快乐巴利palinanda.cc

增支部 · 五集·荆棘林品 Tikaṇḍakīvaggo

本经目录(十五)五、荆棘林品一、轻蔑经二、违犯经三、沙兰达达经四、荆棘林经五、地狱经六、友经七、非善士施经八、善士施经九、第一时解脱经十、第二时解脱经荆棘林品第五。第三五十[经]完毕。

已对照

(十五)五、荆棘林品

(15) 5. Tikaṇḍakīvaggo
已对照

一、轻蔑经

1. Avajānātisuttaṃ
141已对照

一百四十一、“诸比丘,世间有这五种人存在、可得。哪五种[人]呢?施后轻蔑者,因共住而轻蔑者,张口即受者,轻浮者,迟钝、愚痴者。

141. ‘‘Pañcime, bhikkhave, puggalā santo saṃvijjamānā lokasmiṃ. Katame pañca? Datvā avajānāti, saṃvāsena avajānāti, ādheyyamukho [ādiyyamukho (sī.), ādeyyamukho (syā. kaṃ.), ādiyamukho (pī.) aṭṭhakathāya paṭhamasaṃvaṇṇanānurūpaṃ. pu. pa. 193 passitabbaṃ] hoti, lolo hoti, mando momūho hoti [mando hoti momūho (sī.)].
已对照

“诸比丘,人怎样是施后轻蔑的呢?诸比丘,在此,有人施与另一人衣、钵食、坐卧处、病缘药资具。他这样想:‘我施与,这人接受。’他施与之后便轻蔑那人。诸比丘,人就是这样施后轻蔑的。

‘‘Kathañca, bhikkhave, puggalo datvā avajānāti? Idha, bhikkhave, puggalo puggalassa deti cīvarapiṇḍapātasenāsanagilānappaccayabhesajjaparikkhāraṃ. Tassa evaṃ hoti – ‘ahaṃ demi; ayaṃ paṭiggaṇhātī’ti. Tamenaṃ datvā avajānāti. Evaṃ kho, bhikkhave, puggalo datvā avajānāti.
PTS 3.165缅 2.146已对照

“诸比丘,人怎样是因共住而轻蔑的呢?诸比丘,在此,有人与另一人共住两年或三年。他因共住而轻蔑那人。诸比丘,人就是这样因共住而轻蔑的。

‘‘Kathañca, bhikkhave, puggalo saṃvāsena avajānāti? Idha, bhikkhave, puggalo puggalena saddhiṃ saṃvasati dve vā tīṇi vā vassāni. Tamenaṃ saṃvāsena avajānāti. Evaṃ kho, bhikkhave, puggalo saṃvāsena avajānāti.
已对照

“诸比丘,人怎样是张口即受者呢?诸比丘,在此,有一类人,当他人的称赞或毁谤被说出时,他迅速就对那[话]信解。诸比丘,人就是这样是张口即受者。

‘‘Kathañca, bhikkhave, puggalo ādheyyamukho hoti? Idha, bhikkhave, ekacco puggalo parassa vaṇṇe vā avaṇṇe vā bhāsiyamāne taṃ khippaññeva adhimuccitā [adhimuccito (syā.)] hoti. Evaṃ kho, bhikkhave, puggalo ādheyyamukho hoti.
已对照

“诸比丘,人怎样是轻浮者呢?诸比丘,在此,有一类人信短暂、敬奉短暂、爱短暂、净信短暂。诸比丘,人就是这样是轻浮者。

‘‘Kathañca, bhikkhave, puggalo lolo hoti? Idha, bhikkhave, ekacco puggalo ittarasaddho hoti ittarabhattī ittarapemo ittarappasādo. Evaṃ kho, bhikkhave, puggalo lolo hoti.
已对照

“诸比丘,人怎样是迟钝、愚痴者呢?诸比丘,在此,有一类人不知善与不善法,不知有罪与无罪法,不知劣与胜法,不知黑白相对法。诸比丘,人就是这样是迟钝、愚痴者。诸比丘,这就是世间存在、可得的五种人。”第一[经]。

‘‘Kathañca, bhikkhave, puggalo mando momūho hoti? Idha, bhikkhave, ekacco puggalo kusalākusale dhamme na jānāti, sāvajjānavajje dhamme na jānāti, hīnappaṇīte dhamme na jānāti, kaṇhasukkasappaṭibhāge dhamme na jānāti. Evaṃ kho, bhikkhave, puggalo mando momūho hoti. Ime kho, bhikkhave, pañca puggalā santo saṃvijjamānā lokasmi’’nti. Paṭhamaṃ.
已对照

二、违犯经

2. Ārabhatisuttaṃ
142已对照

一百四十二、“诸比丘,世间有这五种人存在、可得。哪五种[人]呢?诸比丘,在此,有一类人既违犯,又有悔恨;他也不如实了知那心解脱、慧解脱——在其中他的那些已生起的恶不善法无余地灭去。

142. ‘‘Pañcime, bhikkhave, puggalā santo saṃvijjamānā lokasmiṃ. Katame pañca? Idha, bhikkhave, ekacco puggalo ārabhati ca vippaṭisārī ca hoti; tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
已对照

“诸比丘,又在此,有一类人违犯,[却]没有悔恨;他也不如实了知那心解脱、慧解脱——在其中他的那些已生起的恶不善法无余地灭去。

[pu. pa. 191] ‘‘Idha pana, bhikkhave, ekacco puggalo ārabhati, na vippaṭisārī hoti; tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
PTS 3.166已对照

“诸比丘,又在此,有一类人不违犯,[却]有悔恨;他也不如实了知那心解脱、慧解脱——在其中他的那些已生起的恶不善法无余地灭去。

‘‘Idha pana, bhikkhave, ekacco puggalo na ārabhati, vippaṭisārī hoti; tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
缅 2.147已对照

“诸比丘,又在此,有一类人不违犯,也没有悔恨;他也不如实了知那心解脱、慧解脱——在其中他的那些已生起的恶不善法无余地灭去。

‘‘Idha pana, bhikkhave, ekacco puggalo na ārabhati na vippaṭisārī hoti; tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti.
已对照

“诸比丘,又在此,有一类人不违犯,也没有悔恨;他如实了知那心解脱、慧解脱——在其中他的那些已生起的恶不善法无余地灭去。

‘‘Idha pana, bhikkhave, ekacco puggalo na ārabhati na vippaṭisārī hoti; tañca cetovimuttiṃ paññāvimuttiṃ yathābhūtaṃ pajānāti yatthassa te uppannā pāpakā akusalā dhammā aparisesā nirujjhanti.
已对照

“诸比丘,此中,那既违犯又有悔恨、也不如实了知那心解脱、慧解脱——在其中他的那些已生起的恶不善法无余地灭去的人,对他应当这样说:‘具寿有由违犯而生的诸漏,由悔恨而生的诸漏在增长。善哉,愿具寿舍断由违犯而生的诸漏、除遣由悔恨而生的诸漏,修习心与慧;这样,具寿将与那第五种人完全相等。’

‘‘Tatra, bhikkhave, yvāyaṃ puggalo ārabhati ca vippaṭisārī ca hoti, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti, so evamassa vacanīyo – ‘āyasmato kho ārambhajā [ārabbhajā (pī. ka.), ārabhajā (syā. kaṃ.)] āsavā saṃvijjanti, vippaṭisārajā āsavā pavaḍḍhanti [saṃvaḍḍhanti (ka.)], sādhu vatāyasmā ārambhaje āsave pahāya vippaṭisāraje āsave paṭivinodetvā cittaṃ paññañca bhāvetu [bhāvetuṃ (sī. pī.)]; evamāyasmā amunā pañcamena puggalena samasamo bhavissatī’’’ti.
已对照

“诸比丘,此中,那违犯[却]没有悔恨、也不如实了知那心解脱、慧解脱——在其中他的那些已生起的恶不善法无余地灭去的人,对他应当这样说:‘具寿有由违犯而生的诸漏,由悔恨而生的诸漏不在增长。善哉,愿具寿舍断由违犯而生的诸漏,修习心与慧;这样,具寿将与那第五种人完全相等。’

‘‘Tatra, bhikkhave, yvāyaṃ puggalo ārabhati na vippaṭisārī hoti, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti, so evamassa vacanīyo – ‘āyasmato kho ārambhajā āsavā saṃvijjanti, vippaṭisārajā āsavā na pavaḍḍhanti, sādhu vatāyasmā ārambhaje āsave pahāya cittaṃ paññañca bhāvetu; evamāyasmā amunā pañcamena puggalena samasamo bhavissatī’’’ti.
PTS 3.167已对照

“诸比丘,此中,那不违犯[却]有悔恨、也不如实了知那心解脱、慧解脱——在其中他的那些已生起的恶不善法无余地灭去的人,对他应当这样说:‘具寿没有由违犯而生的诸漏,由悔恨而生的诸漏在增长。善哉,愿具寿除遣由悔恨而生的诸漏,修习心与慧;这样,具寿将与那第五种人完全相等。’

‘‘Tatra, bhikkhave, yvāyaṃ puggalo na ārabhati vippaṭisārī hoti, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti, so evamassa vacanīyo – ‘āyasmato kho ārambhajā āsavā na saṃvijjanti, vippaṭisārajā āsavā pavaḍḍhanti, sādhu vatāyasmā vippaṭisāraje āsave paṭivinodetvā cittaṃ paññañca bhāvetu; evamāyasmā amunā pañcamena puggalena samasamo bhavissatī’’’ ti.
缅 2.148已对照

“诸比丘,此中,那不违犯也没有悔恨、也不如实了知那心解脱、慧解脱——在其中他的那些已生起的恶不善法无余地灭去的人,对他应当这样说:‘具寿没有由违犯而生的诸漏,由悔恨而生的诸漏不在增长。善哉,愿具寿修习心与慧;这样,具寿将与那第五种人完全相等。’

‘‘Tatra, bhikkhave, yvāyaṃ puggalo na ārabhati na vippaṭisārī hoti, tañca cetovimuttiṃ paññāvimuttiṃ yathābhūtaṃ nappajānāti yatthassa te uppannā pāpakā akusalā dhammā aparisesā nirujjhanti, so evamassa vacanīyo – ‘āyasmato kho ārambhajā āsavā na saṃvijjanti, vippaṭisārajā āsavā na pavaḍḍhanti, sādhu vatāyasmā cittaṃ paññañca bhāvetu; evamāyasmā amunā pañcamena puggalena samasamo bhavissatī’’’ti.
已对照

“诸比丘,如是,这四种人被那第五种人这样教诫、这样教导,便次第达到诸漏的灭尽。”第二[经]。

‘‘Iti kho, bhikkhave, ime cattāro puggalā amunā pañcamena puggalena evaṃ ovadiyamānā evaṃ anusāsiyamānā anupubbena āsavānaṃ khayaṃ pāpuṇantī’’ti [pu. pa. 191]. Dutiyaṃ.
已对照

三、沙兰达达经

3. Sārandadasuttaṃ
143已对照

一百四十三、一时,世尊住在毘舍离大林重阁讲堂。于是,世尊在上午穿好[下衣],取了钵与衣,进入毘舍离乞食。那时,约五百位离车人集坐会合于沙兰达达塔庙(Sārandada cetiya),生起了这样的谈论——“五种宝的出现在世间是难得的。哪五种[宝]呢?象宝的出现在世间是难得的,马宝的出现在世间是难得的,摩尼宝的出现在世间是难得的,女宝的出现在世间是难得的,居士宝的出现在世间是难得的。这五种宝的出现在世间是难得的。”

143. Ekaṃ samayaṃ bhagavā vesāliyaṃ viharati mahāvane kūṭāgārasālāyaṃ. Atha kho bhagavā pubbaṇhasamayaṃ nivāsetvā pattacīvaramādāya vesāliṃ piṇḍāya pāvisi. Tena kho pana samayena pañcamattānaṃ licchavisatānaṃ sārandade cetiye sannisinnānaṃ sannipatitānaṃ ayamantarākathā udapādi – ‘‘pañcannaṃ ratanānaṃ pātubhāvo dullabho lokasmiṃ. Katamesaṃ pañcannaṃ? Hatthiratanassa pātubhāvo dullabho lokasmiṃ, assaratanassa pātubhāvo dullabho lokasmiṃ, maṇiratanassa pātubhāvo dullabho lokasmiṃ, itthiratanassa pātubhāvo dullabho lokasmiṃ, gahapatiratanassa pātubhāvo dullabho lokasmiṃ. Imesaṃ pañcannaṃ ratanānaṃ pātubhāvo dullabho lokasmi’’nti.
PTS 3.168已对照

于是那些离车人在路上安置了一个人:“喂,你这人,你何时见到世尊,就告诉我们。”那人远远地看见世尊走来;看见之后,便来到那些离车人之处;到了之后,对那些离车人这样说——“尊者们,那位世尊、阿罗汉、正等正觉者正走来;现在正是你们认为适时的时候。”

Atha kho te licchavī magge purisaṃ ṭhapesuṃ [pesesuṃ (syā. ka.)] – ‘‘yadā tvaṃ [yathā tvaṃ (sī. pī.)], ambho purisa, passeyyāsi bhagavantaṃ, atha amhākaṃ āroceyyāsī’’ti. Addasā kho so puriso bhagavantaṃ dūratova āgacchantaṃ; disvāna yena te licchavī tenupasaṅkami; upasaṅkamitvā te licchavī etadavoca – ‘‘ayaṃ so, bhante, bhagavā gacchati arahaṃ sammāsambuddho; yassadāni kālaṃ maññathā’’ti.
已对照

于是那些离车人来到世尊之处;到了之后,礼敬世尊,站在一旁。站在一旁的那些离车人对世尊这样说——

Atha kho te licchavī yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ aṭṭhaṃsu. Ekamantaṃ ṭhitā kho te licchavī bhagavantaṃ etadavocuṃ –
缅 2.149已对照

“尊者,善哉,请[世尊]出于悲悯,前往沙兰达达塔庙。”世尊以默然表示接受。于是,世尊来到沙兰达达塔庙;到了之后,坐在敷设好的座位上。坐下之后,世尊对那些离车人这样说——“离车人们,你们现在共坐而作的是什么谈话?你们中断了的是什么谈论呢?”“尊者,在此,当我们集坐会合时,生起了这样的谈论:‘五种宝的出现在世间是难得的。哪五种[宝]呢?象宝的出现在世间是难得的,马宝的出现在世间是难得的,摩尼宝的出现在世间是难得的,女宝的出现在世间是难得的,居士宝的出现在世间是难得的。这五种宝的出现在世间是难得的。’”

‘‘Sādhu, bhante, yena sārandadaṃ cetiyaṃ tenupasaṅkamatu anukampaṃ upādāyā’’ti. Adhivāsesi bhagavā tuṇhībhāvena. Atha kho bhagavā yena sārandadaṃ cetiyaṃ tenupasaṅkami; upasaṅkamitvā paññatte āsane nisīdi. Nisajja kho bhagavā te licchavī etadavoca – ‘‘kāya nuttha, licchavī, etarahi kathāya sannisinnā, kā ca pana vo antarākathā vippakatā’’ti? ‘‘Idha, bhante, amhākaṃ sannisinnānaṃ sannipatitānaṃ ayamantarākathā udapādi – ‘pañcannaṃ ratanānaṃ pātubhāvo dullabho lokasmiṃ. Katamesaṃ pañcannaṃ? Hatthiratanassa pātubhāvo dullabho lokasmiṃ, assaratanassa pātubhāvo dullabho lokasmiṃ, maṇiratanassa pātubhāvo dullabho lokasmiṃ, itthiratanassa pātubhāvo dullabho lokasmiṃ, gahapatiratanassa pātubhāvo dullabho lokasmiṃ. Imesaṃ pañcannaṃ ratanānaṃ pātubhāvo dullabho lokasmi’’’nti.
PTS 3.169已对照

“唉,倾心于欲的离车人们,竟正是关于欲而生起了谈论!离车人们,五种宝的出现在世间是难得的。哪五种[宝]呢?如来、阿罗汉、正等正觉者的出现在世间是难得的;如来所宣说的法与律的宣说者在世间是难得的;如来所宣说、已被宣说的法与律的了知者在世间是难得的;了知如来所宣说、已被宣说的法与律[之后]法随法行的人在世间是难得的;知恩、感恩的人在世间是难得的。离车人们,这五种宝的出现在世间是难得的。”第三[经]。

‘‘Kāmādhimuttānaṃ vata, bho, licchavīnaṃ [kāmādhimuttānaṃ vata vo licchavīnaṃ (sī.), kāmādhimuttānaṃ vata vo licchavī (syā.), kāmādhimuttānaṃva vo licchavī (?)] kāmaṃyeva ārabbha antarākathā udapādi. Pañcannaṃ, licchavī, ratanānaṃ pātubhāvo dullabho lokasmiṃ. Katamesaṃ pañcannaṃ? Tathāgatassa arahato sammāsambuddhassa pātubhāvo dullabho lokasmiṃ, tathāgatappaveditassa dhammavinayassa desetā puggalo dullabho lokasmiṃ, tathāgatappaveditassa dhammavinayassa desitassa viññātā puggalo dullabho lokasmiṃ, tathāgatappaveditassa dhammavinayassa desitassa viññātā [viññātassa (sī. pī.) a. ni. 5.195] dhammānudhammappaṭipanno puggalo dullabho lokasmiṃ, kataññū katavedī puggalo dullabho lokasmiṃ. Imesaṃ kho, licchavī, pañcannaṃ ratanānaṃ pātubhāvo dullabho lokasmi’’nti. Tatiyaṃ.
已对照

四、荆棘林经

4. Tikaṇḍakīsuttaṃ
144已对照

一百四十四、一时,世尊住在娑鸡多荆棘林(Tikaṇḍakīvana)。在那里,世尊召唤诸比丘:“诸比丘。”“尊者。”那些比丘应诺世尊。世尊这样说——

144. Ekaṃ samayaṃ bhagavā sākete viharati tikaṇḍakīvane [kaṇḍakīvane (saṃ. ni. 5.902)]. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
缅 2.150已对照

“诸比丘,比丘时时于不可厌恶者住于厌恶想,这是好的。诸比丘,比丘时时于可厌恶者住于不厌恶想,这是好的。诸比丘,比丘时时于不可厌恶者与可厌恶者[二者]皆住于厌恶想,这是好的。诸比丘,比丘时时于可厌恶者与不可厌恶者[二者]皆住于不厌恶想,这是好的。诸比丘,比丘时时回避可厌恶与不可厌恶这二者,住于舍,具念、正知,这是好的。

‘‘Sādhu, bhikkhave, bhikkhu kālena kālaṃ appaṭikūle paṭikūlasaññī [appaṭikkūle paṭikkūlasaññī (sī. syā. kaṃ. pī.)] vihareyya. Sādhu, bhikkhave, bhikkhu kālena kālaṃ paṭikūle appaṭikūlasaññī vihareyya. Sādhu, bhikkhave, bhikkhu kālena kālaṃ appaṭikūle ca paṭikūle ca paṭikūlasaññī vihareyya. Sādhu, bhikkhave, bhikkhu kālena kālaṃ paṭikūle ca appaṭikūle ca appaṭikūlasaññī vihareyya. Sādhu, bhikkhave, bhikkhu kālena kālaṃ paṭikūlañca appaṭikūlañca tadubhayaṃ abhinivajjetvā upekkhako vihareyya sato sampajāno.
已对照

“诸比丘,比丘缘于什么道理而于不可厌恶者住于厌恶想呢?‘愿我不于可贪染的诸法生起贪。’——诸比丘,比丘正是缘于这个道理而于不可厌恶者住于厌恶想。

‘‘Kiñca [kathañca (sī. pī. ka.)], bhikkhave, bhikkhu atthavasaṃ paṭicca appaṭikūle paṭikūlasaññī vihareyya? ‘Mā me rajanīyesu dhammesu rāgo udapādī’ti – idaṃ kho, bhikkhave, bhikkhu atthavasaṃ paṭicca appaṭikūle paṭikūlasaññī vihareyya.
已对照

“诸比丘,比丘缘于什么道理而于可厌恶者住于不厌恶想呢?‘愿我不于可瞋的诸法生起瞋。’——诸比丘,比丘正是缘于这个道理而于可厌恶者住于不厌恶想。

‘‘Kiñca, bhikkhave, bhikkhu atthavasaṃ paṭicca paṭikūle appaṭikūlasaññī vihareyya? ‘Mā me dosanīyesu dhammesu doso udapādī’ti – idaṃ kho, bhikkhave, bhikkhu atthavasaṃ paṭicca paṭikūle appaṭikūlasaññī vihareyya.
PTS 3.170已对照

“诸比丘,比丘缘于什么道理而于不可厌恶者与可厌恶者[二者]皆住于厌恶想呢?‘愿我不于可贪染的诸法生起贪,愿我不于可瞋的诸法生起瞋。’——诸比丘,比丘正是缘于这个道理而于不可厌恶者与可厌恶者[二者]皆住于厌恶想。

‘‘Kiñca, bhikkhave, bhikkhu atthavasaṃ paṭicca appaṭikūle ca paṭikūle ca paṭikūlasaññī vihareyya? ‘Mā me rajanīyesu dhammesu rāgo udapādi, mā me dosanīyesu dhammesu doso udapādī’ti – idaṃ kho, bhikkhave, bhikkhu atthavasaṃ paṭicca appaṭikūle ca paṭikūle ca paṭikūlasaññī vihareyya.
已对照

“诸比丘,比丘缘于什么道理而于可厌恶者与不可厌恶者[二者]皆住于不厌恶想呢?‘愿我不于可瞋的诸法生起瞋,愿我不于可贪染的诸法生起贪。’——诸比丘,比丘正是缘于这个道理而于可厌恶者与不可厌恶者[二者]皆住于不厌恶想。

‘‘Kiñca, bhikkhave, bhikkhu atthavasaṃ paṭicca paṭikūle ca appaṭikūle ca appaṭikūlasaññī vihareyya? ‘Mā me dosanīyesu dhammesu doso udapādi, mā me rajanīyesu dhammesu rāgo udapādī’ti – idaṃ kho, bhikkhave, bhikkhu atthavasaṃ paṭicca paṭikūle ca appaṭikūle ca appaṭikūlasaññī vihareyya.
已对照

“诸比丘,比丘缘于什么道理而回避可厌恶与不可厌恶这二者,住于舍呢?‘具念、正知,愿我无论于何所缘、于何处所,都不于可贪染的诸法生起丝毫的贪;愿我无论于何所缘、于何处所,都不于可瞋的诸法生起丝毫的瞋;愿我无论于何所缘、于何处所,都不于可痴的诸法生起丝毫的痴。’——诸比丘,比丘正是缘于这个道理而回避可厌恶与不可厌恶这二者,住于舍,具念、正知。”第四[经]。

‘‘Kiñca, bhikkhave, bhikkhu atthavasaṃ paṭicca paṭikūlañca appaṭikūlañca tadubhayaṃ abhinivajjetvā upekkhako vihareyya? ‘Sato sampajāno mā me kvacani [kvacini (sī. syā. pī.)] katthaci kiñcanaṃ [kiñcana (sī. pī.)] rajanīyesu dhammesu rāgo udapādi, mā me kvacani katthaci kiñcanaṃ dosanīyesu dhammesu doso udapādi, mā me kvacani katthaci kiñcanaṃ mohanīyesu dhammesu moho udapādī’ti – idaṃ kho, bhikkhave, bhikkhu atthavasaṃ paṭicca paṭikūlañca appaṭikūlañca tadubhayaṃ abhinivajjetvā upekkhako vihareyya sato sampajāno’’ti. Catutthaṃ.
已对照

五、地狱经

5. Nirayasuttaṃ
145缅 2.151已对照

一百四十五、“诸比丘,具足五种法者,便如被取来放下[一般],就这样[堕]在地狱中。具足哪五种[法]呢?是杀生者,是取不与者,是欲邪行者,是虚妄语者,是住于谷酒、花果酒[等]酒类之放逸者。诸比丘,具足这五种法者,便如被取来放下[一般],就这样[堕]在地狱中。

145. ‘‘Pañcahi, bhikkhave, dhammehi samannāgato yathābhataṃ nikkhitto evaṃ niraye. Katamehi pañcahi? Pāṇātipātī hoti, adinnādāyī hoti, kāmesumicchācārī hoti, musāvādī hoti, surāmerayamajjapamādaṭṭhāyī hoti. Imehi kho, bhikkhave, pañcahi dhammehi samannāgato yathābhataṃ nikkhitto evaṃ niraye.
PTS 3.171已对照

“诸比丘,具足五种法者,便如被取来放下[一般],就这样[生]在天界中。具足哪五种[法]呢?离杀生,离不与取,离欲邪行,离虚妄语,离[导致]放逸之因的谷酒、花果酒[等]酒类。诸比丘,具足这五种法者,便如被取来放下[一般],就这样[生]在天界中。”第五[经]。

‘‘Pañcahi, bhikkhave, dhammehi samannāgato yathābhataṃ nikkhitto evaṃ sagge. Katamehi pañcahi? Pāṇātipātā paṭivirato hoti, adinnādānā paṭivirato hoti, kāmesumicchācārā paṭivirato hoti, musāvādā paṭivirato hoti, surāmerayamajjapamādaṭṭhānā paṭivirato hoti. Imehi kho, bhikkhave, pañcahi dhammehi samannāgato yathābhataṃ nikkhitto evaṃ sagge’’ti. Pañcamaṃ.
已对照

六、友经

6. Mittasuttaṃ
146已对照

一百四十六、“诸比丘,具足五种法的比丘友,不应当亲近。具足哪五种[法]呢?令人营作事业,取持诤事,与诸上首比丘对立,致力于长游行、无定止的游行而住,不能时时以法语开示、劝导、激励、令欢喜。诸比丘,具足这五种法的比丘友,不应当亲近。

146. ‘‘Pañcahi, bhikkhave, dhammehi samannāgato bhikkhu mitto na sevitabbo. Katamehi pañcahi? Kammantaṃ kāreti, adhikaraṇaṃ ādiyati, pāmokkhesu bhikkhūsu paṭiviruddho hoti, dīghacārikaṃ anavatthacārikaṃ [avatthānacārikaṃ (syā.)] anuyutto viharati, nappaṭibalo hoti kālena kālaṃ dhammiyā kathāya sandassetuṃ samādapetuṃ samuttejetuṃ sampahaṃsetuṃ. Imehi kho, bhikkhave, pañcahi dhammehi samannāgato bhikkhu mitto na sevitabbo.
已对照

“诸比丘,具足五种法的比丘友,应当亲近。具足哪五种[法]呢?不令人营作事业,不取持诤事,不与诸上首比丘对立,不致力于长游行、无定止的游行而住,能时时以法语开示、劝导、激励、令欢喜。诸比丘,具足这五种法的比丘友,应当亲近。”第六[经]。

‘‘Pañcahi, bhikkhave, dhammehi samannāgato bhikkhu mitto sevitabbo. Katamehi pañcahi? Na kammantaṃ kāreti, na adhikaraṇaṃ ādiyati, na pāmokkhesu bhikkhūsu paṭiviruddho hoti, na dīghacārikaṃ anavatthacārikaṃ anuyutto viharati, paṭibalo hoti kālena kālaṃ dhammiyā kathāya sandassetuṃ samādapetuṃ samuttejetuṃ sampahaṃsetuṃ. Imehi kho, bhikkhave, pañcahi dhammehi samannāgato bhikkhu mitto sevitabbo’’ti. Chaṭṭhaṃ.
已对照

七、非善士施经

7. Asappurisadānasuttaṃ
147已对照

一百四十七、“诸比丘,有这五种非善士施。哪五种[非善士施]呢?不恭敬地布施,不敬重地布施,不亲手布施,抛掷似地布施,无[果报]来临之见而布施。诸比丘,这就是五种非善士施。

147. ‘‘Pañcimāni, bhikkhave, asappurisadānāni. Katamāni pañca? Asakkaccaṃ deti, acittīkatvā [acittikatvā (pī.), acitiṃ katvā (syā.), acittiṃ katvā (ka.)] deti, asahatthā deti, apaviddhaṃ [apaviṭṭaṃ (syā. kaṃ.)] deti, anāgamanadiṭṭhiko deti. Imāni kho, bhikkhave, pañca asappurisadānāni.
PTS 3.172缅 2.152已对照

“诸比丘,有这五种善士施。哪五种[善士施]呢?恭敬地布施,敬重地布施,亲手布施,不抛掷似地布施,有[果报]来临之见而布施。诸比丘,这就是五种善士施。”第七[经]。

‘‘Pañcimāni, bhikkhave, sappurisadānāni. Katamāni pañca? Sakkaccaṃ deti, cittīkatvā deti, sahatthā deti, anapaviddhaṃ deti, āgamanadiṭṭhiko deti. Imāni kho, bhikkhave, pañca sappurisadānānī’’ti. Sattamaṃ.
已对照

八、善士施经

8. Sappurisadānasuttaṃ
148已对照

一百四十八、“诸比丘,有这五种善士施。哪五种[善士施]呢?以信而布施,恭敬地布施,适时布施,以无执取的心布施,不损害自己与他人而布施。

148. ‘‘Pañcimāni, bhikkhave, sappurisadānāni. Katamāni pañca? Saddhāya dānaṃ deti, sakkaccaṃ dānaṃ deti, kālena dānaṃ deti, anuggahitacitto [anaggahitacitto (sī.)] dānaṃ deti, attānañca parañca anupahacca dānaṃ deti.
已对照

“诸比丘,以信布施之后,那布施的异熟在何处生起,[他在那里]便是富裕、有大财富、大受用者,也是相貌俊美、令人喜见、令人净信、具足最上的容色之美者。

‘‘Saddhāya kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo, abhirūpo ca hoti dassanīyo pāsādiko paramāya vaṇṇapokkharatāya samannāgato.
已对照

“诸比丘,恭敬地布施之后,那布施的异熟在何处生起,[他在那里]便是富裕、有大财富、大受用者。凡他的那些称为儿子、妻子、奴仆、仆役或佣工的人,他们也愿意听闻,倾耳,安立心于了知。

‘‘Sakkaccaṃ kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo. Yepissa te honti puttāti vā dārāti vā dāsāti vā pessāti vā kammakarāti [kammakārāti (ka.)] vā, tepi sussūsanti sotaṃ odahanti aññā cittaṃ upaṭṭhapenti.
已对照

“诸比丘,适时布施之后,那布施的异熟在何处生起,[他在那里]便是富裕、有大财富、大受用者;并且他的诸财利适时而来,而且丰足。

‘‘Kālena kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo; kālāgatā cassa atthā pacurā honti.
已对照

“诸比丘,以无执取的心布施之后,那布施的异熟在何处生起,[他在那里]便是富裕、有大财富、大受用者;并且他的心倾向于受用殊胜的五欲功德。

‘‘Anuggahitacitto kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo; uḷāresu ca pañcasu kāmaguṇesu bhogāya cittaṃ namati.
PTS 3.173已对照

“诸比丘,不损害自己与他人而布施之后,那布施的异熟在何处生起,[他在那里]便是富裕、有大财富、大受用者;并且他的诸财富不会从任何地方遭受损害——无论从火、从水、从国王、从盗贼、从不可爱者,或从继承人。诸比丘,这就是五种善士施。”第八[经]。

‘‘Attānañca parañca anupahacca kho pana, bhikkhave, dānaṃ datvā yattha yattha tassa dānassa vipāko nibbattati, aḍḍho ca hoti mahaddhano mahābhogo; na cassa kutoci bhogānaṃ upaghāto āgacchati aggito vā udakato vā rājato vā corato vā appiyato vā dāyādato vā [appiyato vā dāyādato vā (sī. syā. kaṃ. pī.), appiyadāyādato vā (ka.)]. Imāni kho, bhikkhave, pañca sappurisadānānī’’ti. Aṭṭhamaṃ.
已对照

九、第一时解脱经

9. Paṭhamasamayavimuttasuttaṃ
149缅 2.153已对照

一百四十九、“诸比丘,有这五种法导向时解脱比丘的退失。哪五种[法]呢?乐着事务、乐着闲谈、乐着睡眠、乐着聚众、不省察如[其所]解脱的心。诸比丘,这五种法导向时解脱比丘的退失。

149. ‘‘Pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, saṅgaṇikārāmatā, yathāvimuttaṃ cittaṃ na paccavekkhati. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
已对照

“诸比丘,有这五种法导向时解脱比丘的不退失。哪五种[法]呢?不乐着事务、不乐着闲谈、不乐着睡眠、不乐着聚众、省察如[其所]解脱的心。诸比丘,这五种法导向时解脱比丘的不退失。”第九[经]。

‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, na saṅgaṇikārāmatā, yathāvimuttaṃ cittaṃ paccavekkhati. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Navamaṃ.
已对照

十、第二时解脱经

10. Dutiyasamayavimuttasuttaṃ
150已对照

一百五十、“诸比丘,有这五种法导向时解脱比丘的退失。哪五种[法]呢?乐着事务、乐着闲谈、乐着睡眠、于诸根不守护门、于食不知量。诸比丘,这五种法导向时解脱比丘的退失。

150. [kathā. 267] ‘‘Pañcime, bhikkhave, dhammā samayavimuttassa bhikkhuno parihānāya saṃvattanti. Katame pañca? Kammārāmatā, bhassārāmatā, niddārāmatā, indriyesu aguttadvāratā, bhojane amattaññutā. Ime kho, bhikkhave, pañca dhammā samayavimuttassa bhikkhuno parihānāya saṃvattanti.
PTS 3.174已对照

“诸比丘,有这五种法导向时解脱比丘的不退失。哪五种[法]呢?不乐着事务、不乐着闲谈、不乐着睡眠、于诸根守护门、于食知量。诸比丘,这五种法导向时解脱比丘的不退失。”第十[经]。

‘‘Pañcime, bhikkhave, dhammā samayavimuttassa bhikkhuno aparihānāya saṃvattanti. Katame pañca? Na kammārāmatā, na bhassārāmatā, na niddārāmatā, indriyesu guttadvāratā, bhojane mattaññutā. Ime kho, bhikkhave, pañca dhammā samayavimuttassa bhikkhuno aparihānāya saṃvattantī’’ti. Dasamaṃ.
已对照

荆棘林品第五。

Tikaṇḍakīvaggo pañcamo.
已对照

其摄颂——

施后轻蔑、违犯,沙兰达达、荆棘林与地狱;

友、非善士与善士,时解脱另两[经]。

Tassuddānaṃ –
Datvā avajānāti ārabhati ca, sārandada tikaṇḍa nirayena ca;
Mitto asappurisasappurisena, samayavimuttaṃ apare dveti.
已对照

第三五十[经]完毕。

Tatiyapaṇṇāsakaṃ samattaṃ.
4. Catutthapaṇṇāsakaṃ