快乐巴利palinanda.cc

相应部 · 念处相应·未闻品 4. Ananussutavaggo

本经目录四、未闻品一、未闻经二、离贪经三、错失经四、已修习经五、念经六、究竟智经七、欲经八、遍知经九、修习经十、分别经未闻品第四。

已对照

四、未闻品

4. Ananussutavaggo
已对照

一、未闻经

1. Ananussutasuttaṃ
397PTS 5.179已对照

三百九十七、因缘在舍卫城。“诸比丘,‘这是于身的身随观’——我于前所未闻之法生起了眼,生起了智,生起了慧,生起了明,生起了光。诸比丘,‘而这于身的身随观应修习’——我……乃至……诸比丘,‘已修习’——我于前所未闻之法生起了眼,生起了智,生起了慧,生起了明,生起了光。”

397. Sāvatthinidānaṃ. ‘‘‘Ayaṃ kāye kāyānupassanā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Sā kho panāyaṃ kāye kāyānupassanā bhāvetabbā’ti me, bhikkhave…pe… bhāvitā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi’’.
缅 3.156已对照

“诸比丘,‘这是于诸受的受随观’——我于前所未闻之法生起了眼,生起了智,生起了慧,生起了明,生起了光。诸比丘,‘而这于诸受的受随观应修习’——我……乃至……诸比丘,‘已修习’——我于前所未闻之法生起了眼,生起了智,生起了慧,生起了明,生起了光。

‘‘‘Ayaṃ vedanāsu vedanānupassanā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Sā kho panāyaṃ vedanāsu vedanānupassanā bhāvetabbā’ti me, bhikkhave…pe… bhāvitā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
已对照

“诸比丘,‘这是于心的心随观’——我于前所未闻之法生起了眼,生起了智,生起了慧,生起了明,生起了光。诸比丘,‘而这于心的心随观应修习’——我……乃至……诸比丘,‘已修习’——我于前所未闻之法生起了眼,生起了智,生起了慧,生起了明,生起了光。

‘‘‘Ayaṃ citte cittānupassanā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Sā kho panāyaṃ citte cittānupassanā bhāvetabbā’ti me, bhikkhave…pe… bhāvitā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi.
已对照

“诸比丘,‘这是于诸法的法随观’——我于前所未闻之法生起了眼,生起了智,生起了慧,生起了明,生起了光。诸比丘,‘而这于诸法的法随观应修习’——我……乃至……诸比丘,‘已修习’——我于前所未闻之法生起了眼,生起了智,生起了慧,生起了明,生起了光。”第一[经]。

‘‘‘Ayaṃ dhammesu dhammānupassanā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Sā kho panāyaṃ dhammesu dhammānupassanā bhāvetabbā’ti me, bhikkhave…pe… bhāvitā’ti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādī’’ti. Paṭhamaṃ.
已对照

二、离贪经

2. Virāgasuttaṃ
398已对照

三百九十八、“诸比丘,这四念处若修习、多作,导向一向厌离、离贪、灭、寂静、证智、正觉、涅槃。

398. ‘‘Cattārome, bhikkhave, satipaṭṭhānā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saṃvattanti.
已对照

“哪四种呢?诸比丘,在此,比丘于身随观身而住,热勤、正知、具念,调伏世间的贪与忧;于诸受……乃至……于心……乃至……于诸法随观法而住,热勤、正知、具念,调伏世间的贪与忧。诸比丘,这四念处若修习、多作,导向一向厌离、离贪、灭、寂静、证智、正觉、涅槃。”第二[经]。

‘‘Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ime kho, bhikkhave, cattāro satipaṭṭhānā bhāvitā bahulīkatā ekantanibbidāya virāgāya nirodhāya upasamāya abhiññāya sambodhāya nibbānāya saṃvattantī’’ti. Dutiyaṃ.
已对照

三、错失经

3. Viraddhasuttaṃ
399PTS 5.180缅 3.157已对照

三百九十九、“诸比丘,凡任何人错失(viraddhā)了四念处,他们也就错失了正确导向苦之灭尽的圣道。诸比丘,凡任何人发起了四念处,他们也就发起了正确导向苦之灭尽的圣道。

399. ‘‘Yesaṃ kesañci, bhikkhave, cattāro satipaṭṭhānā viraddhā, viraddho tesaṃ ariyo maggo [ariyo aṭṭhaṅkiko maggo (ka.) imasmiṃ yeva sutte dissati aṭṭhaṅgikotipadaṃ, na panāññattha iddhipāda anuruddhādīsu] sammā dukkhakkhayagāmī. Yesaṃ kesañci, bhikkhave, cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī.
已对照

“哪四种呢?诸比丘,在此,比丘于身随观身而住,热勤、正知、具念,调伏世间的贪与忧;于诸受……乃至……于心……乃至……于诸法随观法而住,热勤、正知、具念,调伏世间的贪与忧。诸比丘,凡任何人错失了这四念处,他们也就错失了正确导向苦之灭尽的圣道。诸比丘,凡任何人发起了这四念处,他们也就发起了正确导向苦之灭尽的圣道。”第三[经]。

‘‘Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Yesaṃ kesañci, bhikkhave, ime cattāro satipaṭṭhānā viraddhā, viraddho tesaṃ ariyo maggo sammā dukkhakkhayagāmī. Yesaṃ kesañci, bhikkhave, ime cattāro satipaṭṭhānā āraddhā, āraddho tesaṃ ariyo maggo sammā dukkhakkhayagāmī’’ti. Tatiyaṃ.
已对照

四、已修习经

4. Bhāvitasuttaṃ
400已对照

四百、“诸比丘,这四念处若修习、多作,导向从此岸到彼岸。

400. ‘‘Cattārome, bhikkhave, satipaṭṭhānā bhāvitā bahulīkatā apārā pāraṃ gamanāya saṃvattanti.
已对照

“哪四种呢?诸比丘,在此,比丘于身随观身而住,热勤、正知、具念,调伏世间的贪与忧;于诸受……乃至……于心……乃至……于诸法随观法而住,热勤、正知、具念,调伏世间的贪与忧。诸比丘,这四念处若修习、多作,导向从此岸到彼岸。”第四[经]。

‘‘Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ime kho, bhikkhave, cattāro satipaṭṭhānā bhāvitā bahulīkatā apārā pāraṃ gamanāya saṃvattantī’’ti. Catutthaṃ.
已对照

五、念经

5. Satisuttaṃ
401已对照

四百零一、因缘在舍卫城。“诸比丘,比丘应当具念、正知而住,这是我们对你们的教诫。”

401. Sāvatthinidānaṃ. ‘‘Sato, bhikkhave, bhikkhu vihareyya sampajāno. Ayaṃ vo amhākaṃ anusāsanī’’.
缅 3.158已对照

“诸比丘,比丘如何是具念呢?诸比丘,在此,比丘于身随观身而住,热勤、正知、具念,调伏世间的贪与忧;于诸受……乃至……于心……乃至……于诸法随观法而住,热勤、正知、具念,调伏世间的贪与忧。诸比丘,这样,比丘就是具念。

‘‘Kathañca, bhikkhave, bhikkhu sato hoti? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Evaṃ kho, bhikkhave, bhikkhu sato hoti.
PTS 5.181已对照

“诸比丘,比丘如何是正知呢?诸比丘,在此,比丘的诸受是被了知地生起,被了知地现起,被了知地灭没;诸寻是被了知地生起,被了知地现起,被了知地灭没;诸想是被了知地生起,被了知地现起,被了知地灭没。诸比丘,这样,比丘就是正知。诸比丘,比丘应当具念、正知而住,这是我们对你们的教诫。”第五[经]。

‘‘Kathañca, bhikkhave, bhikkhu sampajāno hoti? Idha, bhikkhave, bhikkhuno viditā vedanā uppajjanti, viditā upaṭṭhahanti, viditā abbhatthaṃ gacchanti. Viditā vitakkā uppajjanti, viditā upaṭṭhahanti, viditā abbhatthaṃ gacchanti. Viditā saññā uppajjanti, viditā upaṭṭhahanti, viditā abbhatthaṃ gacchanti. Evaṃ kho, bhikkhave, bhikkhu sampajāno hoti. Sato, bhikkhave, bhikkhu vihareyya sampajāno. Ayaṃ vo amhākaṃ anusāsanī’’ti. Pañcamaṃ.
已对照

六、究竟智经

6. Aññāsuttaṃ
402已对照

四百零二、“诸比丘,有这四念处。哪四种呢?诸比丘,在此,比丘于身随观身而住,热勤、正知、具念,调伏世间的贪与忧;于诸受……乃至……于心……乃至……于诸法随观法而住,热勤、正知、具念,调伏世间的贪与忧。诸比丘,这就是四念处。诸比丘,由于这四念处已修习、已多作,两种果之一是可预期的——于现法中[得]究竟智,或若有余依,[得]阿那含性。”第六[经]。

402. ‘‘Cattārome, bhikkhave, satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ime kho, bhikkhave, cattāro satipaṭṭhānā. Imesaṃ kho, bhikkhave, catunnaṃ satipaṭṭhānānaṃ bhāvitattā bahulīkatattā dvinnaṃ phalānaṃ aññataraṃ phalaṃ pāṭikaṅkhaṃ – diṭṭheva dhamme aññā, sati vā upādisese anāgāmitā’’ti. Chaṭṭhaṃ.
已对照

七、欲经

7. Chandasuttaṃ
403已对照

四百零三、“诸比丘,有这四念处(satipaṭṭhāna)。哪四[念处]呢?诸比丘,在此,比丘于身随观身而住,热勤(ātāpī)、正知、具念,调伏世间的贪与忧(abhijjhādomanassa)。当他于身随观身而住时,凡对身的欲(chanda),那[欲]就被舍断。由于欲的舍断,不死(amata)已被作证。

403. ‘‘Cattārome, bhikkhave, satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Tassa kāye kāyānupassino viharato yo kāyasmiṃ chando so pahīyati. Chandassa pahānā amataṃ sacchikataṃ hoti.
已对照

“于诸受随观受而住,热勤、正知、具念,调伏世间的贪与忧。当他于诸受随观受而住时,凡对诸受的欲,那[欲]就被舍断。由于欲的舍断,不死已被作证。

‘‘Vedanāsu vedanānupassī viharati ātāpī sampajāno satimā, vineyya loke abhijjhādomanassaṃ. Tassa vedanāsu vedanānupassino viharato yo vedanāsu chando so pahīyati. Chandassa pahānā amataṃ sacchikataṃ hoti.
PTS 5.182缅 3.159已对照

“于心随观心而住,热勤、正知、具念,调伏世间的贪与忧。当他于心随观心而住时,凡对心的欲,那[欲]就被舍断。由于欲的舍断,不死已被作证。

‘‘Citte cittānupassī viharati ātāpī sampajāno satimā, vineyya loke abhijjhādomanassaṃ. Tassa citte cittānupassino viharato yo cittamhi chando so pahīyati. Chandassa pahānā amataṃ sacchikataṃ hoti.
已对照

“于诸法随观法而住,热勤、正知、具念,调伏世间的贪与忧。当他于诸法随观法而住时,凡对诸法的欲,那[欲]就被舍断。由于欲的舍断,不死已被作证。”第七[经]。

‘‘Dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Tassa dhammesu dhammānupassino viharato yo dhammesu chando so pahīyati. Chandassa pahānā amataṃ sacchikataṃ hotī’’ti. Sattamaṃ.
已对照

八、遍知经

8. Pariññātasuttaṃ
404已对照

四百零四、“诸比丘,有这四念处。哪四[念处]呢?诸比丘,在此,比丘于身随观身而住,热勤、正知、具念,调伏世间的贪与忧。当他于身随观身而住时,身已被遍知(pariññāta)。由于身已被遍知,不死已被作证。

404. ‘‘Cattārome, bhikkhave, satipaṭṭhānā. Katame cattāro? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ. Tassa kāye kāyānupassino viharato kāyo pariññāto hoti. Kāyassa pariññātattā amataṃ sacchikataṃ hoti.
已对照

“于诸受随观受而住,热勤、正知、具念,调伏世间的贪与忧。当他于诸受随观受而住时,诸受已被遍知。由于诸受已被遍知,不死已被作证。

‘‘Vedanāsu vedanānupassī viharati ātāpī sampajāno satimā, vineyya loke abhijjhādomanassaṃ. Tassa vedanāsu vedanānupassino viharato vedanā pariññātā honti. Vedanānaṃ pariññātattā amataṃ sacchikataṃ hoti.
已对照

“于心随观心而住,热勤、正知、具念,调伏世间的贪与忧。当他于心随观心而住时,心已被遍知。由于心已被遍知,不死已被作证。

‘‘Citte cittānupassī viharati ātāpī sampajāno satimā, vineyya loke abhijjhādomanassaṃ. Tassa citte cittānupassino viharato cittaṃ pariññātaṃ hoti. Cittassa pariññātattā amataṃ sacchikataṃ hoti.
已对照

“于诸法随观法而住,热勤、正知、具念,调伏世间的贪与忧。当他于诸法随观法而住时,诸法已被遍知。由于诸法已被遍知,不死已被作证。”第八[经]。

‘‘Dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Tassa dhammesu dhammānupassino viharato dhammā pariññātā honti. Dhammānaṃ pariññātattā amataṃ sacchikataṃ hotī’’ti. Aṭṭhamaṃ.
已对照

九、修习经

9. Bhāvanāsuttaṃ
405PTS 5.183缅 3.160已对照

四百零五、“诸比丘,我要为你们说四念处的修习。你们要谛听。”“诸比丘,什么是四念处的修习?诸比丘,在此,比丘于身随观身而住,热勤、正知、具念,调伏世间的贪与忧;于诸受……乃至……于心……乃至……于诸法随观法而住,热勤、正知、具念,调伏世间的贪与忧。诸比丘,这就是四念处的修习。”第九[经]。

405. ‘‘Catunnaṃ, bhikkhave, satipaṭṭhānānaṃ bhāvanaṃ desessāmi. Taṃ suṇātha’’. ‘‘Katamā, bhikkhave, catunnaṃ satipaṭṭhānānaṃ bhāvanā? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu…pe… citte…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Ayaṃ kho, bhikkhave, catunnaṃ satipaṭṭhānānaṃ bhāvanā’’ti. Navamaṃ.
已对照

十、分别经

10. Vibhaṅgasuttaṃ
406已对照

四百零六、“诸比丘,我要为你们说念处、念处的修习与导至念处修习之道。你们要谛听。”“诸比丘,什么是念处?诸比丘,在此,比丘于身随观身而住,热勤、正知、具念,调伏世间的贪与忧;于诸受随观受而住……乃至……于心随观心而住……乃至……于诸法随观法而住,热勤、正知、具念,调伏世间的贪与忧。诸比丘,这称为念处。”

406. ‘‘Satipaṭṭhānañca vo, bhikkhave, desessāmi satipaṭṭhānabhāvanañca satipaṭṭhānabhāvanāgāminiñca paṭipadaṃ. Taṃ suṇātha’’. ‘‘Katamañca, bhikkhave, satipaṭṭhānaṃ? Idha, bhikkhave, bhikkhu kāye kāyānupassī viharati ātāpī sampajāno satimā, vineyya loke abhijjhādomanassaṃ; vedanāsu vedanānupassī viharati…pe… citte cittānupassī viharati…pe… dhammesu dhammānupassī viharati ātāpī sampajāno satimā, vineyya loke abhijjhādomanassaṃ. Idaṃ vuccati, bhikkhave, satipaṭṭhānaṃ’’.
已对照

“诸比丘,什么是念处的修习?诸比丘,在此,比丘于身随观集法而住,于身随观坏灭法而住,于身随观集与坏灭法而住,热勤、正知、具念,调伏世间的贪与忧。于诸受随观集法而住……乃至……于心随观集法而住……于诸法随观集法而住,于诸法随观坏灭法而住,于诸法随观集与坏灭法而住,热勤、正知、具念,调伏世间的贪与忧。诸比丘,这称为念处的修习。

‘‘Katamā ca, bhikkhave, satipaṭṭhānabhāvanā? Idha, bhikkhave, bhikkhu samudayadhammānupassī kāyasmiṃ viharati, vayadhammānupassī kāyasmiṃ viharati, samudayavayadhammānupassī kāyasmiṃ viharati, ātāpī sampajāno satimā, vineyya loke abhijjhādomanassaṃ. Samudayadhammānupassī vedanāsu viharati…pe… samudayadhammānupassī citte viharati… samudayadhammānupassī dhammesu viharati, vayadhammānupassī dhammesu viharati, samudayavayadhammānupassī dhammesu viharati, ātāpī sampajāno satimā, vineyya loke abhijjhādomanassaṃ. Ayaṃ vuccati, bhikkhave, satipaṭṭhānabhāvanā.
已对照

“诸比丘,什么是导至念处修习之道?就是这八支圣道,即:正见、正思惟、正语、正业、正命、正精进、正念、正定。诸比丘,这称为导至念处修习之道。”第十[经]。

‘‘Katamā ca, bhikkhave, satipaṭṭhānabhāvanāgāminī paṭipadā? Ayameva ariyo aṭṭhaṅgiko maggo, seyyathidaṃ – sammādiṭṭhi, sammāsaṅkappo, sammāvācā, sammākammanto, sammāājīvo, sammāvāyāmo, sammāsati, sammāsamādhi. Ayaṃ vuccati, bhikkhave, satipaṭṭhānabhāvanāgāminī paṭipadā’’ti. Dasamaṃ.
已对照

未闻品第四。

Ananussutavaggo catuttho.
PTS 5.184缅 3.161已对照

其摄颂——

未闻、离贪,错失、修习、念;

究竟智、欲、遍知,修习以及分别。

Tassuddānaṃ –
Ananussutaṃ virāgo, viraddho bhāvanā sati;
Aññā chandaṃ pariññāya, bhāvanā vibhaṅgena cāti.