快樂巴利palinanda.cc

增支部 · 二集·刑罰品 Kammakaraṇavaggo

本經目錄一、刑罰品一、罪過經二、精勤經三、令熱惱經四、不令熱惱經五、已近知經六、結經七、黑經八、白經九、行經十、入雨安居經刑罰品第一。

已對照

一、刑罰品

1. Kammakaraṇavaggo
已對照

一、罪過經

1. Vajjasuttaṃ
1PTS 1.47緬 1.49已對照

一、如是我聞——一時,世尊住在舍衛城祇樹林給孤獨園。在那裡,世尊召喚諸比丘:“諸比丘。”“尊者。”那些比丘應諾世尊。世尊這樣說——

1. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
PTS 1.48緬 1.50已對照

“諸比丘,有這兩種罪過。哪兩種[罪過]呢?現法的罪過與來世的罪過。諸比丘,什麼是現法的罪過呢?諸比丘,在此,有人看見造罪的盜賊,諸王抓住[他],令施以種種刑罰(kammakāraṇā)——也用鞭子打,也用藤條打,也用半截棍杖打,也砍斷手,也砍斷腳,也砍斷手與腳,也割去耳,也割去鼻,也割去耳與鼻,也施以酸粥鍋刑(bilaṅgathālika),也施以貝禿刑(saṅkhamuṇḍika),也施以羅睺口刑(rāhumukha),也施以火鬘刑(jotimālika),也施以手炬刑(hatthapajjotika),也施以草繩刑(erakavattika),也施以樹皮衣刑(cīrakavāsika),也施以羚羊刑(eṇeyyaka),也施以鉤肉刑(baḷisamaṃsika),也施以迦利沙槃刑(kahāpaṇika),也施以鹼削刑(khārāpatacchika),也施以門閂旋轉刑(palighaparivattika),也施以稻草座刑(palālapīṭhaka),也用滾燙的油澆[他],也令狗噬[他],也把[他]活著釘在樁上,也用刀砍斷[他的]頭。

‘‘Dvemāni, bhikkhave, vajjāni. Katamāni dve? Diṭṭhadhammikañca vajjaṃ samparāyikañca vajjaṃ. Katamañca, bhikkhave, diṭṭhadhammikaṃ vajjaṃ? Idha, bhikkhave, ekacco passati coraṃ āgucāriṃ rājāno gahetvā vividhā kammakāraṇā [vividhāni kammakaraṇāni (ka.)] kārente; kasāhipi tāḷente, vettehipi tāḷente, addhadaṇḍakehipi tāḷente, hatthampi chindante, pādampi chindante, hatthapādampi chindante, kaṇṇampi chindante, nāsampi chindante, kaṇṇanāsampi chindante, bilaṅgathālikampi karonte, saṅkhamuṇḍikampi karonte, rāhumukhampi karonte, jotimālikampi karonte, hatthapajjotikampi karonte, erakavattikampi karonte, cīrakavāsikampi karonte, eṇeyyakampi karonte, baḷisamaṃsikampi karonte, kahāpaṇikampi karonte, khārāpatacchikampi [khārāpaṭicchakampi (syā. kaṃ. ka.)] karonte, palighaparivattikampi karonte, palālapīṭhakampi [palālapiṭṭhikampi (sī.)] karonte, tattenapi telena osiñcante, sunakhehipi khādāpente, jīvantampi sūle uttāsente, asināpi sīsaṃ chindante.
已對照

“他這樣想:‘正是以這樣的惡業為因,諸王抓住造罪的盜賊,令施以種種刑罰——也用鞭子打,也用藤條打,也用半截棍杖打,也砍斷手,也砍斷腳,也砍斷手與腳,也割去耳,也割去鼻,也割去耳與鼻,也施以酸粥鍋刑,也施以貝禿刑,也施以羅睺口刑,也施以火鬘刑,也施以手炬刑,也施以草繩刑,也施以樹皮衣刑,也施以羚羊刑,也施以鉤肉刑,也施以迦利沙槃刑,也施以鹼削刑,也施以門閂旋轉刑,也施以稻草座刑,也用滾燙的油澆[他],也令狗噬[他],也把[他]活著釘在樁上,也用刀砍斷[他的]頭。若是我也造這樣的惡業,諸王也會抓住我,令施以這樣的種種刑罰——也會用鞭子打[我]……乃至……也會用刀砍斷[我的]頭。’他畏懼現法的罪過,便不行掠奪他人的財物。諸比丘,這稱為現法的罪過。

‘‘Tassa evaṃ hoti – ‘yathārūpānaṃ kho pāpakānaṃ kammānaṃ hetu coraṃ āgucāriṃ rājāno gahetvā vividhā kammakāraṇā kārenti; kasāhipi tāḷenti, vettehipi tāḷenti, addhadaṇḍakehipi tāḷenti, hatthampi chindanti, pādampi chindanti, hatthapādampi chindanti, kaṇṇampi chindanti, nāsampi chindanti, kaṇṇanāsampi chindanti, bilaṅgathālikampi karonti, saṅkhamuṇḍikampi karonti, rāhumukhampi karonti, jotimālikampi karonti, hatthapajjotikampi karonti, erakavattikampi karonti, cīrakavāsikampi karonti, eṇeyyakampi karonti, baḷisamaṃsikampi karonti, kahāpaṇikampi karonti, khārāpatacchikampi karonti, palighaparivattikampi karonti, palālapīṭhakampi karonti, tattenapi telena osiñcanti, sunakhehipi khādāpenti, jīvantampi sūle uttāsenti, asināpi sīsaṃ chindanti. Ahañceva [ahañce (?)] kho pana evarūpaṃ pāpakammaṃ kareyyaṃ, mampi rājāno gahetvā evarūpā vividhā kammakāraṇā kāreyyuṃ; kasāhipi tāḷeyyuṃ…pe… asināpi sīsaṃ chindeyyu’nti. So diṭṭhadhammikassa vajjassa bhīto na paresaṃ pābhataṃ vilumpanto carati. Idaṃ vuccati, bhikkhave, diṭṭhadhammikaṃ vajjaṃ.
PTS 1.49緬 1.51已對照

“諸比丘,什麼是來世的罪過呢?諸比丘,在此,有人這樣思察:‘身惡行在來世有惡的、苦的異熟,語惡行在來世有惡的、苦的異熟,意惡行在來世有惡的、苦的異熟。若是我以身行惡行、以語行惡行、以意行惡行,那會是什麼[理由],憑著它,我身壞命終之後不投生於苦界、惡趣、墮處、地獄呢?’他畏懼來世的罪過,舍斷身惡行而修習身善行,舍斷語惡行而修習語善行,舍斷意惡行而修習意善行,守護自身清淨。諸比丘,這稱為來世的罪過。“諸比丘,這就是兩種罪過。因此,諸比丘,你們應當這樣修學:‘我們要畏懼現法的罪過,要畏懼來世的罪過,要成為畏懼罪過者、於罪過見怖畏者。’諸比丘,你們應當這樣修學。諸比丘,對畏懼罪過者、於罪過見怖畏者,這[事]是可預期的——他將從一切罪過中脫出。”第一[經]。

‘‘Katamañca, bhikkhave, samparāyikaṃ vajjaṃ? Idha, bhikkhave, ekacco iti paṭisañcikkhati – ‘kāyaduccaritassa kho pana pāpako dukkho vipāko abhisamparāyaṃ, vacīduccaritassa pāpako dukkho vipāko abhisamparāyaṃ, manoduccaritassa pāpako dukkho vipāko abhisamparāyaṃ. Ahañceva kho pana kāyena duccaritaṃ careyyaṃ, vācāya duccaritaṃ careyyaṃ, manasā duccaritaṃ careyyaṃ. Kiñca taṃ yāhaṃ na kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapajjeyya’nti. So samparāyikassa vajjassa bhīto kāyaduccaritaṃ pahāya kāyasucaritaṃ bhāveti, vacīduccaritaṃ pahāya vacīsucaritaṃ bhāveti, manoduccaritaṃ pahāya manosucaritaṃ bhāveti, suddhaṃ attānaṃ pariharati. Idaṃ vuccati, bhikkhave, samparāyikaṃ vajjaṃ. ‘‘Imāni kho, bhikkhave, dve vajjāni. Tasmātiha, bhikkhave, evaṃ sikkhitabbaṃ – ‘diṭṭhadhammikassa vajjassa bhāyissāma, samparāyikassa vajjassa bhāyissāma, vajjabhīruno bhavissāma vajjabhayadassāvino’ti. Evañhi vo, bhikkhave, sikkhitabbaṃ. Vajjabhīruno, bhikkhave, vajjabhayadassāvino etaṃ pāṭikaṅkhaṃ yaṃ parimuccissati sabbavajjehī’’ti. Paṭhamaṃ.
已對照

二、精勤經

2. Padhānasuttaṃ
2已對照

二、“諸比丘,有這兩種精勤,在世間是難以成辦的。哪兩種[精勤]呢?居家的在家人為供給衣、缽食、坐臥處、病緣藥資具的精勤,與從家出家成為無家者的人為舍離一切依的精勤。諸比丘,這兩種精勤在世間是難以成辦的。

2. ‘‘Dvemāni, bhikkhave, padhānāni durabhisambhavāni lokasmiṃ. Katamāni dve? Yañca gihīnaṃ agāraṃ ajjhāvasataṃ cīvarapiṇḍapātasenāsanagilānapaccayabhesajjaparikkhārānuppadānatthaṃ padhānaṃ, yañca agārasmā anagāriyaṃ pabbajitānaṃ sabbūpadhipaṭinissaggatthaṃ padhānaṃ. Imāni kho, bhikkhave, dve padhānāni durabhisambhavāni lokasmiṃ.
已對照

“諸比丘,這兩種精勤之中,這是最上的,即:為舍離一切依的精勤。因此,諸比丘,你們應當這樣修學:‘我們要精勤於為舍離一切依的精勤。’諸比丘,你們應當這樣修學。”第二[經]。

‘‘Etadaggaṃ, bhikkhave, imesaṃ dvinnaṃ padhānānaṃ yadidaṃ sabbūpadhipaṭinissaggatthaṃ padhānaṃ. Tasmātiha, bhikkhave, evaṃ sikkhitabbaṃ – ‘sabbūpadhipaṭinissaggatthaṃ padhānaṃ padahissāmā’ti. Evañhi vo, bhikkhave, sikkhitabba’’nti. Dutiyaṃ.
已對照

三、令熱惱經

3. Tapanīyasuttaṃ
3已對照

三、“諸比丘,有這兩種令熱惱的法。哪兩種[法]呢?諸比丘,在此,有人做了身惡行,未做身善行;做了語惡行,未做語善行;做了意惡行,未做意善行。他[想著]‘我做了身惡行’而熱惱,[想著]‘我未做身善行’而熱惱;[想著]‘我做了語惡行’而熱惱,[想著]‘我未做語善行’而熱惱;[想著]‘我做了意惡行’而熱惱,[想著]‘我未做意善行’而熱惱。諸比丘,這兩種法是令熱惱的。”第三[經]。

3. ‘‘Dveme, bhikkhave, dhammā tapanīyā. Katame dve? Idha, bhikkhave, ekaccassa kāyaduccaritaṃ kataṃ hoti, akataṃ hoti kāyasucaritaṃ; vacīduccaritaṃ kataṃ hoti; akataṃ hoti vacīsucaritaṃ; manoduccaritaṃ kataṃ hoti, akataṃ hoti manosucaritaṃ. So ‘kāyaduccaritaṃ me kata’nti tappati, ‘akataṃ me kāyasucarita’nti tappati; ‘vacīduccaritaṃ me kata’nti tappati, ‘akataṃ me vacīsucarita’nti tappati; ‘manoduccaritaṃ me kata’nti tappati, ‘akataṃ me manosucarita’nti tappati. Ime kho, bhikkhave, dve dhammā tapanīyā’’ti. Tatiyaṃ.
已對照

四、不令熱惱經

4. Atapanīyasuttaṃ
4PTS 1.50已對照

四、“諸比丘,有這兩種不令熱惱的法。哪兩種[法]呢?諸比丘,在此,有人做了身善行,未做身惡行;做了語善行,未做語惡行;做了意善行,未做意惡行。他[想著]‘我做了身善行’而不熱惱,[想著]‘我未做身惡行’而不熱惱;[想著]‘我做了語善行’而不熱惱,[想著]‘我未做語惡行’而不熱惱;[想著]‘我做了意善行’而不熱惱,[想著]‘我未做意惡行’而不熱惱。諸比丘,這兩種法是不令熱惱的。”第四[經]。

4. ‘‘Dveme, bhikkhave, dhammā atapanīyā. Katame dve? Idha, bhikkhave, ekaccassa kāyasucaritaṃ kataṃ hoti, akataṃ hoti kāyaduccaritaṃ; vacīsucaritaṃ kataṃ hoti, akataṃ hoti vacīduccaritaṃ; manosucaritaṃ kataṃ hoti, akataṃ hoti manoduccaritaṃ. So ‘kāyasucaritaṃ me kata’nti na tappati, ‘akataṃ me kāyaduccarita’nti na tappati; ‘vacīsucaritaṃ me kata’nti na tappati, ‘akataṃ me vacīduccarita’nti na tappati; ‘manosucaritaṃ me kata’nti na tappati, ‘akataṃ me manoduccarita’nti na tappati. Ime kho, bhikkhave, dve dhammā atapanīyā’’ti. Catutthaṃ.
已對照

五、已近知經

5. Upaññātasuttaṃ
5緬 1.52已對照

五、“諸比丘,我[親自]近知了兩種法——於諸善法的不知足,以及於精勤的不退縮。諸比丘,我曾不退縮地精勤:‘任憑只剩皮、腱與骨,任憑身中血肉乾枯;凡以人的力量、人的精進、人的努力所應達到的,未達到那[目標],精進便不會止息。’諸比丘,那樣[精勤]的我的正覺是由不放逸而證得的,無上的瑜伽安穩是由不放逸而證得的。諸比丘,你們若也不退縮地精勤:‘任憑只剩皮、腱與骨,任憑身中血肉乾枯;凡以人的力量、人的精進、人的努力所應達到的,未達到那[目標],精進便不會止息。’諸比丘,你們也將不久便就在現法中自己以證智證知、成就並住於那無上的梵行終點——善男子們正是為此而正確地從家出家、成為無家者的。因此,諸比丘,你們應當這樣修學:‘我們要不退縮地精勤:任憑只剩皮、腱與骨,任憑身中血肉乾枯;凡以人的力量、人的精進、人的努力所應達到的,未達到那[目標],精進便不會止息。’諸比丘,你們應當這樣修學。”第五[經]。

5. ‘‘Dvinnāhaṃ, bhikkhave, dhammānaṃ upaññāsiṃ – yā ca asantuṭṭhitā kusalesu dhammesu, yā ca appaṭivānitā padhānasmiṃ. Appaṭivānī sudāhaṃ, bhikkhave, padahāmi – ‘kāmaṃ taco ca nhāru [nahāru (sī. syā. kaṃ. pī.)] ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatī’ti. Tassa mayhaṃ, bhikkhave, appamādādhigatā sambodhi, appamādādhigato anuttaro yogakkhemo. Tumhe cepi, bhikkhave, appaṭivānaṃ padaheyyātha – ‘kāmaṃ taco ca nhāru ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatī’ti, tumhepi, bhikkhave, nacirasseva – yassatthāya kulaputtā sammadeva agārasmā anagāriyaṃ pabbajanti tadanuttaraṃ – brahmacariyapariyosānaṃ diṭṭheva dhamme sayaṃ abhiññā sacchikatvā upasampajja viharissatha. Tasmātiha, bhikkhave, evaṃ sikkhitabbaṃ – ‘appaṭivānaṃ padahissāma. Kāmaṃ taco ca nhāru ca aṭṭhi ca avasissatu, sarīre upasussatu maṃsalohitaṃ, yaṃ taṃ purisathāmena purisavīriyena purisaparakkamena pattabbaṃ na taṃ apāpuṇitvā vīriyassa saṇṭhānaṃ bhavissatī’ti. Evañhi vo, bhikkhave, sikkhitabba’’nti. Pañcamaṃ.
已對照

六、結經

6. Saṃyojanasuttaṃ
6PTS 1.51已對照

六、“諸比丘,有這兩種法。哪兩種[法]呢?於諸順結之法的隨觀味著,以及於諸順結之法的隨觀厭離。諸比丘,於諸順結之法隨觀味著而住者,不捨斷貪,不捨斷瞋,不捨斷痴。未舍斷貪、未舍斷瞋、未舍斷痴,便不從生、老、死、愁、悲、苦、憂、惱中脫出。我說他不從苦中脫出。

6. ‘‘Dveme, bhikkhave, dhammā. Katame dve? Yā ca saṃyojaniyesu dhammesu assādānupassitā, yā ca saṃyojaniyesu dhammesu nibbidānupassitā. Saṃyojaniyesu, bhikkhave, dhammesu assādānupassī viharanto rāgaṃ na pajahati, dosaṃ na pajahati, mohaṃ na pajahati. Rāgaṃ appahāya, dosaṃ appahāya, mohaṃ appahāya na parimuccati jātiyā jarāya maraṇena sokehi paridevehi dukkhehi domanassehi upāyāsehi. Na parimuccati dukkhasmāti vadāmi.
緬 1.53已對照

“諸比丘,於諸順結之法隨觀厭離而住者,舍斷貪,舍斷瞋,舍斷痴。舍斷貪、舍斷瞋、舍斷痴之後,便從生、老、死、愁、悲、苦、憂、惱中脫出。我說他從苦中脫出。諸比丘,這就是兩種法。”第六[經]。

‘‘Saṃyojaniyesu, bhikkhave, dhammesu nibbidānupassī viharanto rāgaṃ pajahati, dosaṃ pajahati, mohaṃ pajahati. Rāgaṃ pahāya, dosaṃ pahāya, mohaṃ pahāya, parimuccati jātiyā jarāya maraṇena sokehi paridevehi dukkhehi domanassehi upāyāsehi. Parimuccati dukkhasmāti vadāmi. Ime kho, bhikkhave, dve dhammā’’ti. Chaṭṭhaṃ.
已對照

七、黑經

7. Kaṇhasuttaṃ
7已對照

七、“諸比丘,有這兩種黑法。哪兩種[法]呢?無慚與無愧。諸比丘,這兩種法是黑的。”第七[經]。

7. ‘‘Dveme, bhikkhave, dhammā kaṇhā. Katame dve? Ahirikañca anottappañca. Ime kho, bhikkhave, dve dhammā kaṇhā’’ti. Sattamaṃ.
已對照

八、白經

8. Sukkasuttaṃ
8已對照

八、“諸比丘,有這兩種白法。哪兩種[法]呢?慚與愧。諸比丘,這兩種法是白的。”第八[經]。

8. ‘‘Dveme, bhikkhave, dhammā sukkā. Katame dve? Hirī [hiri (sī. syā. kaṃ. pī.)] ca ottappañca. Ime kho, bhikkhave, dve dhammā sukkā’’ti. Aṭṭhamaṃ.
已對照

九、行經

9. Cariyasuttaṃ
9已對照

九、“諸比丘,有這兩種白法護持世間。哪兩種[法]呢?慚與愧。諸比丘,若這兩種白法不護持世間,此[世間]便不會顯出‘母’、或‘姨母’、或‘舅母’、或‘師妻’、或‘尊長之妻’。世間將陷於混亂,如山羊與綿羊、雞與豬、狗與豺狼一般。諸比丘,而正由於這兩種白法護持世間,所以顯出‘母’、或‘姨母’、或‘舅母’、或‘師妻’、或‘尊長之妻’。”第九[經]。

9. ‘‘Dveme, bhikkhave, dhammā sukkā lokaṃ pālenti. Katame dve? Hirī ca ottappañca. Ime kho, bhikkhave, dve sukkā dhammā lokaṃ na pāleyyuṃ, nayidha paññāyetha mātāti vā mātucchāti vā mātulānīti vā ācariyabhariyāti vā garūnaṃ dārāti vā. Sambhedaṃ loko agamissa, yathā ajeḷakā kukkuṭasūkarā soṇasiṅgālā [soṇasigālā (sī. syā. kaṃ. pī.)]. Yasmā ca kho, bhikkhave, ime dve sukkā dhammā lokaṃ pālenti tasmā paññāyati [paññāyanti (sī.)] mātāti vā mātucchāti vā mātulānīti vā ācariyabhariyāti vā garūnaṃ dārāti vā’’ti. Navamaṃ.
已對照

十、入雨安居經

10. Vassūpanāyikasuttaṃ
10已對照

十、“諸比丘,有這兩種入雨安居。哪兩種[入雨安居]呢?前[入]與後[入]。諸比丘,這就是兩種入雨安居。”第十[經]。

10. ‘‘Dvemā, bhikkhave, vassūpanāyikā. Katamā dve? Purimikā ca pacchimikā ca. Imā kho, bhikkhave, dve vassūpanāyikā’’ti. Dasamaṃ.
已對照

刑罰品第一。

Kammakaraṇavaggo paṭhamo.
PTS 1.52已對照

其攝頌——

罪過、精勤、二令熱惱,第五是已近知;

結、黑與白,行,與入雨安居為一品。

Tassuddānaṃ –
Vajjā padhānā dve tapanīyā, upaññātena pañcamaṃ;
Saṃyojanañca kaṇhañca, sukkaṃ cariyā vassūpanāyikena vaggo.