快樂巴利palinanda.cc

增支部 · 十集·優波離品 Upālivaggo

本經目錄四、優波離品一、優波離經二、波羅提木叉遮止經三、斷事人經四、具足戒經五、依止經六、沙彌經七、破僧經八、僧團和合經九、第一阿難經十、第二阿難經優波離品第四。

已對照

四、優波離品

4. Upālivaggo
已對照

一、優波離經

1. Upālisuttaṃ
31已對照

三十一、那時,具壽優波離(Upāli)來到世尊之處;到了之後,禮敬世尊,坐在一旁。坐在一旁的具壽優波離對世尊這樣說——“尊者,如來依據多少義利,為弟子們制定了學處、誦出了波羅提木叉呢?”

31. Atha kho āyasmā upāli yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā upāli bhagavantaṃ etadavoca – ‘‘kati nu kho, bhante, atthavase paṭicca tathāgatena sāvakānaṃ sikkhāpadaṃ paññattaṃ, pātimokkhaṃ uddiṭṭha’’nti?
已對照

“優波離,如來依據十種義利,為弟子們制定了學處、誦出了波羅提木叉。哪十種[義利]呢?為了僧團的良好、為了僧團的安樂、為了制伏無羞之人、為了善良比丘們的安樂住、為了防護現法的諸漏、為了遣除來世的諸漏、為了令未淨信者淨信、為了令已淨信者增長、為了正法的住立、為了攝護律——優波離,如來依據這十種義利,為弟子們制定了學處、誦出了波羅提木叉。”第一[經]。

‘‘Dasa kho, upāli, atthavase paṭicca tathāgatena sāvakānaṃ sikkhāpadaṃ paññattaṃ, pātimokkhaṃ uddiṭṭhaṃ. Katame dasa? Saṅghasuṭṭhutāya, saṅghaphāsutāya, dummaṅkūnaṃ puggalānaṃ niggahāya, pesalānaṃ bhikkhūnaṃ phāsuvihārāya, diṭṭhadhammikānaṃ āsavānaṃ saṃvarāya, samparāyikānaṃ āsavānaṃ paṭighātāya, appasannānaṃ pasādāya, pasannānaṃ bhiyyobhāvāya, saddhammaṭṭhitiyā, vinayānuggahāya – ime kho, upāli, dasa atthavase paṭicca tathāgatena sāvakānaṃ sikkhāpadaṃ paññattaṃ, pātimokkhaṃ uddiṭṭha’’nti. Paṭhamaṃ.
已對照

二、波羅提木叉遮止經

2. Pātimokkhaṭṭhapanāsuttaṃ
32PTS 5.71緬 3.312已對照

三十二、“尊者,有多少波羅提木叉的遮止呢?”“優波離,有十種波羅提木叉的遮止。哪十種[遮止]呢?犯波羅夷者坐在那會眾中,關於波羅夷的談論尚未了結;未受具足戒者坐在那會眾中,關於未受具足戒者的談論尚未了結;捨棄學處者坐在那會眾中,關於捨棄學處者的談論尚未了結;黃門坐在那會眾中,關於黃門的談論尚未了結;汙比丘尼者坐在那會眾中,關於汙比丘尼者的談論尚未了結——優波離,這就是十種波羅提木叉的遮止。”第二[經]。

32. ‘‘Kati nu kho, bhante, pātimokkhaṭṭhapanā’’ti? ‘‘Dasa kho, upāli, pātimokkhaṭṭhapanā. Katame dasa? Pārājiko tassaṃ parisāyaṃ nisinno hoti, pārājikakathā vippakatā hoti, anupasampanno tassaṃ parisāyaṃ nisinno hoti, anupasampannakathā vippakatā hoti, sikkhaṃ paccakkhātako tassaṃ parisāyaṃ nisinno hoti, sikkhaṃ paccakkhātakakathā vippakatā hoti, paṇḍako tassaṃ parisāyaṃ nisinno hoti, paṇḍakakathā vippakatā hoti, bhikkhunidūsako tassaṃ parisāyaṃ nisinno hoti, bhikkhunidūsakakathā vippakatā hoti – ime kho, upāli, dasa pātimokkhaṭṭhapanā’’ti. Dutiyaṃ.
已對照

三、斷事人經

3. Ubbāhikāsuttaṃ
33PTS 5.72已對照

三十三、“尊者,具足多少法的比丘,應被認可為斷事人呢?”“優波離,具足十種法的比丘,應被認可為斷事人。具足哪十種[法]呢?優波離,在此,比丘具戒,以波羅提木叉律儀防護而住,具足正行與行處,於微細的罪過也見怖畏,受持學處而學習;是多聞者、憶持所聞者、積集所聞者,凡是那些初善、中善、後善的,具足義理與文句的,顯示完全圓滿、遍淨的梵行的法,他對這樣的諸法多聞、憶持、以語熟習、以意隨觀察、以見善通達;兩部波羅提木叉為他詳細善誦、善分別、善轉、善決斷,依經、依隨文;他住立於律,不被牽動;他有能力令當事者雙方了知、令明瞭、令審視、令看見、令淨信;他是諍事之生起與平息的善巧者——他了知諍事;他了知諍事的集起;他了知諍事的滅;他了知導至諍事之滅的道。優波離,具足這十種法的比丘,應被認可為斷事人。”第三[經]。

33. [cūḷava. 231] ‘‘Katihi nu kho, bhante, dhammehi samannāgato bhikkhu ubbāhikāya sammannitabbo’’ti? ‘‘Dasahi kho, upāli, dhammehi samannāgato bhikkhu ubbāhikāya sammannitabbo. Katamehi dasahi? Idhupāli, bhikkhu sīlavā hoti; pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ [satthā sabyañjanā (sī.) evamuparipi] kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā; ubhayāni kho panassa pātimokkhāni vitthārena svāgatāni honti suvibhattāni suppavattīni suvinicchitāni suttaso anubyañjanaso; vinaye kho pana ṭhito hoti asaṃhīro; paṭibalo hoti ubho atthapaccatthike saññāpetuṃ paññāpetuṃ nijjhāpetuṃ pekkhetuṃ pasādetuṃ; adhikaraṇasamuppādavūpasamakusalo hoti – adhikaraṇaṃ jānāti; adhikaraṇasamudayaṃ jānāti; adhikaraṇanirodhaṃ jānāti; adhikaraṇanirodhagāminiṃ paṭipadaṃ jānāti. Imehi kho, upāli, dasahi dhammehi samannāgato bhikkhu ubbāhikāya sammannitabbo’’ti. Tatiyaṃ.
已對照

四、具足戒經

4. Upasampadāsuttaṃ
34緬 3.313已對照

三十四、“尊者,應由具足多少法的比丘授具足戒呢?”“優波離,應由具足十種法的比丘授具足戒。具足哪十種[法]呢?優波離,在此,比丘具戒,以波羅提木叉律儀防護而住,具足正行與行處,於微細的罪過也見怖畏,受持學處而學習;是多聞者、憶持所聞者、積集所聞者,凡是那些初善、中善、後善的,具足義理與文句的,顯示完全圓滿、遍淨的梵行的法,他對這樣的諸法多聞、憶持、以語熟習、以意隨觀察、以見善通達;波羅提木叉為他詳細善誦、善分別、善轉、善決斷,依經、依隨文;他有能力看護病者,或令[他人]看護;他有能力除去不樂,或令[他人]除去;他有能力依法除遣已生起的追悔;他有能力依法令[他]離脫已生起的見執;他有能力勸導[他]於增上戒;他有能力勸導[他]於增上心;他有能力勸導[他]於增上慧。優波離,應由具足這十種法的比丘授具足戒。”第四[經]。

34. ‘‘Katihi nu kho, bhante, dhammehi samannāgatena bhikkhunā upasampādetabba’’nti? ‘‘Dasahi kho, upāli, dhammehi samannāgatena bhikkhunā upasampādetabbaṃ. Katamehi dasahi? Idhupāli, bhikkhu sīlavā hoti, pātimokkhasaṃvarasaṃvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu; bahussuto hoti sutadharo sutasannicayo, ye te dhammā ādikalyāṇā majjhekalyāṇā pariyosānakalyāṇā sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ abhivadanti, tathārūpāssa dhammā bahussutā honti dhātā vacasā paricitā manasānupekkhitā diṭṭhiyā suppaṭividdhā; pātimokkhaṃ kho panassa vitthārena svāgataṃ hoti suvibhattaṃ suppavattaṃ suvinicchitaṃ suttaso anubyañjanaso; paṭibalo hoti gilānaṃ upaṭṭhātuṃ vā upaṭṭhāpetuṃ vā; paṭibalo hoti anabhiratiṃ vūpakāsetuṃ vā vūpakāsāpetuṃ vā; paṭibalo hoti uppannaṃ kukkuccaṃ dhammato vinodetuṃ; paṭibalo hoti uppannaṃ diṭṭhigataṃ dhammato vivecetuṃ; paṭibalo hoti adhisīle samādapetuṃ; paṭibalo hoti adhicitte samādapetuṃ; paṭibalo hoti adhipaññāya samādapetuṃ. Imehi kho, upāli, dasahi dhammehi samannāgatena bhikkhunā upasampādetabba’’nti. Catutthaṃ.
已對照

五、依止經

5. Nissayasuttaṃ
35PTS 5.73已對照

三十五、“尊者,應由具足多少法的比丘給予依止呢?”“優波離,應由具足十種法的比丘給予依止。具足哪十種[法]呢?優波離,在此,比丘具戒……乃至……受持學處而學習;是多聞者……乃至……以見善通達;波羅提木叉為他詳細善誦、善分別、善轉、善決斷,依經、依隨文;他有能力看護病者,或令[他人]看護;他有能力除去不樂,或令[他人]除去;他有能力依法除遣已生起的追悔;他有能力依法令[他]離脫已生起的見執;他有能力勸導[他]於增上戒……乃至……於增上心……於增上慧。優波離,應由具足這十種法的比丘給予依止。”第五[經]。

35. ‘‘Katihi nu kho, bhante, dhammehi samannāgatena bhikkhunā nissayo dātabbo’’ti? ‘‘Dasahi kho, upāli, dhammehi samannāgatena bhikkhunā nissayo dātabbo. Katamehi dasahi? Idhupāli, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; pātimokkhaṃ kho panassa vitthārena svāgataṃ hoti suvibhattaṃ suppavattaṃ suvinicchitaṃ suttaso anubyañjanaso; paṭibalo hoti gilānaṃ upaṭṭhātuṃ vā upaṭṭhāpetuṃ vā; paṭibalo hoti anabhiratiṃ vūpakāsetuṃ vā vūpakāsāpetuṃ vā; paṭibalo hoti uppannaṃ kukkuccaṃ dhammato vinodetuṃ; paṭibalo hoti uppannaṃ diṭṭhigataṃ dhammato vivecetuṃ; paṭibalo hoti adhisīle…pe… adhicitte… adhipaññāya samādapetuṃ. Imehi kho, upāli, dasahi dhammehi samannāgatena bhikkhunā nissayo dātabbo’’ti. Pañcamaṃ.
已對照

六、沙彌經

6. Sāmaṇerasuttaṃ
36緬 3.314已對照

三十六、“尊者,應由具足多少法的比丘畜沙彌呢?”“優波離,應由具足十種法的比丘畜沙彌。具足哪十種[法]呢?優波離,在此,比丘具戒……乃至……受持學處而學習;是多聞者……乃至……以見善通達;波羅提木叉為他詳細善誦、善分別、善轉、善決斷,依經、依隨文;他有能力看護病者,或令[他人]看護;他有能力除去不樂,或令[他人]除去;他有能力依法除遣已生起的追悔;他有能力依法令[他]離脫已生起的見執;他有能力勸導[他]於增上戒;他有能力勸導[他]於增上心;他有能力勸導[他]於增上慧。優波離,應由具足這十種法的比丘畜沙彌。”第六[經]。

36. ‘‘Katihi nu kho, bhante, dhammehi samannāgatena bhikkhunā sāmaṇero upaṭṭhāpetabbo’’ti? ‘‘Dasahi kho, upāli, dhammehi samannāgatena bhikkhunā sāmaṇero upaṭṭhāpetabbo. Katamehi dasahi? Idhupāli, bhikkhu sīlavā hoti…pe… samādāya sikkhati sikkhāpadesu; bahussuto hoti…pe… diṭṭhiyā suppaṭividdhā; pātimokkhaṃ kho panassa vitthārena svāgataṃ hoti suvibhattaṃ suppavattaṃ suvinicchitaṃ suttaso anubyañjanaso; paṭibalo hoti gilānaṃ upaṭṭhātuṃ vā upaṭṭhāpetuṃ vā; paṭibalo hoti anabhiratiṃ vūpakāsetuṃ vā vūpakāsāpetuṃ vā; paṭibalo hoti uppannaṃ kukkuccaṃ dhammato vinodetuṃ; paṭibalo hoti uppannaṃ diṭṭhigataṃ dhammato vivecetuṃ; paṭibalo hoti adhisīle samādapetuṃ; paṭibalo hoti adhicitte samādapetuṃ; paṭibalo hoti adhipaññāya samādapetuṃ. Imehi kho, upāli, dasahi dhammehi samannāgatena bhikkhunā sāmaṇero upaṭṭhāpetabbo’’ti. Chaṭṭhaṃ.
已對照

七、破僧經

7. Saṅghabhedasuttaṃ
37PTS 5.74已對照

三十七、“尊者,人們說‘破僧、破僧’。尊者,到什麼程度,僧團才被破呢?”“優波離,在此,比丘們把非法顯明為法,把法顯明為非法,把非律顯明為律,把律顯明為非律,把如來未說、未言的[語]顯明為如來所說、所言的[語],把如來所說、所言的[語]顯明為如來未說、未言的[語],把如來所不常行的顯明為如來所常行的,把如來所常行的顯明為如來所不常行的,把如來未制定的顯明為如來所制定的,把如來所制定的顯明為如來未制定的。他們以這十種事牽引[會眾]、牽離[會眾],別作諸羯磨,別誦波羅提木叉。優波離,到這個程度,僧團就被破了。”第七[經]。

37. ‘‘‘Saṅghabhedo saṅghabhedo’ti, bhante, vuccati. Kittāvatā nu kho, bhante, saṅgho bhinno hotī’’ti? ‘‘Idhupāli, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti, vinayaṃ avinayoti dīpenti, abhāsitaṃ alapitaṃ tathāgatena bhāsitaṃ lapitaṃ tathāgatenāti dīpenti, bhāsitaṃ lapitaṃ tathāgatena abhāsitaṃ alapitaṃ tathāgatenāti dīpenti, anāciṇṇaṃ tathāgatena āciṇṇaṃ tathāgatenāti dīpenti, āciṇṇaṃ tathāgatena anāciṇṇaṃ tathāgatenāti dīpenti, apaññattaṃ tathāgatena paññattaṃ tathāgatenāti dīpenti, paññattaṃ tathāgatena apaññattaṃ tathāgatenāti dīpenti. Te imehi dasahi vatthūhi avakassanti apakassanti āveni [āveniṃ (cūḷava. 352) āveṇi, āveṇikaṃ (tattheva adholipi)] kammāni karonti āveni pātimokkhaṃ uddisanti. Ettāvatā kho, upāli, saṅgho bhinno hotī’’ti. Sattamaṃ.
已對照

八、僧團和合經

8. Saṅghasāmaggīsuttaṃ
38緬 3.315已對照

三十八、“尊者,人們說‘僧團和合、僧團和合’。尊者,到什麼程度,僧團才是和合的呢?”“優波離,在此,比丘們把非法顯明為非法,把法顯明為法,把非律顯明為非律,把律顯明為律,把如來未說、未言的[語]顯明為如來未說、未言的[語],把如來所說、所言的[語]顯明為如來所說、所言的[語],把如來所不常行的顯明為如來所不常行的,把如來所常行的顯明為如來所常行的,把如來未制定的顯明為如來未制定的,把如來所制定的顯明為如來所制定的。他們不以這十種事牽引[會眾]、不牽離[會眾],不別作諸羯磨,不別誦波羅提木叉。優波離,到這個程度,僧團就是和合的。”第八[經]。

38. [cūḷava. 353] ‘‘‘Saṅghasāmaggī saṅghasāmaggī’ti, bhante, vuccati. Kittāvatā nu kho, bhante, saṅgho samaggo hotī’’ti? ‘‘Idhupāli, bhikkhū adhammaṃ adhammoti dīpenti, dhammaṃ dhammoti dīpenti, avinayaṃ avinayoti dīpenti, vinayaṃ vinayoti dīpenti, abhāsitaṃ alapitaṃ tathāgatena abhāsitaṃ alapitaṃ tathāgatenāti dīpenti, bhāsitaṃ lapitaṃ tathāgatena bhāsitaṃ lapitaṃ tathāgatenāti dīpenti, anāciṇṇaṃ tathāgatena anāciṇṇaṃ tathāgatenāti dīpenti, āciṇṇaṃ tathāgatena āciṇṇaṃ tathāgatenāti dīpenti, apaññattaṃ tathāgatena apaññattaṃ tathāgatenāti dīpenti, paññattaṃ tathāgatena paññattaṃ tathāgatenāti dīpenti. Te imehi dasahi vatthūhi na avakassanti na apakassanti na āveni kammāni karonti na āveni pātimokkhaṃ uddisanti. Ettāvatā kho, upāli, saṅgho samaggo hotī’’ti. Aṭṭhamaṃ.
已對照

九、第一阿難經

9. Paṭhamaānandasuttaṃ
39PTS 5.75已對照

三十九、那時,具壽阿難來到世尊之處;到了之後,禮敬世尊,坐在一旁。坐在一旁的具壽阿難對世尊這樣說——“尊者,人們說‘破僧、破僧’。尊者,到什麼程度,僧團才被破呢?”“阿難,在此,比丘們把非法顯明為法,把法顯明為非法,把非律顯明為律……乃至……把如來所制定的顯明為如來未制定的。他們以這十種事牽引[會眾]、牽離[會眾],別作諸羯磨,別誦波羅提木叉。阿難,到這個程度,僧團就被破了。”

39. Atha kho āyasmā ānando yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā ānando bhagavantaṃ etadavoca – ‘‘‘saṅghabhedo saṅghabhedo’ti, bhante, vuccati. Kittāvatā nu kho, bhante, saṅgho bhinno hotī’’ti? ‘‘Idhānanda, bhikkhū adhammaṃ dhammoti dīpenti, dhammaṃ adhammoti dīpenti, avinayaṃ vinayoti dīpenti…pe… paññattaṃ tathāgatena apaññattaṃ tathāgatenāti dīpenti. Te imehi dasahi vatthūhi avakassanti apakassanti āveni kammāni karonti āveni pātimokkhaṃ uddisanti. Ettāvatā kho, ānanda, saṅgho bhinno hotī’’ti.
已對照

“尊者,那麼,破了和合的僧團之後,他生起什麼呢?”“阿難,他生起延續一劫的罪惡。”“尊者,那麼,什麼是延續一劫的罪惡呢?”“阿難,[他]在地獄受煮一劫——

‘‘Samaggaṃ pana, bhante, saṅghaṃ bhinditvā kiṃ so pasavatī’’ti? ‘‘Kappaṭṭhikaṃ, ānanda, kibbisaṃ pasavatī’’ti. ‘‘Kiṃ pana, bhante, kappaṭṭhikaṃ kibbisa’’nti? ‘‘Kappaṃ, ānanda, nirayamhi paccatīti –
PTS 5.76已對照

“破僧者是墮惡趣者、墮地獄者,延續一劫;

‘‘Āpāyiko nerayiko, kappaṭṭho saṅghabhedako;
已對照

喜於分黨、住於非法者,從瑜伽安穩退失;

Vaggarato adhammaṭṭho, yogakkhemā padhaṃsati;
已對照

破了和合的僧團之後,在地獄受煮一劫。”第九[經]。

Saṅghaṃ samaggaṃ bhinditvā [bhetvāna (sī. syā.), bhitvāna (ka.) cūḷava. 354; itivu. 18; kathāva. 657] kappaṃ nirayamhi paccatī’’ti. navamaṃ;
已對照

十、第二阿難經

10. Dutiyaānandasuttaṃ
40緬 3.316已對照

四十、“尊者,人們說‘僧團和合、僧團和合’。尊者,到什麼程度,僧團才是和合的呢?”“阿難,在此,比丘們把非法顯明為非法,把法顯明為法,把非律顯明為非律,把律顯明為律,把如來未說、未言的[語]顯明為如來未說、未言的[語],把如來所說、所言的[語]顯明為如來所說、所言的[語],把如來所不常行的顯明為如來所不常行的,把如來所常行的顯明為如來所常行的,把如來未制定的顯明為如來未制定的,把如來所制定的顯明為如來所制定的。他們不以這十種事牽引[會眾]、不牽離[會眾],不別作諸羯磨,不別誦波羅提木叉。阿難,到這個程度,僧團就是和合的。”

40. ‘‘‘Saṅghasāmaggī saṅghasāmaggī’ti, bhante, vuccati. Kittāvatā nu kho, bhante, saṅgho samaggo hotī’’ti? ‘‘Idhānanda, bhikkhū adhammaṃ adhammoti dīpenti, dhammaṃ dhammoti dīpenti, avinayaṃ avinayoti dīpenti, vinayaṃ vinayoti dīpenti, abhāsitaṃ alapitaṃ tathāgatena abhāsitaṃ alapitaṃ tathāgatenāti dīpenti, bhāsitaṃ lapitaṃ tathāgatena bhāsitaṃ lapitaṃ tathāgatenāti dīpenti, anāciṇṇaṃ tathāgatena anāciṇṇaṃ tathāgatenāti dīpenti, āciṇṇaṃ tathāgatena āciṇṇaṃ tathāgatenāti dīpenti, apaññattaṃ tathāgatena apaññattaṃ tathāgatenāti dīpenti, paññattaṃ tathāgatena paññattaṃ tathāgatenāti dīpenti. Te imehi dasahi vatthūhi na avakassanti na apakassanti na āveni kammāni karonti na āveni pātimokkhaṃ uddisanti. Ettāvatā kho, ānanda, saṅgho samaggo hotī’’ti.
已對照

“尊者,那麼,令已破的僧團和合之後,他生起什麼呢?”“阿難,他生起梵福。”“尊者,那麼,什麼是梵福呢?”“阿難,[他]在天界歡喜一劫——

‘‘Bhinnaṃ pana, bhante, saṅghaṃ samaggaṃ katvā kiṃ so pasavatī’’ti? ‘‘Brahmaṃ, ānanda, puññaṃ pasavatī’’ti. ‘‘Kiṃ pana, bhante, brahmaṃ puñña’’nti? ‘‘Kappaṃ, ānanda, saggamhi modatīti –
PTS 5.77已對照

“僧團的和合是樂,以及和合者的[互相]攝助;

‘‘Sukhā saṅghassa sāmaggī, samaggānañca anuggaho;
已對照

喜於和合、住於法者,不從瑜伽安穩退失;

Samaggarato dhammaṭṭho, yogakkhemā na dhaṃsati;
已對照

令僧團和合之後,在天界歡喜一劫。”第十[經]。

Saṅghaṃ samaggaṃ katvāna, kappaṃ saggamhi modatī’’ti. dasamaṃ;
已對照

優波離品第四。

Upālivaggo catuttho.
已對照

其攝頌——

優波離、遮止、斷事人,具足戒、依止;

沙彌以及兩破[僧],後兩阿難。

Tassuddānaṃ –
Upāli ṭhapanā ubbāho, upasampadanissayā;
Sāmaṇero ca dve bhedā, ānandehi pare duveti.