快樂巴利palinanda.cc

增支部 · 一集·彈指品 Accharāsaṅghātavaggo

本經目錄六、彈指品彈指品第六。

已對照

六、彈指品

6. Accharāsaṅghātavaggo
51已對照

五十一、“諸比丘,此心是光明的,而它為外來的諸隨煩惱所染。無聞凡夫不如實了知它。因此我說:‘無聞凡夫沒有心之修習。’”第一[經]。

51. ‘‘Pabhassaramidaṃ, bhikkhave, cittaṃ. Tañca kho āgantukehi upakkilesehi upakkiliṭṭhaṃ. Taṃ assutavā puthujjano yathābhūtaṃ nappajānāti. Tasmā ‘assutavato puthujjanassa cittabhāvanā natthī’ti vadāmī’’ti. Paṭhamaṃ.
52已對照

五十二、“諸比丘,此心是光明的,而它已從外來的諸隨煩惱解脫。有聞的聖弟子如實了知它。因此我說:‘有聞的聖弟子有心之修習。’”第二[經]。

52. ‘‘Pabhassaramidaṃ, bhikkhave, cittaṃ. Tañca kho āgantukehi upakkilesehi vippamuttaṃ. Taṃ sutavā ariyasāvako yathābhūtaṃ pajānāti. Tasmā ‘sutavato ariyasāvakassa cittabhāvanā atthī’ti vadāmī’’ti. Dutiyaṃ.
53已對照

五十三、“諸比丘,比丘若是哪怕只在彈指之頃親近慈心,諸比丘,這[比丘]就被稱為:‘比丘住於不離禪,是奉行導師教法者、奉行教誡者,不是空受國中團食的。’何況那些多作它的人呢!”第三[經]。

53. ‘‘Accharāsaṅghātamattampi ce, bhikkhave, bhikkhu mettācittaṃ [mettaṃ cittaṃ (sī.), mettacittaṃ (syā. kaṃ. pī. ka.)] āsevati; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Tatiyaṃ.
54緬 1.10已對照

五十四、“諸比丘,比丘若是哪怕只在彈指之頃修習慈心,諸比丘,這[比丘]就被稱為:‘比丘住於不離禪,是奉行導師教法者、奉行教誡者,不是空受國中團食的。’何況那些多作它的人呢!”第四[經]。

54. ‘‘Accharāsaṅghātamattampi ce, bhikkhave, bhikkhu mettācittaṃ bhāveti; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro, amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Catutthaṃ.
55PTS 1.11已對照

五十五、“諸比丘,比丘若是哪怕只在彈指之頃作意慈心,諸比丘,這[比丘]就被稱為:‘比丘住於不離禪,是奉行導師教法者、奉行教誡者,不是空受國中團食的。’何況那些多作它的人呢!”第五[經]。

55. ‘‘Accharāsaṅghātamattampi ce, bhikkhave, bhikkhu mettācittaṃ manasi karoti; ayaṃ vuccati, bhikkhave – ‘bhikkhu arittajjhāno viharati satthusāsanakaro ovādapatikaro amoghaṃ raṭṭhapiṇḍaṃ bhuñjati’. Ko pana vādo ye naṃ bahulīkarontī’’ti! Pañcamaṃ.
56已對照

五十六、“諸比丘,凡是任何不善的、屬不善分的、屬不善邊的諸法,它們全都以意為前導。意是那些法之中最先生起的,諸不善法隨後[生起]。”第六[經]。

56. ‘‘Ye keci, bhikkhave, dhammā akusalā akusalabhāgiyā akusalapakkhikā, sabbe te manopubbaṅgamā. Mano tesaṃ dhammānaṃ paṭhamaṃ uppajjati, anvadeva akusalā dhammā’’ti. Chaṭṭhaṃ.
57已對照

五十七、“諸比丘,凡是任何善的、屬善分的、屬善邊的諸法,它們全都以意為前導。意是那些法之中最先生起的,諸善法隨後[生起]。”第七[經]。

57. ‘‘Ye keci, bhikkhave, dhammā kusalā kusalabhāgiyā kusalapakkhikā, sabbe te manopubbaṅgamā. Mano tesaṃ dhammānaṃ paṭhamaṃ uppajjati, anvadeva kusalā dhammā’’ti. Sattamaṃ.
58已對照

五十八、“諸比丘,我不見有其他任何一法,[能]像放逸這樣,使未生的諸不善法生起,使已生的諸善法衰退。諸比丘,放逸者,未生的諸不善法便生起,已生的諸善法便衰退。”第八[經]。

58. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, pamādo. Pamattassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī’’ti. Aṭṭhamaṃ.
59已對照

五十九、“諸比丘,我不見有其他任何一法,[能]像不放逸這樣,使未生的諸善法生起,使已生的諸不善法衰退。諸比丘,不放逸者,未生的諸善法便生起,已生的諸不善法便衰退。”第九[經]。

59. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā kusalā dhammā uppajjanti uppannā vā akusalā dhammā parihāyanti yathayidaṃ, bhikkhave, appamādo. Appamattassa, bhikkhave, anuppannā ceva kusalā dhammā uppajjanti uppannā ca akusalā dhammā parihāyantī’’ti. Navamaṃ.
60已對照

六十、“諸比丘,我不見有其他任何一法,[能]像懈怠這樣,使未生的諸不善法生起,使已生的諸善法衰退。諸比丘,懈怠者,未生的諸不善法便生起,已生的諸善法便衰退。”第十[經]。

60. ‘‘Nāhaṃ, bhikkhave, aññaṃ ekadhammampi samanupassāmi yena anuppannā vā akusalā dhammā uppajjanti uppannā vā kusalā dhammā parihāyanti yathayidaṃ, bhikkhave, kosajjaṃ. Kusītassa, bhikkhave, anuppannā ceva akusalā dhammā uppajjanti uppannā ca kusalā dhammā parihāyantī’’ti. Dasamaṃ.
已對照

彈指品第六。

Accharāsaṅghātavaggo chaṭṭho.