快乐巴利palinanda.cc

增支部 · 七集·随眠品 Anusayavaggo

本经目录二、随眠品一、第一随眠经二、第二随眠经三、家族经四、人经五、水喻经六、随观无常者经七、随观苦者经八、随观无我者经九、涅槃经十、无十事经随眠品第二。

已对照

二、随眠品

2. Anusayavaggo
已对照

一、第一随眠经

1. Paṭhamaanusayasuttaṃ
11缅 2.402已对照

十一、“诸比丘,有这七种随眠(anusaya)。哪七种[随眠]呢?欲贪随眠、瞋恚随眠、见随眠、疑随眠、慢随眠、有贪随眠、无明随眠。诸比丘,这就是七种随眠。”第一[经]。

11. ‘‘Sattime, bhikkhave, anusayā. Katame satta? Kāmarāgānusayo, paṭighānusayo, diṭṭhānusayo, vicikicchānusayo, mānānusayo, bhavarāgānusayo, avijjānusayo. Ime kho, bhikkhave, satta anusayā’’ti. Paṭhamaṃ.
已对照

二、第二随眠经

2. Dutiyaanusayasuttaṃ
12已对照

十二、“诸比丘,为了舍断、断绝七种随眠而修梵行。哪七种[随眠]呢?为了舍断、断绝欲贪随眠而修梵行;瞋恚随眠……乃至……见随眠……疑随眠……慢随眠……有贪随眠……为了舍断、断绝无明随眠而修梵行。诸比丘,为了舍断、断绝这七种随眠而修梵行。

12. ‘‘Sattannaṃ, bhikkhave, anusayānaṃ pahānāya samucchedāya brahmacariyaṃ vussati. Katamesaṃ sattannaṃ? Kāmarāgānusayassa pahānāya samucchedāya brahmacariyaṃ vussati, paṭighānusayassa…pe… diṭṭhānusayassa… vicikicchānusayassa… mānānusayassa… bhavarāgānusayassa… avijjānusayassa pahānāya samucchedāya brahmacariyaṃ vussati. Imesaṃ kho, bhikkhave, sattannaṃ anusayānaṃ pahānāya samucchedāya brahmacariyaṃ vussati.
已对照

“诸比丘,当比丘的欲贪随眠已断,根已断,已作成如断[顶]的多罗树[桩],已令归于不存在,未来不再生起之法;瞋恚随眠……乃至……见随眠……疑随眠……慢随眠……有贪随眠……无明随眠已断,根已断,已作成如断[顶]的多罗树[桩],已令归于不存在,未来不再生起之法——诸比丘,这称为:比丘已斩断渴爱,已解开结,由正现观慢而作了苦的边际。”第二[经]。

‘‘Yato ca kho, bhikkhave, bhikkhuno kāmarāgānusayo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Paṭighānusayo…pe… diṭṭhānusayo… vicikicchānusayo… mānānusayo… bhavarāgānusayo… avijjānusayo pahīno hoti ucchinnamūlo tālāvatthukato anabhāvaṃkato āyatiṃ anuppādadhammo. Ayaṃ vuccati, bhikkhave, bhikkhu acchecchi taṇhaṃ, vivattayi saṃyojanaṃ, sammā mānābhisamayā antamakāsi dukkhassā’’ti. Dutiyaṃ.
已对照

三、家族经

3. Kulasuttaṃ
13PTS 4.10已对照

十三、“诸比丘,具足七种支的家,未往访的不宜往访,已往访的不宜坐近。具足哪七种[支]呢?不以可意[之态]起迎,不以可意[之态]礼敬,不以可意[之态]给座,对他隐藏所有的,多也给少,胜妙的也给粗劣的,不恭敬地给、不是恭敬地给。诸比丘,具足这七种支的家,未往访的不宜往访,已往访的不宜坐近。

13. ‘‘Sattahi, bhikkhave, aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ upanisīdituṃ. Katamehi sattahi? Na manāpena paccuṭṭhenti, na manāpena abhivādenti, na manāpena āsanaṃ denti, santamassa pariguhanti, bahukampi thokaṃ denti, paṇītampi lūkhaṃ denti, asakkaccaṃ denti no sakkaccaṃ. Imehi kho, bhikkhave, sattahi aṅgehi samannāgataṃ kulaṃ anupagantvā vā nālaṃ upagantuṃ, upagantvā vā nālaṃ upanisīdituṃ.
已对照

“诸比丘,具足七种支的家,未往访的宜往访,已往访的宜坐近。具足哪七种[支]呢?以可意[之态]起迎,以可意[之态]礼敬,以可意[之态]给座,不对他隐藏所有的,多就给多,胜妙的就给胜妙的,恭敬地给、不是不恭敬地给。诸比丘,具足这七种支的家,未往访的宜往访,已往访的宜坐近。”第三[经]。

‘‘Sattahi, bhikkhave, aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ upanisīdituṃ. Katamehi sattahi? Manāpena paccuṭṭhenti, manāpena abhivādenti, manāpena āsanaṃ denti, santamassa na pariguhanti, bahukampi bahukaṃ denti, paṇītampi paṇītaṃ denti, sakkaccaṃ denti no asakkaccaṃ. Imehi kho, bhikkhave, sattahi aṅgehi samannāgataṃ kulaṃ anupagantvā vā alaṃ upagantuṃ, upagantvā vā alaṃ upanisīditu’’nti. Tatiyaṃ.
已对照

四、人经

4. Puggalasuttaṃ
14PTS 4.11缅 2.403已对照

十四、“诸比丘,有这七种人,是应供养者、应款待者、应奉施者、应合掌者,是世间无上的福田。哪七种[人]呢?俱分解脱者、慧解脱者、身证者、见至者、信解脱者、随法行者、随信行者。诸比丘,这七种人是应供养者、应款待者、应奉施者、应合掌者,是世间无上的福田。”第四[经]。

14. ‘‘Sattime, bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Ubhatobhāgavimutto, paññāvimutto, kāyasakkhī, diṭṭhippatto [diṭṭhappatto (ka.)], saddhāvimutto, dhammānusārī, saddhānusārī. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti. Catutthaṃ.
已对照

五、水喻经

5. Udakūpamāsuttaṃ
15已对照

十五、“诸比丘,世间有这七种以水为喻的人存在、可得。哪七种[人]呢?诸比丘,在此,有一类人一度沉没便沉没不起;诸比丘,又在此,有一类人浮出之后又沉没;诸比丘,又在此,有一类人浮出之后住立;诸比丘,又在此,有一类人浮出之后观察、瞻望;诸比丘,又在此,有一类人浮出之后渡越;诸比丘,又在此,有一类人浮出之后到达立足处;诸比丘,又在此,有一类人浮出之后已渡、到彼岸,是站在陆地上的婆罗门。

15. ‘‘Sattime, bhikkhave, udakūpamā puggalā santo saṃvijjamānā lokasmiṃ. Katame satta? [pu. pa. 203; kathā. 852] Idha, bhikkhave, ekacco puggalo sakiṃ nimuggo nimuggova hoti; idha pana, bhikkhave, ekacco puggalo ummujjitvā nimujjati; idha pana, bhikkhave, ekacco puggalo ummujjitvā ṭhito hoti; idha pana, bhikkhave, ekacco puggalo ummujjitvā vipassati viloketi; idha pana, bhikkhave, ekacco puggalo ummujjitvā patarati; idha pana, bhikkhave, ekacco puggalo ummujjitvā patigādhappatto hoti; idha pana, bhikkhave, ekacco puggalo ummujjitvā tiṇṇo hoti pāraṅgato [pāragato (sī. syā. kaṃ.)] thale tiṭṭhati brāhmaṇo.
已对照

“诸比丘,人怎样是一度沉没便沉没不起呢?诸比丘,在此,有一类人具足全然黑的诸不善法。诸比丘,人便是这样一度沉没便沉没不起。

‘‘Kathañca, bhikkhave, puggalo sakiṃ nimuggo nimuggova hoti? Idha bhikkhave, ekacco puggalo samannāgato hoti ekantakāḷakehi akusalehi dhammehi. Evaṃ kho, bhikkhave, puggalo sakiṃ nimuggo nimuggova hoti.
已对照

“诸比丘,人怎样是浮出之后又沉没呢?诸比丘,在此,有一类人浮出[而想]:‘于诸善法有信是好的,有惭是好的……乃至……有愧是好的……有精进是好的……于诸善法有慧是好的。’他的那信既不住立,也不增长,只是减退;他的那惭……乃至……他的那愧……他的那精进……他的那慧既不住立,也不增长,只是减退。诸比丘,人便是这样浮出之后又沉没。

‘‘Kathañca, bhikkhave, puggalo ummujjitvā nimujjati? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ [viriyaṃ (sī. syā. kaṃ. pī.)] … sādhu paññā kusalesu dhammesūti. Tassa sā saddhā neva tiṭṭhati no vaḍḍhati hāyatiyeva, tassa sā hirī…pe… tassa taṃ ottappaṃ… tassa taṃ vīriyaṃ… tassa sā paññā neva tiṭṭhati no vaḍḍhati hāyatiyeva. Evaṃ kho, bhikkhave, puggalo ummujjitvā nimujjati.
PTS 4.12缅 2.404已对照

“诸比丘,人怎样是浮出之后住立呢?诸比丘,在此,有一类人浮出[而想]:‘于诸善法有信是好的,有惭是好的……乃至……有愧是好的……有精进是好的……于诸善法有慧是好的。’他的那信既不减退,也不增长,[而是]住立。他的那惭……乃至……他的那愧……他的那精进……他的那慧既不减退,也不增长,[而是]住立。诸比丘,人便是这样浮出之后住立。

‘‘Kathañca, bhikkhave, puggalo ummujjitvā ṭhito hoti? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. Tassa sā saddhā neva hāyati no vaḍḍhati ṭhitā hoti. Tassa sā hirī…pe… tassa taṃ ottappaṃ… tassa taṃ vīriyaṃ… tassa sā paññā neva hāyati no vaḍḍhati ṭhitā hoti. Evaṃ kho, bhikkhave, puggalo ummujjitvā ṭhito hoti.
已对照

“诸比丘,人怎样是浮出之后观察、瞻望呢?诸比丘,在此,有一类人浮出[而想]:‘于诸善法有信是好的,有惭是好的……乃至……有愧是好的……有精进是好的……于诸善法有慧是好的。’他由于三结的灭尽,成为须陀洹,不堕恶趣,[趣向]决定,以正觉为归趣。诸比丘,人便是这样浮出之后观察、瞻望。

‘‘Kathañca, bhikkhave, puggalo ummujjitvā vipassati viloketi? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo. Evaṃ kho, bhikkhave, puggalo ummujjitvā vipassati viloketi.
已对照

“诸比丘,人怎样是浮出之后渡越呢?诸比丘,在此,有一类人浮出[而想]:‘于诸善法有信是好的,有惭是好的……乃至……有愧是好的……有精进是好的……于诸善法有慧是好的。’他由于三结的灭尽、贪瞋痴的薄弱,成为斯陀含,只来此世间一次,便作苦的终结。诸比丘,人便是这样浮出之后渡越。

‘‘Kathañca, bhikkhave, puggalo ummujjitvā patarati? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva [sakiṃdeva (ka.)] imaṃ lokaṃ āgantvā dukkhassantaṃ karoti [dukkhassantakaro hoti (ka.)]. Evaṃ kho, bhikkhave, puggalo ummujjitvā patarati.
已对照

“诸比丘,人怎样是浮出之后到达立足处呢?诸比丘,在此,有一类人浮出[而想]:‘于诸善法有信是好的,有惭是好的……乃至……有愧是好的……有精进是好的……于诸善法有慧是好的。’他由于五下分结的灭尽,成为化生者,在那里般涅槃,不再从彼世间还来。诸比丘,人便是这样浮出之后到达立足处。

‘‘Kathañca, bhikkhave, puggalo ummujjitvā patigādhappatto hoti? Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā. Evaṃ kho, bhikkhave, puggalo ummujjitvā patigādhappatto hoti.
PTS 4.13缅 2.405已对照

“诸比丘,人怎样是浮出之后已渡、到彼岸、站在陆地上的婆罗门呢?诸比丘,在此,有一类人浮出[而想]:‘于诸善法有信是好的,有惭是好的……乃至……有愧是好的……有精进是好的……于诸善法有慧是好的。’他由于诸漏的灭尽,就在现法中自己以证智证知无漏的心解脱、慧解脱,成就并住。诸比丘,人便是这样浮出之后已渡、到彼岸、站在陆地上的婆罗门。

‘‘Kathañca, bhikkhave, puggalo ummujjitvā tiṇṇo hoti pāraṅgato thale tiṭṭhati brāhmaṇo. Idha, bhikkhave, ekacco puggalo ummujjati sādhu saddhā kusalesu dhammesu, sādhu hirī…pe… sādhu ottappaṃ… sādhu vīriyaṃ… sādhu paññā kusalesu dhammesūti. So āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Evaṃ kho, bhikkhave, puggalo ummujjitvā tiṇṇo hoti pāraṅgato thale tiṭṭhati brāhmaṇo.
已对照

“诸比丘,这就是世间存在、可得的七种以水为喻的人。”第五[经]。

‘‘Ime kho, bhikkhave, satta udakūpamā puggalā santo saṃvijjamānā lokasmi’’nti. Pañcamaṃ.
已对照

六、随观无常者经

6. Aniccānupassīsuttaṃ
16已对照

十六、“诸比丘,有这七种人,是应供养者、应款待者、应奉施者、应合掌者,是世间无上的福田。哪七种[人]呢?诸比丘,在此,有一类人于一切行住于随观无常,有无常想,觉知无常,恒常、相续、不间断,以心胜解,以慧深入。他由于诸漏的灭尽……乃至……成就并住。诸比丘,这是第一种人,是应供养者、应款待者、应奉施者、应合掌者,是世间无上的福田。

16. ‘‘Sattime, bhikkhave, puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassa. Katame satta? Idha, bhikkhave, ekacco puggalo sabbasaṅkhāresu aniccānupassī viharati, aniccasaññī, aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā…pe… sacchikatvā upasampajja viharati. Ayaṃ, bhikkhave, paṭhamo puggalo āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa.
已对照

“再者,诸比丘,在此,有一类人于一切行住于随观无常,有无常想,觉知无常,恒常、相续、不间断,以心胜解,以慧深入。他的诸漏的终尽与命的终尽不先不后[同时]。诸比丘,这是第二种人,是应供养者……乃至……是世间无上的福田。

‘‘Puna caparaṃ, bhikkhave, idhekacco puggalo sabbasaṅkhāresu aniccānupassī viharati, aniccasaññī, aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
PTS 4.14已对照

“再者,诸比丘,在此,有一类人于一切行住于随观无常,有无常想,觉知无常,恒常、相续、不间断,以心胜解,以慧深入。他由于五下分结的灭尽,成为中般涅槃者……乃至……成为生般涅槃者……乃至……成为无行般涅槃者……乃至……成为有行般涅槃者……乃至……成为上流至色究竟者。诸比丘,这是第七种人,是应供养者、应款待者、应奉施者、应合掌者,是世间无上的福田。诸比丘,这七种人是应供养者、应款待者、应奉施者、应合掌者,是世间无上的福田。”第六[经]。

‘‘Puna caparaṃ, bhikkhave, idhekacco puggalo sabbasaṅkhāresu aniccānupassī viharati, aniccasaññī, aniccapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo pāhuneyyo dakkhiṇeyyo añjalikaraṇīyo anuttaraṃ puññakkhettaṃ lokassa. Ime kho, bhikkhave, satta puggalā āhuneyyā pāhuneyyā dakkhiṇeyyā añjalikaraṇīyā anuttaraṃ puññakkhettaṃ lokassā’’ti. Chaṭṭhaṃ.
已对照

七、随观苦者经

7. Dukkhānupassīsuttaṃ
17缅 2.406已对照

十七、诸比丘,有这七种人,是应供养者……乃至……是世间无上的福田。哪七种[人]呢?诸比丘,在此,有一类人于一切行住于随观苦……乃至……。第七[经]。

17. Sattime, bhikkhave, puggalā āhuneyyā…pe… anuttaraṃ puññakkhettaṃ lokassa. Katame satta? Idha, bhikkhave, ekacco puggalo sabbasaṅkhāresu dukkhānupassī viharati…pe…. Sattamaṃ.
已对照

八、随观无我者经

8. Anattānupassīsuttaṃ
18已对照

十八、于一切法住于随观无我……乃至……。第八[经]。

18. Sabbesu dhammesu anattānupassī viharati…pe…. Aṭṭhamaṃ.
已对照

九、涅槃经

9. Nibbānasuttaṃ
19已对照

十九、“于涅槃住于随观乐,有乐想,觉知乐,恒常、相续、不间断,以心胜解,以慧深入。他由于诸漏的灭尽……乃至……成就并住。诸比丘,这是第一种人,是应供养者……乃至……是世间的福田。

19. [kathā. 547-548] ‘‘Nibbāne sukhānupassī viharati sukhasaññī sukhapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So āsavānaṃ khayā…pe… sacchikatvā upasampajja viharati. Ayaṃ bhikkhave, paṭhamo puggalo āhuneyyo…pe… puññakkhettaṃ lokassa.
已对照

“再者,诸比丘,在此,有一类人于涅槃住于随观乐,有乐想,觉知乐,恒常、相续、不间断,以心胜解,以慧深入。他的诸漏的终尽与命的终尽不先不后[同时]。诸比丘,这是第二种人,是应供养者……乃至……是世间无上的福田。

‘‘Puna caparaṃ, bhikkhave, idhekacco puggalo nibbāne sukhānupassī viharati sukhasaññī sukhapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. Tassa apubbaṃ acarimaṃ āsavapariyādānañca hoti jīvitapariyādānañca. Ayaṃ, bhikkhave, dutiyo puggalo āhuneyyo…pe… anuttaraṃ puññakkhettaṃ lokassa.
PTS 4.15已对照

“再者,诸比丘,在此,有一类人于涅槃住于随观乐,有乐想,觉知乐,恒常、相续、不间断,以心胜解,以慧深入。他由于五下分结的灭尽,成为中般涅槃者……乃至……成为生般涅槃者……乃至……成为无行般涅槃者……乃至……成为有行般涅槃者……乃至……成为上流至色究竟者。诸比丘,这是第七种人,是应供养者……乃至……是世间无上的福田。诸比丘,这七种人是应供养者……乃至……是世间无上的福田。”第九[经]。

‘‘Puna caparaṃ, bhikkhave, idhekacco puggalo nibbāne sukhānupassī viharati sukhasaññī sukhapaṭisaṃvedī satataṃ samitaṃ abbokiṇṇaṃ cetasā adhimuccamāno paññāya pariyogāhamāno. So pañcannaṃ orambhāgiyānaṃ saṃyojanānaṃ parikkhayā antarāparinibbāyī hoti…pe… upahaccaparinibbāyī hoti…pe… asaṅkhāraparinibbāyī hoti…pe… sasaṅkhāraparinibbāyī hoti…pe… uddhaṃsoto hoti akaniṭṭhagāmī. Ayaṃ, bhikkhave, sattamo puggalo āhuneyyo…pe… anuttaraṃ puññakkhettaṃ lokassa. Ime kho, bhikkhave, satta puggalā āhuneyyā…pe… anuttaraṃ puññakkhettaṃ lokassā’’ti. Navamaṃ.
已对照

十、无十事经

10. Niddasavatthusuttaṃ
20缅 2.407已对照

二十、“诸比丘,有这七种无十事(niddasavatthu)。哪七种[无十事]呢?诸比丘,在此,比丘对受持学处有强烈的欲,将来对受持学处也爱恋未离。对法的审听有强烈的欲,将来对法的审听也爱恋未离。对欲的调伏有强烈的欲,将来对欲的调伏也爱恋未离。对宴默有强烈的欲,将来对宴默也爱恋未离。对发起精进有强烈的欲,将来对发起精进也爱恋未离。对念与审慎有强烈的欲,将来对念与审慎也爱恋未离。对见的通达有强烈的欲,将来对见的通达也爱恋未离。诸比丘,这就是七种无十事。”第十[经]。

20. ‘‘Sattimāni, bhikkhave, niddasavatthūni. Katamāni satta? Idha, bhikkhave, bhikkhu sikkhāsamādāne tibbacchando hoti āyatiñca sikkhāsamādāne avigatapemo [adhigatapemo (syā.) a. ni. 7.42; dī. ni. 3.331], dhammanisantiyā tibbacchando hoti āyatiñca dhammanisantiyā avigatapemo, icchāvinaye tibbacchando hoti āyatiñca icchāvinaye avigatapemo, paṭisallāne tibbacchando hoti āyatiñca paṭisallāne avigatapemo, vīriyārambhe [vīriyārabbhe (ka.)] tibbacchando hoti āyatiñca vīriyārambhe avigatapemo, satinepakke tibbacchando hoti āyatiñca satinepakke avigatapemo, diṭṭhipaṭivedhe tibbacchando hoti āyatiñca diṭṭhipaṭivedhe avigatapemo. Imāni kho, bhikkhave, satta niddasavatthūnī’’ti. Dasamaṃ.
已对照

随眠品第二。

Anusayavaggo dutiyo.
已对照

其摄颂——

两随眠、家族,人、水喻;

无常、苦与无我,涅槃与无十事。

Tassuddānaṃ –
Duve anusayā kulaṃ, puggalaṃ udakūpamaṃ;
Aniccaṃ dukkhaṃ anattā ca, nibbānaṃ niddasavatthu cāti.