快乐巴利palinanda.cc

论事·第二十品 Vīsatimavaggo (194) 1. Asañciccakathā

857已对照

二十、第二十品

(一百九十四)一、非故意论

八百五十七、非故意地夺了母亲的性命,成为无间[业]者吗?是的。非故意地杀了生物,成为杀生者吗?不应这样说……乃至……非故意地夺了母亲的性命,成为无间[业]者吗?是的。非故意地取了不与[之物]……乃至……说了妄语,成为妄语者吗?不应这样说……乃至……

非故意地杀了生物,不成为杀生者吗?是的。非故意地夺了母亲的性命,不成为无间[业]者吗?不应这样说……乃至……非故意地取了不与[之物]……乃至……说了妄语,不成为妄语者吗?是的。非故意地夺了母亲的性命,不成为无间[业]者吗?不应这样说……乃至……

857Asañcicca mātaraṃ jīvitā voropetvā ānantariko hotīti? Āmantā. Asañcicca pāṇaṃ hantvā pāṇātipātī hotīti? Na hevaṃ vattabbe…pe… asañcicca mātaraṃ jīvitā voropetvā ānantariko hotīti? Āmantā. Asañcicca adinnaṃ ādiyitvā…pe… musā bhaṇitvā musāvādī hotīti? Na hevaṃ vattabbe…pe…. Asañcicca pāṇaṃ hantvā pāṇātipātī na hotīti? Āmantā. Asañcicca mātaraṃ jīvitā voropetvā ānantariko na hotīti? Na hevaṃ vattabbe…pe… asañcicca adinnaṃ ādiyitvā…pe… musā bhaṇitvā musāvādī na hotīti? Āmantā. Asañcicca mātaraṃ jīvitā voropetvā ānantariko na hotīti? Na hevaṃ vattabbe…pe….
858已对照

八百五十八、非故意地夺了母亲的性命,成为无间[业]者吗?是的。“非故意地夺了母亲的性命,成为无间[业]者”——确有[这]经吗?没有。“故意地夺了母亲的性命,成为无间[业]者”——确有[这]经吗?是的。若“故意地夺了母亲的性命,成为无间[业]者”——确有[这]经,那么,喂,也就不应当这样说:“非故意地夺了母亲的性命,成为无间[业]者。”

858Asañcicca mātaraṃ jīvitā voropetvā ānantariko hotīti? Āmantā. ‘‘Asañcicca mātaraṃ jīvitā voropetvā ānantariko hotī’’ti – attheva suttantoti? Natthi. ‘‘Sañcicca mātaraṃ jīvitā voropetvā ānantariko hotī’’ti – attheva suttantoti? Āmantā. Hañci ‘‘sañcicca mātaraṃ jīvitā voropetvā ānantariko hotī’’ti – attheva suttanto, no ca vata re vattabbe – ‘‘asañcicca mātaraṃ jīvitā voropetvā ānantariko hotī’’ti.
859已对照

八百五十九、不应说“杀母者是无间[业]者”吗?是的。不是母亲的性命已被夺了吗?是的。若母亲的性命已被夺了,那么,喂,就应当这样说:“杀母者是无间[业]者。”

不应说“杀父者是无间[业]者”吗?是的。不是父亲的性命已被夺了吗?是的。若父亲的性命已被夺了,那么,喂,就应当这样说:“杀父者是无间[业]者。”

不应说“杀阿罗汉者是无间[业]者”吗?是的。不是阿罗汉的性命已被夺了吗?是的。若阿罗汉的性命已被夺了,那么,喂,就应当这样说:“杀阿罗汉者是无间[业]者。”

不应说“使[如来]出血者是无间[业]者”吗?是的。不是已使如来出了血吗?是的。若已使如来出了血,那么,喂,就应当这样说:“使[如来]出血者是无间[业]者。”

859Na vattabbaṃ – ‘‘mātughātako ānantariko’’ti? Āmantā. Nanu mātā jīvitā voropitāti? Āmantā. Hañci mātā jīvitā voropitā, tena vata re vattabbe – ‘‘mātughātako ānantariko’’ti. Na vattabbaṃ – ‘‘pitughātako ānantariko’’ti? Āmantā. Nanu pitā jīvitā voropitoti? Āmantā. Hañci pitā jīvitā voropito, tena vata re vattabbe – ‘‘pitughātako ānantariko’’ti. Na vattabbaṃ – ‘‘arahantaghātako ānantariko’’ti? Āmantā. Nanu arahā jīvitā voropitoti? Āmantā. Hañci arahā jīvitā voropito, tena vata re vattabbe – ‘‘arahantaghātako ānantariko’’ti. Na vattabbaṃ – ‘‘ruhiruppādako ānantariko’’ti? Āmantā. Nanu tathāgatassa lohitaṃ uppāditanti? Āmantā. Hañci tathāgatassa lohitaṃ uppāditaṃ, tena vata re vattabbe – ‘‘ruhiruppādako ānantariko’’ti.
860已对照

八百六十、破僧者是无间[业]者吗?是的。一切破僧者都是无间[业]者吗?不应这样说……乃至……一切破僧者都是无间[业]者吗?是的。作法想的破僧者是无间[业]者吗?不应这样说……乃至……

860Saṅghabhedako ānantarikoti? Āmantā. Sabbe saṅghabhedakā ānantarikāti? Na hevaṃ vattabbe…pe… sabbe saṅghabhedakā ānantarikāti? Āmantā. Dhammasaññī saṅghabhedako ānantarikoti? Na hevaṃ vattabbe…pe….
861已对照

八百六十一、作法想的破僧者是无间[业]者吗?是的。世尊不是说过吗:“优波离,有破僧者是堕恶趣者、堕地狱者、延续一劫者、不可救治者;优波离,有破僧者不是堕恶趣者、不是堕地狱者、不是延续一劫者、不是不可救治者。”确有[这]经吗?是的。那么,就不应说:“作法想的破僧者是无间[业]者。”

861Dhammasaññī saṅghabhedako ānantarikoti? Āmantā. Nanu vuttaṃ bhagavatā – ‘‘atthupāli, saṅghabhedako āpāyiko nerayiko kappaṭṭho atekiccho; atthupāli, saṅghabhedako na āpāyiko na nerayiko na kappaṭṭho na atekiccho’’ti! Attheva suttantoti? Āmantā. Tena hi na vattabbaṃ – ‘‘dhammasaññī saṅghabhedako ānantariko’’ti.
862已对照

八百六十二、不应说“作法想的破僧者是无间[业]者”吗?是的。世尊不是说过吗——

“破僧者是堕恶趣者、堕地狱者,延续一劫;

喜于分党、住于非法者,从瑜伽安稳退失;

破了和合的僧团之后,在地狱受煮一劫。”

确有[这]经吗?是的。那么,破僧者是无间[业]者。

862Na vattabbaṃ – ‘‘dhammasaññī saṅghabhedako ānantariko’’ti? Āmantā. Nanu vuttaṃ bhagavatā – ‘‘Āpāyiko nerayiko, kappaṭṭho saṅghabhedako; Vaggarato adhammaṭṭho, yogakkhemā padhaṃsati; Saṅghaṃ samaggaṃ bhetvāna, kappaṃ nirayamhi paccatī’’ti [cūḷava. 354; a. ni. 10.39; itivu. 18]. Attheva suttantoti? Āmantā. Tena hi saṅghabhedako ānantarikoti.
863已对照

非故意论终。

二十、第二十品

(一百九十五)二、智论

八百六十三、凡夫没有智吗?是的。凡夫没有慧、了知、简择、遍简择、择法、观察、近观察、别观察吗?不应这样说……乃至……不是凡夫有慧、了知、简择……乃至……别观察吗?是的。若凡夫有慧、了知、简择……乃至……别观察,那么,喂,也就不应当这样说:“凡夫没有智。”

863Natthi puthujjanassa ñāṇanti? Āmantā. Natthi puthujjanassa paññā pajānanā vicayo pavicayo dhammavicayo sallakkhaṇā upalakkhaṇā paccupalakkhaṇāti? Na hevaṃ vattabbe…pe… nanu atthi puthujjanassa paññā pajānanā vicayo…pe… paccupalakkhaṇāti? Āmantā. Hañci atthi puthujjanassa paññā pajānanā vicayo…pe… paccupalakkhaṇā, no ca vata re vattabbe – ‘‘natthi puthujjanassa ñāṇa’’nti.
864已对照

八百六十四、凡夫没有智吗?是的。凡夫会入初禅吗?是的。若凡夫会入初禅,那么,喂,也就不应当这样说:“凡夫没有智。”

凡夫[会入]第二禅……乃至……第三禅……乃至……第四禅……乃至……会入空无边处,识无边处、无所有处,会入非想非非想处,凡夫会布施……乃至……会施衣,会施钵食,会施坐卧处,会施病者所需的医药资具吗?是的。若凡夫会施病者所需的医药资具,那么,喂,也就不应当这样说:“凡夫没有智。”

864Natthi puthujjanassa ñāṇanti? Āmantā. Puthujjano paṭhamaṃ jhānaṃ samāpajjeyyāti? Āmantā. Hañci puthujjano paṭhamaṃ jhānaṃ samāpajjeyya, no ca vata re vattabbe – ‘‘natthi puthujjanassa ñāṇa’’nti. Puthujjano dutiyaṃ jhānaṃ…pe… tatiyaṃ jhānaṃ…pe… catutthaṃ jhānaṃ…pe… ākāsānañcāyatanaṃ samāpajjeyya, viññāṇañcāyatanaṃ ākiñcaññāyatanaṃ nevasaññānāsaññāyatanaṃ samāpajjeyya, puthujjano dānaṃ dadeyya …pe… cīvaraṃ dadeyya, piṇḍapātaṃ dadeyya, senāsanaṃ dadeyya, gilānapaccayabhesajjaparikkhāraṃ dadeyyāti? Āmantā. Hañci puthujjano gilānapaccayabhesajjaparikkhāraṃ dadeyya, no ca vata re vattabbe – natthi puthujjanassa ñāṇa’’nti.
865已对照

八百六十五、凡夫有智吗?是的。凡夫以那智遍知苦、舍断集、作证灭、修习道吗?不应这样说……乃至……

865Atthi puthujjanassa ñāṇanti? Āmantā. Puthujjano tena ñāṇena dukkhaṃ parijānāti, samudayaṃ pajahati, nirodhaṃ sacchikaroti, maggaṃ bhāvetīti? Na hevaṃ vattabbe…pe….
866已对照

智论终。

二十、第二十品

(一百九十六)三、狱卒论

八百六十六、诸地狱中没有狱卒吗?是的。诸地狱中没有刑罚吗?不应这样说……乃至……诸地狱中有刑罚吗?是的。诸地狱中有狱卒吗?不应这样说……乃至……

人间有刑罚,也有刑吏吗?是的。诸地狱中有刑罚,也有刑吏吗?不应这样说……乃至……诸地狱中有刑罚,却没有刑吏吗?是的。人间有刑罚,却没有刑吏吗?不应这样说……乃至……

866Natthi nirayesu nirayapālāti? Āmantā. Natthi nirayesu kammakāraṇāti? Na hevaṃ vattabbe…pe… atthi nirayesu kammakāraṇāti? Āmantā. Atthi nirayesu nirayapālāti? Na hevaṃ vattabbe…pe…. Atthi manussesu kammakāraṇā, atthi ca kāraṇikāti? Āmantā. Atthi nirayesu kammakāraṇā, atthi ca kāraṇikāti? Na hevaṃ vattabbe…pe… atthi nirayesu kammakāraṇā, natthi ca kāraṇikāti? Āmantā. Atthi manussesu kammakāraṇā, natthi ca kāraṇikāti? Na hevaṃ vattabbe…pe….
867已对照

八百六十七、诸地狱中有狱卒吗?是的。世尊不是说过吗——

“不是毗舍浮,也不是饿鬼王,

不是苏摩、阎摩与毗沙门天王;

从此被逐出、到了他世的人,是自己的诸业在那里击打[他]。”

确有[这]经吗?是的。那么,诸地狱中没有狱卒。

867Atthi nirayesu nirayapālāti? Āmantā. Nanu vuttaṃ bhagavatā – ‘‘Na vessabhū nopi ca pettirājā, Somo yamo vessavaṇo ca rājā; Sakāni kammāni hananti tattha, ito paṇunnaṃ [paṇuṇṇaṃ (syā. ka.), panunnaṃ (sī.)] paralokapatta’’nti. Attheva suttantoti? Āmantā. Tena hi natthi nirayesu nirayapālāti.
868已对照

八百六十八、诸地狱中没有狱卒吗?是的。世尊不是说过吗:“诸比丘,狱卒们对他施以名为五种系缚的刑罚:把烧红的铁钉[钉]入手中,把烧红的铁钉[钉]入另一只手中,把烧红的铁钉[钉]入脚中,把烧红的铁钉[钉]入另一只脚中,把烧红的铁钉[钉]入胸膛中央。他在那里感受苦的、剧的、辛辣的诸受;他也不会命终,直到那恶业终尽为止。”确有[这]经吗?是的。那么,诸地狱中有狱卒。

诸地狱中没有狱卒吗?是的。世尊不是说过吗:“诸比丘,狱卒们把他放倒,用斧头削他……乃至……诸比丘,狱卒们把他头下脚上地放置,用扁斧削他……乃至……诸比丘,狱卒们把他套在车上,在炽燃、燃烧、赫然发光的地上来回拖拉……乃至……诸比丘,狱卒们使他登上又走下炽燃、燃烧、赫然发光的大炭火山……乃至……诸比丘,狱卒们把他头下脚上地抓住,投入烧红的、炽燃、燃烧、赫然发光的铜镬中。他在那里如泡沫翻涌般被煮,他在那里如泡沫翻涌般被煮着,时而向上,时而向下,时而横去。他在那里感受苦的、剧的、辛辣的诸受;他也不会命终,直到那恶业终尽为止。诸比丘,狱卒们把他投入大地狱。诸比丘,而那大地狱——

“有四角、四门,按部分划分、度量;

以铁墙为界,以铁覆盖于上。

“它的地是铁所成,燃烧着,与火焰相合;

周遍一百由旬,恒常遍满而住。”

确有[这]经吗?是的。那么,诸地狱中有狱卒。

868Natthi nirayesu nirayapālāti? Āmantā. Nanu vuttaṃ bhagavatā – ‘‘tamenaṃ, bhikkhave, nirayapālā pañcavidhabandhanaṃ nāma kāraṇaṃ kārenti [karonti (ma. ni. 3.250; a. ni. 3.36)] – tattaṃ ayokhīlaṃ hatthe gamenti, tattaṃ ayokhīlaṃ dutiye hatthe gamenti, tattaṃ ayokhīlaṃ pāde gamenti, tattaṃ ayokhīlaṃ dutiye pāde gamenti, tattaṃ ayokhīlaṃ majjheurasmiṃ gamenti; so tattha dukkhā tibbā kaṭukā vedanā vedeti; na ca tāva kālaṃ karoti yāva na taṃ pāpakammaṃ byantīhotī’’ti [ma. ni. 3.250; a. ni. 3.36]! Attheva suttantoti? Āmantā. Tena hi atthi nirayesu nirayapālāti. Natthi nirayesu nirayapālāti? Āmantā. Nanu vuttaṃ bhagavatā – ‘‘tamenaṃ, bhikkhave, nirayapālā saṃvesetvā kuṭhārīhi [kudhārīhi (sabbattha)] tacchanti…pe… tamenaṃ, bhikkhave, nirayapālā uddhampādaṃ adhosiraṃ ṭhapetvā vāsīhi tacchanti…pe… tamenaṃ, bhikkhave, nirayapālā rathe yojetvā ādittāya pathaviyā sampajjalitāya sajotibhūtāya [sañjotibhūtāya (syā.)] sārentipi paccāsārentipi…pe… tamenaṃ, bhikkhave, nirayapālā mahantaṃ aṅgārapabbataṃ ādittaṃ sampajjalitaṃ sajotibhūtaṃ āropentipi oropentipi…pe… tamenaṃ, bhikkhave, nirayapālā uddhampādaṃ adhosiraṃ gahetvā tattāya lohakumbhiyā pakkhipanti ādittāya sampajjalitāya sajotibhūtāya. So tattha pheṇuddehakaṃ paccati, so tattha pheṇuddehakaṃ paccamāno sakimpi uddhaṃ gacchati, sakimpi adho gacchati, sakimpi tiriyaṃ gacchati. So tattha dukkhā tibbā kaṭukā vedanā vedayati, na ca tāva kālaṃ karoti yāva na taṃ pāpakammaṃ byantīhoti. Tamenaṃ, bhikkhave, nirayapālā mahāniraye pakkhipanti! So kho pana, bhikkhave, mahānirayo – ‘‘Catukkaṇṇo catudvāro, vibhatto bhāgaso mito; Ayopākārapariyanto, ayasā paṭikujjito. ‘‘Tassa ayomayā bhūmi, jalitā tejasā yutā; Samantā yojanasataṃ, pharitvā tiṭṭhati sabbadā’’ti [ma. ni. 3.250; a. ni. 3.36; pe. va. 71]. Attheva suttantoti? Āmantā. Tena hi atthi nirayesu nirayapālāti.
869已对照

狱卒论终。

二十、第二十品

(一百九十七)四、天中畜生论

八百六十九、诸天中有畜生吗?是的。诸畜生中有天吗?不应这样说……乃至……诸天中有畜生吗?是的。天界是畜生胎吗?不应这样说……乃至……诸天中有畜生吗?是的。那里有虫、蛾、蚊、蝇、蛇、蝎、蜈蚣、蚯蚓吗?不应这样说……乃至……

869Atthi devesu tiracchānagatāti? Āmantā. Atthi tiracchānagatesu devāti? Na hevaṃ vattabbe…pe… atthi devesu tiracchānagatāti? Āmantā. Devaloko tiracchānayonīti? Na hevaṃ vattabbe…pe… atthi devesu tiracchānagatāti? Āmantā. Atthi tattha kīṭā paṭaṅgā makasā makkhikā ahī vicchikā satapadī gaṇḍuppādāti [gaṇḍupādāti (syā. kaṃ. pī.)]? Na hevaṃ vattabbe…pe….
870已对照

八百七十、诸天中没有畜生吗?是的。不是那里有名叫伊罗婆那的象、千[马]所驾的天车吗?是的。若那里有名叫伊罗婆那的象、千[马]所驾的天车,那么,喂,就应当这样说:“诸天中有畜生。”

870Natthi devesu tiracchānagatāti? Āmantā. Nanu atthi tattha erāvaṇo nāma hatthināgo sahassayuttaṃ dibbaṃ yānanti? Āmantā. Hañci atthi tattha erāvaṇo nāma hatthināgo sahassayuttaṃ dibbaṃ yānaṃ, tena vata re vattabbe – ‘‘atthi devesu tiracchānagatā’’ti.
871已对照

八百七十一、诸天中有畜生吗?是的。那里有缚象者、缚马者、给麦者、调教者、煮食者吗?不应这样说。那么,诸天中没有畜生。

871Atthi devesu tiracchānagatāti? Āmantā. Atthi tattha hatthibandhā assabandhā [hatthibhaṇḍā assabhaṇḍā (?)] yāvasikā kāraṇikā bhattakārakāti? Na hevaṃ vattabbe. Tena hi natthi devesu tiracchānagatāti.
872已对照

天中畜生论终。

二十、第二十品

(一百九十八)五、道论

八百七十二、道是五支的吗?是的。不是世尊说了八支道,即:正见……乃至……正定吗?是的。若世尊说了八支道,即:正见……乃至……正定,那么,喂,也就不应当这样说:“道是五支的。”

道是五支的吗?是的。世尊不是说过吗——

“诸道中八支[道]最胜,诸谛中四句[最胜];

诸法中离贪最胜,两足者中具眼者[最胜]。”

确有[这]经吗?是的。那么,道是八支的。

872Pañcaṅgiko maggoti? Āmantā. Nanu aṭṭhaṅgiko maggo vutto bhagavatā, seyyathidaṃ – sammādiṭṭhi…pe… sammāsamādhīti? Āmantā. Hañci aṭṭhaṅgiko maggo vutto bhagavatā, seyyathidaṃ – sammādiṭṭhi …pe… sammāsamādhi, no ca vata re vattabbe – ‘‘pañcaṅgiko maggo’’ti. Pañcaṅgiko maggoti? Āmantā. Nanu vuttaṃ bhagavatā – ‘‘Maggānaṃ aṭṭhaṅgiko seṭṭho, saccānaṃ caturo padā; Virāgo seṭṭho dhammānaṃ, dvipadānañca cakkhumā’’ti [dha. pa. 273 dhammapade]. Attheva suttantoti? Āmantā. Tena hi aṭṭhaṅgiko maggoti.
873已对照

八百七十三、正语是道支,而它不是道吗?是的。正见是道支,而它不是道吗?不应这样说……乃至……正语是道支,而它不是道吗?是的。正思惟……乃至……正精进……乃至……正念……乃至……正定是道支,而它不是道吗?不应这样说……乃至……

正业……乃至……正命是道支,而它不是道吗?是的。正见……乃至……正定是道支,而它不是道吗?不应这样说……乃至……

正见是道支,而它是道吗?是的。正语是道支,而它是道吗?不应这样说……乃至……正见是道支,而它是道吗?是的。正业……乃至……正命是道支,而它是道吗?不应这样说……乃至……

正思惟……乃至……正精进……乃至……正念……乃至……正定是道支,而它是道吗?是的。正语……乃至……正业……乃至……正命是道支,而它是道吗?不应这样说……乃至……

873Sammāvācā maggaṅgaṃ, sā ca na maggoti? Āmantā. Sammādiṭṭhi maggaṅgaṃ, sā ca na maggoti? Na hevaṃ vattabbe…pe… sammāvācā maggaṅgaṃ, sā ca na maggoti? Āmantā. Sammāsaṅkappo…pe… sammāvāyāmo…pe… sammāsati…pe… sammāsamādhi maggaṅgaṃ, so ca na maggoti? Na hevaṃ vattabbe…pe…. Sammākammanto…pe… sammāājīvo maggaṅgaṃ, so ca na maggoti? Āmantā. Sammādiṭṭhi…pe… sammāsamādhi maggaṅgaṃ, so ca na maggoti? Na hevaṃ vattabbe…pe…. Sammādiṭṭhi maggaṅgaṃ, sā ca maggoti? Āmantā. Sammāvācā maggaṅgaṃ, sā ca maggoti? Na hevaṃ vattabbe…pe… sammādiṭṭhi maggaṅgaṃ, sā ca maggoti? Āmantā. Sammākammanto…pe… sammāājīvo maggaṅgaṃ, so ca maggoti? Na hevaṃ vattabbe…pe…. Sammāsaṅkappo…pe… sammāvāyāmo…pe… sammāsati…pe… sammāsamādhi maggaṅgaṃ, so ca maggoti? Āmantā. Sammāvācā…pe… sammākammanto…pe… sammāājīvo maggaṅgaṃ, so ca maggoti? Na hevaṃ vattabbe…pe….
874已对照

八百七十四、圣道是八支的吗?是的。世尊不是说过吗:“而他的身业、语业、活命先前就已善清净;如是,他的这八支圣道达到修习圆满。”确有[这]经吗?是的。那么,道是五支的。

874Ariyo aṭṭhaṅgiko maggoti? Āmantā. Nanu vuttaṃ bhagavatā – ‘‘pubbeva kho panassa kāyakammaṃ vacīkammaṃ ājīvo suparisuddho hoti; evamassāyaṃ ariyo aṭṭhaṅgiko maggo bhāvanāpāripūriṃ gacchatī’’ti [ma. ni. 3.431]! Attheva suttantoti? Āmantā. Tena hi pañcaṅgiko maggoti.
875已对照

八百七十五、道是五支的吗?是的。世尊不是说过吗:“须跋陀,凡在哪一个法与律中不能得到八支圣道,那里也就不能得到沙门,那里也不能得到第二沙门,那里也不能得到第三沙门,那里也不能得到第四沙门。须跋陀,凡在哪一个法与律中能得到八支圣道,那里就能得到沙门,那里也能得到第二……乃至……第三……乃至……那里也能得到第四沙门。须跋陀,在这个法与律中能得到八支圣道;须跋陀,正是在这里有沙门,这里有第二沙门,这里有第三沙门,这里有第四沙门——他人的异论空无其他诸沙门。”确有[这]经吗?是的。那么,道是八支的。

875Pañcaṅgiko maggoti? Āmantā. Nanu vuttaṃ bhagavatā – ‘‘yasmiṃ kho, subhadda, dhammavinaye ariyo aṭṭhaṅgiko maggo na upalabbhati, samaṇopi tattha na upalabbhati, dutiyopi tattha samaṇo na upalabbhati, tatiyopi tattha samaṇo na upalabbhati, catutthopi tattha samaṇo na upalabbhati. Yasmiñca kho, subhadda, dhammavinaye ariyo aṭṭhaṅgiko maggo upalabbhati, samaṇopi tattha upalabbhati, dutiyopi…pe… tatiyopi…pe… catutthopi tattha samaṇo upalabbhati. Imasmiṃ kho, subhadda, dhammavinaye ariyo aṭṭhaṅgiko maggo upalabbhati. Idheva, subhadda, samaṇo, idha dutiyo samaṇo, idha tatiyo samaṇo, idha catuttho samaṇo. Suññā parappavādā samaṇebhi aññehī’’ti [dī. ni. 2.214]! Attheva suttantoti? Āmantā. Tena hi aṭṭhaṅgiko maggoti.
876已对照

道论终。

二十、第二十品

(一百九十九)六、智论

八百七十六、具十二事的智是出世间的吗?是的。有十二种出世间智吗?不应这样说……乃至……有十二种出世间智吗?是的。有十二种须陀洹道吗?不应这样说……乃至……有十二种须陀洹道吗?是的。有十二种须陀洹果吗?不应这样说……乃至……有十二种斯陀含道……乃至……阿那含道……乃至……阿罗汉道吗?不应这样说……乃至……有十二种阿罗汉道吗?是的。有十二种阿罗汉果吗?不应这样说……乃至……

876Dvādasavatthukaṃ ñāṇaṃ lokuttaranti? Āmantā. Dvādasa lokuttarañāṇānīti? Na hevaṃ vattabbe…pe… dvādasa lokuttarañāṇānīti? Āmantā. Dvādasa sotāpattimaggāti? Na hevaṃ vattabbe…pe… dvādasa sotāpattimaggāti? Āmantā. Dvādasa sotāpattiphalānīti? Na hevaṃ vattabbe…pe… dvādasa sakadāgāmimaggā…pe… anāgāmimaggā…pe… arahattamaggāti? Na hevaṃ vattabbe…pe… dvādasa arahattamaggāti? Āmantā. Dvādasa arahattaphalānīti? Na hevaṃ vattabbe…pe….
877已对照

八百七十七、不应说“具十二事的智是出世间的”吗?是的。世尊不是说过吗:“诸比丘,‘此是苦圣谛’——我于前所未闻之法生起了眼,生起了智,生起了慧,生起了明,生起了光。诸比丘,‘这苦圣谛应遍知’——我……乃至……诸比丘,‘已遍知’——我……乃至……诸比丘,‘此是苦集圣谛’——我……乃至……诸比丘,‘这苦集圣谛应舍断’——我……乃至……诸比丘,‘已舍断’——我……乃至……诸比丘,‘此是苦灭圣谛’——我……乃至……诸比丘,‘这苦灭圣谛应作证’——我……乃至……诸比丘,‘已作证’——我……乃至……诸比丘,‘此是导至苦灭之道圣谛’——我……乃至……诸比丘,‘这导至苦灭之道圣谛应修习’——我……乃至……诸比丘,‘已修习’——我于前所未闻之法生起了眼……乃至……生起了光。”确有[这]经吗?是的。那么,具十二事的智是出世间的。

877Na vattabbaṃ – ‘‘dvādasavatthukaṃ ñāṇaṃ lokuttara’’nti? Āmantā. Nanu vuttaṃ bhagavatā – ‘‘idaṃ dukkhaṃ ariyasacca’’nti me, bhikkhave, pubbe ananussutesu dhammesu cakkhuṃ udapādi, ñāṇaṃ udapādi, paññā udapādi, vijjā udapādi, āloko udapādi. ‘Taṃ kho panidaṃ dukkhaṃ ariyasaccaṃ pariññeyya’nti me, bhikkhave…pe… pariññātanti me, bhikkhave…pe… ‘idaṃ dukkhasamudayaṃ [dukkhasamudayo (syā. kaṃ. pī.)] ariyasacca’nti me, bhikkhave…pe… ‘taṃ kho panidaṃ dukkhasamudayaṃ ariyasaccaṃ pahātabba’nti me, bhikkhave…pe… pahīnanti me, bhikkhave…pe… ‘idaṃ dukkhanirodhaṃ [dukkhanirodhā (syā. kaṃ. pī.)] ariyasacca’nti me, bhikkhave…pe… ‘taṃ kho panidaṃ dukkhanirodhaṃ ariyasaccaṃ sacchikātabba’nti me, bhikkhave…pe… sacchikatanti me, bhikkhave…pe… ‘idaṃ dukkhanirodhagāminī paṭipadā ariyasacca’nti me, bhikkhave…pe… ‘taṃ kho panidaṃ dukkhanirodhagāminī paṭipadā ariyasaccaṃ bhāvetabba’nti me, bhikkhave…pe… bhāvitanti me, bhikkhave, pubbe ananussutesu dhammesu cakkhuṃ udapādi…pe… āloko udapādī’’ti [mahāva. 15; saṃ. ni. 5.1081; paṭi. ma. 2.30]! Attheva suttantoti? Āmantā. Tena hi dvādasavatthukaṃ ñāṇaṃ lokuttaranti.
877已对照

智论终。

第二十品。

其摄颂——

杀母者是无间[业]者,杀父者是无间[业]者,杀阿罗汉者是无间[业]者,使[如来]出血者是无间[业]者,破僧者是无间[业]者,凡夫没有智,诸地狱中没有狱卒,诸天中有畜生,道是五支的,具十二事的智是出世间的。

877Tassuddānaṃ – Mātughātako ānantariko pitughātako ānantariko arahantaghātako ānantariko ruhiruppādako ānantariko saṅghabhedako ānantariko, natthi puthujjanassa ñāṇaṃ, natthi nirayesu nirayapālā, atthi devesu tiracchānagatā, pañcaṅgiko maggo, dvādasavatthukaṃ ñāṇaṃ lokuttaranti.
877已对照

第四五十[论]。

其摄颂——

抑制、福积聚、住,以及过去、杀母者。

877Tassuddānaṃ – Niggaho, puññasañcayo, aṭṭhāsi, atītena ca mātughātako.