（十一）一、渴望難捨斷品
(11) 1. Āsāduppajahavaggo
一百一十九、“諸比丘，有這兩種渴望難捨斷。哪兩種[渴望]呢？利養的渴望與生命的渴望。諸比丘，這兩種渴望難捨斷。”
119. ‘‘Dvemā, bhikkhave, āsā duppajahā. Katamā dve? Lābhāsā ca jīvitāsā ca. Imā kho, bhikkhave, dve āsā duppajahā’’ti.
一百二十、“諸比丘，有這兩種人在世間難得。哪兩種[人]呢？先施恩者，與知恩、感恩者。諸比丘，這兩種人在世間難得。”
120. ‘‘Dveme, bhikkhave, puggalā dullabhā lokasmiṃ. Katame dve? Yo ca pubbakārī, yo ca kataññū katavedī. Ime kho, bhikkhave, dve puggalā dullabhā lokasmi’’nti.
一百二十一、“諸比丘，有這兩種人在世間難得。哪兩種[人]呢？已滿足者與令[他人]滿足者。諸比丘，這兩種人在世間難得。”
121. ‘‘Dveme, bhikkhave, puggalā dullabhā lokasmiṃ. Katame dve? Titto ca tappetā ca. Ime kho, bhikkhave, dve puggalā dullabhā lokasmi’’nti.
一百二十二、“諸比丘，有這兩種人難以令滿足。哪兩種[人]呢？每有所得便收藏起來者，與每有所得便施捨出去者。諸比丘，這兩種人難以令滿足。”
122. ‘‘Dveme, bhikkhave, puggalā duttappayā. Katame dve? Yo ca laddhaṃ laddhaṃ nikkhipati, yo ca laddhaṃ laddhaṃ vissajjeti. Ime kho, bhikkhave, dve puggalā duttappayā’’ti.
一百二十三、“諸比丘，有這兩種人易於令滿足。哪兩種[人]呢？每有所得不收藏起來者，與每有所得不施捨出去者。諸比丘，這兩種人易於令滿足。”
123. ‘‘Dveme, bhikkhave, puggalā sutappayā. Katame dve? Yo ca laddhaṃ laddhaṃ na nikkhipati, yo ca laddhaṃ laddhaṃ na vissajjeti. Ime kho, bhikkhave, dve puggalā sutappayā’’ti.
一百二十四、“諸比丘，有這兩種貪生起的緣。哪兩種[緣]呢？淨相與不如理作意。諸比丘，這就是兩種貪生起的緣。”
124. ‘‘Dveme, bhikkhave, paccayā rāgassa uppādāya. Katame dve? Subhanimittañca ayoniso ca manasikāro. Ime kho, bhikkhave, dve paccayā rāgassa uppādāyā’’ti.
一百二十五、“諸比丘，有這兩種瞋生起的緣。哪兩種[緣]呢？瞋相與不如理作意。諸比丘，這就是兩種瞋生起的緣。”
125. ‘‘Dveme, bhikkhave, paccayā dosassa uppādāya. Katame dve? Paṭighanimittañca ayoniso ca manasikāro. Ime kho, bhikkhave, dve paccayā dosassa uppādāyā’’ti.
一百二十六、“諸比丘，有這兩種邪見生起的緣。哪兩種[緣]呢？從他[而來]的音聲與不如理作意。諸比丘，這就是兩種邪見生起的緣。”
126. ‘‘Dveme, bhikkhave, paccayā micchādiṭṭhiyā uppādāya. Katame dve? Parato ca ghoso ayoniso ca manasikāro. Ime kho, bhikkhave, dve paccayā micchādiṭṭhiyā uppādāyā’’ti.
一百二十七、“諸比丘，有這兩種正見生起的緣。哪兩種[緣]呢？從他[而來]的音聲與如理作意。諸比丘，這就是兩種正見生起的緣。”
127. ‘‘Dveme, bhikkhave, paccayā sammādiṭṭhiyā uppādāya. Katame dve? Parato ca ghoso, yoniso ca manasikāro. Ime kho, bhikkhave, dve paccayā sammādiṭṭhiyā uppādāyā’’ti.
一百二十八、“諸比丘，有這兩種罪。哪兩種[罪]呢？輕罪與重罪。諸比丘，這就是兩種罪。”
128. ‘‘Dvemā, bhikkhave, āpattiyo. Katamā dve? Lahukā ca āpatti, garukā ca āpatti. Imā kho, bhikkhave, dve āpattiyo’’ti.
一百二十九、“諸比丘，有這兩種罪。哪兩種[罪]呢？粗罪與非粗罪。諸比丘，這就是兩種罪。”
129. ‘‘Dvemā, bhikkhave, āpattiyo. Katamā dve? Duṭṭhullā ca āpatti, aduṭṭhullā ca āpatti. Imā kho, bhikkhave, dve āpattiyo’’ti.
一百三十、“諸比丘，有這兩種罪。哪兩種[罪]呢？有餘罪與無餘罪。諸比丘，這就是兩種罪。”
130. ‘‘Dvemā, bhikkhave, āpattiyo. Katamā dve? Sāvasesā ca āpatti, anavasesā ca āpatti. Imā kho, bhikkhave, dve āpattiyo’’ti.