快樂巴利palinanda.cc

中部第68經 · 那羅迦波那經 Naḷakapānasuttaṃ

本經目錄八、那羅迦波那經

166PTS 1.463緬 2.126已對照

八、那羅迦波那經

一六六、如是我聞——一時,世尊住在憍薩羅(Kosala)[國]那羅迦波那(Naḷakapāna)的波羅奢林(Palāsavana)。那時,眾多一位位知名的良家子為歸向世尊、出於信心從家出家、成為無家者——即:具壽阿那律(Anuruddha)、具壽跋提耶(Bhaddiya)、具壽金毗羅(Kimila)、具壽婆咎(Bhagu)、具壽憍陳如(Koṇḍañña)、具壽離婆多(Revata)、具壽阿難(Ānanda),以及其他一位位知名的良家子。那時,世尊為比丘僧團所圍繞,坐在露地。於是,世尊就那些良家子[之事]召喚諸比丘:“諸比丘,那些為歸向我、出於信心從家出家、成為無家者的良家子,諸比丘,那些比丘可樂於梵行嗎?”這樣說時,那些比丘默然。世尊第二次就那些良家子[之事]召喚諸比丘:“諸比丘,那些為歸向我、出於信心從家出家、成為無家者的良家子,諸比丘,那些比丘可樂於梵行嗎?”那些比丘第二次也默然。世尊第三次就那些良家子[之事]召喚諸比丘:“諸比丘,那些為歸向我、出於信心從家出家、成為無家者的良家子,諸比丘,那些比丘可樂於梵行嗎?”那些比丘第三次也默然。

166. Evaṃ me sutaṃ – ekaṃ samayaṃ bhagavā kosalesu viharati naḷakapāne palāsavane. Tena kho pana samayena sambahulā abhiññātā abhiññātā kulaputtā bhagavantaṃ uddissa saddhā agārasmā anagāriyaṃ pabbajitā honti – āyasmā ca anuruddho, āyasmā ca bhaddiyo [nandiyo (sī. pī.) vinaye ca ma. ni. 1 cūḷagosiṅge ca], āyasmā ca kimilo [kimbilo (sī. syā. kaṃ. pī.)], āyasmā ca bhagu, āyasmā ca koṇḍañño [kuṇḍadhāno (sī. pī.)], āyasmā ca revato, āyasmā ca ānando, aññe ca abhiññātā abhiññātā kulaputtā. Tena kho pana samayena bhagavā bhikkhusaṅghaparivuto abbhokāse nisinno hoti. Atha kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Evaṃ vutte, te bhikkhū tuṇhī ahesuṃ. Dutiyampi kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Dutiyampi kho te bhikkhū tuṇhī ahesuṃ. Tatiyampi kho bhagavā te kulaputte ārabbha bhikkhū āmantesi – ‘‘ye te, bhikkhave, kulaputtā mamaṃ uddissa saddhā agārasmā anagāriyaṃ pabbajitā, kacci te, bhikkhave, bhikkhū abhiratā brahmacariye’’ti? Tatiyampi kho te bhikkhū tuṇhī ahesuṃ.
167PTS 1.464緬 2.127已對照

一六七、於是,世尊這樣想:“我何不問問那些良家子呢?”於是,世尊召喚具壽阿那律:“阿那律們,你們可樂於梵行嗎?”“尊者,我們確實是樂於梵行的。”“善哉,善哉,阿那律們!阿那律們,你們這些出於信心從家出家、成為無家者的良家子樂於梵行,這正是與你們相稱的。阿那律們,你們本可憑著那具足賢善的青春、正當第一期年歲、[發]甚是黑亮[之身]受用諸欲;阿那律們,你們卻憑著那具足賢善的青春、正當第一期年歲、[發]甚是黑亮[之身]從家出家、成為無家者。阿那律們,而你們不是被國王所押而從家出家、成為無家者,不是被盜賊所押而從家出家、成為無家者,不是為債所迫而從家出家、成為無家者,不是為怖畏所迫而從家出家、成為無家者,不是為生計所困而從家出家、成為無家者;而是[想]:‘我已沉陷於生、老、死、愁、悲、苦、憂、惱,沉陷於苦、為苦所迫;但願能了知這整個苦蘊的終結。’——阿那律們,你們不正是這樣出於信心從家出家、成為無家者的嗎?”“是的,尊者。”“阿那律們,而如是出家的良家子,應當做什麼呢?阿那律們,[若人]遠離諸欲、遠離諸不善法之後,未證得喜與樂,或比那更寂靜的其他[樂],貪欲也遍取他的心而住,瞋恚也遍取他的心而住,昏沉睡眠也遍取他的心而住,掉舉追悔也遍取他的心而住,疑也遍取他的心而住,不樂也遍取他的心而住,懈怠也遍取他的心而住。阿那律們,[若人]遠離諸欲、遠離諸不善法之後,未證得喜與樂,或比那更寂靜的其他[樂]。”

167. Atha kho bhagavato etadahosi – ‘‘yaṃnūnāhaṃ te kulaputte puccheyya’’nti! Atha kho bhagavā āyasmantaṃ anuruddhaṃ āmantesi – ‘‘kacci tumhe, anuruddhā, abhiratā brahmacariye’’ti? ‘‘Taggha mayaṃ, bhante, abhiratā brahmacariye’’ti. ‘‘Sādhu sādhu, anuruddhā! Etaṃ kho, anuruddhā, tumhākaṃ patirūpaṃ kulaputtānaṃ saddhā agārasmā anagāriyaṃ pabbajitānaṃ yaṃ tumhe abhirameyyātha brahmacariye. Yena tumhe anuruddhā, bhadrena yobbanena samannāgatā paṭhamena vayasā susukāḷakesā kāme paribhuñjeyyātha tena tumhe, anuruddhā, bhadrenapi yobbanena samannāgatā paṭhamena vayasā susukāḷakesā agārasmā anagāriyaṃ pabbajitā. Te ca kho pana tumhe, anuruddhā, neva rājābhinītā agārasmā anagāriyaṃ pabbajitā, na corābhinītā agārasmā anagāriyaṃ pabbajitā, na iṇaṭṭā agārasmā anagāriyaṃ pabbajitā, na bhayaṭṭā agārasmā anagāriyaṃ pabbajitā, nājīvikāpakatā agārasmā anagāriyaṃ pabbajitā. Api ca khomhi otiṇṇo jātiyā jarāya maraṇena sokehi paridevehi dukkhehi domanassehi upāyāsehi, dukkhotiṇṇo dukkhapareto; appeva nāma imassa kevalassa dukkhakkhandhassa antakiriyā paññāyethāti – nanu tumhe, anuruddhā, evaṃ saddhā agārasmā anagāriyaṃ pabbajitā’’ti? ‘‘Evaṃ, bhante’’. ‘‘Evaṃ pabbajitena ca pana, anuruddhā, kulaputtena kimassa karaṇīyaṃ? Vivekaṃ, anuruddhā, kāmehi vivekaṃ akusalehi dhammehi pītisukhaṃ nādhigacchati aññaṃ vā [aññaṃ ca (ka.)] tato santataraṃ, tassa abhijjhāpi cittaṃ pariyādāya tiṭṭhati, byāpādopi cittaṃ pariyādāya tiṭṭhati, thīnamiddhampi [thīnamiddhampi (sī. syā. kaṃ. pī.)] cittaṃ pariyādāya tiṭṭhati uddhaccakukkuccampi cittaṃ pariyādāya tiṭṭhati, vicikicchāpi cittaṃ pariyādāya tiṭṭhati, aratīpi cittaṃ pariyādāya tiṭṭhati, tandīpi cittaṃ pariyādāya tiṭṭhati. Vivekaṃ, anuruddhā, kāmehi vivekaṃ akusalehi dhammehi pītisukhaṃ nādhigacchati aññaṃ vā tato santataraṃ’’.
已對照

“阿那律們,[若人]遠離諸欲、遠離諸不善法之後,證得喜與樂,或比那更寂靜的其他[樂],貪欲也不遍取他的心而住,瞋恚也不遍取他的心而住,昏沉睡眠也不遍取他的心而住,掉舉追悔也不遍取他的心而住,疑也不遍取他的心而住,不樂也不遍取他的心而住,懈怠也不遍取他的心而住。阿那律們,[若人]遠離諸欲、遠離諸不善法之後,證得喜與樂,或比那更寂靜的其他[樂]。

‘‘Vivekaṃ, anuruddhā, kāmehi vivekaṃ akusalehi dhammehi pītisukhaṃ adhigacchati aññaṃ vā tato santataraṃ, tassa abhijjhāpi cittaṃ na pariyādāya tiṭṭhati, byāpādopi cittaṃ na pariyādāya tiṭṭhati, thīnamiddhampi cittaṃ na pariyādāya tiṭṭhati, uddhaccakukkuccampi cittaṃ na pariyādāya tiṭṭhati, vicikicchāpi cittaṃ na pariyādāya tiṭṭhati, aratīpi cittaṃ na pariyādāya tiṭṭhati, tandīpi cittaṃ na pariyādāya tiṭṭhati. Vivekaṃ, anuruddhā, kāmehi vivekaṃ akusalehi dhammehi pītisukhaṃ adhigacchati aññaṃ vā tato santataraṃ.
168緬 2.128已對照

一六八、“阿那律們,你們對我是怎樣想的:‘凡那些雜染的、能導致再有的、有熱惱的、有苦異熟的、招致未來生老死的諸漏,在如來是未被斷除的;因此,如來審慮之後受用一[類事],審慮之後忍受一[類事],審慮之後迴避一[類事],審慮之後除遣一[類事]’?”“尊者,我們對世尊並不這樣想:‘凡那些雜染的、能導致再有的、有熱惱的、有苦異熟的、招致未來生老死的諸漏,在如來是未被斷除的;因此,如來審慮之後受用一[類事],審慮之後忍受一[類事],審慮之後迴避一[類事],審慮之後除遣一[類事]’。尊者,我們對世尊是這樣想的:‘凡那些雜染的、能導致再有的、有熱惱的、有苦異熟的、招致未來生老死的諸漏,在如來是已被斷除的;因此,如來審慮之後受用一[類事],審慮之後忍受一[類事],審慮之後迴避一[類事],審慮之後除遣一[類事]’。”“善哉,善哉,阿那律們!阿那律們,如來那些雜染的、能導致再有的、有熱惱的、有苦異熟的、招致未來生老死的諸漏,已被斷除、根已斷絕、已作成如斷[頂]的多羅樹[樁]、已令成無有、未來是不生之法。阿那律們,猶如一棵被斷了頂的多羅樹不堪能再生長;阿那律們,正是這樣,如來那些雜染的、能導致再有的、有熱惱的、有苦異熟的、招致未來生老死的諸漏,已被斷除、根已斷絕、已作成如斷[頂]的多羅樹[樁]、已令成無有、未來是不生之法;因此,如來審慮之後受用一[類事],審慮之後忍受一[類事],審慮之後迴避一[類事],審慮之後除遣一[類事]。”

168. ‘‘Kinti vo, anuruddhā, mayi hoti – ‘ye āsavā saṃkilesikā ponobbhavikā [ponobhavikā (sī. pī.)] sadarā dukkhavipākā āyatiṃ jātijarāmaraṇiyā, appahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’’’ti? ‘‘Na kho no, bhante, bhagavati evaṃ hoti – ‘ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, appahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’ti. Evaṃ kho no, bhante, bhagavati hoti – ‘ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te tathāgatassa; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodetī’’’ti. ‘‘Sādhu sādhu, anuruddhā! Tathāgatassa, anuruddhā, ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te ucchinnamūlā tālāvatthukatā anabhāvaṃkatā āyatiṃ anuppādadhammā. Seyyathāpi, anuruddhā, tālo matthakacchinno abhabbo punavirūḷhiyā; evameva kho, anuruddhā, tathāgatassa ye āsavā saṃkilesikā ponobbhavikā sadarā dukkhavipākā āyatiṃ jātijarāmaraṇiyā, pahīnā te ucchinnamūlā tālāvatthukatā anabhāvaṃkatā āyatiṃ anuppādadhammā; tasmā tathāgato saṅkhāyekaṃ paṭisevati, saṅkhāyekaṃ adhivāseti, saṅkhāyekaṃ parivajjeti, saṅkhāyekaṃ vinodeti’’.
PTS 1.465已對照

“阿那律們,你認為怎樣?如來是見到什麼義利,[才]為已過去、已命終的弟子們記說其往生之處:‘某人往生於某處,某人往生於某處’呢?”“尊者,我們的諸法以世尊為根本、以世尊為引導、以世尊為依止。尊者,若世尊親自解說這所說之義,那就好了;聽了世尊[所說],比丘們將會受持。”“阿那律們,如來不是為了欺騙眾人,不是為了籠絡眾人,不是為了利養、恭敬、名聲的功德,不是為了‘讓人們這樣知道我’,[才]為已過去、已命終的弟子們記說其往生之處:‘某人往生於某處,某人往生於某處’。阿那律們,而有些良家子具信、有廣大的欣喜、有廣大的愉悅;他們聽了那[記說]之後,為此而導引心。阿那律們,那使他們長夜得利益與安樂。”

‘‘Taṃ kiṃ maññasi, anuruddhā, kaṃ atthavasaṃ sampassamāno tathāgato sāvake abbhatīte kālaṅkate upapattīsu byākaroti – ‘asu amutra upapanno; asu amutra upapanno’’’ti? ‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti. ‘‘Na kho, anuruddhā, tathāgato janakuhanatthaṃ na janalapanatthaṃ na lābhasakkārasilokānisaṃsatthaṃ na ‘iti maṃ jano jānātū’ti sāvake abbhatīte kālaṅkate upapattīsu byākaroti – ‘asu amutra upapanno, asu amutra upapanno’ti. Santi ca kho, anuruddhā, kulaputtā saddhā uḷāravedā uḷārapāmojjā. Te taṃ sutvā tadatthāya cittaṃ upasaṃharanti. Tesaṃ taṃ, anuruddhā, hoti dīgharattaṃ hitāya sukhāya’’.
169已對照

一六九、“阿那律們,在此,比丘聽到:‘某某比丘已命終;他被世尊記說為——已安立於究竟智。’而那位具壽,或是他親自見過的,或是從傳聞聽說的:‘那位具壽曾有這樣的戒,那位具壽曾有這樣的法,那位具壽曾有這樣的慧,那位具壽曾有這樣的住,那位具壽曾有這樣的解脫。’他隨念那位[具壽]的信、戒、聞、舍、慧時,為此而導引心。阿那律們,如是,比丘也有安樂住。

169. ‘‘Idhānuruddhā, bhikkhu suṇāti – ‘itthannāmo bhikkhu kālaṅkato [kālakato (sī. syā. kaṃ. pī.)]; so bhagavatā byākato – aññāya saṇṭhahī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo so āyasmā ahosi itipi, evaṃpañño so āyasmā ahosi itipi, evaṃvihārī so āyasmā ahosi itipi, evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
緬 2.129已對照

“阿那律們,在此,比丘聽到:‘某某比丘已命終;他被世尊記說為——以五下分結的滅盡而為化生者,將在那裡般涅槃,不再從彼世間還來。’而那位具壽,或是他親自見過的,或是從傳聞聽說的:‘那位具壽曾有這樣的戒,這樣的法……乃至……這樣的慧……這樣的住……那位具壽曾有這樣的解脫。’他隨念那位[具壽]的信、戒、聞、舍、慧時,為此而導引心。阿那律們,如是,比丘也有安樂住。

‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
PTS 1.466已對照

“阿那律們,在此,比丘聽到:‘某某比丘已命終;他被世尊記說為——以三結的滅盡、貪瞋痴的薄弱而為斯陀含,只再來此世間一次便將作苦的邊際。’而那位具壽,或是他親自見過的,或是從傳聞聽說的:‘那位具壽曾有這樣的戒,這樣的法……乃至……這樣的慧……這樣的住……那位具壽曾有這樣的解脫。’他隨念那位[具壽]的信、戒、聞、舍、慧時,為此而導引心。阿那律們,如是,比丘也有安樂住。

‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissatī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
已對照

“阿那律們,在此,比丘聽到:‘某某比丘已命終;他被世尊記說為——以三結的滅盡而為須陀洹,不墮惡趣,[趣向]決定,以正覺為歸趣。’而那位具壽,或是他親自見過的,或是從傳聞聽說的:‘那位具壽曾有這樣的戒,這樣的法……乃至……這樣的慧……這樣的住……那位具壽曾有這樣的解脫。’他隨念那位[具壽]的信、戒、聞、舍、慧時,為此而導引心。阿那律們,如是,比丘也有安樂住。

‘‘Idhānuruddhā, bhikkhu suṇāti – ‘itthannāmo bhikkhu kālaṅkato; so bhagavatā byākato – tiṇṇaṃ saṃyojanānaṃ parikkhayā sotāpanno avinipātadhammo niyato sambodhiparāyaṇo’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, bhikkhuno phāsuvihāro hoti.
170已對照

一七〇、“阿那律們,在此,比丘尼聽到:‘某某比丘尼已命終;她被世尊記說為——已安立於究竟智。’而那位姊妹,或是她親自見過的,或是從傳聞聽說的:‘那位姊妹曾有這樣的戒,那位姊妹曾有這樣的法,那位姊妹曾有這樣的慧,那位姊妹曾有這樣的住,那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,比丘尼也有安樂住。

170. ‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – aññāya saṇṭhahī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā sā bhaginī ahosi itipi, evaṃpaññā sā bhaginī ahosi itipi, evaṃvihārinī sā bhaginī ahosi itipi, evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
緬 2.130已對照

“阿那律們,在此,比丘尼聽到:‘某某比丘尼已命終;她被世尊記說為——以五下分結的滅盡而為化生者,將在那裡般涅槃,不再從彼世間還來。’而那位姊妹,或是她親自見過的,或是從傳聞聽說的:‘那位姊妹曾有這樣的戒,這樣的法……乃至……這樣的慧……這樣的住……那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,比丘尼也有安樂住。

‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā…pe… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
已對照

“阿那律們,在此,比丘尼聽到:‘某某比丘尼已命終;她被世尊記說為——以三結的滅盡、貪瞋痴的薄弱而為斯陀含,只再來此世間一次便將作苦的邊際。’而那位姊妹,或是她親自見過的,或是從傳聞聽說的:‘那位姊妹曾有這樣的戒,這樣的法……乃至……這樣的慧……這樣的住……那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,比丘尼也有安樂住。

‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāminī sakideva imaṃ lokaṃ āgantvā dukkhassantaṃ karissatī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā…pe… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
PTS 1.467已對照

“阿那律們,在此,比丘尼聽到:‘某某比丘尼已命終;她被世尊記說為——以三結的滅盡而為須陀洹,不墮惡趣,[趣向]決定,以正覺為歸趣。’而那位姊妹,或是她親自見過的,或是從傳聞聽說的:‘那位姊妹曾有這樣的戒,這樣的法……這樣的慧……這樣的住……那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,比丘尼也有安樂住。

‘‘Idhānuruddhā, bhikkhunī suṇāti – ‘itthannāmā bhikkhunī kālaṅkatā; sā bhagavatā byākatā – tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, bhikkhuniyā phāsuvihāro hoti.
171緬 2.131已對照

一七一、“阿那律們,在此,優婆塞聽到:‘某某優婆塞已命終;他被世尊記說為——以五下分結的滅盡而為化生者,將在那裡般涅槃,不再從彼世間還來。’而那位具壽,或是他親自見過的,或是從傳聞聽說的:‘那位具壽曾有這樣的戒,那位具壽曾有這樣的法,那位具壽曾有這樣的慧,那位具壽曾有這樣的住,那位具壽曾有這樣的解脫。’他隨念那位[具壽]的信、聞、舍、慧時,為此而導引心。阿那律們,如是,優婆塞也有安樂住。

171. ‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – pañcannaṃ orambhāgiyānaṃ saṃyojanānaṃ parikkhayā opapātiko tattha parinibbāyī anāvattidhammo tasmā lokā’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo so āyasmā ahosi itipi, evaṃpañño so āyasmā ahosi itipi, evaṃvihārī so āyasmā ahosi itipi, evaṃvimutto so āyasmā ahosi itipī’ti. So tassa saddhañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, upāsakassa phāsuvihāro hoti.
已對照

“阿那律們,在此,優婆塞聽到:‘某某優婆塞已命終;他被世尊記說為——以三結的滅盡、貪瞋痴的薄弱而為斯陀含,只再來此世間一次便將作苦的邊際。’而那位具壽,或是他親自見過的,或是從傳聞聽說的:‘那位具壽曾有這樣的戒,這樣的法……這樣的慧……這樣的住……那位具壽曾有這樣的解脫。’他隨念那位[具壽]的信、戒、聞、舍、慧時,為此而導引心。阿那律們,如是,優婆塞也有安樂住。

‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī sakideva imaṃ lokaṃ āgantvā dukkhassantaṃ karissatī’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā, upāsakassa phāsuvihāro hoti.
已對照

“阿那律們,在此,優婆塞聽到:‘某某優婆塞已命終;他被世尊記說為——以三結的滅盡而為須陀洹,不墮惡趣,[趣向]決定,以正覺為歸趣。’而那位具壽,或是他親自見過的,或是從傳聞聽說的:‘那位具壽曾有這樣的戒,這樣的法……乃至……這樣的慧……這樣的住……那位具壽曾有這樣的解脫。’他隨念那位[具壽]的信、戒、聞、舍、慧時,為此而導引心。阿那律們,如是,優婆塞也有安樂住。

‘‘Idhānuruddhā, upāsako suṇāti – ‘itthannāmo upāsako kālaṅkato; so bhagavatā byākato – tiṇṇaṃ saṃyojanānaṃ parikkhayā sotāpanno avinipātadhammo niyato sambodhiparāyaṇo’ti. So kho panassa āyasmā sāmaṃ diṭṭho vā hoti anussavassuto vā – ‘evaṃsīlo so āyasmā ahosi itipi, evaṃdhammo…pe… evaṃpañño… evaṃvihārī… evaṃvimutto so āyasmā ahosi itipī’ti. So tassa saddhañca sīlañca sutañca cāgañca paññañca anussaranto tadatthāya cittaṃ upasaṃharati. Evampi kho, anuruddhā upāsakassa phāsuvihāro hoti.
172PTS 1.468緬 2.132已對照

一七二、“阿那律們,在此,優婆夷聽到:‘某某優婆夷已命終;她被世尊記說為——以五下分結的滅盡而為化生者,將在那裡般涅槃,不再從彼世間還來。’而那位姊妹,或是她親自見過的,或是從傳聞聽說的:‘那位姊妹曾有這樣的戒,這樣的法……這樣的慧……這樣的住……那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,優婆夷也有安樂住。

“阿那律們,在此,優婆夷聽到:‘某某優婆夷已命終;她被世尊記說為——以三結的滅盡、貪瞋痴的薄弱而為斯陀含,只再來此世間一次便將作苦的邊際。’而那位姊妹,或是她親自見過的,或是從傳聞聽說的:‘那位姊妹曾有這樣的戒,這樣的法……這樣的慧……這樣的住……那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,優婆夷也有安樂住。

“阿那律們,在此,優婆夷聽到:‘某某優婆夷已命終;她被世尊記說為——以三結的滅盡而為須陀洹,不墮惡趣,[趣向]決定,以正覺為歸趣。’而那位姊妹,或是她親自見過的,或是從傳聞聽說的:‘那位姊妹曾有這樣的戒,那位姊妹曾有這樣的法,那位姊妹曾有這樣的慧,那位姊妹曾有這樣的住,那位姊妹曾有這樣的解脫。’她隨念那位[姊妹]的信、戒、聞、舍、慧時,為此而導引心。阿那律們,如是,優婆夷也有安樂住。

“阿那律們,如是,如來不是為了欺騙眾人,不是為了籠絡眾人,不是為了利養、恭敬、名聲的功德,不是為了‘讓人們這樣知道我’,[才]為已過去、已命終的弟子們記說其往生之處:‘某人往生於某處,某人往生於某處’。阿那律們,而有些良家子具信、有廣大的欣喜、有廣大的愉悅;他們聽了那[記說]之後,為此而導引心。阿那律們,那使他們長夜得利益與安樂。”

世尊說了這[番話]。具壽阿那律滿意、歡喜世尊之所說。

172. ‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyinī anāvattidhammā tasmā lokā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāminī sakideva imaṃ lokaṃ āgantvā dukkhassantaṃ karissatī’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā… evaṃpaññā… evaṃvihārinī… evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘Idhānuruddhā, upāsikā suṇāti – ‘itthannāmā upāsikā kālaṅkatā; sā bhagavatā byākatā – tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyaṇā’ti. Sā kho panassā bhaginī sāmaṃ diṭṭhā vā hoti anussavassutā vā – ‘evaṃsīlā sā bhaginī ahosi itipi, evaṃdhammā sā bhaginī ahosi itipi, evaṃpaññā sā bhaginī ahosi itipi, evaṃvihārinī sā bhaginī ahosi itipi, evaṃvimuttā sā bhaginī ahosi itipī’ti. Sā tassā saddhañca sīlañca sutañca cāgañca paññañca anussarantī tadatthāya cittaṃ upasaṃharati. Evampi kho, anuruddhā, upāsikāya phāsuvihāro hoti.
‘‘Iti kho, anuruddhā, tathāgato na janakuhanatthaṃ na janalapanatthaṃ na lābhasakkārasilokānisaṃsatthaṃ na ‘iti maṃ jano jānātū’ti sāvake abbhatīte kālaṅkate upapattīsu byākaroti – ‘asu amutra upapanno, asu amutra upapanno’ti. Santi ca kho, anuruddhā, kulaputtā saddhā uḷāravedā uḷārapāmojjā. Te taṃ sutvā tadatthāya cittaṃ upasaṃharanti. Tesaṃ taṃ, anuruddhā, hoti dīgharattaṃ hitāya sukhāyā’’ti.
Idamavoca bhagavā. Attamano āyasmā anuruddho bhagavato bhāsitaṃ abhinandīti.
Naḷakapānasuttaṃ niṭṭhitaṃ aṭṭhamaṃ.
已對照

《那羅迦波那經》終,[《比丘品》中之]第八[經]。