kalyāṇadhammo? Idha, bhikkhave, ekacco sammādiṭṭhiko hoti…pe… sammāñāṇī hoti, sammāvimutti hoti. Ayaṃ vuccati, bhikkhave, kalyāṇadhammo.
已對照

“諸比丘,什麼是比有善法者更有善法者呢?諸比丘,在此,有人自己是正見者,又勸導他人持正見……乃至……自己是正智者,又勸導他人正智;自己是正解脫者,又勸導他人正解脫。諸比丘,這稱為比有善法者更有善法者。”第十[經]。

‘‘Katamo ca, bhikkhave, kalyāṇadhammena kalyāṇadhammataro? Idha, bhikkhave, ekacco attanā ca sammādiṭṭhiko hoti, parañca sammādiṭṭhiyā samādapeti…pe… attanā ca sammāñāṇī hoti, parañca sammāñāṇe samādapeti; attanā ca sammāvimutti hoti, parañca sammāvimuttiyā samādapeti. Ayaṃ vuccati, bhikkhave, kalyāṇadhammena kalyāṇadhammataro’’ti. Dasamaṃ.
已對照

善士品第一。

Sappurisavaggo paṭhamo.
已對照

其攝頌——

學處與無信者,七業以及十業;

八支與十道,兩惡法,另有兩[惡法]。

Tassuddānaṃ –
Sikkhāpadañca assaddhaṃ, sattakammaṃ atho ca dasakammaṃ;
Aṭṭhaṅgikañca dasamaggaṃ, dve pāpadhammā apare dveti.